تیرہ سالہ لڑکا چوری کرتے ہوئے اپنی توقعات کے برعکس پکڑا گیا
9 اکتوبر 2020
نیم حکیم خطرہ جان ہوتا ہے، یہ تو سب جانتے ہیں۔ لیکن تھوڑی سی سائنس پڑھ کر چوری کرتے ہوئے پکڑے نہ جانے کی امید رکھنا بھی بہت بڑی غلطی ہو سکتا ہے، یہ بات ایک تیرہ سالہ جرمن لڑکے کو اب اچھی طرح سمجھ آ گئی ہے۔
تصویر: Imago
اشتہار
ہوا یہ کہ جرمنی کے جنوبی صوبے باڈن ورٹمبرگ میں بوئبلِنگن نامی ایک چھوٹے سے شہر میں ایک تیرہ سالہ لڑکے نے بڑی ہوشیاری دکھاتے ہوئے حفظان صحت کی مصنوعات اور چھوٹی الیکٹرانکس فروخت کرنے والی ایک دکان میں چوری کی کوشش کی۔ اس کو یقین تھا کہ وہ پکڑا نہیں جائے گا، مگر وہ چوری شدہ سامان کے ساتھ دھر لیا گیا۔
یہ لڑکا اپنی کمر پر اپنا بیک پیک پہنے ہوئے اس مارکیٹ میں داخل ہوا تھا۔ اس نے اپنے 'رک سیک‘ کو چاندی کے رنگ کے باریک المونیم پیپر سے اچھی طرح لپیٹ رکھا تھا۔ اس کا خیال تھا کہ جب وہ 'شاپ لفٹنگ‘ کر کے باہر نکل رہا ہو گا، تو مارکیٹ کے صدر دروازے پر لگا ہوا چوری کی وارداتوں کو روکنے کے لیے الیکٹرانک سکیورٹی نظام پہچان نہ سکے گا کہ اس کے بیگ میں چوری شدہ سامان ہے اور کوئی الارم نہیں بجے گا۔
لیکن اس لڑکے نے اس بارے میں اچھی طرح تحقیق نہ کی کہ الیکٹرانک الارم سسٹم المونیم پیپر کی وجہ سے دھوکا کھا جائے گا یا نہیں؟ اس نے مارکیٹ میں چلتے پھرتے کئی ویڈیو گیمز اور چند دیگر اشیاء اٹھا کر چپکے سے اپنے بیگ میں رکھ لیں اور جب باہر نکلنے لگا تو الارم سسٹم پھر بھی بول پڑا۔
گیم بوائے کے تیس برس
اکیس اپریل سن 1989 کو جاپانی کمپنی نینٹینڈو نے اپنا مشہور زمانہ گیم بوائے کنسول مارکیٹ میں متعارف کرایا گیا تھا۔ اس تاریخی گیم کنسول نے تیس برسوں میں کتنی ترقی کی؟ آئے ایک نظر ڈالتے ہیں۔
تصویر: picture-alliance/dpa/A. Warnecke
’آیا اور چھا گیا‘
21 اپریل 1989 کو جاپانی کمپنی نینٹینڈو نے اپنا پہلا گیم کنسول متعارف کرایا تھا۔ تب ویڈیو گیم بنانے والے ممالک میں جاپان ایک نمایاں ملک تھا۔ اس کنسول نے جلد ہی دنیا بھر میں مقبولیت حاصل کر لی۔ اسی سال جون میں گیم بوائے نے امریکا میں تہلکہ مچایا جبکہ 90 کی دہائی میں یہ یورپ میں بھی پسندیدہ بن گیا۔ گزرتے وقت کے ساتھ اس گیم میں اپ ڈیٹ کا سلسلہ جاری رہا۔ اب تک 120 ملین گیم بوائے کنسول فروخت ہو چکے ہیں۔
تصویر: picture-alliance/dpa/A. Warnecke
ویڈیو گیمِنگ کی دنیا میں انقلاب
80 کی دہائی میں جوئے خانوں میں بڑی بڑی مشینیں ہوتی تھیں، جن پر گیمز کھیلنا آسان نہیں تھا۔ تاہم آہستہ آہستہ ان کی جگہ آسان ویڈیو گیمز نے لے لی۔ اگر آپ کو یاد ہو تو یہ ’ڈونکی کانگ‘ گیم ہے، جس میں بعد ازاں سپر ماریو ایک اہم کردار بننا تھا۔ اُس وقت ہوم ٹی وی اور کمپیوٹر گیمز انتہائی مہنگی تھیں۔
تصویر: Imago/T. Frey
ایک کنسول لیکن مختلف گیمز
اسی دور میں اکیس اپریل سن 1989 کو گیم بوائے متعارف کرایا گیا۔ ایک ایسا قدرے سستا کنسول جو جیب میں بھی فٹ ہو جاتا تھا۔ اس چھوٹے سے کنسول کی مدد سے کئی گیمز کھیلی جا سکتی ہیں۔ بس ایک چھوٹی سی ڈسک اس کنسول میں انسرٹ کرنا ہوتی ہے۔ اگرچہ اس دور میں اس طرح کی کئی گیمز مارکیٹ میں موجود تھیں لیکن گیم بوائے نے جو مقبولیت حاصل کی، اس کا مقابلہ کوئی نہ کر سکا۔
گیم بوائے کی ایک خصوصیت یہ بھی تھی کہ اس کا کنٹرول انتہائی آسان تھا۔ یوزر فرینڈلی انٹر فیس نے اس ڈوائس کی مقبولیت میں ایک اہم کردار ادا کیا۔ تب بچے کیا بڑے بھی اس کے ساتھ شوق سے کھیلتے تھے۔
تصویر: picture-alliance/dpa/A. Warnecke
سپر اسٹار ماریو
ویڈیو گیمز میں سب سے مقبول ترین کردار سپر ماریو ہے۔ جاپانی ویڈیو گیم انڈسٹری میں اس کردار نے ایک اہم جگہ بنا لی تھی۔ سپر ماریو نے اس گیم کے دوران دشمنوں کا مقابلہ کرتے ہوئے شہزادی ڈیزی کا بچانا ہوتا تھا۔
تصویر: picture-alliance/dpa/P. Pleul
پیکا چو! پیکا چو!
