موسمياتی تبديلياں گزشتہ دہائی ميں ہر پانچ ميں سے چار قدرتی آفات کی وجہ بنيں۔ يہ انکشاف ريڈ کراس کی ورلڈ ڈيزاسٹر رپورٹ ميں کيا گيا ہے، جو جنيوا سے منگل سترہ نومبر کو جاری کی گئی۔

سن 2010 سے لے کر اب تک سيلابوں، طوفانوں اور شديد گرمی کی لہروں کی وجہ سے چار لاکھ دس ہزار افراد ہلاک ہو چکے ہيں۔ ايسی قدرتی آفات ميں لاکھوں افراد بے گھر بھی ہوئے بالخصوص دور دزار کے اور ديہی علاقوں ميں جن کا اکثر اعداد و شمار ميں بھی تذکرہ نہيں ہوتا۔

سالانہ ورلڈ ڈيزاسٹر رپورٹ ميں بتايا گيا ہے کہ سن 1990 کی دہائی کے بعد سے موسمياتی تبديليوں کی وجہ سے نمودار ہونے والی قدرتی آفات کی آمد ميں ہر دہائی پينتيس فيصد کا اضافہ ريکارڈ کيا گيا۔ اس وقت دنيا ميں آنے والی تمام قدرتی آفات کا تراسی فيصد موسمياتی تبديليوں کی وجہ سے آتا ہے۔

صرف گزشتہ ايک دہائی کے دوران آنے والی قدرتی آفات کی وجہ سے سترہ لاکھ افراد شديد متاثر ہوئے۔ کچھ کے اہل خانہ ہلاک ہوئے، کچھ کا مال مويشی گيا اور کئی کی زمينيں تباہ ہو گئيں۔

سن 2015 ميں طے پانے والے پيرس معاہدے کی شرائط کے مطابق امير ملکوں نے تحفظ ماحول کی مد ميں غريب ملکوں کو سالانہ ايک سو بلين ڈالر کی امداد فراہم کرنے کا فيصلہ کيا تھا۔ تاہم فراہم کردہ فنڈز مطلوبہ رقوم سے کم رہيں۔ مثال کے طور پر سن 2018 ميں 79.8 بلين فراہم کيے گئے۔

ريڈ کراس نے اقوام عالم پر زور ديا ہے کہ موسمياتی تبديليوں سے اسی طرح نمٹا جائے، جيسے کورونا سے نمٹا جا رہا ہے کيونکہ يہ معاملہ بھی اتنا ہی سنجيدہ ہے۔

دنیا کے کچھ خطوں میں تازہ پانی تک رسائی کو انتہائی غیر سنجیدہ طور پر لیا جاتا ہے تاہم حقیقت میں یہ ایک ’عیاشی‘ ہے۔ دنیا میں موجود پانی میں سے تازہ اور پینے کے لیے آلودگی سے پاک پانی کا ذخیرہ صرف 2.5 فیصد بنتا ہے اور اس میں سے بھی نصف سے زائد برف ہے۔ سن دو ہزار پچاس تک دنیا کی آبادی کا ایک تہائی اس اہم جنس کی شدید کم یابی کا شکار ہو جائے گا، جس سے انسانی زندگی شدید متاثر ہو گی۔

زیر کاشت زمین کے حصول کی خاطر دنیا بھر میں مقابلہ بڑھتا جا رہا ہے۔ آبادی میں اضافے کی وجہ سے اجناس کی طلب میں بھی اضافہ ہو رہا ہے۔ ساتھ ہی انسان اپنے غیر ذمہ دارانہ طرز زندگی سے اس زمین کو نقصان بھی پہنچا رہے ہیں۔ چین اور سعودی عرب اس کوشش میں ہیں کہ وہ افریقہ میں قابل کاشت زمینیں خرید لیں۔ نئے دور میں یہ زمین ایک نیا سونا بنتی جا رہی ہے۔

زمین سے حاصل کردہ قدیمی ذرائع توانائی میں بھی کمی ہوتی جا رہی ہے۔ تیل، گیس اور اسی طرح کے دیگر فوسل فیولز کو پیدا نہیں کیا جا سکتا۔ ان قدرتی وسائل کا بے دریغ استعمال ایک لمحہ فکریہ ہے۔ عراق اور لیبیا جیسے ممالک کے لیے یہ زیادہ پریشان کن ہے کیونکہ وہاں موجود قدرتی گیس اور تیل کی ذخائر کے خاتمے کے بعد ان کے پاس کچھ نہیں بچے گا۔

جرمنی جیسے ممالک بھی اگرچہ توانائی کے متبادل ذرائع کی طرف قدم بڑھانے میں ہچکچاہٹ کا شکار ہیں لیکن اچھے کوئلے کے ذخائر بھی ختم ہونے کے قریب ہیں۔ پولینڈ میں بھورے کوئلے کے وسیع تر ذخائر سن دو ہزار تیس تک ختم ہو جائیں گے۔ سخت کوئلے کی کانیں شاید باقی بچیں گی لیکن وہ بھی جلد ختم ہو جائیں گی۔

