بھارتی فاسٹ باؤلر کی بیوی حَسین جان سابق ماڈل رہ چکی ہیں۔ حسین جان نے کلکتہ پولیس کے پاس درج کی گئی اپنی شکایت میں کہا ہے کہ شامی کے دوسری خواتین کے ساتھ لَو افئیرز ہیں۔ اس حوالے سے پہلے سے جاری تنازعے کے سبب اس ستائیس سالہ بھارتی فاسٹ بالر کا قومی ٹیم کے ساتھ کانٹریکٹ پہلے ہی بھارتی کرکٹ بورڈ نے تب تک کے لیے روک رکھا ہے جب تک شامی اور اُن کی اہلیہ کے درمیان تنازعے کی تحقیقات مکمل نہ ہو جائے۔
کولکتہ پولیس کے جوائنٹ کمشنر پراوین تری پاتھی نے خبر رساں ادارے اے ایف پی کو بتایا،’’ جہاں کی جانب سے شکایت درج کرائے جانے کے بعد پولیس نے محمد شامی اور اُن کے بھائی پر تشدد، ریپ اور زہر دینے کے الزامات عائد کیے ہیں۔‘‘
تری پاتھی نے مزید کہا کہ حَسین جہاں نے اپنے شوہر اور سسرال والوں کی جانب سے اُن پر جسمانی تشدد اور دوسری خواتین کے ساتھ معاشقے رکھنے کی شکایت بھی درج کرائی ہے۔
شامی کی اہلیہ حَسین جہان نے منگل کے روز شامی کی جانب سے دوسری خواتین کو بھیجے گئے پیغامات کو عام کر دیا تھا جس کے بعد وہ شہ سرخیوں کی زینت بن گئی تھیں۔
اس موقع پر حسین جان نے کہا تھا،’’ میں نے فون کے سیکیورٹی کوڈ تک رسائی حاصل کی اور گزشتہ رات ہی یہ بات چیت دیکھی۔ میں صدمے میں تھی اور تمام رات نہیں سو سکی۔‘‘
جان نے جمعے کے روز صحافیوں کو یہ بھی بتایا تھا کہ شامی نے جنوبی افریقہ کے ٹور سے واپس لوٹنے پر اُن پر جسمانی تشدد کیا تھا۔
بی سی سی آئی کے معاملات دیکھنے والی ایک سپروائزری کمیٹی کا کہنا ہے کہ شامی پر اُن کی بیوی کی جانب سے لگائے جانے والے الزامات نے کمیٹی کو مشکل صورت حال سے دو چار کر دیا ہے اور اسی تناظر میں شامی کا بھارتی کرکٹ بورڈ سے معاہدہ بھی روک لیا گیا ہے۔
’کیپٹن کول‘ مہندر سنگھ دھونی نے محدود اوورز کے کرکٹ فارمیٹ میں بھی کپتان کی ذمہ داری چھوڑنے کا اعلان کر دیا ہے۔ اس موقع پر تذکرہ کرتے ہیں، بھارت کے کامیاب ترین ٹیسٹ کپتان 35 سالہ دھونی کے کیریئر کی کچھ کامیابیوں کا۔
تصویر: APنو سال تک بھارتی کرکٹ ٹیم کی قیادت کرنے والے دھونی نے ٹیم کو کئی ٹرافیاں جتوائیں۔ تاہم جنوری میں ہونے والی انگلینڈ سیریز میں اب وہ ویراٹ کوہلی کی کپتانی میں بطور وکٹ کیپر بلے باز کھیلیں گے۔
وکٹ کیپر بلے باز مہندر سنگھ دھونی بنیادی طور پر جھاڑکھنڈ سے ہیں۔ وہیں رانچی شہر میں 7 جولائی سن 1981 کو ان کا جنم ہوا تھا۔
’ماہی‘ کے نام سے پکارے جانے والے اس کرکٹر نے سن 2005 میں سری لنکا کے خلاف کھیل کر اپنے ٹیسٹ کیریئر کا آغاز کیا تھا۔ چنئی میں کھیلے گئے اس میچ میں بارش نے رکاوٹ ڈال دی تھی۔ اس میچ میں دھونی نے 30 رنز کی انفرادی اننگز کھیلی تھی۔
دھونی نے بھارت کے لیے اب تک 90 ٹیسٹ میچ کھیلے ہیں۔ ان میں انہوں نے قریب 38 کی اوسط سے کل 4876 رنز بنائے، جن میں چھ سنچریاں اور 33 نصف سنچریاں بھی شامل ہیں۔
دھونی نے ٹیسٹ میچوں میں اب تک وکٹ کے پیچھے 256 کیچ پکڑے جبکہ 38 کھلاڑیوں کو سٹمپ آؤٹ بھی کیا۔ اسی لیے وہ بھارتی کرکٹ کے سب سے زیادہ کامیاب وکٹ کیپر مانے جاتے ہیں۔
وکٹ کیپر بلے باز کے طور پر دھونی نے اپنا پہلا ایک روزہ میچ بنگلہ دیش کے خلاف سن 2004 میں کھیلا۔ اس میچ میں دھونی پہلی ہی گیند پر رن آؤٹ ہو گئے تھے۔
سن 2007 میں دھونی کو راجیو گاندھی کھیل رتن سے نوازا گیا جو کہ بھارت میں کھیلوں کا سب سے بڑا انعام ہے۔
اب تک دھونی نے 283 ون ڈے میچ کھیلے ہیں، جن میں انہوں نے 9110 رنز بنائے ہیں۔ ان کا اسٹرائیک ریٹ 88 سے بھی زیادہ ہے۔ اس فارمیٹ میں دھونی نے 9 سنچریاں اور 61 نصف سنچریاں بھی بنائی ہیں۔
دھونی 73 ٹی ٹوئنٹی انٹرنیشنل بھی کھیل چکے ہیں۔ ان کی کپتانی میں ہی بھارت نے سن 2007 میں منعقدہ پہلا ٹوئنٹی ٹوئنٹی ورلڈ کپ جیتا تھا۔ اس میچ میں بھارت نے پاکستان کو فائنل میں شکست دے دی تھی۔
سال 2011 میں دھونی کی کپتانی میں ہی بھارتی ٹیم نے عالمی ورلڈ کپ جیتا تھا۔ دھونی کی قیادت میں ہی دسمبر سن 2009 سے لے کر 18 ماہ تک بھارتی کرکٹ ٹیم دنیا کی نمبر ایک ٹیسٹ ٹیم بنی رہی تھی۔
دھونی نے کمائی کے معاملے میں ماسٹر بلاسٹر سچن تندولکر کو بھی پیچھے چھوڑ دیا ہے۔ پرائیویسی پسند کرنے والے دھونی سب سے زیادہ رقوم کمانے والے بھارتی کھلاڑی ہیں۔
