ترکی: بچوں کے ساتھ زیادتی کرنے والوں کی ’کیمیائی آختہ کاری‘
شمشیر حیدر AFP, AP, dpa
21 فروری 2018
ترک پارلیمان میں جلد ہی ایک ایسا قانون پیش کیا جا رہا ہے جس کے مطابق بچوں کے ساتھ جنسی زیادتی کرنے والوں میں دوا کی مدد سے جنسی عمل کی خواہش محدود یا ختم کر دی جائے گی۔
تصویر: Fotolia/Gina Sanders
اشتہار
ترک وزیر انصاف عبدالمجید گل کا کہنا ہے کہ ملک میں کم عمر بچوں کے ساتھ جنسی زیادتی کرنے والے افراد کے خلاف سخت ترین اقدامات کا یہ قانونی مسودہ جلد ہی ملکی پارلیمان میں منظوری کے لیے پیش کر دیا جائے گا۔ اس قانون کے مطابق حکام بچوں کے ساتھ جنسی زیادتی میں ملوث افراد میں دوا کی مدد سے جنسی عمل کی خواہش محدود یا بالکل ختم کر پائیں گے۔
ترک وزیر کے مطابق اس قانون کا مسودہ تیار کر لیا گیا ہے اور اسے اگلے چند روز کے اندر ملکی پارلیمان میں بحث اور منظوری کے لیے پیش کر دیا جائے گا۔ انسانی حقوق کے لیے سرگرم تنظیموں کی جانب سے اس تجویز پر شدید ردِ عمل بھی سامنے آیا ہے جنہوں نے ’کیمیائی آختہ کاری‘ یا ’خصی بنانے‘ کو انسانی حقوق کے منافی قرار دیا ہے۔
’بچیوں کے تحفظ کے لیے ضرب عضب جیسے آپریشن کی ضرورت ہے‘
01:55
This browser does not support the video element.
حالیہ عرصے کے دوران ترکی میں بچوں کے ساتھ جنسی زیادتی کے واقعات میں نمایاں اضافہ ہوا ہے۔ سن 2016 میں ترک عدالتوں کے سامنے ایسے اکیس ہزار سے زائد مقدمات پیش کیے گئے جب کہ ایک دہائی قبل سن 2006 میں بچوں کے ساتھ زیادتی کے قریب اڑتیس سو مقدموں کی سماعت کی گئی تھی۔
Chemical castration یا ’کیمائی آختہ کاری‘ کے عمل میں ادویات کی مدد سے مردوں میں جنسی خواہش محدود کی جا سکتی ہے۔ تاہم اس عمل سے گزارے جانے کے بعد جنسی خواہش مستقل طور پر ختم نہیں ہوتی۔
ترک وزیر انصاف عبدالمجید گلتصویر: picture-alliance/AP Photo/B. Ozbilici
انقرہ حکومت نے اس سے قبل سن 2016 میں بھی ایسا قانون لاگو کرنے کی کوشش کی تھی تاہم اس وقت ملکی عدالت عظمیٰ نے جنسی جرائم میں ملوث افراد کی کیمائی آختہ کاری کے خلاف فیصلہ دے دیا تھا۔ عدالت نے حکومت کو خبردار کیا تھا کہ قانون میں بیان کی گئی حدود اور تعریفیں مبہم ہیں۔
تاہم ترکی میں بچوں کے ساتھ جنسی زیادتی کے واقعات میں اضافے کے بعد عوامی سطح پر شدید غم و غصہ پایا جاتا ہے۔ رواں ماہ کے آغاز میں ترکی کے مشرقی صوبے میں ایک بیس سالہ شخص نے شادی کی ایک تقریب کے دوران ایک تین سالہ بچی کو جنسی زیادتی کا نشانہ بنایا تھا۔ اس مقدمے میں استغاثہ نے مجرم کو کم از کم 66 برس قید کی سزا دینے کا مطالبہ کیا ہے۔
ترک وزیر انصاف کی جانب سے آختہ کاری کا قانون پیش کرنے کا بیان ایسے وقت سامنے آیا ہے جب انقرہ حکومت نے بچوں کے ساتھ جنسی زیادتیوں کے واقعات کی روک تھام کے لیے ایک کمیٹی بھی تشکیل دے رکھی ہے۔ دوسری جانب ترک صدر رجب طیب ایردوآن نے بھی منگل کے روز اپنے ایک بیان میں بچوں کے ساتھ جنسی زیادتی کے مرتکب افراد کو ’سخت ترین سزائیں‘ دینے کا اعلان کیا ہے۔