سن 1996 میں نینیٹینڈو نے ’پاکٹ مونسٹر‘ پوکی مان نامی ایک انتہائی دلچسپ کردار کے ساتھ ایک نئی گیم متعارف کرائی۔ یہ گیم بھی بہت زیادہ مقبول ہوئی۔ اس گیم کے پریمیئر کے دو دہائیوں بعد پیکا چو اینڈ کو کی شاندار واپسی ہوئی۔ پوکی مان گو نامی گیم اب سمارٹ فونز پر بھی کھیلی جا سکتی ہے۔
تصویر: picture-alliance/dpa/MAXPPP/Kyodo
آسان مگر انتہائی شاندار
گیم بوائے کی سکرین کوالٹی زیادہ اچھی نہ تھی جبکہ دوسری طرف اٹاری کی Lynx اور سیگا کی Game Gear جیسی ویڈیو گیمز کی کوالٹی انتہائی عمدہ تھی۔ پھر بھی کم قیمت اور بیٹری کی لمبی عمر کے علاوہ آسان کنٹرول اور دلچسپ گیمز کی وجہ سے گیم بوائے کا مقابلہ کوئی نہ کر سکا۔
تصویر: picture-alliance/dpa/A. Warnecke
گیم بوائے کی پانچ جنریشنز
گزشتہ تیس برسوں سے گیم بوائے ماڈل کی تمام گیمز نینیٹینڈو ہی تیار کر رہا ہے۔ اس تصویر میں گیم بوائے کنسول کے مختلف ماڈلز دیکھے جا سکتے ہیں، جو بہت مقبول بھی ہیں۔
تصویر: picture-alliance/dpa/A. Warnecke
گیم بوائے آج بھی ایک جنون
گیم بوائے آج بھی انتہائی مقبول ویڈیو گیم ہے۔ دو سال قبل بیلجیم کے الہان اُونال نے دنیا کے سے سے بڑے گیم بوائے کنسول کو بنانے کا اعزاز حاصل کیا۔ اس پر ان کا نام گینیز بک آف ریکارڈز میں بھی شامل کیا گیا۔ ایک میٹر اونچے اس کنسول کا کنٹرول ویسا ہی ہے، جیسا کہ چھوٹے کنسولز کا ہوتا ہے۔ تاہم اس کے بٹن دبانا تھکا دیتا ہے۔
تصویر: youtube/Guinness World Records
9 تصاویر1 | 9
پولیس نے جمعہ نو اکتوبر کے روز بتایا کہ مارکیٹ کی ایک خاتون کارکن نے الارم بجنے پر اور اس کا 'عجیب و غریب‘ بیک پیک دیکھتے ہوئے جب اسے اس بیگ کو کھولنے کے لیے کہا تو لڑکے نے کچھ مزاحمت کی۔ تاہم دیگر ملازمین بھی وہاں آ گئے تو اسے اپنا بیگ کھول کر دکھانا ہی پڑا۔ اس میں سے کئی ویڈیو گیمز کے علاوہ ایک مہنگا ہیڈ فون سیٹ اور چند ایسے چھوٹی الیکٹرانک مصنوعات بھی برآمد ہوئیں، جو اس نے چوری کی تھیں اور جن کی مجموعی مالیت 300 یورو کے قریب بنتی تھی۔
مارکیٹ کے عملے نے جمعرات آٹھ اکتوبر کو پیش آنے والےا س واقعے کی فوری طور پر پولیس کو اطلاع کر دی۔ پولیس اس لڑکے کو اپنے ساتھ لے گئی اور اس کے خلاف مقدمہ درج کر لیا گیا۔ تاہم ملزم کے نابالغ ہونے کی وجہ سے بعد ازاں اس کے والدین کو بلا کر اسے ان کے حوالے کر دیا گیا۔
متعلقہ مارکیٹ کی جس خاتون اہلکار کو الارم بجنے کی وجہ سے اس نوجوان پر چوری کا شبہ ہوا، اس نے بعد ازاں کہا، ''چوری، چاہے وہ شاپ لفٹنگ ہی کیوں نہ ہو، ایک قابل سزا جرم ہے۔ اسے سائنس اچھی طرح پڑھنا چاہیے تھی۔‘‘
م م / ش ح (ڈی پی اے)
’گیمز کوم‘: کمپیوٹر گیمز کا سب سے بڑا عالمی میلہ
