بھارت کے لیجنڈری اداکار امیتابھ بچن فلموں میں آنے سے قبل ایک شپنگ کمپنی میں ملازمت کرتے تھے۔ اُن کو پہلی ملنے والی تنخواہ پانچ سو روپے تھی۔

’دبنگ فیم‘ سلمان خان نے اپنا کیریئر اسٹیج ڈانس پرفارمر کے طور پر شروع کیا تھا۔ سلمان کو ایک ڈانس شو کے پچھتر روپے ملا کرتے تھے۔

معروف کیریکٹر ایکٹر عرفان خان اداکاری میں آنے سے قبل ٹیوشن پڑھایا کرتے تھے جس کے انہیں پچیس روپے ملے تھے۔

کلکی اداکاری سے پہلے انگلینڈ کے ایک کیفے میں ویٹرس کا کام کرتی تھیں۔ اُن کی پہلی آمدنی چالیس پونڈ تھی۔

شہرہ آفاق بولی ووڈ ہیرو دھرمیندر کو اُن کی پہلی فلم ’دل بھی تیرا ہم بھی تیرے‘ کے لیے کام کرناے کا معاوضہ اکیاون روپے ادا کیا گیا تھا۔

بالی ووڈ کے مشہور ایکٹر رندیپ ہڈا آسٹریلیا میں ایک ریستوران میں بطور ویٹر کام کرتے تھے۔ اس کام کے لیے انہیں فی گھنٹہ آٹھ آسٹریلین ڈالر اجرت ملی تھی۔

شاہ رخ خان آج بھارتی فلم انڈسٹری کے چوٹی کے ہیرو شمار ہوتے ہیں لیکن یہ کوئی نہیں جانتا کہ اداکاری کے میدان میں قدم رکھنے سے قبل خان نے کیا کیا پاپڑ بیلے۔ شاہ رخ خان ٹرینوں میں ریزرو نشتیں کسی مسافر کے ہاتھ بیچ دیتے تھے اور اس طرح کچھ پیسے بنا لیا کرتے تھے۔

قابل اور حسین اداکارہ اور معروف بھارتی اداکار انیل کپور کی صاحبزادی سونم کپور نے اپنی عملی زندگی کا آغاز اسسٹنٹ ڈائریکٹر کی حیثیت سے کیا تھا اور انہیں ماہانہ تین ہزار روپے تنخواہ ملتی تھی۔

رتک روشن نے چائلڈ آرٹسٹ کی حیثیت سے سو روپے معاوضے کے بدلے کام کا آغاز کیا تھا۔

عامر خان نے فلموں میں بطور اسسٹنٹ ڈائریکٹر کام کا آغاز کیا اور انہیں جو پہلی تنخواہ ملی وہ ایک ہزار روپے تھی۔

نصیرالدین شاہ بھارتی آرٹ فلموں کے ایک مایہ ناز اداکار ہیں۔ سوشل موضوعات پر اُن کی بیشتر فلمیں بار بار دیکھنے کے قابل ہیں۔ یہ امر دلچسپی سے خالی نہیں کہ شاہ پہلی بار ایک فلم میں چتا کو آگ لگائے جانے کے ایک سین میں ارد گرد کھڑے تماشائیوں میں شامل تھے اور اس کام کے لیے انہیں ساڑھے سات روپے ملے تھے۔

رومانوی فلموں کے ہیرو عمران ہاشمی کو ایک مچھر مار دوا کے ٹی وی اشتہار میں کام کرنے کے عوض 2500 انڈین روپے بطور معاوضہ دیے گئے تھے۔

اپنی ایکشن فلموں اور بچوں کی طرح معصوم مسکراہٹ کے لیے دنیا بھر میں مشہور جیکی چین نے 70 کی دہائی میں ایک نیم فحش مزاحیہ فلم ’آل ان دی فیملی‘ میں کام کیا۔ سمجھا جاتا ہے کہ یہ ان کی واحد فلم ہے، جس میں کوئی ایکشن سین نہیں۔ جیکی چین نے حال ہی میں کہا تھا کہ انہیں یہ فلم کرنے کا کوئی افسوس نہیں ہے۔

