بے شمار لوگ کھلا اور شفاف آسمان دیکھنے کے لیے شہروں سے دور ساحلِ سمندر یا پہاڑوں کا رُخ کرتے ہیں۔ یہ بھی ایک حقیقت ہے کہ جہاں انسان ہوں گے وہاں مصنوعی روشنیاں بھی رات کو روشن ہوں گی۔ اس سے آسمان کی وسعت میں روشنی پھیل جاتی ہے اور ستاروں کا حسن مدھم پڑتے پڑتے معدوم ہو جاتا ہے۔

نئے قسم کے ايل ای ڈی لیمپس زیادہ روشن ہوتے ہیں۔ اس باعث عام لوگ اس کا زیادہ سے زیادہ استعمال کر رہے ہیں۔ لیڈ لیمپس کی روشنی نیلی طولِ موج (wavelength) کی وجہ سے دور سے بھی زیادہ روشن دکھائی دیتی ہے۔ لیڈ لیمپس کی وجہ سے روشنی کی آلُودگی بڑھی ہے۔

یورپ کی جنوبی آبزرویٹری یا رصد گاہ جنوبی امریکی ملک چلی میں قائم ہے۔ اس کی حدود میں گھروں کے باہر مصنوعی روشنیاں جلانے پر پابندی ہے۔ یہ بھی اہم ہے کہ یورپی آبزرویٹری انسانی بستیوں سے بھی خاصی دور قائم کی گئی ہے۔ دوسری جانب شہروں کے قریب قائم فلکیاتی رصد گاہوں کو آسمانی مشاہدے میں دقت کا سامنا رہتا ہے۔ شہروں میں زرد یا زردی مائل سفید بلب لگانے سے روشنی سے پیدا ہونے والی آلودگی میں کمی واقع ہوتی ہے۔

جرمنی کے ارضیاتی سائنس کے تحقیقی ادارے نے لائبنٹس انسٹیٹیوٹ اور برطانیہ کی ایکسیٹر یونیورسٹی کے تعاون سے ایسا سیٹلائٹ ڈیٹا حاصل کیا ہے، جس سے معلوم ہوتا ہے کہ لیڈ لیمپوں کے متعارف کرانے سے قبل کا مجموعی منظر کیسا تھا۔ یہ تصویر اُسی ڈیٹا پر مشتمل ہے۔ اس ڈیٹا کے حصول میں انٹرنیشنل اسپیس اسٹیشن کے ساتھ ساتھ امریکی شہر بولڈر کے پہاڑوں سے حاصل ڈیٹا بھی شامل ہے۔

پچھلی تصویر کے مقابلے میں اب جس ڈیٹا پر مشتمل تصویر آپ دیکھ رہے ہیں، وہ سن 2015 میں بنائی گئی تھی۔ اس میں روشنیوں کا تبدیل شدہ نظام واضح طور پر دیکھا جا سکتا ہے۔ سفید روشنیاں زیادہ پھیل چکی ہیں۔ اس روشنی کا حجم جمع کرنا مشکل ہے۔ سائنسدانوں کا خیال ہے کہ زمینی روشنیاں پہلے سے طے کردہ معلومات کے مقابلے میں میں زیادہ طاقت ور ہیں۔

مصنوعی روشنیوں کی پیمائش کے آلے کو وزیبل انفراریڈ امیجنگ ریڈیومیٹر (VIIRS) کہا جاتا ہے۔ اس آلے سے مصنوعی روشنیوں کی طاقت اور قوت کا اندازہ لگایا جاتا ہے۔ اس آلے سے معلوم ہوا ہے کہ زمین پر مصنوعی روشنیوں کی شدت میں سالانہ بنیاد پر 2.2 فیصد کا اضافہ ہو رہا ہے۔

مصنوعی روشنی کے استعمال میں اضافے کو عالمی اقتصادی ترقی کے ساتھ بھی نتھی کیا جاتا ہے۔ یہ مختلف ملکوں کی مجموعی قومی پیداوار کا ایک طرح سے اشاریہ بھی تصور کیا جاتا ہے۔ ایسی روشنیوں کا انتہائی زیادہ استعمال حالیہ برسوں میں ابھرتی ہوئی اقتصادیات کے حامل ملکوں میں دیکھا گیا ہے۔

مصنوعی روشنیوں نے انسانوں اور جانوروں کی زندگیوں کو بدل کر رکھ دیا ہے۔ شہروں میں رہنے والے پرندے بھی اپنی نیند کے قدرتی طریقے میں تبدیلی لانے پر مجبور ہو گئے ہیں۔ اسی طرح مصنوعی روشنیوں نے پودوں کے اندرونی نظام کو بھی متاثر کیا ہے۔

