بھارت: آتش بازی کی فیکٹری میں دھماکا، پانچ افراد ہلاک
عاطف توقیر
23 مارچ 2018
بھارت میں آتش بازی کی ایک غیرقانونی فیکٹری میں زبردست دھماکے کے بعد آگ لگ گئی۔ پولیس کے مطابق بھارت کے مشرقی حصے میں پیش آنے والے اس واقعے کے نتیجے میں تین بچوں سمیت کم از کم پانچ افراد ہلاک ہو گئے ہیں۔
اشتہار
پولیس کا کہنا ہے کہ یہ غیرقانونی فیکٹری ایک گھر میں قائم کی گئی تھی۔ بھارت کی مشرقی ریاست جھاڑکھنڈ کے نالاندا ضلع میں قائم اس فیکٹری میں جمعرات کی شب زبردست دھماکا ہوا، جس کے نتیجے میں آس پاس کے پانچ مکانات کو شدید نقصان پہنچا۔ اس واقعے میں مزید 16 افراد کے زخمی ہونے کی اطلاعات ہیں۔
آتشبازی پر پابندی، دہلی والے تاریک دیوالی منائیں گے
آج دنیا بھر میں ہندو مذہب میں دیوالی یعنی روشنیوں کا تہوار منایا جا رہا ہے۔ روایتی طور پر اس روز آتش بازی کی جاتی ہے تاہم اس برس آلودگی کی روک تھام کے لیے دہلی میں آتش بازی پر پابندی عائد کر دی گئی ہے۔
تصویر: Reuters/A. Dave
آتش بازی پر پابندی
آتشبازی پر یکم نومبر تک یہ عارضی پابندی گزشتہ ہفتے بھارتی سپریم کورٹ کی جانب سے لگائی گئی ہے۔ یہ پابندی دیوالی سے صرف چند ہی روز پہلے عائد کی گئی ہے۔ پابندی کا مقصد دہلی کی فضا میں بڑھتی آلودگی میں کمی لانا ہے۔
تصویر: Getty Images/A. Joyce
کاروبار ٹھپ
دہلی کے صدر بازار میں پٹاخوں اور آتشبازی کا کاروبار کرنے والوں کا کہنا ہے کہ انہوں نے بھاری مالیت کے پٹاخے خرید رکھے ہیں۔ نہیں معلوم کہ اب یہ یہ سامان کیسے فروخت کیا جا سکے گا۔
تصویر: Reuters
گرین دیوالی
بھارت کے باقی شہروں اور دیہاتوں میں یہ مستی کرنے اور پٹاخے چھوڑنے کا وقت ہے لیکن سوشل میڈیا پر بہت سے افراد اس بار ’گرین دیوالی‘ منانے کی اپیل کر رہے ہیں جس کا مطلب ہے کم پٹاخے۔
تصویر: Julia Smielecki
کولکاتا میں دیوالی
دیوالی کے موقع پر نہ صرف چراغاں ہوتا ہے اور دیے جلائے جاتے ہیں بلکہ ہندو مت کے پیروکار اپنے مذہب کے حوالے سے لکشمی اور کالی دیوی کی پوجا بھی کرتے ہیں۔ اس تصویر میں کولکاتا میں کالی دیوی کے مجسمے کو سجایا سنوارا جا رہا ہے۔
تصویر: picture alliance/dpa/Photoshot
مندر میں دیے
گھروں کو لائٹوں اور شمعوں سے سجانے کے علاوہ ہندو افراد دیوالی کی شام مندروں میں بھی چراغ جلاتے ہیں۔ اس موقع پر گھر کی خوشحالی کی دعائیں مانگی جاتی ہیں۔
تصویر: Reuters/A. Dave
دہلی کی ہوا اور دھویں کے بادل
دہلی میں ہر سال دیوالی کی تقریبات دارالحکومت کی فضا میں کثیف دھویں کے بادل چھوڑ جاتی ہیں۔ اس کے علاوہ ایک خاص طرح کے مادے کے چھوٹے چھوٹے ذرات کی شرح بھی ہوا میں خطرناک حد تک بڑھ جاتی ہے جو پھیپھڑوں کے لیے نقصان دہ ہیں۔
