ملتان میں ایک جلسے سے خطاب کے دوران عمران خان نے کہا کہ حکومت کو گن پوائنٹ پر رکھ کر تحریک لبیک پاکستان کا فرانسیسی سفیر کو ملک بدر کرنے کا مطالبہ جائز نہیں تھا۔  توہین مذہب کے ملکی قانون کے حوالے سے انہوں نے کہا کہ اسلاموفوبیا کے خلاف ان کی حکمت عملی کام کرے گی۔ عمران خان کے بقول، ''میں مسلم ممالک کے سربراہان کو اعتماد میں لینا چاہتا ہوں۔ ہمیں مل کر یورپ اور اقوام متحدہ کو کہنا چاہیے کہ سوا ارب مسلمانوں کے جذبات کو ٹھیس پہنچانا بندکیا جائے، جیسا کہ انہوں نے یہودیوں کے معاملے میں کیا ہے۔‘‘

پاکستان:فرانسیسی سفیر کی بے دخلی پر پارلیمان میں بحث

پاکستانی وزیر اعظم نے مزید کہا، ''میں چاہتا ہوں کہ مسلم ممالک توہین مذہب کے معاملے پر ایک جامع حکمت عملی تیار کریں، جس کے تحت ایسا کرنے والے ممالک کا تجارتی بائیکاٹ کیا جا سکے۔ یہ ہمارے لیے اپنے ہدف کے حصول کی خاطر اہم حکمت عملی ہو سکتی ہے۔‘‘ عمران خان نے کہا کہ وزیر خارجہ شاہ محمود قریشی پہلے ہی اس حوالے سے کام شروع کر چکے ہیں اور وہ اب تک اس معاملے میں چار مسلم ممالک کے وزرائے خارجہ سے بات چیت کر بھی چکے ہیں۔

سعد حسین رضوی کون ہیں؟

توہین مذہب: پاکستانی جوڑے کی سزائے موت کے خلاف اپیل مؤخر

اس حوالے سے پاکستانی صحافی اعزاز سید نے اسلام آباد سے ڈی ڈبلیو کو بتایا کہ جب حکومت نے فرانسیسی سفیر کی ملک بدری کا مطالبہ کرنے والی مذہبی سیاسی جماعت پر پابندی لگا دی ہے تو پھر وزیر اعظم کو اس کا ذکر ہی نہیں کرنا چاہیے تھا۔ انہوں نے کہا کہ معاملہ دیگر مسلم ممالک کے ساتھ مل کر بات چیت کرنے کا نہیں بلکہ مذہب کے نام پر تشدد کے ماحول کو فروغ دینے اور سیاسی حکومتوں کو بلیک میل کرنے کا ہے۔