ہینوور کی جانب سے واحد گول میچ کے پہلے حصے میں کیا گیا۔ ہینوور کی ٹیم گزشتہ آٹھ میچوں میں اچھی کارکردگی نہ دکھا سکی اور وہ ان میں سے ایک بھی میچ نہ جیت سکی۔ جمعے کے روز کھیلے جانے والے میچ میں جیت کے بعد اس کی شکست  اور میچ ڈرا کرنے کا سلسلہ رک گیا۔ نیورمبرگ کے خلاف فتح کے بعد ہینوور کو تین پوائنٹس مل گئے ہیں۔

میچ جیتنے کے بعد ہینوور کے کوچ مرکو زلوکا نے کہا کہ میچ میں جیت کے پیچھے قسمت کا دخل بھی تھا تاہم آٹھ میچوں میں کامیابی حاصل نہ کرنے کے بعد انہیں قسمت کی بھی ضرورت تھی۔

نیورمبرگ کے کوچ ڈائیٹر ہیکنگ نے میچ میں اپنی ٹیم کی کارکردگی پر تبصرہ کرتے ہوئے کہا کہ ان کی ٹیم نے اچھی پرفارمنس نہیں دی اور یہ کہ وہ اس میچ میں جیت کے مستحق نہیں تھے۔

گزشتہ برس تئیس اکتوبر کو بائرن میونخ کے خلاف دو ایک کی جیت کے بعد یہ ہینوور کی یہ پہلی فتح ہے۔ لیگ کے اس میچ میں جیت کے بعد ہینوور لیگ ٹیبل پر ساتویں نمبر پر آ گئی ہے۔

لیگ میں سر فہرست ٹیمیں، میونخ، ڈورٹمنڈ اور شالکے آج ہفتے کے روز اپنے میچ کھیلں گی۔ یہ تمام میچ انتہائی اہمیت کے حامل ہیں کیونکہ تینوں ٹیموں کے لیگ ٹیبل پر یکساں پوائنٹس ہیں اور بائرن میونخ کو صرف گول اوسط کی بنیاد پر ہی برتری حاصل ہے، تاہم آج کے میچ یہ طے کریں گے کہ بنڈس لیگا میں فی الوقت سر فہرست مقام کس ٹیم کو نصیب ہوتا ہے۔

رپورٹ: شامل شمس ⁄  خبر رساں ادارے

ادارت: عاطف بلوچ