ایئر ویژول نے حالیہ دنوں میں لاہور کا ’ایئر کوالٹی انڈکس‘ پانچ سو سے زائد تک ریکارڈ کیا۔ PM2.5 معیار میں فضا میں موجود ایسے چھوٹے ذرات کا جائزہ لیا جاتا ہے جو سانس کے ذریعے پھیپھڑوں اور خون تک میں شامل ہو جاتے ہیں۔ ورلڈ ہیلتھ آرگنائزیشن کے 2012 کے ڈیٹا کے مطابق لاہور میں PM2.5 کی سالانہ اوسط 68 رہی تھی۔

ایئر کوالٹی انڈکس میں لاہور کے بعد آلودہ ترین ہوا بھارتی دارالحکومت نئی دہلی میں ریکارڈ کی گئی جہاں PM2.5 ساڑھے تین سو تک ریکارڈ کیا گیا۔ ورلڈ ہیلتھ آرگنائزیشن کے 2012 کے ڈیٹا کے مطابق نئی دہلی میں PM2.5 کی سالانہ اوسط 122 رہی تھی۔

منگولیا کا دارالحکومت اولان باتور ایئر ویژول کی اس فہرست میں تیسرے نمبر پر ہے جہاں PM2.5 ایک سو ساٹھ سے زیادہ رہا۔ ورلڈ ہیلتھ آرگنائزیشن کے ڈیٹا کے مطابق اولان باتور میں PM2.5 کی سالانہ اوسط 75 رہی تھی۔

بھارتی شہر کلکتہ بھی آلودہ ترین ہوا والے شہروں کی اس فہرست میں چوتھے نمبر پر ہے جہاں PM2.5 حالیہ دنوں میں ڈیڑھ سو سے زیادہ ریکارڈ کی گئی۔ ورلڈ ہیلتھ آرگنائزیشن کے 2014 کے ڈیٹا کے مطابق کلکتہ میں PM2.5 کی سالانہ اوسط 61 رہی تھی۔

اسرائیلی شہر تل ابیب میں بھی PM2.5 کی حد ڈیڑھ سو کے قریب رہی۔ ورلڈ ہیلتھ آرگنائزیشن کے 2014 میں جمع کیے گئے ڈیٹا کے مطابق تل ابیب میں PM2.5 کی سالانہ اوسط بیس رہی تھی جب کہ قابل قبول حد پچاس سمجھی جاتی ہے۔

ایک ملین سے زائد آبادی والا نائجیرین شہر پورٹ ہارکورٹ اس فہرست میں چھٹے نمبر پر ہے جہاں ایئر کوالٹی انڈکس ایک سو چالیس ریکارڈ کیا گیا۔

بھارتی شہر ممبئی آلودہ ترین ہوا کے حامل شہروں کی اس فہرست میں شامل تیسرا بھارتی شہر ہے جہاں ایئر کوالٹی انڈیکس ایک سو تینتیس رہا۔

چینی شہر شنگھائی میں بھی بڑے لیکن آلودہ ہوا والے شہروں کی اس فہرست میں شامل ہے جہاں PM2.5 ایک سو انتیس ریکارڈ کیا گیا۔

چین کے شینگدو نامی شہر میں بسنے والے ایک ملین سے زائد انسان آلودہ ہوا میں سانس لینے پر مجبور ہیں۔ ایئر ویژول کے مطابق اس شہر میں چھوٹے خطرناک ذرات ماپنے کا معیار ایک سو چودہ رہا۔

ویت نام کے دارالحکومت ہنوئی میں بھی ایئر کوالٹی انڈیکس کا درجہ ایک سو بارہ رہا جو قابل قبول معیار سے دوگنا سے بھی زائد ہے۔

ہاتھ ملانے کے بارے میں یہ بھی کہا جاتا ہے کہ جب دو اجنبی افراد ایک دوسرے کو اپنا دایاں ہاتھ دیتے ہیں تو اس کا مطلب یہ بھی ہوتا ہے کہ وہ غیر مسلح ہے۔ نیورو کیمسٹری کے مطابق ہاتھ ملانے سے اعصابی نظام میں بہت سے کیمیائی مادے متحرک ہو جاتے ہیں، جن میں بائنڈنگ ہارمونز بھی شامل ہیں۔

