بالخصوص تعمیراتی کاموں میں استعمال ہونے والے وال پلگ بہت پہلے ہی ایجاد ہو چکے تھے لیکن یہ مؤثر نہیں تھے۔ تاہم سن 1958 میں جرمن موجد آرتھر فشر نے ان پلگوں کی ساخت بدل دی اور ان میں ’دانت‘ لگا دیے۔ یوں جب انہیں پیچ کس سے کسا گیا تو یہ مضبوط شکل اختیار کر گئے۔ یہ طریقہ کار اب ٹوٹی ہوئی ہڈیوں کو درست حالت میں لانے میں بھی استعمال کیا جاتا ہے۔

انیسویں صدی کے آغاز میں جرمنی میں گلاس کے برتن بنانے میں مہارت رکھنے والے رائنہولڈ بیرگر نے ایسے برتن بنانے شروع کر دیے تھے، جن میں لیکوڈ گیسوں کو اسٹور کیا جاتا تھا تاکہ انہیں ٹرانسپورٹ کیا جا سکے۔ اسی سائنسی اصول کے تحت انہوں نے ایک نیا فلاسک ایجاد کیا، جو آج کل لوگوں کی ایک اہم ضرورت بن چکا ہے۔ بیرگر نے سن 1903 میں اس ایجاد کے حقوق اپنے نام کرا لیے تھے۔

داریو فونٹینلا نے جرمن شہر من ہائم میں پہلی مرتبہ شپیگیٹی آئس بنا کر سب کو حیران کر دیا۔ اس کے لیے انہوں نے شیٹزل میکر استعمال کیا، جس سے خاص قسم کے نوڈلز بنائے جاتے ہیں۔ سن 1969 میں انہوں نے پہلی مرتبہ یہ تجربہ ونیلا آئس کریم کے ساتھ کیا۔ اسٹرابری کے رس اور پسے ہوئے باداموں کی آمیزیشن سے بنی یہ شپیگیٹی آئس کریم اب بھی جرمنی بھر میں انتہائی مقبول ہے۔

جرمنی کی ’فین کمپنی‘ میں کام کرنے والے دو ملازمین ہاتھوں کی مدد سے ڈرل کرتے تھے لیکن انہوں نے اس کام کو آسان بنانے کی خاطر ’ڈرل چک‘ کے ساتھ ایک چھوٹی سی موٹر لگا دی۔ یوں انہیں سوراخ کرنے کی خاطر اضافی قوت لگانے کی ضرورت نہ رہی۔ ایمل فین نے اس ایجاد کی اہمیت کو بھانپ لیا اور اسی اصول کے تحت پہلی ڈرل مشین بنا ڈالی۔ یہ ایجاد اب گھر گھر موجود ہے۔

سن انیس سو سات میں ڈریسڈن کے فارمسٹ اوٹومار فان مائن بُرگ نے تجرباتی طور پر قدرتی اجزا سے ایک پیسٹ تیار کی، جو دراصل دانتوں کے درد میں مبتلا افراد کے لیے ایک دوا تھی۔ تاہم جلد ہی یہ معمولی تبدیلی کے ساتھ عام استعمال کے دستیاب کر دی گئی۔ اگرچہ اب مارکیٹ میں دانت صاف کرنے والی بہت سی مصنوعات عام ہو چکی ہیں لیکن فان مائن برگ کی Chlorodont نامی ٹوتھ پیسٹ کو ان سبھی مصنوعات کی ’ماں‘ قرار دیا جاتا ہے۔

آڈیو فائلز کو کوالٹی پر سمجھوتہ کیے بغیر کم جگہ پر اسٹور کرنے کے لیے ایم پی تھری یا MPEG-2 آڈیو لیئر تھری کوڈنگ کا طریقہ کارل ہائنز برانڈن برگ نے 1980ء میں تیار کیا تھا۔ اس نے آڈیو کے دنیا میں انقلاب برپا کر دیا۔

دفتروں میں ضروری کاغذات کو فائلوں میں لگانے سے قبل اس میں دو سوراخ کرنے والا ہول پنچ انیسویں صدی میں جرمن ماہر ماتھیاس تھیل نے ایجاد کیا تھا جبکہ اسے فریڈرک زونیکن نے اسے 14 نومبر پیٹنٹ کرایا۔