کیمرون ڈياز امریکی ٹی وی سیریز اور فلموں دونوں میں ہی کامیاب رہیں۔ ڈياز نے اپنے کیریئر کا آغاز ’سوفٹ کور پورن‘ فلموں سے کیا۔ تاہم انہیں بالی وڈ میں فلمیں ملنے کے پیچھے ان کے ماضی کا کوئی کردار نہیں ہے۔ ہالی وڈ میں ہٹ ہونے کے بعد ان کے فحش فلموں میں کام کرنے کی بات سامنے آئی۔ انہیں 1994ء کی فلم ’ماسک‘ اور 2000ء کی ’چارلیز اینجلس‘ میں کردار ادا کرنے پر سراہا جاتا ہے۔

آج بھی سلویسٹر اسٹالون کو ’روکی‘ اور ’ریمبو‘ کے نام سے جانا جاتا ہے۔ ہالی وڈ میں قدم رکھنے سے پہلے 70 کی دہائی میں انہوں نے کچھ نیم فحش فلموں میں کام کیا۔ پہلی بار انہیں Party at Kitty and Stud's نام کی ’سوفٹ کور پورن‘ میں دیکھا گیا تھا۔ اس فلم کے لیے انہیں صرف 200 امریکی ڈالر کا معاوضہ ملا تھا۔

پامیلا اینڈرسن کو کون نہیں جانتا۔ پامیلا اینڈرسن ٹی وی سیریل ’بے واچ‘ سے دنیا بھر میں مشہور ہوئیں۔ 1989ء میں وہ پہلی بار پلے بوائے میگزین کے کور پر نظر آئیں۔ اس کے بعد سے انہیں مسلسل اڈلٹ میگزینز کے لیے ماڈلنگ کرتے دیکھا گیا۔ 2010 میں وہ بگ باس میں بھی جلوہ افروز ہوئیں۔

جی ہاں! کیلی فورنیا کے سابق گورنر اور ’ٹرمنیٹر‘ سے مشہور ہونے والے اس اداکار کا بھی ایک زمانے میں اڈلٹ انڈسٹری سے ناطہ رہا۔ شیوارزنیگر نے فلموں میں نہیں بلکہ ایک جنسی میگزین کے لیے کئی بار فوٹو سیشن کرائے۔ بعدازاں میں وہ نہ صرف امریکا کی فلموں میں کامیاب رہے، بلکہ سیاست میں بھی۔ سن 2003ء سے 2011 ء تک وہ کیلی فورنیا کے گورنر رہے۔

امریکا کا کوئی بھی ٹی وی پروگرام شاید ہی اتنا مقبول نہیں رہا جتنا 90 کی دہائی کا ’فرینڈز‘۔ اس میں جوئی کا کردار ادا کرنے والے میٹ لی بلانک نے ماضی میں ’دی ریڈ شو سیریز‘ نام کی نیم فحش سیریز میں بھی کام کیا تھا۔

جس زمانے میں مارلن منرو لوگوں کے دلوں پر چھا رہی تھیں، اس زمانے میں پورن انڈسٹری کو امریکا میں کوئی اتنی مقبولیت حاصل نہ تھی جتنا کہ آج کل کے دور میں ہے۔ 1949ء میں انہوں نے ایک کیلنڈر کے شوٹ کے لیے نیم عریاں تصاویر كھچوائی تھیں، جس کے لیے انہیں کافی تنقید کا سامنا بھی کرنا پڑا تھا۔

كرنجيت کور ووہرا بالمعروف سنی لیون نے سن 2012 میں پوجا بھٹ کی فلم جسم -2 کے ساتھ بالی وڈ میں قدم رکھا۔ کینیڈا کی سنی نے بالی وُڈ آنے سے پہلے امریکا میں تقریباﹰ ایک دہائی تک اڈلٹ یا بالغوں کے لیے مخصوص فلموں میں کام کیا۔ اب وہ فحش فلموں سے تو دور ہو چکی ہیں لیکن بالی وڈ میں انہوں نے اپنی جگہ بنا لی ہے۔

کوالالمپور کے پُترا اِنڈور اسٹیڈیم میں منعقد کی گئی اس تقریب میں بالی ووڈ فلمی صنعت سے تعلق رکھنے والے معروف و مقبول اداکاروں اور اداکاراؤں نے رقص بھی کیا اور اپنی دلکش گفتگو اور مزاح سے محفل کو کشت زعفران بھی بناتے رہے۔ اس تصویر میں معروف اداکار ہرتیک روشن اسٹیج پر جلوہ افروز ہیں۔

