یہ شہر دو افسانوی ساحلوں کا شہر ہے اور ماضی کے کئی شہرہ آفاق گیتوں میں ان کا ذکر ملتا ہے۔ یہ شہر چھ اعشاریہ بتیس ملین کی آبادی کے ساتھ ملک کا دوسرا بڑا شہر ہے۔ سورج کے پجاریوں کے لیے اس شہر کے ساحل مقناطیس کی حیثیت رکھتے ہیں۔

ریو ڈی جینرو کے ساحل پر کھڑے ہو کر پہاڑوں اور جزائر کے پیچھے غروب ہوتے ہوئے آفتاب کا نظارہ کرنا ایک ناقابل فراموش تجربہ ہے۔ اس تصویر میں آپ ریو کے مشہور شوگر لوف پہاڑوں کو دیکھ سکتے ہیں۔

ریو ناقابل بیان مناظر سے سے بھرا پڑا ہے۔ اگر آپ برازیل کی سیاحت کے لیے جائیں توشوگر لوف پہاڑوں کے مقام وسٹا پر ہر صورت جائیں۔ سیاح کیبل کار کے ذریعے تین سو پچانوے میٹر بلند چوٹی تک پہنچ رہے ہیں۔ یہ چوٹی سن انیس سو تیرہ سے سیاحوں کی توجہ کی مرکز ہے۔

مسیح نجات دہندہ ( مجمسہ) بازو پھیلائے شوگر لوف پہاڑوں کو دیکھ رہا ہے۔ یہ مجسمہ تیس میٹر بلند، اٹھائیس میٹر چوڑا اور اس کا وزن تقریباﹰ گیارہ سو پینتالیس ٹن ہے۔ اسے ریو کی علامت بھی کہا جاتا ہے۔ روزانہ تقریباﹰ چار ہزار سیاح اس مجسمے کے مقام پر آتے ہیں۔

ریو کی کچی آبادی کو اس کا دوسرا چہرہ قرار دیا جاتا ہے۔ ریو میں چھ ملین سے زائد افراد رہائش پذیر ہیں اور ان میں سے ہر پانچواں فرد اسی طرح کی کسی کچی آبادی میں رہتا ہے۔ ایسے سیاح کم ہی ہوتے ہیں، جو ذاتی طور پر اس علاقے کا رخ کریں لیکن کسی مقامی گائیڈ کے ساتھ اس علاقے کی سیر کی جا سکتی ہے۔

کارنیوال برازیل کا سب سے اہم تہوار ہے۔ مقامی افراد اور سیاح ریو کی گلیوں اور سڑکوں پر مل کر یہ جشن مناتے ہیں۔ سب سے منفرد بات یہ ہے کہ اس دوران ریو کے مشہور سمبا اسکولوں کے مابین مقابلہ ہوتا ہے اور اس میں ہزاروں سمبا ڈانسر حصے لیتے ہیں۔

برازیل کی اگوازو آبشار ایک قدرتی عجوبے سے کم نہیں ہے۔ یہ آبشار برازیل میں ارجنٹائین کی سرحد کے قریب واقع ہے اور دنیا کی سب سے بڑی آبشار ہے۔ یونیسکو کے عالمی ثقافتی ورثے میں شامل اس آبشار کا سب سے بہترین ویو برازیل کی طرف سے ہی نظر آتا ہے۔

چکمتی ہوئی ریت کے ہزاروں ٹیلے اور ان کے درمیان میٹھے پانی کے چشمے مل کر انتہائی خوبصورت نظارہ پیش کرتے ہیں۔ یہ منفرد پارک برازیل کے شمال میں پندرہ سو پچاس مربع کلومیٹر پر محیط ہے۔ اسے انیس سو اکیاسی میں نیشنل پارک کا درجہ دے دیا گیا تھا۔

دنیا کے کسی بھی دریا سے زیادہ پانی ایمیزون دریا میں پایا جاتا ہے۔ اگر آپ برازیل کے قدرتی حسن کو دیکھنا چاہتے ہیں تو اس کے لیے آپ کو وقت درکار ہو گا۔ مقامی گائیڈ اور کمپنیاں ہر طرح کی سہولیات فراہم کرتے ہیں اور جنگل کیمپ میں بھی قیام کیا جا سکتا ہے۔

قدرتی حسن کے علاوہ جس کو اوپرا سے محبت ہے وہ میناوس شہر کا رخ کر سکتا ہے۔ اس شہر میں ہر سال تین ہفتوں پر مشتمل اوپرا فیسٹیول منایا جاتا ہے۔ اس شہر کا مشہور اوپرا ہاؤس بھی قابل دید ہے، جسے مقامی ربڑ انڈسٹری سے ملنے والے آمدنی سے 1896ء میں تعمیر کیا گیا تھا۔

