بھارت میں ایک نجی ایئر لائن انڈی گو کے ساتھ کام کرنے والے پائلٹ نے دوران پرواز 'کرپان' لے جانے کی اجازت دینے کے لیے بمبئی ہائی کورٹ سے رجوع کیا ہے اور اس معاملے میں مرکزی حکومت سے نئی ہدایات جاری کرنے کی درخواست کی ہے۔

بھارت:خالصتان حامیوں کے خلاف کارروائی پر اکال تخت برہم

کرپان ایک چھوٹے قسم کا چاقو یا کرولی ہوتی ہے، جو سکھ خالصہ کی پانچ امتیازی نشانیوں میں سے ایک ہے۔ سکھ مذہب کے پیروکار عام طور پر اسے اپنے ساتھ رکھتے یا پھر بعض اوقات اس کی چھوٹی شکل میں اسے پہنتے بھی ہیں۔

بھارت: سکھ علیحدگی پسندوں نے پنجاب کی 'خود مختاری اور آزادی' کا مطالبہ کر دیا

بھارتی میڈیا کے مطابق پائلٹ کا نام انگد سنگھ ہے، جنہوں نے ناگ پور ہائی کورٹ کی بنچ کے سامنے دائر اپنی درخواست میں دعویٰ کیا کہ انہیں بھارتی آئین کی دفعہ 25 کے تحت مذہبی آزادی کی ضمانت ہے اور اس طرح انہیں ہمہ وقت کرپان رکھنے کا حق حاصل ہے۔

بھارت: یوم آزادی پر بھارتی پرچم کے بجائے سکھ پرچم لہرانے کی اپیل

ان کی درخواست پر سماعت کے جواب میں جسٹس نتن سمبرے اور ابھے منتری کی ڈویژن بنچ نے مرکزی حکومت اور ایئر لائن کو نوٹس جاری کرتے ہوئے اس بارے میں جواب طلب کیا ہے۔ عدالت نے اس معاملے کی اگلی سماعت 29 جنوری 2024 کو مقرر کی ہے۔

انگد سنگھ کے وکیل ساحل شیام دیوانی کا کہنا ہے کہ سول ایوی ایشن کی وزارت کی طرف سے جو پابندیاں ہیں، اس میں ترمیم کی ضرورت ہے۔ ان کا کہنا ہے کہ گزشتہ برس مارچ میں حکومت نے سکھ مسافروں کو ایک خاص سائز کا کرپان لے جانے کی اجازت دیتے ہوئے اس سلسلے میں بعض رہنما خطوط بھی جاری کیے تھے۔

بھارت: حجاب کے بعد اب 'دستار' کا تنازع

لیکن اس حوالے سے بھارت میں جو مسلمہ اصول و ضوابط ہیں، اس کے مطابق ہوائی اڈوں یا ایئر لائنز پر کام کرنے والے ملازمین کو کرپان رکھنے کی اجازت نہیں ہے۔

بھارت: سکھوں کی مقدس عبادت گاہ میں مبینہ ’توہین آمیز عمل‘، ایک نوجوان قتل

البتہ ہائی کورٹ میں دائر کی گئی درخواست میں دعویٰ کیا گیا کہ یہ ان کے بنیادی حقوق کی خلاف ورزی ہے اور چونکہ مسافروں کو ہوائی جہاز میں کرپان لے جانے کی اجازت دی گئی ہے، تو ایئر لائن کے عملے کو بھی وہی حقوق نہ دینا منطقی خلاف ورزی ہے۔

بھارت میں اس سے پہلے بھی کئی بار داڑھی رکھنے یا حجاب پہننے جیسے مذہبی حقوق کے لیے عدالتوں سے رجوع کیا جاتا رہا ہے، تاہم ایسے بیشتر معاملات میں عدالتیں کمپنی کے قوانین یا حکومتی موقف کی حمایت کرتی رہی ہیں۔