ہاتھ ملانا 2000ء سال پرانا رواج ہے۔ قدیم دور کے اس یونانی گلدان پر موجود ان دو اشکال کو بھی ہاتھ ملاتے ہوئے دیکھا جا سکتا ہے۔ یونانیوں کا خیال تھا کہ بیماریاں جسم میں موجود آبی رطوبت کے عدم توزان کی وجہ سے ہوتی ہیں نہ کہ مصافحہ کرنے سے۔

مختلف ثقافتوں میں مصافحہ کرنے کی اہمیت مختلف ہے۔ مغربی ممالک میں پُر جوش انداز میں ہاتھ ملانے کو پختہ عزم اور ارادے سے تعبیر کیا جاتا ہے جبکہ مشرقی ملکوں میں رعب ڈالنے کے تاثر سے بچنے کے لیےنرمی سے مصافحہ کرنے کو ترجیح دی جاتی ہے۔

مصافحہ کرنے سے نزلے زکام یا اسی قسم کے دیگر جراثیم دوسرے شخص تک منتقل ہونے کا خطرہ موجود ہوتا ہے۔ نزلے زکام کا شکار کوئی شخص اگر اپنی ناک پونچھنے کے بعد کسی سے ہاتھ ملا لے تو دوسرے کے بھی بیمار ہونے کے امکانات ہوتے ہیں۔ اسی طرح اگر کسی بیمار شخص سے مصافحہ کرنے کے بعد ہاتھ آنکھوں کو لگا لیا جائے تو بھی انفیکشن کا خطرہ ہوتا ہے۔ کیا آپ یہ سب جان کر بھی اپنا ہاتھ دوسروں کے ہاتھ میں دینا چاہیں گے؟

مصافحے کے ذریعے کسی بھی مہلک مرض کا شکار ہونے سے بچنے کے لیے روزانہ صابن اور گرم پانی سے ہاتھ دھونا ضروری ہے تاہم بہت سے لوگ اس چیز کا خیال نہیں کرتے۔ ایک جائزے کے مطابق بیت الخلاء کے استعمال کے بعد صرف دو تہائی مرد ہاتھ دھونے کی زحمت کرتے ہیں۔

بل گیٹس اور معروف امریکی تاجر ڈونلڈ ٹرمف بیماریوں کے منتقل ہونے کے ڈر سے کسی سے مصافحہ نہیں کرتے۔ ہاتھ ملانے سے ڈرنے والے لوگوں کو ہمیشہ اپنے پاس جراثیم کش اسپرے رکھنا چاہیے۔ ہاتھ ملانے سے بچنے کے اور بھی کئی متبادل طریقے ہیں۔

ابھی حال ہی میں سامنے آنے والے ایک جائزے میں تجویز کیا گیا ہے کہ طبی مراکز میں مصافحہ کرنے کو ممنوع قرار دے دینا چاہیے۔ مثال کے طور پر ہسپتالوں میں ہاتھ ملانے پر مکمل طور پر پابندی ہونی چاہیے۔ ہاتھ ملانے اور بیماریوں کی منتقلی سے متعلق آگاہی بڑھتی جا رہی ہے، جس کی وجہ سے انسداد مصافحہ کی تحریک کو بھی فروغ حاصل ہو رہا ہے۔

ایک جائزے سے ثابت ہوا ہے کہ مٹھی کو بند کر کے مکّا بنا کر اگر کسی دوسرے سے مصافحہ کیا جائے تو اس سے جراثیم منتقل ہونے کے امکانات صرف دس فیصد رہ جاتے ہیں۔ امریکی صدر باراک اوباما اور خاتون اول مشیل اوباما اسی طرح سے امریکی شہریوں کے ساتھ مصافحہ کرنے کو فوقیت دیتے ہیں۔