بھارتی وزیراعظم مودی نے اپنی کابینہ میں ردوبدل کی ہے۔ بھارتی پارلیمنٹ کے ایوانِ زیریں کی ایک خاتون رکن کو وزارتِ دفاع کا قلمدان سونپا گیا ہے۔ قبل ازیں بھارتی وزیر خزانہ ہی دفاع کی وزارت بھی سنبھالے ہوئے تھے۔
اشتہار
نرملا سیتا رامن کو بھارت کا نیا وزیر دفاع مقرر کیا گیا ہے۔ نئے وزیر دفاع کی تعیناتی ایسے وقت میں کی گئی ہے جب بھارت کی اپنے ہمسایہ ملکوں چین اور پاکستان کے ساتھ سرحدی کشیدگی پیدا ہے۔ کوہِ ہمالیہ میں بھوٹان کی سرحد کے قریب چین کے ساتھ کشیدگی میں بظاہر کمی واقع ہو چکی ہے۔
نئے وزیر دفاع سے قبل مودی کے وزیر خزانہ ارون جیٹلی وزارتِ دفاع کا اضافی بوجھ سنبھالے ہوئے تھے۔ وزیر دفاع بننے سے قبل نرملا سیتا رامن جونیئر وزیر تھیں اور وہ کامرس اور ٹریڈ کے محکموں کے ساتھ منسلک تھیں۔ وہ نریندر مودی کی کابینہ کی چھٹی خاتون وزیر ہیں۔
خاتون وزیر دفاع نے منصب سنبھالنے کے بعد کہا کہ بھارتی سلامتی کے لیے مقرر وزراء کی کمیٹی میں دو خواتین شامل ہیں اور وہ مردوں کے شانہ بشانہ ملکی سلامتی کے تحفظ میں شریک ہیں۔ انہوں نے یہ بھی کہا کہ بھارت میں خواتین کے بااختیار ہونے سے دوسرے ملکوں کو ایک واضح پیغام دیا گیا ہے۔
بھارت میں نسلی تعصب، افریقی بھی متاثر
02:54
بھارت میں سابق مقتول وزیراعظم اندرا گاندھی دو مرتبہ قائم مقام وزیر دفاع مقرر کی گئی تھیں۔ اس طرح نرملا سیتا رامن باضابطہ طور پر بھارت کی پہلی خاتون وزیر دفاع ہیں۔
نریندر مودی نے اپنی کابینہ میں شامل ریلوے کے وزیر سریش پربھو کو فارغ کر دیا ہے۔ پربھو نے گزشتہ ماہ کے دوران ریل گاڑی کے ایک حادثے کے بعد اپنے منصب سے استعفیٰ دے دیا تھا۔ اس حادثے میں دس افراد کی ہلاکت ہوئی تھی۔ اُن کی جگہ اب جونیئر وزیر پیوش گوئل کو ریلوے کی مکمل وزاروت سونپی گئی ہے۔ بھارت کی وزارتِ ریلوے کے ملازمین کی تعداد تیرہ لاکھ سے زائد ہے۔
وزیراعظم نے چار جونیئر وزراء کو کابینہ میں شامل کیا ہے۔ مودی نے سن 2014 میں الیکشن جیت کر وزارت عظمیٰ کا منصب سنبھالا تھا اور یہ اُن کی کابینہ میں تیسرا ردوبدل ہے۔ مودی نے نئے وزراء کا خیرمقدم کرتے ہوئے کہا کہ ان کی ذہانت اور بردباری یقینی طور پر حکومت کو عوام کے لیے مزید مفید بنانے کی راہ ہموار کرے گی۔
شیو سینا کی انتہا پسندی کا نشانہ بننے والے پاکستانی
ہندو انتہا پسند تنظیم شیو سینا نہ صرف بھارتی مسلمانوں کو گائے کا گوشت کھانے کے حوالے سے تشدد کا نشانہ بنا رہی ہے بلکہ وہ اپنا غصہ پاکستانی فن کاروں اور کھلاڑیوں پر بھی نکال رہی ہے۔
تصویر: picture-alliance/dpa/D. Solanki
غلام علی کا کنسرٹ
معروف غزل گائک غلام علی کو اکتوبر کے پہلے ہفتے میں بھارتی گلوکار جگجیت سنگھ کی چوتھی برسی کے موقع پر ممبئی میں ایک محفل موسیقی میں شرکت کرنا تھی۔ شیو سینا کے کارکنوں نے کنسرٹ کے منتظمین کو دھمکی دی کہ یہ پروگرام نہیں ہونا چاہیے۔ مجبوراً منتظمین کو یہ کنسرٹ منسوخ کرنا پڑا۔
