زیادہ تر جاپانی اب بھلے ہی بیس بال اور فٹ بال دیکھنے لگے ہوں لیکن جاپان کا قومی کھیل اب بھی روایتی سومو کُشتی ہی ہے۔ بچے بھی اس میں دلچسپی لیتے ہیں۔ سومو فائٹر بننے کے لیے ٹریننگ چھ سال کی عمر سے ہی شروع ہو جاتی ہے۔ ان کی خوراک بھی بہت بڑھ جاتی ہے۔ بہترین پہلوان بچوں کا مقابلہ ٹوکیو میں ہوتا ہے۔

جاپان میں پرائمری اسکولوں کے قریب چالیس ہزار بچے سوموکشتی کے ابتدائی مقابلوں میں حصہ لیتے ہیں۔ مقابلوں کے کئی ادوار کے بعد 40،000 میں سے صرف چار سو بچے ہی ٹوکیو کے بڑے مقابلے کے لیے منتخب کیے جاتے ہیں۔

پیر جمائے رکھنا، یہی سومو کشتی کا اصل گُر ہے۔ سومو فائٹر بننے کے لیے پاؤں مضبوط ہونا بےحد ضروری ہے۔ لیکن جیت کا دوسرا اہم گُر جسم میں لچک ہونا بھی ہے۔ پیر جمائے رکھنا، یہی سومو کشتی کا اصل گُر ہے۔ سومو فائٹر بننے کے لیے پاؤں مضبوط ہونا بےحد ضروری ہے۔ لیکن جیت کا دوسرا اہم گُر جسم میں لچک ہونا بھی ہے۔

سومو کشتی میں بیاسی داؤ ہوتے ہیں۔ کیا داؤ کھیلنے کی اجازت ہے اور کسی کی نہیں، یہ بالکل واضح نہیں۔ آسان الفاظ میں یہ کہ آپ کو رِنگ میں رہنا ہے اور صرف پاؤں کے تلوے زمین چھو سکتے ہیں۔ جو ان قوانین کی خلاف ورزی کرے گا وہ مقابلے سے نکل جائے گا۔

سومو کشتی میں فتح اور شکست بہت حد تک چھ میٹر طویل بھاری بھرکم لنگوٹ کے باندھے جانے کی تکنیک پر بھی منحصر ہے۔ اسے جسم کے ساتھ کَس کر باندھنا بہت ضروری ہے تا کہ مد مقابل اسے چھو یا پکڑ نہ پائے۔

اسکول میں ہونے والے مقابلے وزن کے مطابق نہیں ہوتے بلکہ وہاں عمر دیکھی جاتی ہے۔ ایسے میں اکثر دبلے پتلے بچے بھاری بھرکم پہلوان کے مقابلے میں آ جاتے ہیں اور یوں یہ کشتی یکطرفہ سی لگتی ہے۔

سومو کشتی کے اکھاڑے کو دوھیو کہا جاتا ہے۔ گول گھیرے والے اکھاڑے کا قطر ساڑھے چار میٹر ہوتا ہے۔ ریت کی جسم پر چپکنے سے بھی جیوری کے ارکان کو پتہ چلتا ہے کہ کون ہارا۔

بچپن سے ہی سومو کشتی سیکھنے والے بچے جلد موٹاپے کا شکار ہو جاتے ہیں۔ بارہ سے چودہ سال کی عمر تک آتے آتے بیشتر کا وزن 100 کلو گرام تک پہنچ جاتا ہے۔ وزن بڑھنے سے جوڑوں کا درد، ذیابیطس اور دل کے مسائل بھی سامنے آنے لگتے ہیں۔

سومو کشتی کے مقابلوں میں ہار یا جیت کا فیصلہ اکثر جلد ہی ہو جاتا ہے۔ بعض دفعہ تو یہ فیصلہ ہونے میں چند سیکنڈ سے زیادہ نہیں لگتے۔

جیت کے بعد منتخب ہونے والے بچوں کو انٹرویو دینے کی اجازت ہوتی ہے۔ اسکولوں کے مقابلے جیتنے کے بعد یہ بچے بڑے ٹورنامنٹ کے لیے ٹوکیو پہنچے ہیں۔ ان کے درمیان جو بھی فاتح نکلے گا وہی مستقبل کا سومو اسٹار بنے گا۔

چھ اگست 1945ء کو امریکی جہاز Enola Gay نے ہیروشیما پر پہلا ایٹم بم گرایا تھا۔ اس بم کو’لٹل بوائے‘ کا بے ضرر سا نام دیا گیا تھا۔ اُس وقت اس شہر کی آبادی ساڑھے تین لاکھ تھی اور حملے کے فوری بعد ستر ہزار لوگ ہلاک ہو گئے تھے۔ چند دنوں کے دوران مرنے والوں کی تعداد دگنی ہو گئی تھی۔

