آئس لینڈ کا یہ آتش فشاں پہاڑ ایک گلیشیئر کے اندر سن 2010 میں پھٹا تھا۔ اس کے پھٹنے سے فضا دھوئیں کے کثیف بادلوں سے بھر گئی تھی، جس سے کئی براعظموں میں مسافر پروازیں شدید متاثر ہوئی تھیں۔ ایک ہفتے میں قریب ایک لاکھ مسافر پروازیں ملتوی کرنا پڑی تھیں۔

اٹلی کے جزیرے سسلی پر برف سے ڈھکا آتش فشاں ماؤنٹ اَیٹنا نہ صرف یورپ کا سب سے بڑا آگ اگلنے والا پہاڑ ہے بلکہ یہ سب سے فعال آتش فشاں بھی ہے۔ کبھی کم اور کبھی زیادہ شدت سے، یہ پہاڑ صدیوں سے لاوا اور آگ اگلتا آیا ہے۔سن 2017 میں اس پہاڑ کے پھٹنے کے بعد اس سے نکلنے والے دھوئیں اور فضا میں اڑتے پتھروں سے دس افراد زخمی ہو گئے تھے۔

سیاحوں کی جنت کہلانے والا انڈونیشیا کا تعطیلاتی جزیرہ بالی بھی قریب ہی واقع آتش فشاں اگونگ سے متاثر ہوتا آیا ہے۔ نومبر سن 2017 اور پھر جون سن 2018 میں اس کے ایک بار پھر پھٹ پڑنے کے سبب قریبی ہوائی اڈے بند کرنا پڑ گئے تھے۔ تب ہزاروں سیاح اس جزیرے میں پھنس کر رہ گئے تھے۔

رواں ماہ جون میں گوئٹے مالا کے ’وولکان دے فیوگو‘ نامی آتش فشاں کے اچانک پھٹنے سے سینکڑوں افراد ہلاک یا لاپتہ ہو گئے۔ اس پہاڑ کے پھٹنے کے بعد گہرے کالے دھوئیں کے بادل فضا میں چھ کلومیٹر کی بلندی تک پہنچ گئے تھے، جنہوں نے کئی دیہات کو بھی اپنی لپیٹ میں لے لیا تھا۔

امریکی ریاست ہوائی کے مقامی باشندوں کے قدیم مذہب میں آگ اور آتش فشاں پہاڑوں پر حکومت کرنے والی دیوی کو ’پیَلے‘ کہا جاتا تھا۔ پَیلے کے زیر نگیں آتش فشانوں میں سے ایک ہوائی میں واقع کِیلوئیا نامی پہاڑ بھی ہے جو سن 1983 سے وقفے وقفے سے آگ اگلتا آیا ہے۔ اس پہاڑ سے لاوے کے اخراج میں رواں برس بہت اضافہ ہو گیا اور اس نے قریب سے گزرنے والی بہت سی سڑکوں کو نگلتے ہوئے سینکڑوں مکانات بھی تباہ کر دیے۔

فلپائن کے شہر بتنگاس میں آتش فشاں کے قریب کے علاقے لیمرے میں رہائش پذیر ایک خاندان جان بچا کر بھاگ رہا ہے۔ پیر کے روز اس آتش فشاں کے اردگرد کے علاقوں سے گیارہ ہزار سے زائد افراد کو نکالا گیا ہے۔

پیر کے روز جب ٹال کا آتش فشاں پھٹا تو اس نے تا گیٹائے شہر کو مٹی سے ڈھانپ دیا۔ پورے لوزون شہر میں منہ کو ڈھانپنے کے لیے ماسک فروخت کیے گئے۔ جبکہ منیلا کے بین الاقوامی ہوائی اڈے سے پانچ سو سے زائد پروازیں منسوخ کی گئیں۔ دھویں کے باعث زیادہ دور تک دیکھنا ممکن نہیں رہا اور یہی وجہ بنی گاڑی کے ایک حادثے کی جس میں ایک شخص کی موت ہو گئی۔

جب لوگ قریبی شہر ٹلیسے کو خالی کررہے تھے تو راکھ مٹی اور پتھروں کی ایسی بارش ہوئی کہ چھتریاں بھی کام نہ آئیں۔

ٹال دنیا کےسب سے چھوٹے آتش فشانوں میں سے ایک ہے لیکن یہ فلپائن کا سب سے متحرک آتش فشاں بھی ہے۔ یہ ۱۹۷۷ سے اب تک نہیں پھٹا تھا۔ انیس سو گیارہ میں اس پہاڑ کی آتش فشانی کے نتیجے میں ایک ہزار سے زائد جانیں چلی گئی تھیں۔ حکام نے ایک بار پھر اس کی ممکنہ آتش فشانی کے خطرے سے آگاہ کیا ہے۔

اتوار کے روز صوبہ کویٹی میں آتش فشاں پہاڑ اور منیلا کے درمیان موجود آٹھ ہزار سے زائد لوگوں کو انخلاء کا حکم دیا گیا۔ اس چھوٹے آتش فشاں کے پاس کا علاقہ سیاحوں کی توجہ کا مرکز ہے۔ ہزاروں سیاح اس علاقے میں سیاحت کے غرض سے آتے ہیں۔ اتوار کی شام تک چھ ہزار سے زائد افراد یہ علاقہ چھوڑ کر جا چکے تھے۔

اتوار کی شام آسمانی بجلی اور دھواں منیلا کے بین الاقوامی ہوائی اڈے سے پروازوں کو معطل کرنے کا سبب بنا۔ فلپائن کے انسٹیٹیوٹ برائے آتش فشانی اور زلزلے کی پیشگوئی کرنے والے محکمے نے خطرے کی سطح کو چار سے پانچ فیصد تک بڑھا دیا ہے۔ جس کا مطلب ہے کہ کسی بھی وقت یہ آتش فشاں پھٹ سکتا ہے۔

اتوار کے روز جب فلپائن کا آتش فشاں پہاڑ پھٹا تو وہاں کے رہائشیوں نے پندرہ کلو میٹر دور تک دھویں کے بادل دیکھے۔ ایک بڑی آتش فشانی کی پیش گوئی کی گئی ہے۔ آتش فشاں پہاڑ کے پاس جھیل کے کنارے موجود دیہات کو بھی خالی کرا لیا گیا ہے۔

راکھ اور بارش کے پانی نے مل کر علاقہ چھوڑنے والے رہائشیوں کو ڈھانپ لیا ہے۔ فلپائن کے لوگ یہ دردناک بات جانتے ہیں کہ فطرت تباہی مچا سکتی ہے۔ کرسمس کے موقع پر طوفان مکانات کی تباہی اور جانوں کے ضیاع کا سبب بنا۔