بھارت کے مشرق میں واقع ساحلی علاقوں سے لاکھوں افراد کو سمندری طوفان کی وجہ سے محفوظ مقامات پر منقل کیا جا چکا ہے۔ طوفان ’ فانی‘ کل جمعہ تین مئی کو بھارت سے ٹکرائے گا۔
تصویر: Reuters
اشتہار
خبر رساں ادارے روئٹرز کے مطابق نئی دہلی حکومت نے شمال مشرقی ساحلی پٹی سے مزید دو لاکھ افراد کو محفوظ مقامات پر منتقل کیا ہے اور اس طرح ریاست اڑیسہ میں سمندری طوفان ’فانی‘ کی وجہ سے محفوظ مقامات پر منتقل کیے جانے والوں کی تعداد آٹھ لاکھ کے لگ بھگ ہو گئی ہے۔
حکام نے بتایا کہ ’فانی‘ نامی یہ سمندری طوفان خلیج بنگال میں پیدا ہو رہا ہے اور یہ مندروں کے حوالے سے مشہور شہر ’پوری‘ سے جمعے کی صبح ٹکرائے گا۔ اس موقع پر اس علاقے سے سیاحوں اور مقامی افراد کو خصوصی ٹرینوں کے ذریعے باہر نکالا گیا ہے، جس کے بعد ساحل بالکل ویران ہو چکے ہیں۔
تصویر: Reuters
حکام نے بتایا، ’’شہریوں کو اسکولوں، خصوصی مراکز اور دیگر عمارتوں میں رکھا گیا ہے۔‘‘ بھارتی محکمہ موسمیات نے بتایا ہے کہ فانی کے ساتھ 170 سے 180 کلومیٹر فی گھنٹہ کی رفتار سے چلنے والی تیز ہوائیں بھی ہیں اور اسے خطرے کے حساب سے تیسرے درجے میں رکھا گیا ہے۔
طاقتور سمندری طوفان ہاروی
امریکی ریاست ٹیکساس کے ساحلی علاقے سے ٹکرانے والا طاقتور سمندری طوفان ہاروی تیز رفتار جھکڑوں اور موسلادھار بارش کا سبب بنا ہے۔
تصویر: Getty Images/AFP/M. Ralston
کیٹگری چار کا طوفان
کیٹگری چار کا شدید طوفان امریکی ریاست ٹیکساس کے ساحلوں سے ٹکرا گیا۔ اس کے ہمراہ تیز رفتار جھکڑ اور موسلا دھار بارش بھی تھی۔ اب اس طوفان کی قوت میں غیرمعمولی کمی واقع ہو گئی ہے۔
تصویر: Reuters/A. Latif
ہاروی کی زد میں ایک بڑا ساحلی علاقہ
سب سے پہلے یہ کارپس کرسٹی کے مقام پر کیٹگری چار کے طوفان کے طور پر ٹکرایا اور اس کے عقب میں آنے والے طوفانی حصے نے راک پوٹ کے شہر کو اپنے جھکڑوں اور تیز رفتار بارش کی لپیٹ میں لے لیا۔
تصویر: Reuters/A. Latif
طوفان کے تیز جھکڑ اور گرتے درخت
ہاروی کے ساتھ آنے والے تیز رفتار جھکڑوں نے بے شمار درختوں کو جڑوں سے اکھاڑ پھینکا۔ ان جھکڑوں کی رفتار دو سو کلومیٹر فی گھنٹہ سے زائد تھی۔ ابھی تک ساحلی علاقوں میں مجموعی نقصان کا اندازہ نہیں لگایا جا سکا۔
تصویر: Getty Images/AFP/M. Ralston
نشیبی علاقے بارشی پانی کی لپیٹ میں
ٹیکساس کے ساحل پر واقع نشیبی علاقے اس وقت ہاروی طوفان کے ساتھ برسنے والی شدید بارش کی وجہ سے زیر آب ہیں۔ ان علاقوں میں سے ہزاروں افراد کو طوفان کے ٹکرانے سے قبل ہی محفوظ مقامات پر منتقل کر دیا گیا تھا۔
تصویر: Reuters/B. Thevenot
ٹیکساس کے ساحلی علاقے آفت زدہ قرار
امریکی ریاست ٹیکساس کے گورنر نے سیلاب سے متاثرہ علاقوں کو آفت زدہ قرار دے دیا ہے۔ صدر ڈونلڈ ٹرمپ نے بھی اپنے منصبِ صدارت کے پہلے سمندری طرفان کے ٹکرانے پر ٹویٹ کیا کہ حکومتی امداد متاثرین کے لیے وقف کر دی جائے۔
تصویر: picture alliance/AP/Corpus Christi Caller-Times/C. Sacco
ہاروی سے نظام زندگی معطل
ہاروی کے ساتھ آنے والے تیز رفتار جھکڑوں نے مختلف علاقوں میں بجلی کے کھمبے اور ٹریفک کے سگنلز بھی اکھاڑ پھینکے۔ اس وقت کئی مقامات پر معطل نظام زندگی کی بحالی کا عمل شروع ہو چکا ہے۔
تصویر: picture alliance/AP Photo/N. Wagner
ساحل پر سمندری لہروں کا راج
ٹیکساس کے ساتھ جڑے خلیج میکسیکو میں سمندری لہروں کی بلندی تیرہ فٹ تک ریکارڈ کی گئی جب کہ 90 سینٹی میٹر تک بارش نے کارپس کرسٹی، راک پورٹ اور اِن کے ملحقہ علاقوں میں جل تھل کر دیا۔ ان علاقوں میں کئی عمارتیں شدید متاثر ہوئیں۔ چار لاکھ سے زائد افراد کو محفوظ علاقوں میں منتقل ہونا پڑا۔
تصویر: Getty Images/AFP/M. Ralston
سمندری طوفان سے قبل سرفنگ
سمندری طوفان کے ٹکرانے سے قبل سَرفر تیز رفتار اور بلند ہوتی لہروں پر سرفنگ کا لطف اٹھاتے ہیں۔ ہاروی طوفان کی آمد سے قبل خلیج میکسیکو کے مقام گیلویسٹن میں ایک سَرفر بلند ہوتی موجوں پر سرفنگ کا لطف اٹھا رہا ہے۔
تصویر: picture alliance/AP Images/D.J.Phillip
ہاروی اب کمزور ہو چکا ہے
سمندری طوفان ہاروی کی قوت میں ساحل سے ٹکرانے کے بعد کمی آنا شروع ہو گئی تھی۔ یہ قوت اور شدت بتدریج کم ہوتی جاری ہے اور اب یہ معمول کی بارشوں کا حامل کم شدت والا ایک طوفان بن کر رہ گیا ہے۔
تصویر: picture-alliance/ZUMA Wire/Noaa
9 تصاویر1 | 9
حکام نے ریاست کی دو اہم بندرگاہوں پر کام بھی روک دیا ہے جبکہ بحری جہازوں کو بندرگارہ سے دور لنگر انداز کرنے کے احکامات دیے گئے ہیں تاکہ کسی بھی طرح کے نقصان سے بچا جا سکے۔
اڑیسہ کی انتظامیہ نے کسی بھی طرح کی ہنگامی صورتحال کا مقابلہ کرنے کے لیے کئی سو اہلکار تعینات کیے ہیں۔ اس دوران تمام تعلیمی ادارے بند کر دیے گئے ہیں جبکہ 15 مئی تک ڈاکٹروں اور دیگر طبی عملے کی چھٹی پر بھی پابندی عائد کر دی گئی ہے۔