سخت اشیاء میں سوراخ کرنے کے لیے بجلی سے چلنے والی ڈرل ایجاد تو 1889ء میں آسٹریلیا میں ہوئی تھی تاہم جرمنی کے شہر لُڈوِگزبرگ کے وِلہیلم ایمِل فائن نے 1895ء میں اسے دستی ڈرل میں تبدیل کر دیا۔ یہ مشین گھر اور باہر مرمت کے کاموں کے لیے ایک لازمی جزو بن گئی ہے۔

دوسری عالمی جنگ کے دوران امریکا نے جرمنی سے بڑی مقدار میں برآمد ہونے والے مشروب کوکا کولا کی بیرون ملک برآمد پر پابندی عائد کردی۔ تاہم کوکا کولا جرمنی کے سربراہ ماکس کِیتھ نے مقامی اجزاء سے ایک نئے مشروب کی تیاری کا فیصلہ کیا اور یوں 1941ء میں مشہور زمانہ مشروب فانٹا وجود میں آیا۔

1908ء میں ڈریسڈن کی ایک خاتون خانہ میلیٹا بینٹز Melitta Bentz نے کافی چھاننے کے لیے کافی فلٹر تیار کیا۔ انہوں نے اس ایجاد کو پیٹنٹ کرا لیا اور آج ان کے خاندانی کاروبار ’میلیٹا گروپ کے جی‘ میں ملازمین کی تعداد 3300 ہے۔

فارماسسٹ اوسکر ٹروپلووِٹز نے چپکنے والی ٹیپ ایجاد کی جو چھوٹے موٹے زخموں پر لگائی جا سکتی ہے۔ انہوں نے 1901ء میں لیوکوپلاسٹ نامی چپکنے والا پلاسٹر بھی تیار کیا جو چوٹ وغیرہ کی صورت میں انتہائی کارآمد ثابت ہوتا ہے۔

موسیقی کا آلہ اکارڈین 1822ء میں برلن میں کرسٹیان فریڈرش لُڈوِگ بُش مان نے ڈیزائن اور تیار کیا۔ تھورِنگیا میں پیدا ہونے والے اس ماہر نے اطلاعات کے مطابق اکارڈین سے قبل ہارمونیکا بھی تیار کیا تھا۔

فِن لینڈ سانتا کلاز متعارف کرانے کا دعویدار ہو سکتا ہے مگر کرسمس ٹری کا تعلق جرمنی سے ہے۔ جرمنی میں ٹانن باؤم کہلانے والی اس روایت کا آغاز کرسمس کی عام سجاوٹ سے ہوا تاہم انیسویں صدی کے آخر تک یہ دنیا بھر میں معروف ہو گئی۔ روایتی طور پر کرسمس ٹری کو پھلوں، خشک میووں اور موم بتیوں سے سجایا جاتا تھا مگر اب تو رنگ برنگی روشنیاں اور تحائف کرسمس ٹری کا حصہ بن گئے ہیں۔

فٹبال کھیلنے کے لیے خصوصی جوتوں کا پروٹوٹائپ تو برطانیہ میں تیار کیا گیا تھا تاہم اڈیڈاس کے بانی ایڈی ڈاسلر نے 1954ء میں فٹبال کے یہ جدید جوتے ایجاد کیے جن کے نیچے بہتر گرِپ یا پکڑ کے لیے نوکیلے ابھار موجود ہوتے ہیں۔ یہ وہی سال ہے جب جرمنی نے فٹبال کا ورلڈ کپ بھی جیتا۔

ٹیکسی میٹر برلن کے رہائشی فریڈرِش وِلہیلم گستاف بروہن نے تیار کیا۔ 1891ء میں یہ میٹر دراصل موٹرکار کے موجد گوٹلیب ڈائملر کے لیے تیار کیا گیا تھا مگر اس وقت سے اب تک ٹیکسی میں سفر کرنے والے کا دوران خون بڑھانے کا مؤجب بنا ہوا ہے۔