تصویر: picture-alliance/dpa/M.Swarup
اندھیرے پر روشنی کی فتح
بھارت میں دیوالی کی آمد سے پہلے ہی گھروں میں اس کی تیاریاں شروع ہو جاتی ہیں۔ اس موقع پر گھروں کی خصوصی تزئین کی جاتی ہے اور گھر کے اندرونی حصوں کو طرح طرح کے خوشنما ڈیزائنوں سے آراستہ کیا جاتا ہے۔ اس تہوار کو معنوی لحاظ سے اندھیرے پر روشنی اور برائی پر اچھائی کی فتح کے طور پر منایا جاتا ہے۔
تصویر: AFP/Getty Images/Sam Panthaky
دیوالی تو بچوں کی ہے
دیوالی کے موقع پر بڑوں کی مصروفیات اپنی جگہ لیکن اصل خوشی اور مزے تو بچوں کے ہوتے ہیں۔ انہیں نہ صرف مزے دار مٹھائیاں اور پکوان کھانے کو ملتے ہیں بلکہ آتشبازی کی پھلجڑیاں اور پٹاخے چلانے کی کھلی چھوٹ بھی مل جاتی ہے۔
تصویر: Getty Images/AFP/S. Kanojia
خصوصی آرائش
دیوالی یا دیپاولی ایک قدیم ہندو تہوار ہے۔ اس تہوار کی شام کو گھر کی خواتین، رشتے دار خواتین اور سہیلیوں کے ساتھ مل کر دیے جلاتی ہیں اور انہیں خوبصورتی سے ترتیب دیتی ہیں۔
مقامی پولیس افسر باگھا رام نے ٹیلی فون پر خبر رساں ادارے ڈی پی اے کو بتایا، ’’آتش بازی کا سامان تیار کرنے والی اس غیرقانونی فیکٹری میں دھماکے کے نتیجے میں ایک مرد، ایک 17 سالہ لڑکی اور دو برس سے کم عمر کے تین بچے ہلاک ہوئے ہیں۔ یہ تمام ہلاک شدگان ایک ہی خاندان کے معلوم ہوتے ہیں۔‘‘
بتایا گیا ہے کہ زخمی ہونے والوں کو ایک قریبی ہسپتال میں منتقل کیا گیا ہے، جن میں سے تین کی حالت تشویش ناک ہے۔ ڈی پی اے کے مطابق اس دھماکے کے بعد متاثرہ مقام پر آگ بڑھک اٹھی، جس پر فائربریگیڈ کے عملے نے دو گھنٹوں کی کوشش کے بعد قابو پایا۔ پولیس کا کہنا ہے کہ اس فیکٹری میں بھاری مقدار میں آتش بازی کا مواد موجود تھا۔
بھاری اسلحے کے سب سے بڑے خریدار
سویڈش تحقیقی ادارے ’سپری‘ کے مطابق گزشتہ پانچ برسوں کے دوران عالمی سطح پر اسلحے کی خرید و فروخت میں دس فیصد اضافہ ہوا ہے۔ اس عرصے میں سب سے زیادہ اسلحہ مشرق وسطیٰ کے ممالک میں درآمد کیا گیا۔
تصویر: Pakistan Air Force
1۔ بھارت
سب سے زیادہ بھاری ہتھیار بھارت نے درآمد کیے۔ سپری کی رپورٹ بھارت کی جانب سے خریدے گئے اسلحے کی شرح مجموعی عالمی تجارت کا تیرہ فیصد بنتی ہے۔
تصویر: picture-alliance/AP Photo/M. Khan
2۔ سعودی عرب
سعودی عرب دنیا بھر میں اسلحہ خریدنے والا دوسرا بڑا ملک ہے۔ سپری کے مطابق گزشتہ پانچ برسوں کے دوران سعودی عرب کی جانب سے خریدے گئے بھاری ہتھیاروں کی شرح 8.2 فیصد بنتی ہے۔
تصویر: picture-alliance/ZUMAPRESS.com
3۔ متحدہ عرب امارات
