سانپوں کی خاصیت ہے کہ وہ اپنے شکار کو آہستہ آہستہ اپنے شکنجے میں لیتے ہیں، اس وقت تک جب تک شکار کا دم گُھٹ نہ جائے۔ پھر وہ اپنے شکار کو نگلنا شروع کرتے ہیں۔ جکڑنے کی خصوصیت کی وجہ سے ہی چند ممالک میں سانپوں کو مساج میں بھی استعمال کیا جاتا ہے۔

مساج کرانے والوں کو سانپوں سے ڈرنے کی ضرورت نہیں کیونکہ مساج کے عمل سے 30 منٹ پہلے ان سانپوں کو خوب اچھا کھانا کھلایا جاتا ہے اور بعد میں اس کے جبڑے کو بند کر دیا جاتا ہے۔ تین میٹر لمبا اور آٹھ کلو گرام وزنی سانپ دورانِ مساج زیادہ تر کمر اور ٹانگوں پر رہتا ہے۔

مساج کروانے والے کتنی ہی ہمت کا مظاہرہ کیوں نہ کریں پھر بھی ذہن میں کہیں نہ کہیں ڈر اور خوف رہتا ہے۔ ایسا مساج کروانے والوں کا کہنا ہے کہ سانپوں کے ہلنے سے جسم میں عجیب سی سنسنی کی کیفیت پیدا ہوتی ہے۔

انسانی ہاتھوں کے مقابلے میں سانپ کی جکڑن بالکل مختلف ہوتی ہے۔ انسانی جسم پر ان سانپوں کی گرفت آہستہ آہستہ کم ہوتی اور بڑھتی ہے۔

مساج ختم ہونے کے بعد لوگ چین کا سانس لیتے ہیں۔ اکثر افراد نے اس بات کو تسلیم بھی کیا کہ مساج کے دوران انہوں نے اپنے خوف پر قابو پانا بھی سیکھا۔

گاہکوں کی حفاظت کے نقطہ نظر سے مساج رُوم میں سپر وائزر بھی موجود رہتے ہیں تاکہ سانپ کی حرکت اور اُس کے رویے پر نظر رکھی جا سکے۔

انڈونیشیا کے علاوہ چند دیگر ممالک میں بھی سانپوں کا مساج مقبول ہو رہا ہے اور اب ایسے کچھ مساج سینٹر برطانیہ اور فلپائین میں بھی کھل چکے ہیں۔

جرمن شہر ٹریئر میں قائم کی جانے والی عارضی رہائش گاہوں میں تقریباً ساڑھے آٹھ سو افراد کا انتظام کیا جا سکتا ہے۔ جب کوئی بھی مہاجر جرمنی آتا ہے تو اسے ابتدائی تین ماہ اسی طرح کی جگہوں پر رکھا جاتا ہے۔ بعد ازاں انہیں کسی دوسرے شہر یا کسی مضافاتی علاقے میں بھیج دیا جاتا ہے، جہاں پر انتظامات مختلف ہوتے ہیں۔

سیاسی پناہ کے متلاشیوں کی بڑھتی ہوئی تعداد کے باعث عارضی رہائش گاہوں میں جگہ ختم ہو گئی ہے۔ اس وجہ سے شہر کے ٹاؤن ہال یا دیگر سرکاری عمارتوں میں ہنگامی انتظامات کیے گئے ہیں۔ یہ تصویر شہر ’ہام‘ میں قائم کی جانے والی ایک ایسی ہی ہنگامی رہائش گاہ کی ہے، جہاں ایک وقت میں پانچ سو مہاجرین قیام کر سکتے ہیں۔

مہاجرین کی اتنی بڑی تعداد کو رہائش فراہم کرنے میں اکثر شہروں کی انتظامیہ کو شدید مشکلات کا سامنا ہے۔ مثال کے طور پر شہر آخن کو جولائی کے وسط میں تین سو مہاجرین کے قیام کا انتظام کرنا تھا اور اس موقع پر ان افراد کو صرف اسکول میں ہی پناہ دی جا سکتی تھی۔

اس دوران جرمنی میں بہت سے مقامات پر مہاجرین کے لیے خیمے بھی لگائے جا رہے ہیں۔ موسم گرما میں تو ان عارضی خیموں کو استعمال کیا جا سکتا ہے تاہم سردیوں میں ان مہاجرین کو کسی عمارت میں منتقل کرنا پڑے گا۔

مہاجرین کے لیے سب سے بڑی خیمہ بستی مشرقی جرمن شہر ڈریسڈن میں قائم کی گئی ہے۔ یہاں رہنے کے لیے صبر کی ضرورت ہے۔ بیت الخلاء کے لیے طویل قطاریں لگتی ہیں اور کھانے کے لیے بھی انتظار کرنا پڑتا ہے۔ آج کل یہاں پر پندرہ ممالک کے ایک ہزار افراد موجود ہیں۔ اس خیمہ بستی میں کُل گیارہ سو افراد قیام کر سکتے ہیں۔

زیادہ سے زیادہ پناہ گزینوں کا انتظام کرنے کے لیے بہت سے جرمن علاقوں میں کنٹینرز میں بھی رہائش گاہیں قائم کر دی گئی ہیں۔ شہر ٹریئر میں 2014ء سے ایسی رہائش گاہیں قائم ہیں۔ آج کل یہاں ایک ہزار سے زائد مہاجرین پناہ لیے ہوئے ہیں۔

صوبے باڈن ورٹمبرگ میں مہاجرین کے لیے زیر تعمیر ایک عمارت کو 18 جولائی کو نذر آتش کرنے کی کوشش کی گئی۔ اس دوران جرمنی کے مشرقی اور جنوبی حصوں میں روزانہ کی بنیادوں پر مہاجرین کی رہائش گاہوں کو نشانہ بنانے کے واقعات رونما ہو رہے ہیں۔ غیر ملکیوں سے اس نفرت کے خلاف شہریوں کی جانب سے مظاہرے بھی کیے جا رہے ہیں۔

سوشل ڈیموکریٹک پارٹی کے سربراہ اور نائب جرمن چانسلر زیگمار گابریئل نے اکتیس جولائی کو صوبہ میکلنبرگ پومیرانیہ میں قائم ایک مہاجر بستی کا دورہ کیا۔ یہاں تین سو افراد رہائش پذیر ہیں۔ اس موقع پر گابریئل نے کہا کہ مہاجرین کو پناہ دینے کا تعلق صرف پیسے سے نہیں بلکہ یہ عزت و وقار کا معاملہ بھی ہے۔

پناہ گزینوں کو مناسب سہولیات فراہم کرنے لیے مختلف علاقوں میں نئی رہائش گاہیں تعمیر کی جا رہی ہیں۔ یہ صوبہ باویریا میں تعمیر کی جانے والی ایک ایسی ہی عمارت کی تصویر ہے، جس میں ساٹھ افراد کی گنجائش ہے۔ جنوری 2016ء میں تعمیراتی سلسلہ مکمل ہو جائے گا۔

مہاجرین کے لیے جب تک نئی باقاعدہ رہائش گاہیں تعمیر نہیں ہو جاتیں، عارضی رہائش گاہوں کی تعمیر کا سلسلہ جاری رہے گا، جیسے میونخ میں قائم کی جانے والی یہ خیمہ بستی ہے، جسے ایک ہی رات میں تعمیر کیا گیا۔ اس میں کئی درجن خیمے ہیں، جن میں تقریباً تین سو بستر لگائے گئے ہیں۔