منصوبے کے مطابق ہیروشیما پر یکم اگست 1945ء کو حملہ کیا جانا تھا تاہم خراب موسم کی وجہ سے امریکیوں کو اسے ملتوی کرنا پڑا۔ پانچ روز بعد بمبار جہاز ’انولا گے‘ تیرہ رکنی عملے کے ساتھ اپنا مشن پورا کرنے کے لیے روانہ ہوا۔ اس ٹیم کو راستے میں معلوم ہوا کہ وہ ایٹم بم گرانے جا رہی ہے۔

ہیروشیما پر حملے کے تین روز بعد امریکیوں نے ناگاساکی پر دوسرا ایٹم بم گرایا۔ منصوبے کے مطابق دوسرا ایٹم بم کیوٹو پر گرایا جانا تھا۔ امریکی وزارت دفاع کی مخالفت کے بعد یہ ہدف تبدیل کر دیا گیا۔ ’فیٹ مین‘ نامی یہ بم 22 ٹن وزنی تھا۔ اس جوہری بم نے بھی قریب ستر ہزار افراد کی جان لی تھی۔

1945ء میں ناگاساکی میں اسلحہ ساز کمپنی مٹسوبیشی کی مرکزی دفتر قائم تھا۔ وہاں بحری اڈہ بھی موجود تھا۔ اس شہر میں وہ تارپیڈو بھی تیار کیے گئے تھے، جوجاپان نے پرل ہاربر پر حملے کے لیے استعمال کیے تھے۔ ناگاساکی میں بہت کم ہی جاپانی فوجی تعینات تھے۔ تاہم خراب موسم کی وجہ سے شپ یارڈ کو نشانہ نہ بنایا جا سکا۔

حملوں کے بعد بھی کئی ماہ تک تابکاری اثرات ہزاروں افراد کی موت کا باعث بنتے رہے۔ صرف ہیروشیما میں 1945ء کے اختتام تک ہلاک ہونے والے شہریوں کی تعداد میں ساٹھ ہزار کا اضافہ ہو چکا تھا۔ ہلاکتوں میں اضافہ تابکاری، بری طرح جھلس جانے اور دیگر زخموں کی وجہ سے ہوا۔ بعد ازاں لگائے گئے اندازوں کے مطابق دوہرے جوہری حملوں میں مرنے والوں کی تعداد دو لاکھ تیس ہزار تک رہی تھی۔

ہیروشیما اور ناگاساکی پر حملوں کے بعد بھی متعدد جاپانی شہریوں کو خدشہ تھا کہ تیسرا ایٹمی بم ٹوکیو پر گرایا جائے گا۔ جاپان نے ہتیھار پھینکنے کا اعلان کیا اور اس طرح ایشیا میں دوسری عالمی جنگ کا اختتام ہوا۔ امریکی صدر ہیری ٹرومین نے جوہری حملوں کے احکامات دیے تھے۔ کئی مؤرخین ان حملوں کو جنگی جرائم قرار دیتے ہیں۔

ہیروشیما کے تباہ شدہ شہر کو مکمل طور پر دوبارہ تعمیر کیا گیا ہے۔ صرف دریائے اوٹا پر واقع ایک جزیرے پر امن پارک پہلے ہی طرح قائم ہے۔ یہاں پر ایک یادگاری شمع بھی روشن کی گئی ہے۔ یہ شمع اس وقت بجھائی جائے گی، جب دنیا سے آخری ایٹم بم کا خاتمہ ہو جائے گا۔

ناگاساکی میں 1955ء سے جوہری بم حملوں کے حوالے سے ایک عجائب گھر اور ان حملوں کے نتیجے میں ہلاک ہونے والے افراد کی یاد میں ایک امن پارک قائم ہے۔ جاپان میں 1945ء کے ان واقعات میں ہلاک ہونے والوں کی یاد کو بہت اہمیت دی جاتی ہے۔ دنیا بھر میں ہیروشیما اور ناگاساکی کو ایٹمی ہتھیاروں کی تباہ کاریوں کی علامت کے طور پر دیکھا جاتا ہے۔

اگست 1945ء کے ان حملوں میں ہلاک ہونے والوں کی یاد میں دنیا بھر میں تقریبات منعقد کی جاتی ہیں۔ ہیروشیما میں منقعد ہونے والی سالانہ تقریب میں حملوں میں بچ جانے والے، ہلاک ہونے والوں کے لواحقین، شہری اور سیاستدان شرکت کرتے ہیں اور اس دوران ایک منٹ کے لیے خاموشی اختیار کی جاتی ہے۔

پیروشیما میں امن یادگاری پارک میں ایک تقریب سے خطاب کرتے ہوئے جاپانی وزیراعظم شینزو آبے نے کہا کہ جاپان دنیا بھر سے جوہری ہتھیاروں کے خاتمے کے لیے آواز اٹھاتا رہے گا۔