متحدہ عرب امارات بھی سعودی قیادت میں یمن کے خلاف جنگ میں شامل ہے۔ سپری کے مطابق گزشتہ پانچ برسوں کے دوران متحدہ عرب امارات نے بھاری اسلحے کی مجموعی عالمی تجارت میں سے 4.6 فیصد اسلحہ خریدا۔
تصویر: picture-alliance/dpa/Emirates News Agency
4۔ چین
چین ایسا واحد ملک ہے جو اسلحے کی درآمد اور برآمد کے ٹاپ ٹین ممالک میں شامل ہے۔ چین اسلحہ برآمد کرنے والا تیسرا بڑا ملک ہے لیکن بھاری اسلحہ خریدنے والا دنیا کا چوتھا بڑا ملک بھی ہے۔ کُل عالمی تجارت میں سے ساڑھے چار فیصد اسلحہ چین نے خریدا۔
تصویر: picture-alliance/Xinhua/Pang Xinglei
5۔ الجزائر
شمالی افریقی ملک الجزائر کا نمبر پانچواں رہا جس کے خریدے گئے بھاری ہتھیار مجموعی عالمی تجارت کا 3.7 فیصد بنتے ہیں۔ پاکستان کی طرح الجزائر نے بھی ان ہتھیاروں کی اکثریت چین سے درآمد کی۔
تصویر: picture-alliance/AP
6۔ ترکی
بھاری اسلحہ خریدنے والے ممالک کی اس فہرست میں ترکی واحد ایسا ملک ہے جو نیٹو کا رکن بھی ہے۔ سپری کے مطابق ترکی نے بھی بھاری اسلحے کی کُل عالمی تجارت کا 3.3 فیصد حصہ درآمد کیا۔
تصویر: picture-alliance/AP Photo/B. Ozbilici
7۔ آسٹریلیا
اس فہرست میں آسٹریلیا کا نمبر ساتواں رہا اور اس کے خریدے گئے بھاری ہتھیاروں کی شرح عالمی تجارت کا 3.3 فیصد رہی۔
تصویر: picture-alliance/dpa/T. Nearmy
8۔ عراق
امریکی اور اتحادیوں کے حملے کے بعد سے عراق بدستور عدم استحکام کا شکار ہے۔ عالمی برادری کے تعاون سے عراقی حکومت ملک میں اپنی عملداری قائم کرنے کی کوششوں میں ہے۔ سپری کے مطابق عراق بھاری اسلحہ خریدنے والے آٹھواں بڑا ملک ہے اور پاکستان کی طرح عراق کا بھی بھاری اسلحے کی خریداری میں حصہ 3.2 فیصد بنتا ہے۔
تصویر: Reuters
9۔ پاکستان
جنوبی ایشیائی ملک پاکستان نے جتنا بھاری اسلحہ خریدا وہ اسلحے کی کُل عالمی تجارت کا 3.2 فیصد بنتا ہے۔ پاکستان نے سب سے زیادہ اسلحہ چین سے خریدا۔
تصویر: Aamir Qureshi/AFP/Getty Images
10۔ ویت نام
بھاری اسلحہ خریدنے والے ممالک کی فہرست میں ویت نام دسویں نمبر پر رہا۔ سپری کے مطابق اسلحے کی عالمی تجارت میں سے تین فیصد حصہ ویت نام کا رہا۔
واضح رہے کہ بھارت میں بغیر حکومتی اجازت نامے کے آتش بازی کا سامان تیار کرنے والی متعدد غیرقانونی فیکٹریاں قائم ہیں، جن میں سلامتی اور تحفظ سے متعلق بنیادی احتیاطوں سے پہلوتہی کی جاتی ہے اور اس انداز کے حادثے وقتاﹰ فوقتاﹰ رونما ہوتے رہے ہیں۔ گزشتہ برس جون میں ایسی ہی ایک غیرقانونی فیکٹری میں دھماکے کے نتیجے میں وسطی بھارت میں کم از کم 25 افراد ہلاک ہو گئے تھے۔