تصویر: picture-alliance/AP Images/G. Singh
خورشید قصوری کی کتاب کا اجراء
سابق پاکستانی وزیر خارجہ خورشید قصوری کی کتاب کی رونمائی بھی شیو سینا کے غصے کا نشانہ بنی، تاہم اسے منسوخ نہیں کیا گیا۔ بھارت کی اس دائیں بازو کی ہندو قوم پسند تنظیم، جو کہ ریاست مہارشٹر میں بھارتی وزیر اعظم نریندر مودی کی جماعت بھارتیہ جنتا پارٹی کی حلیف بھی ہے، نے کتاب کے ناشر کے چہرے پر سیاہی پھینک کر یہ بتانے کی کوشش کی کہ بھارت میں پاکستانیوں کے لیے کوئی جگہ نہیں ہے۔
تصویر: picture-alliance/dpa/D. Solanki
ڈار پر وار
بین الاقوامی کرکٹ کونسل (آئی سی سی) نے شیو سینا کے حالیہ مظاہرے کے بعد اعلان کیا کہ بھارت اور جنوبی افریقہ کے درمیان کرکٹ سیریز میں امپائرنگ کرنے والے پاکستانی امپائر علیم ڈار سیریز میں مزید امپائرنگ نہیں کریں گے۔ علیم ڈار نے سیریز کے پہلے تین میچوں میں امپائرنگ کی تھی جب کہ پروگرام کے مطابق انہیں بقیہ دونوں میچوں میں بھی امپائرنگ کرنا تھی۔
تصویر: Getty Images/AFP/S. Khan
بھارتیوں کے پسندیدہ پاکستانی کرکٹر وسیم اکرم
کٹر نظریات کی حامل ہندو قوم پرست سیاسی جماعت شیو سینا کی طرف سے دھمکیوں اور ممبئی میں واقع بھارتی کرکٹ کنٹرول بورڈ (بی سی سی آئی) کے صدر دفتر پر دھاوا بول دینے کے بعد بھارت میں پاکستانیوں کے لیے سکیورٹی خدشات میں اضافہ ہو گیا ہے۔ وسیم اکرم کو بھارت اور جنوبی افریقہ کے مابین پوری سیریز کے لیے کمنٹری کے فرائض انجام دینا تھے، تاہم وہ اب پاکستان واپس لوٹ جائیں گے۔
تصویر: AP
شعیب اختر بھی
وسیم اکرم کے ساتھ شعیب اختر کو بھی سیریز کے لیے ممبئی میں کمنٹری کرنا تھی۔ راولپنڈی ایکسپریس کہلائے جانے والے اس سابق پاکستانی فاسٹ بولر کا بھی اب ممبئی میں ٹھہرنا مشکل دکھائی دے رہا ہے۔
تصویر: AP
کرکٹ ڈپلومیسی انتہا پسندی کا شکار
پاکستان اور بھارت کے کرکٹ بورڈز نے گزشتہ برس ایک معاہدے پر دستخط کیے تھے، جس کے تحت دونوں ممالک کو اگلے آٹھ برسوں میں چھ سیریز کھیلنا ہیں۔ تاہم جب پاکستان کرکٹ بورڈ کے چیئرمین شہریار خان بھارتی کرکٹ بورڈ کے سیکرٹری انوراگ ٹھاکر اور آئی سی سی کے صدر شری نواسن سے ملاقات کے لیے بھارت گئے تو شیو سینا کے کارکنوں نے بھارتی کرکٹ بورڈ کے دفتر پر حملہ کر دیا۔
تصویر: Arif Ali/AFP/Getty Images
ماہرہ خان اور فواد خان جیسے فنکار بھی
پاکستانی اداکار فواد خان (تصویر میں ان کے ساتھ بھارتی اداکارہ سونم کپور کھڑی ہیں) گزشتہ برس فلم ’خوب صورت‘ کے ذریعے بالی وڈ میں جلوہ گر ہوئے تھے۔ پاکستانی اداکارہ ماہرہ خان فلم ’رئیس‘ میں معروف بھارتی اداکار شاہ رخ خان کے ساتھ جلوہ افروز ہو رہی ہیں۔ یہ فلم اگلے برس عید کے موقع پر ریلیز کی جائے گی۔ شیو سینا نے دھمکی دی ہے کہ وہ مہاراشٹر میں ماہرہ اور فواد کی فلموں کو ریلیز نہیں ہونے دے گی۔