کنول کے پھولوں سے بھری ہوئی یہ جھیل اجیر پور سب ڈسٹرکٹ کے گاؤں ساتھلا میں واقع ہے۔ ساتھلا میں ایسی کئی جھیلیں ہیں جنہیں آج کل گلابی پھولوں نے اسی طرح ڈھک رکھا ہے۔

ساتھلا گاؤں کی جھیلوں میں افراط میں کھلے کنول کے پھولوں کو دیکھنے کے لیے ڈھاکا سے باریشال شہر پہنچنا ہوتا ہے اور وہاں سے ساتھلا گاؤں تک کا راستہ آٹو رکشہ کے ذریعے طے کیا جاتا ہے۔

پھولوں کے حسن کا دل بھر کے نظارہ کرنا ہے تو پھر صبح سویرے جانا ہو گا۔ جیسے جیسے دن ڈھلتا ہے پھول کم ہوتے جاتے ہیں کیونکہ تب تک مقامی لوگ انہیں توڑ کر لے جا چکے ہوتے ہیں۔

جھیل میں چھوٹی چھوٹی کشتیاں جا بجا نظر آتی ہیں۔ مقامی لوگ سیاحوں کو ایک کنارے سے دوسرے کنارے تک جھیل کی سیر کراتے ہیں جو اُن کی کمائی کا ذریعہ بھی ہے۔

یہ پودے نہ صرف مقامی کسانوں کو ایک دل لبھانے والی خوبصورتی سے محظوظ ہونے کا موقع دیتے ہیں بلکہ اُن کے لیے آمدنی کا ذریعہ بھی ہیں۔

بہت سے کسان یہاں کھلنے والے کنول کے پھولوں کو مقامی بازاروں میں بطور سبزی بیچنے کے لیے جمع کرتے ہیں۔ ان پھولوں کو پکایا بھی جاتا ہے۔

نہ صرف یہ پھول مقامی آبادی کو روزگار فراہم کرتے ہیں بلکہ اسی سیزن میں جھیل میں مچھلیاں بھی پائی جاتی ہیں۔ یہ مچھلیاں بھی نہ صرف بازار میں فروخت کی جاتی ہیں بلکہ گاؤں والوں کی خوراک کا ایک ذریعہ بھی بن جاتی ہیں۔

کنول کھلنے کے موسم میں تو مقامی لوگوں کا گزارہ انہیں بیچ کر اور کھانے میں استعمال کر کے ہو جاتا ہے۔ دیگر موسموں میں یہاں کے لوگ کھیتی باڑی اور مویشی بانی کے ذریعے گزر بسر کرتے ہیں۔

ایک پھولوں کا گچھہ جس میں پندرہ سے بیس پھول ہوتے ہیں، تین سے پانچ ٹکوں میں فروخت ہوتا ہے۔ پھولوں کو توڑنے میں صرف بڑے لوگ ہی نہیں بلکہ گاؤں کے بچے بھی بہت ذوق وشوق سے حصہ لیتے ہیں۔ یہ کام اُن کے لیے کھیل بھی ہے اور پیسے کمانے کا ذریعہ بھی۔

ساتھلا گاؤں کی کنول کے پھولوں سے مرصّع جھیلوں کو بنگلہ دیش بھر سے سیاح دیکھنے آتے ہیں۔ تاہم بنگلہ دیش کے محکمہ سیاحت نے ابھی تک ان سیاحوں کے ٹھہرنے کے لیے ہوٹل اور جھیل تک پہنچنے کے لیے ٹرانسپورٹ کا کوئی بندوبست نہیں کیا ہے۔

سندر بن خلیج بنگال کے ساحلی علاقے کے ساتھ ساتھ پھیلا ہوا گھنا جنگل ہے۔ اسے دنیا کے عجائبات میں شمار کیا جاتا ہے۔ یونیسکو نے اسے سن انیس سو ستانوے میں عالمی ثقافتی ورثے میں شامل کیا تھا۔ بنگالی چیتوں سمیت سندر بن کو جنگلی حیات کے لیے محفوظ ترین جنگلات میں شمار کیا جاتا ہے۔ بارش کے موسم میں یہاں کے نظارے قابلِ دید ہوتے ہیں۔

بنگلہ دیش میں جھالا کاٹھی کے علاقے میں واقع یہ بازار اپنی مثال آپ ہے۔ مقامی دریا سے نکلنے والی نہر میں قائم کی اس مارکیٹ میں کشتیوں پر پھل اور سبزیاں بیچی جاتی ہیں۔ ارد گرد کے علاقے میں تاہم امرود کے باغات ہونے کے باعث یہاں امرود کی فروخت بڑے پیمانے پر کی جاتی ہے۔ برسات کے موسم میں پانی زیادہ ہونے سے کشتیوں پر کاروبار زیادہ ہوتا ہے اس لیے اس تیرتی ہوئی مارکیٹ کی رونق بھی بڑھ جاتی ہے۔

بنگلہ دیش کے صنم گنج ضلع میں واقع ٹانگوا جھیل فطری حسن سے مالا مال ہے۔ خشک سالی ہو تو اس جھیل میں اتنا پانی نہیں ہوتا لیکن ساون جب دھوم مچاتا ہے تو یہاں دور دور تک پانی ہی پانی نظر آتا ہے۔

یہ بنگلہ دیش کا سب سے پہلا اور بڑا چائے کا باغ ہے۔ یہاں کی سبز چائے سب سے زیادہ سیاحوں کو اپنی طرف متوجہ کرتی ہے۔ یہاں ایک سو پچاس سے زیادہ اقسام کی چائے پیدا ہوتی ہے۔ برسات میں یہ باغ اور بھی ہرا بھرا اور خوبصورت دکھائی دیتا ہے۔

بنگلہ دیش کے ضلع سلہٹ کے ایک گاؤں میں آبشاروں کا پانی جمع ہونے کے نتیجے میں بننے والی یہ چھوٹی سی جھیل اب عالمی سطح پر سیاحوں کی توجہ کا مرکز بن گئی ہے۔ مون سون کے دنوں میں یہاں بہت سے لوگ سیر و تفریح کی غرض سے آتے ہیں۔

سلہٹ کے ضلع میں گو وائن گھاٹ کے مقام پر واقع یہ دلدلی جنگل بھی فطری حسن میں دلچسپی رکھنے والے افراد کے لیے بہت کشش رکھتا ہے۔ اس جنگل کی خاص بات یہ ہے کہ مون سون اور اُس کے چھ ماہ بعد تک کے عرصے میں بھی یہاں پانی بھرا رہتا ہے اور سیاح کشتی رانی کا لطف اٹھاتے ہیں۔

بنگلہ دیش کی دیگر تالوں کی طرح اڑیل تال بھی برسات کے زمانے میں پانی سے بھر جاتی ہے اور موسم کا لطف اٹھانے والے یہاں بھی کشتی چلانے اور پکنک منانے چلے آتے ہیں۔