جنسی جرائم میں ملوث افراد کی جنسی خواہشات ختم یا محدود کرنے کے قوانین روس، انڈونیشا، آسٹریلیا، جنوبی کوریا اور امریکا میں بھی موجود ہیں۔
طویل زندگی کی خواہش ہر کوئی کرتا ہے لیکن روزمرہ کی زندگی میں ہم کچھ ایسے کام کرتے ہیں، جن سے ہماری زندگی کے کچھ گھنٹے، کچھ دن یا کچھ سال کم ہوتے چلے جاتے ہیں۔ کہیں آپ بھی ایسا تو نہیں کر رہے؟
تصویر: lassedesignen/Fotolia
ٹیلی وژن
برطانوی جریدے اسپورٹس اینڈ میڈیسن کی ایک رپورٹ کے مطابق ایک گھنٹہ ٹی وی دیکھنے سے آپ کی زندگی سے 22 منٹ کم ہو جاتے ہیں یعنی اگر آپ اوسطاً ہر روز چھ گھنٹے ٹی وی دیکھتے ہیں، تو آپ کی زندگی سے پانچ سال کم ہو سکتے ہیں۔
تصویر: Colourbox
جنسی تعلق
حال ہی میں ایک برطانوی طبی جریدے میں شائع ہونے والی ایک رپورٹ میں کہا گیا ہے کہ مہینے میں ایک بار جنسی تعلق قائم کرنے والے مردوں کے جلد انتقال کر جانے کا خطرہ اُن مردوں کے مقابلے میں دوگنا ہوتا ہے، جو ہفتے میں ایک بار ایسا کرتے ہیں۔
تصویر: Fotolia/drubig-photo
نیند
سونا جسم کے لیے ضروری ہے لیکن بہت زیادہ سونے سے آپ کی عمر کم بھی ہو سکتی ہے۔ آٹھ گھنٹے سے زیادہ بستر پر پڑے رہنے سے فائدہ کم اور نقصان زیادہ ہوتا ہے۔ مطلب یہ کہ باقاعدگی سے نیند ضرور لیں، لیکن آٹھ گھنٹے سے زیادہ نہیں۔
تصویر: Gina Sanders - Fotolia
صرف بیٹھے رہنا
کیا آپ کو دفتر میں کئی گھنٹے بیٹھنا پڑتا ہے؟ JAMA (جرنل آف دی امریکن میڈیکل ایسوسی ایشن) کی انٹرنل میڈیسن کی تحقیق کے مطابق دن میں گیارہ گھنٹے بیٹھنے سے موت کا خطرہ 40 فیصد تک بڑھ جاتا ہے۔ کام کے درمیان میں وقفے لیں اور ہو سکے تو کچھ دیر کھڑے رہ کر کام کریں۔
تصویر: Fotolia/F. Prochasson
اکیلا پن
انسان کے لیے کسی کا ساتھ، کسی سے بات چیت کرنا ضروری ہوتا ہے۔ کچھ لوگ ذہنی دباؤ سے دور رہنے کے لیے اکیلے ہی رہنا پسند کرتے ہیں لیکن دراصل وہ خود کو دنیا کی خوشی سے محروم کر رہے ہیں۔ ڈپریشن عمر کم ہونے کی ایک بڑی وجہ ہے۔
تصویر: Fotolia/Artem Furman
بے روزگاری
حال ہی میں ہونے والی ایک تحقیق کے مطابق، جس میں 15 ممالک کے 40 سال کی عمر تک کے دو کروڑ افراد کا مشاہدہ کیا گیا، بے روزگار افراد کے اچانک موت کا شکار ہو جانے کا خطرہ ملازمت پیشہ افراد کے مقابلے میں 63 فیصد زیادہ ہوتا ہے۔
تصویر: Fotolia/Paolese
ورزش
جسم کے لیے ورزش انتہائی ضروری ہے لیکن صرف شوق کی وجہ سے ضرورت سے زیادہ ورزش کرنا نقصان دہ ہے۔ زیادہ بہتر یہ ہے کہ ڈاکٹر یا ٹرینر کی رائے کے مطابق ورزش کی جائے۔
تصویر: picture-alliance/dpa
لمبی چھٹی
یہ صحیح ہے کہ اپنے جسم کو آرام دینے کے لیے آپ کو کام سے وقفے کی ضرورت ہوتی ہے لیکن بہت زیادہ آرام نقصان دہ بھی ہو سکتا ہے۔ کام کے بعد بہت لمبا آرام مدافعتی نظام کو کمزور بھی کر دیتا ہے۔