شمال مشرقی برازیل میں بہت کم سیاح جاتے ہیں۔ لیکن اولینڈا شہر کو نو آبادیاتی دور کے فن تعمیر کا زیور سمجھا جاتا ہے۔ سترہویں صدی میں اسے آرٹسٹوں کا شہر سمجھا جاتا تھا اور اس کی اس حیثیت میں آج بھی کوئی فرق نہیں پڑا۔ اسے شہر کو 1982ء میں یونیسکو کے عالمی ورثے میں شامل کر لیا گیا تھا۔

شہر سلواڈور ڈی باحیہ سابق پرتگالی کالونی رہا ہے اور یہ صدیوں تک سرمایہ کاروں کے لیے برازیل میں غلاموں کی تجارت کا مرکز رہا ہے۔ آج اسے افریقی برازیلی ثقافت کا مرکز کہا جاتا ہے۔ یہ شہر نہ صرف موسیقی بلکہ دوستانہ ماحول کی وجہ سے بھی مشہور ہے۔

برازیل کی تاریخ میں اس کے تین دارالحکومت رہے ہیں۔ سب سے پہلا دارالحکومت سلواڈور ڈی باحیہ تھا پھر ریو ڈی جنیرو بنا اور 1960ء سے برازیلیہ دارالحکومت ہے۔

جمعہ پچیس جنوری کی سہ پہر میں ڈیم ٹوٹنے کے بعد سے متاثرین کی تلاش کا سلسلہ جاری ہے۔ کان کے کیفے ٹیریا پر کھانا کھانے والے کئی کان کن کیچڑ کی زد میں آ گئے۔ ایسے ہی ایک کان کن نعش تلاش کرنے کے بعد باہر نکالی جا رہی ہے۔

برماڈینو شہر کے فائرفائٹرز کو کیچڑ میں سے نعشوں کو ڈھونڈنے میں شدید مشکلات کا سامنا ہے۔ وقت گزرنے کے ساتھ ساتھ تلاش کے اس کام میں شدید دشواری پیدا ہوتی جا رہی ہے کیونکہ کیچڑ میں نمی کم ہونے سے سختی پیدا ہونے لگی ہے۔

برماڈینو شہر کے نواح میں واقع ڈیم کے ٹوٹنے کے بعد حکام نے تصدیق کی ہے کہ ابھی تک کئی افراد لاپتہ ہیں۔ وقت گزرنے کے ساتھ ساتھ کیچڑ میں دبے ہوئے لاپتہ افراد کے زندہ بچنے کی امیدیں کم ہو گئی ہیں۔

ڈیم کے ٹوٹنے کے بعد پانی اور کیچڑ نے جہاں خام لوہے کی کان کو اپنی لپیٹ میں لیا وہاں قریبی بازار کی دکانیں اور مکانات بھی تباہ ہو کر رہ گئے ہیں۔ مارکیٹ کی ایک دکان میں بیٹھا دکاندار پریشانی کے عالم میں اپنی تباہ شدہ دکان کو دیکھ رہا ہے۔

لاپتہ افراد کی تلاش کے لیے فائربریگیڈز اور دوسرے امدادی عملے کے اراکین تلاش کا عمل جاری رکھے ہوئے ہیں۔ ابھی تک کان کے اندر موجود کان کنوں کے حوالے سے کوئی حتمی معلومات فراہم نہیں کی گئی ہیں۔ کان کی انتظامیہ کے مطابق پھنسے ہوئے کان کنوں کے زندہ بچنے کی امید بہت کم ہے۔

برماڈینو شہر کے نواح میں ڈیم ٹوٹنے سے وہاں کے مکینوں کو بھاری جانی و مالی نقصان کا سامنا ہے۔ ڈیم کے پھیلے ہوئے کیچڑ سے ہونے والے نقصان کا اندازہ ابھی تک نہیں لگایا گیا ہے۔

ڈیم ٹوٹنے کے بعد پانی اور کیچڑ نے قریبی مکانات بھی تباہ کر دیے۔ سب سے زیادہ متاثرہ ولا فورٹیکو کی بستی ہے۔ اس حادثے میں لاپتہ افراد کی تعداد 366 بتائی گئی ہے۔ اب تک دو درجن کے قریب افراد زخمی حالت میں ہسپتال پہنچائے گئے ہیں۔

برماڈینو کی خام لوہے کی کان ایک بہت بڑا کمپلیکس ہے۔ اس کان کی کھدائی سے نکلنے والے پانی کو کان کے باہر ذخیرہ کیا جاتا رہا ہے۔ اس ذخیرے کو ایک بند کی شکل دے دی گئی تھی جو انجام کار ناقص ثابت ہوئی۔ اسی علاقے میں تین سال قبل بھی ایک ایسے ہی ڈیم کے ٹوٹنے سے انیس افراد ہلاک ہوئے تھے۔