یہ سوال اپنی جگہ پر ہے کہ کیا شہروں میں ساری رات گلیوں اور سڑکوں کی روشنیوں کو جلانا ضروری ہے۔ یہ بھی ایک حقیقت ہے کہ لیڈ روشنیاں زیادہ بجلی استعمال نہیں کرتیں لیکن پھر بھی یہ ضروری ہے کہ رات کو غیر ضروری روشنیاں گُل کر دینا بہتر ہے۔ زیادہ روشنی کی جگہ کم روشنی والی ایمرجنسی لائٹ سے بھی گزارہ کیا جا سکتا ہے۔

بحرِ بیرنٹس کا پتھریلا ساحل، جو جزیرہ نما کوالا کا حصہ ہے اور شمال مغربی روس میں واقع ہے۔ یہ تصویر سیرگئی کورولیف نے کھینچی۔ ان کا کہنا ہے کہ سمندر میں سے ابھرے بلند پہاڑ اور پتھریلی سرزمین نے ان پر جادوئی اثر کیا تھا۔ کورولیف نے یہ تصویر کئی کوششوں کے بعد بنائی۔

اسٹریلیا کے علاقے جنوبی تسمانیہ میں ’لائن راک‘ یا شیر چٹان کی یہ تصویر بین میز نے کیمرے سے محفوظ کی۔ اس میں ایک فلکیاتی پس منظر لائن راک کو ایک نیا حسن دے رہا ہے۔ نظر آنے والی فلکیاتی روشیوں کا تعلق ملکی وے کہکشاں سے ہے۔

اس تصویر کا دلکش منظر قطبِ جنوبی کی ایک رات کا ہے، جب درجہ حرارت منفی اسی ڈگری سینٹی گریڈ تھا۔ اس کے بنانے کا مقام آئس کیوب نیوٹرینو آبزرویٹری ہے۔ اس رصد خانے کی دوربین بھی کیمرے کے ساتھ جوڑی گئی تھی۔ تصویر کیمرہ میں ایبرہارٹ کی مہارت کا نمونہ ہے۔ کئی مہینوں کی محنت اور بے شمار کوششوں کے بعد وہ اس منظر کو کلک کرنے میں کامیاب رہے۔

لوفوٹین ناروے کے جزائر کا مجموعہ ہے۔ یہ اپنی قدرتی مناظر کے لیے مشہور ہیں۔ اس سے چند سو کلومیٹر کی مسافت پر قطبی دائرہ ہے۔ یہ دنیا کے خوبصورت جزائر میں شمار ہوتے ہیں۔ ناردرن لائٹس یا شمالی روشنیاں آسانم سے ان جزائر سے دیکھی جا سکتی ہیں۔ یہ تصویر ڈینس ہیلوگ کی مہارت کا نمونہ ہے۔

فن لینڈ کے علاقے لیپ لینڈ سے بھی ناردرن لائٹس یا شمالی روشنیاں دیکھی جا سکتی ہیں۔ یہ تصویر پیٹری پؤرونن نے منفی چوبیس ڈگری سینٹی گریڈ میں کھڑے ہو کر بنائی۔ انہوں نے اس تصویر میں آدھے چاند کی روشنی میں ٹنوں وزنی دس میٹر لمبے برفانی تودے جو کسی موم بتی کی طرح دکھائی دے رہے ہیں کو کلک کیا۔ پؤرونن نے کئی گھنٹوں کے انتظار سے یہ منظر انتہائی شاندار انداز میں کیمرے سے محفوظ کیا ہے۔

نیکو رینالڈی نے کیمرے سے یہ تصویر آئس لینڈ کے ایک مقام سے کھینچی۔ تصویر میں رینالڈی نے سیاہ آتش فشاں کی ریت کا تودہ، جسے ہوا نے تخلیق کیا تھا، اپنے کیمرے کی آنکھ سے محفوظ کر لیا۔ سارا قدرتی منظر ناقابلِ بیان حسن رکھتا ہے۔

کینیڈا کے صوبے سیسکیچوان سے بھی شمالی روشنیوں کا منظر دیکھنا ممکن ہے۔ یہ تصویر خاتون فوٹو گرافر ژینین ہولوواٹؤک نے گزشتہ برس مئی میں کھینچی تھی۔ چاند بادلوں کو روشن کیے ہوئے ہے اور ناردرن لائٹس بھی منظر میں موجود ہیں۔ ہولووٹؤک نے تصویر کھینچنے کے اس لمحے کو جادوئی قرار دیا ہے۔