چمکتی دمکتی روشنیوں اور قمقموں سے فضا منور رہی اور چار ہزار کے قریب تماشائی اس ماحول سے بھرپور انداز میں لطف اندوز ہوئے۔ اس تقریب کی میزبانی کے فرائض رنبیر کپور اور ارجن کپور نے انجام دیے، جن کے عمدہ مکالموں اور مزاح کی بدولت اس تقریب میں چار چاند لگ گئے۔

اس تقریب میں بھارتی فلم انڈسٹری میں اپنے بے باک کرداروں کی وجہ سے شہرت حاصل کرنے والی اداکارہ بپاشا باسو نے بھی شرکت کی۔ ایک ایونٹ کے دوران وہ صحافیوں سے گفتگو میں مصروف ہیں۔

’انٹرنیشنل انڈین فلم اکیڈمی‘ کے ایوارڈز کی سالانہ تقریب میں بہترین اداکار کے طور پر شاہد کپور کو چنا گیا، جنہوں نے فلم ’حیدر‘ میں اپنے کیریئر کی شاندار کارکردگی کا مظاہرہ کیا ہے۔

بہترین اداکارہ کا انعام کنگنا راناوت کو ملا، جو فلم ’کوئین‘ میں کسی حقیقی ملکہ سے کم نظر نہیں آتیں۔

اس تقریب انعامات میں انوشکا شرما، ہرتیک روشن، شاہد کپور، سوناکشی سنہا، ٹائیگر شروف اور کئی دیگر مایہ ناز اداکار بھی موجود تھے۔ انوشکا شرما، پرینکا چوپڑا اور فرحان خان تقریب میں شرکت کے لیے ہال میں جا رہے ہیں۔

سولہویں آئفا ایوارڈز کی تقریب میں شریک بھارتی اداکارہ سوناکشی سنہا۔ معروف اداکاری شتروگن سنہا کی بیٹی سوناکشی نے بھارتی فلم انڈسٹری میں نیا رنگ بھرا ہے۔ وہ بھی اس ملائیشیا میں منعقدہ اس تقریب میں شریک ہوئیں۔

انٹرنیشنل انڈین فلم اکیڈمی‘ کے آئفا ایوارڈ کو بالی وڈ کے ’آسکر ایوارڈز‘ کے طور پر بھی جانا جاتا ہے۔ بھارتی فلم انڈسٹری کی تشہیر اور مقبولیت میں اضافہ کرنے کے مقصد سے یہ تقریب انعامات ہر سال مختلف ممالک میں منعقد کی جاتی ہے۔ اس مرتبہ ملائشییا میں اس تقریب کی تشہیر کے لیے انیل کپور بھی وہاں موجود تھے۔

جس طرح بھارتی فلمیں بنائی جا رہی ہیں، ان میں گلیمر، بہترین میوزک اور عمدہ رقص دنیا بھر کے لوگوں کو اپنی طرف متوجہ کرنے میں کامیاب ہوا ہے۔ ان فلموں میں اب یورپی ملکوں کے علاوہ چین اور جاپان جیسے ممالک کے عوام بھی انتہائی زیادہ دلچپسی لینے لگے ہیں۔ گزشتہ برس یہ تقریب امریکا میں منعقد کی گئی تھی۔

اتوار کی رات بہترین فلم کا ایوارڈ وکاس بھل کی فلم ’کوئین‘ کو دیا گیا جبکہ فلم ’پی کے‘ پر بہترین ہدایتکار کا انعام راجکمار ہیرانی کے حصے میں آیا۔ اس رنگا رنگ تقریب کو دیکھنے کے لیے ہال میں موجود شرکاء نے مختلف پرفارمرز کو دل کھول کر داد بھی دی۔

بھارتی فلمی ستاروں کی ایک بڑی تعداد ہر سال اس تقریب انعامات میں شریک ہوتی ہے۔ یہ تقریب بھارت کا سب سے بڑا میڈیا ایونٹ ہے، جسے دنیا بھر میں آٹھ سو ملین افراد دیکھتے ہیں۔ ہر سال اس تقریب میں شاندار ڈانس پرفارمنسز بھی دی جاتی ہیں۔