1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

جاپانی موٹر ساز ادارہ نسان کساد بازاری کا شکار

29 جولائی 2009

جاپان کی موٹر ساز کمپنی NISSAN کی جانب سے بدھ کے روز جاری کئے گئےایک بیان میں کہا گیا ہے کہ مالی سال کی پہلی سہ ماہی میں ادارے کو 16.4 بلین ین کا نقصان اٹھانا پڑا ہے۔

نسان موٹر کمپنی کا لوگوتصویر: AP

عالمی اقتصادی بحران کے باعث عالمی سطح پر کاروں کی کھپت میں زبردست کمی سے نسان موٹرز بھی زبردست متاثر ہوئی ہے۔ نسان موٹرز نے رواں برس اپنے ہاں ملازمین کی تعداد میں بھی نمایاں کمی کا عندیہ دیتے ہوئے 20 ہزار ملازمتیں ختم کرنے کا اعلان کیا ہے۔

عالمی اقتصادی بحران کے باعث نسان گاڑیوں کی کھپت میں بھی زبردست کمی ہوئی ہے

کمپنی کی جانب سے بیان میں پیشن گوئی کی گئی ہے کہ نسان موٹررز کوعالمی کساد بازاری کے سائے سے نکلنے کے لئے کم از کم مزید ایک برس درکار ہو گا۔ بیان میں کہا گیا ہے کہ 2009 ء کمپنی کے لئے دشوار ثابت ہو گا۔ نسان موٹرز کے چیف ایگزیکٹیو Carlos Ghosn کا کہنا ہے کہ کساد بازاری کے باعث اگلے برس مارچ تک کمپنی کو ہونے والا مالی خسارہ 223.7 بلین ین تک پہنچ جائے گا۔ انہوں نے کہا :’’ہم کوشش کررہے ہیں کہ مثبت اشارے سامنے آئیں اور کمپنی کے ریکوری پلان کے تحت مزید اقدامات کرکے بہتری پیدا کی جا سکے۔‘‘

Carlos Ghosn کے مطابق عالمی کساد بازاری سے جاپان میں گاڑیوں کی کھپت میں کمی کے ساتھ ساتھ امریکہ اور یورپ میں بھی کاروں کی مانگ بہت حد تک کم ہو گئی ہے۔

ادارے کے مطابق نسان موٹرز کی سیل میں 22.8 فیصد کی کمی دیکھی گئی ہے تاہم ادارے نے یہ بھی کہا ہے کہ کساد بازاری کے حوالے سے لگائے گئے ابتدائی اندازوں کے مقابلے میں کمپنی نے کافی حد تک بہتر کارکردگی کا مظاہرہ کیا ہے۔

رپورٹ : عاطف توقیر

ادارت : عاطف بلوچ

ڈی ڈبلیو کی اہم ترین رپورٹ سیکشن پر جائیں

ڈی ڈبلیو کی اہم ترین رپورٹ

ڈی ڈبلیو کی مزید رپورٹیں سیکشن پر جائیں