ورجینیا یلیرا نے یہ تصویر نومبر میں تیز یخ بستہ ہوا والی رات میں کھینچی۔ اس تصویر کا مقام بھی آئس لینڈ ہے۔ انہوں نے اس لمحے کو اپنی زندگی کا ایک یادگارترین لمحہ قرار دیا۔ یلیرا کے مطابق برفانی ہوا میں آبشار سے گرتا پانی شمالی لائٹس کو کیمرے کی آنکھ سے پکڑنے کا ایک بڑا چیلنج تھا۔

بینکوں کہ وجہ سے مشہور اس شہر کے بیچوں بیچ دریائے مائن گزرتا ہے جبکہ تیرہ سے اٹھارہ مارچ دو ہزار سولہ تک بلندو بالا روشن مجمسے افق پر رنگ بکھیر دیں گے۔ اس شہر میں یہ میلا ہر دو سال بعد سجتا ہے۔

اٹھائیس مارچ سے تین اپریل تک امریکی ریاست میری لینڈ کا شہر بالٹیمور عروس البلاد میں تبدیل ہو جاتا ہے۔ بندرگاہ کے اندرونی حصے کو ایک ایسا اسٹیج بنا دیا جاتا ہے، جہاں روشنیوں سے بنے آرٹ کے نمونے پیش کیے جاتے ہیں۔

لاکھوں ایل ای ڈی روشنیوں کی مدد سے درختوں اور جانوروں کے مجسمے ایک غیر حقیقی جنگل کا منظر پیش کرتے ہیں۔ جنوبی کوریا کے دارالحکومت میں ہر سال اس میلے کا انعقاد کیا جاتا ہے۔

روس کے شہر ماسکو میں ہر سال موسم گرما کے اختتام پر لائٹ فیسٹیول کا انعقاد کیا جاتا ہے۔ دنیا بھر سے آئے ہوئے لائٹ آرٹسٹ عمارتوں کو دلفریب رنگوں میں تبدیل کر دیتے ہیں۔

برطانیہ میں رواں برس پہلی مرتبہ لیومئیر لندن فیسٹیول کے دوران دریائے ٹیمز کے شہر کی بڑی عمارتوں کو نئی روشنیوں میں دیکھا جا سکے گا۔

پچیس مئی سے دو جون دو ہزار سولہ تک یروشلم کا قدیمی حصہ بھی جگمائے گا۔ تھری ڈی لائٹ منصوبے کی مدد سے یہودیوں، مسلمانوں اور مسیحیوں کا مرکز کا سمجھے جانے والے اس شہر کے بارے میں نقطہ نظر تبدیل کیا جائے گا۔

سن دو ہزار اٹھارہ میں امریکی ریاست مسیسیپی کا یہ شہر اپنی 300ویں سالگرہ منا رہا ہے۔ روشنیوں کی مدد سے سجاوٹ تقریباب کا مرکزی حصہ ہو گی۔ یہ شہر سن دو ہزار چودہ سے لائٹ فیسٹیول کا انعقاد کرتا آ رہا ہے۔

بیلجیئم کے شہر گینٹ میں ہونے والے سالانہ لائٹ فیسٹیول میں پانچ لاکھ سے زائد افراد شرکت کرتے ہیں۔ اس میلے کا انعقاد ہر تیسرے برس کیا جاتا ہے۔ سن دو ہزار پندرہ میں لائٹ آرٹ ڈیزائنروں کی طرف سے چوالیس نمونے پیش کی گئے تھے۔

ہر سال فروری اور مارچ میں کینیڈا کے اس شہر میں حیران کن لائٹ شو پیش کیے جاتے ہیں۔ رواں برس دس لاکھ سے زائد افراد نے یہ شو دیکھے اور ان سے لطف اندوز ہوئے۔

اکتوبر کے مہینے میں جرمنی کے دارالحکومت میں روشنیوں کے دو تہواروں کا انعقاد کیا جاتا ہے۔ اس رنگا رنگ میلے کو دیکھنے کے لیے جرمنی بھر سے لوگ وہاں پہنچتے ہیں۔

آسٹریلیا کے شہر سڈنی میں ہونے والا لائٹ فیسٹیول ہر سال مزید مقبولیت حاصل کرتا جا رہا ہے۔ گزشتہ برس اس تہوار میں تقریبا سترہ لاکھ افراد نے شرکت کی تھی۔ رواں برس اس کا انعقاد ستائیس مئی سے اٹھارہ جون تک جاری رہے گا۔