افیون کی سب سے زیادہ پیداوار افغانستان میں ہوتی ہے۔ گزشتہ برس قریب 2 لاکھ 10 ہزار ہیکٹر رقبے پر افیون کاشت کی گئی۔ افیون کی کُل پیداوار کا قریب 90 فیصد افغانستان میں پیدا ہوتا ہے۔

پریشان کن پیشرفت: سن 2013ء میں افغانستان میں 5500 ٹن افیون پیدا کی گئی جو اس سے گزشتہ برس کی پیداوار کے مقابلے میں قریب 50 فیصد زائد تھی۔

افیون کی کاشت میں اضافے کی ایک وجہ شاید افغانستان سے بین الاقوامی افواج کا انخلاء کا عمل بھی ہے۔ ممکن ہے کہ کسان مستقبل میں غیر یقینی صورتحال سے نٹمنے کے لیے زیادہ افیون کاشت کر رہے ہوں۔

گزشتہ برس افغانستان میں پیدا ہونے والی افیون کی بین الاقوامی منڈی میں مالیت 950 ملین امریکی ڈالرز کے برابر بنتی ہے۔ یہ رقم افغانستان کی مجموعی قومی پیداوار کا قریب ایک چوتھائی ہے۔

افغان کسانوں کے لیے افیون کی کاشت کی ایک اہم وجہ اس سے ہونے والی بڑی آمدنی ہے۔ غیر قانونی ہونے کے باوجود ایک کلوگرام افیون کی قیمت 150 امریکی ڈالرز کے برابر ہے۔

گزشتہ برس کاشت ہونے والی افیون کا قریب نصف ملک کے جنوبی صوبہ ہلمند میں کاشت کیا گیا۔ اس صوبے کو طالبان کا گڑھ سمجھا جاتا ہے۔ دوسری طرف حکومت اس کی کاشت کو روکنے کی کوششوں میں لگی ہوئی ہے۔

افغانستان میں افغان اور امریکی حکومتوں کے تعاون سے منشیات کےخلاف لڑائی جاری ہے۔ امریکا نے افغانستان میں پولیس اور انصاف کے محکموں کے لیے 250 ملین ڈالرز کی امداد فراہم کی ہے۔

منشیات کے کاروبار سے شدت پسند طالبان بھی فائدہ حاصل کرتے ہیں۔ عام طور پر کسان طالبان کو افیون کی کاشت کے لیے پیسے ادا کرتے ہیں۔ طالبان آمدنی کو مخالفانہ کارروائیوں کے لیے استعمال کرتے ہیں۔

جتنی زیادہ منشیات، اتنے ہی زیادہ استعمال کرنے والے: اقوام متحدہ کے اندازوں کے مطابق افغانستان میں قریب 15 لاکھ افراد منشیات کی عادی ہیں جن میں سے قریب تین لاکھ بچے ہیں۔