جرمن شہر کولون میں کمپیوٹر کھیلوں کا دنیا کا سب سے بڑا میلہ ’ گیمز کوم‘ شروع ہو چکا ہے۔ نو اگست تک جاری رہنے والے اس میلے میں سونی اور مائیکرو سافٹ کے بڑے بڑے ’گیمز کونزولس‘ کو نمایاں اہمیت حاصل ہے۔
تصویر: Reuters/K. Pfaffenbach
ایکس باکس اور پلے اسٹیشن
گیمز کوم میں شائقین اُن بہت سے کمپیوٹر گیمز سے محظوظ ہو سکتے ہیں، جو اگلے مہینوں کے دوران مارکیٹ میں دستیاب ہوں گے۔ اس مرتبہ بھی بڑے کونزولس والے کھیلوں کی مانگ زیادہ دکھائی دے رہی ہے۔ ان میں مائیکروسافٹ کا ’ایکس بوکس‘ اور سونی کا ’پلے اسٹیشن‘ سرفہرست ہیں۔
تصویر: DW/A. Bräunig
دنیا بھر کی نمائندگی
کولون کی میلے میں 45 ممالک سے تعلق رکھنے والے آٹھ سو سے زائد نمائش کنندگان موجود ہیں۔ اس نمائش گاہ میں ایک لاکھ نوّے ہزار مربع میٹر پر ہر جانب ڈیجیٹل کھیل ہی دکھائی دے رہے ہیں۔
تصویر: Reuters/K. Pfaffenbach
پیچیدہ کھیل
ماہرین کے مطابق کمپیوٹر گمیز کی مارکیٹ وقت کے ساتھ ساتھ وسیع ہوتی جا رہی ہے اور ساتھ ہی ان کھیلوں میں پیچیدگی بھی بڑھ رہی ہے۔ ماضی کے بہت سے کھیلوں کو جدید بنا کر ایک مرتبہ پھر متعارف کرایا گیا ہے۔
تصویر: Reuters/K. Pfaffenbach
سونی کا منفرد منصوبہ
کولون کے اس میلے میں سونی نے اپنے تھری ڈی پروجیکٹ ’ Morpheus ‘ کو ایک نئے انداز کے ساتھ متعارف کرایا ہے۔ سونی کے بقول ان کھیلوں کو بہت سوچ و بچار کے بعد تیار کیا گیا ہے۔ اسے کھیلنے والا ایک نئی دنیا میں پہنچ جاتا ہے۔ ان کھیلوں میں جہاں تفریح ختم ہوتی ہے، وہاں سے اسٹریس شروع ہو جاتی ہے۔
تصویر: picture-alliance/dpa/O. Berg
ایرانی گیم ساز ادارہ
اس سال ایران کی نمائندگی کے لیے’ایران گیم ڈیویلپمنٹ انسٹیٹیوٹ‘ اس میلے میں موجود ہے۔ ایران کے ’Hate the Sin Love the Sinner‘ نامی کھیل کو 2013ء میں گیمز کنیکشن ایشیا نامی میلے اور تہران گیمز فیسٹیول میں بہترین ڈیزائن کا ایوراڈ دیا جا چکا ہے۔
تصویر: DW/A. Bräunig
اسمارٹ فون اور گیمز
ماہرین کے مطابق اسمارٹ فونز نے گیمز کی دنیا کو بھی بدل کر رکھ دیا ہے۔ اب آپ کو ہر جگہ لوگ موبائل فونز پر گیمز کھیلتے نظر آتے ہیں۔ بچے، نوجوان حتیٰ کہ بالغ افراد بھی فارغ وقت میں اسمارٹ فونز پر گیمز کھیلنا پسند کرتے ہیں۔
تصویر: Reuters/K. Pfaffenbach
لاکھوں شائقین
گیمز کوم کی انتظامیہ کو امید ہے کہ اتوار نو اگست تک جاری رہنے والے اس میلے کو دیکھنے کے لیے تقریباً چار لاکھ سے زائد افراد کولون کو رخ کریں گے۔ پچھلے برس تقریباً ساڑھے تین لاکھ شائقین اس میلے کو دیکھنے آئے تھے۔
تصویر: Reuters/K. Pfaffenbach
ونڈوز دس
مائیکرو سافٹ کا ایکس باکس ونڈوز 10 سافٹ ویئر سے آراستہ ہے اور یہ نومبر سے دستیاب ہو گا۔ مستقبل میں ونڈوز 10 والے تمام ایکس باکس انٹرنیٹ پر لائیو اسٹریمنگ کے ذریعے ایک دوسرے سے منسلک کیے جا سکیں گے۔