اگر ہم صحرا کو سوچیں تو ریت کی وسعت کا کوئی اندازہ نہیں کر سکتا۔ لیکن اس کی قدرتی پیداوار کا عمل انتہائی سست ہے۔ ریت بھی توانائی کا ایک متبادل ذریعہ ہے لیکن تعمیراتی مقاصد کی خاطر اسے اتنی تیزی سے استعمال کیا جا رہا ہے کہ جلد ہی یہ بھی ختم ہو جائے گی۔ بالخصوص افریقہ، جہاں 2050ء آبادی دوگنا ہو جائے گی، تب وہاں یہ جنس نایاب ہو جائے گی۔

انسانوں کے لاپروا رویوں کی وجہ سے دنیا میں جانداروں کی کئی نسلیں ناپید ہونے کے خطرے سے دوچار ہیں۔ یہ پیش رفت اس زمین کے حیاتیاتی تنوع کے لیے انتہائی خطرناک ہے۔ شکار اور ماحولیاتی تبدیلیوں کے باعث یہ خطرہ دوچند ہو چکا ہے۔ ان اہم جانوروں کے ختم ہونے سے انسانی زندگی بھی خطرے میں پڑ جائے گی۔

تو معلوم ہوتا ہے کی تمام اہم قدرتی وسائل ختم ہوتے جا رہے ہیں۔ کیا وقت بھی ختم ہونے کو ہے؟ اب بھی کچھ وقت باقی ہے اور کچھ حلقوں کا خیال ہے کہ اگر آئندہ بارہ برسوں کے لیے ’ماحولیاتی ایمرجنسی‘ نافذ کر دی جائے تو انسانوں کی پھیلائی ہوئی ماحولیاتی تباہی سے نمٹا جا سکتا ہے۔ اگر عمل نہ کیا تو جلد ہی وقت بھی ختم ہو جائے گا۔

چين شمسی توانائی کے حصول ميں سرفہرست ملک ہے۔ وہاں سن 2020 ميں مجموعی طور پر 261.1 ٹيرا واٹ گھنٹہ بجلی پيدا ہوئی۔ ٹيرا واٹ گھنٹہ بجلی کی پيمائش کا طريقہ ہے۔ فی ٹيرا واٹ گھنٹہ بجلی کے ايک يونٹ کو کہا جاتا ہے، جس ميں فی گھنٹہ ايک کھرب واٹ بجلی پيدا ہوتی ہے۔

امريکا بھی اس فہرست ميں نماياں ہے۔ وہاں 2020ء ميں مجموعی طور پر 132.63 ٹيرا واٹ گھنٹہ بجلی پيدا ہوئی۔ گزشتہ برس جاپان ميں سورج کی روشنی سے 84.45 ٹيرا واٹ گھنٹہ بجلی پيدا ہوئی۔

بھارت اور جرمنی بھی شمسی توانائی کے حصول ميں پيش پيش ہيں۔ بھارت ميں سالانہ 58.73 ٹيرا واٹ گھنٹہ بجلی پيدا ہوتی ہے۔ جرمنی ميں سن 2020 کے دوران مجموعی طور پر 51 ٹيرا واٹ گھنٹہ بجلی پيدا کی گئی۔ جوہری قوت يا کوئلے کی نسبت سورج کی روشنی سے توانائی کے حصول کو ماحول دوست قرار ديا جاتا ہے۔

اٹلی اور اسپین یورپی صف بندی ميں تيسری پوزيشن پر ہيں۔ ان ملکوں ميں سالانہ بيس سے چاليس ٹيرا واٹ گھنٹہ بجلی پيدا ہوتی ہے۔ پچھلے سال اٹلی اور اسپين ميں بالترتيب 26.5 اور 20.76 ٹيرا واٹ گھنٹہ بجلی پيدا ہوئی۔

سالانہ دس سے بيس ٹيرا واٹ گھنٹہ بجلی پيدا کرنے والے ملکوں کی فہرست ميں جنوبی کوريا، آسٹريليا، ويت نام، ترکی، فرانس، برطانيہ اور ميکسيکو شامل ہيں۔ ان ملکوں کے بعد برازيل اور ہالينڈ کا نمبر آتا ہے، جہاں پچھلے سال بالترتيب 7.59 اور 7.91 ٹيرا واٹ گھنٹہ بجلی پيدا ہوئی۔

سن 2020 کے دوران ڈھائی سے ساڑھے سات ٹيرا واٹ گھنٹہ بجلی پيدا کرنے والے ملکوں ميں جنوبی افريقہ چلی، کينيڈا، مصر، متحدہ عرب امارات، تھائی لينڈ، يونان، سوئٹزرلينڈ اور بيلجيئم شامل ہيں۔

پاکستان کا شمار ان ملکوں ميں ہوتا ہے، جہاں سن 2020 کے دوران شمسی توانائی سے ايک سے ڈھائی ٹيرا واٹ گھنٹہ بجلی پيدا ہوئی۔ پاکستان ميں مجموعی طور پر 1.03 ٹيرا واٹ گھنٹہ بجلی پيدا ہوئی۔ اس فہرست ميں اردن، روس، ارجنٹائن، ہنڈوراس، مراکش، قزاقستان، پرتگال، پولينڈ، چيک ری پبلک، ہنگری، رومانيہ، فلپائن، بلغاريہ، پورٹو ريکو اور آسٹريا بھی شامل ہيں۔

پيرو، الجزائر، يوکرائن، ملائيشيا اور کئی جنوبی امريکی و افريقی ممالک اس ملکوں کی فہرست کا حصہ ہيں، جہاں سالانہ ايک ٹيرا واٹ گھنٹہ سے کم بجلی پيدا ہوتی ہے۔