لندن کا بِگ بین یورپ کا انتہائی مشہور گھڑیال تصور کیا جاتا ہے۔ یہ جس مینار پر نصب ہے، اُس کا اصل نام ایلزبتھ ٹاور ہے لیکن اِس کی شہرت بگ بین ٹاور کے نام ہی سے ہے۔ اس کو لندن کی آواز یا ’وائس آف لندن‘ بھی کہا جاتا ہے۔ فی الحال مرمت کی وجہ سے بگ بین خاموش ہے۔

جرمن دارالحکومت برلن کے الیگزانڈر پلاٹز پر نصب یہ گھڑیال انتہائی منفرد ہے۔ اس کو سن 1969 میں سابقہ مشرقی جرمنی کے صنعتی ڈیزائنر ایرش ژون نے ڈیزائن کیا تھا۔ ابتدا سے ہی یہ سیاحوں اور عام لوگوں کی ملاقات کا ایک مشہور مقام ہے۔ اس کے بلند مقام پر نظام شمسی اور نچلے حصے میں سلنڈروں کے ذریعے زمین کا نظام الاوقات دکھایا گیا ہے۔

یہ قدرے کم شہرت کا حامل گھڑیال ضرور ہے لیکن اپنی ساخت میں انتہائی دلچسپ ہے۔ یہ برلن کے یورپ سینٹر میں نصب ہے۔ تیرہ میٹر بلند یہ کرونو میٹر تقریباﹰ تین منزلوں کے مساوی ہے۔ اس کے شیشے کے بڑے بڑے پیمانوں میں سبز سیال مادہ گھنٹوں اور چھوٹے پیمانوں کا پانی منٹ کے لیے مختص ہے۔

چیک جمہوریہ کے دارالحکومت پراگ کے ٹاؤن ہال پر نصب سن 1410 میں تعمیر ہونے والا فلکیاتی گھڑیال گاتھک طرز تعمیر کا نمونہ ہے۔ یہ دنیا بھر میں اپنی انفرادیت کی وجہ سے ایک مثال ہے۔ روایت ہے کہ اُس وقت کے حاکم نے اس گھڑیال کی تکمیل پر اِس کے بنانے والے کی آنکھیں نکال دی تھیں تا کہ وہ کوئی دوسرا ایسا گھڑیال نہ بنا سکے۔ یہ تزیئن نو کے عمل سے گزر رہا ہے اور اکتوبر سن 2018 میں یہ عمل مکمل ہو جائے گا۔

گھڑی سازی کے دیس سوئٹزرلینڈ کے موجودہ دارالحکومت اور خوبصورت شہر بیرن میں سن 1530 میں زائیٹلوگے گھڑیال کی تعمیر مکمل کی گئی تھی۔ سیاح ہر گھنٹے پر گھڑیال کے ہندسوں کی جگہ بنی اشکال کا تماشہ دیکھ سکتے ہیں۔

اسٹراس برگ کے کیتیھڈرل کے اندر نصب یہ گھڑیال سوئس گھڑی سازوں کی محنتِ شاقہ کا عکاس ہے۔ اس گھڑیال میں ہندسوں کی شکل میں انسانی زندگی کے ادوار کو دکھایا گیا ہے۔

جنوبی جرمنی میں واقع مشہور بلیک فارسٹ کے شہر ٹرائی بیرگ میں یہ گھڑیال قریبی جنگلات کا نشان خیال کیا جاتا ہے۔ اس کو دنیا کا سب سے بڑا ’کُکُو کلاک‘ قرار دیا گیا ہے اس گھڑیال کا وزن چھ ٹن ہے۔ ہر گھنٹے اور نصف گھنٹے پر لکڑی کا بنا ہوا ساڑھے چار میٹر کی جسامت کا کُکُو گھڑیال کی کھڑی سے نمودار ہو کر وقت کا اعلان کرتا ہے۔

یہ گھڑیال جرمن شہر میونخ کے سٹی ہال کی عمارت کے باہر نصب ہے۔ یہ گھڑیال جدید دور کی توانائی سولر انرجی سے چلتا ہے اور تاریخی اہمیت کا حامل ہے۔

آسٹریا کے دارالحکومت ویانا کا اینکر گھڑیال بہت مشہور ہے۔ یہ اینکر ہوف بلڈنگ اور ہوہے مارکٹ کے حصوں کو جوڑنے والے پل پر نصب ہے۔ اس کے ڈیزائنر فرانز ماٹش تھے۔ اس گھڑیال کے ہر گھنٹے پر مشہور شخصیات کے مجسمے نمودار ہوتے ہیں۔

آسٹریا کے شہر گراتز کی ایک وجہٴ شہرت یہ کلاک ٹاور بھی ہے۔ یہ گھڑیال شلوس برگ میں نصب ہے اور دور سے دکھائی دیتا ہے۔ ابتداء میں اس میں صرف ایک سوئی نصب کی گئی تھی اور منٹ کی سوئی بعد میں لگائی گئی تھی۔

اٹلی کے شہر وینس میں سینٹ مارکس اسکوائر میں یہ گھڑیال نصب ہے جو صرف وقت ہی نہیں دکھاتا بلکہ علم البروج کا بھی عکاس ہوتا ہے۔ اس کے علاوہ یہ سورج اور چاند کی سمتوں کو بھی ظاہر کرتا ہے۔ سن 1998 تک اس گھڑیال کا نگران اپنے خاندان کے ہمراہ اس ٹاور کے اندر ہی رہتا تھا۔ سن 2006 سے اس کی نگرانی ڈیجیٹل کر دی گئی ہے۔

فرانسیسی شہر بلوآ کا یہ گھڑیال حقیقی معنوں میں گھڑیال نہیں ہے۔ اس کئی ڈریگنز کے سروں سے وقت کو ظاہر کیا گیا ہے۔ ہر نصف گھنٹے پر یہ ڈریگنز اپنے اپنے ہندسوں کے مقام سے باہر نکل کر خوفناک حرکات کا مظہر ہوتے ہیں۔ یہ کلاک بلوآ میں واقع جادو کے عجائب گھر کے ماتھے پر نصب ہے۔ جدید دور کے مشہور جادو گر رابرٹ ہودن اسی شہر میں پیدا ہوئے تھے۔

یورپ کا سب سے مشہور کلاک ٹاور لندن میں ایستادہ ہے۔ اسے بگ بین ٹاور کے نام سے جانا جاتا ہے لیکن اصل میں اس کا نام الزبتھ ٹاور ہے۔ یہاں ’وائس آف برطانیہ دھن‘ ہر گھنٹے بجتی ہے۔ تاہم 2022 تک تزئین و آرائش کے کام کی وجہ سے یہ گھنٹیاں خاموش رہیں گی۔ خصوصی تعطیلات میں گھنٹیوں کی آواز اب بھی سنی جا سکتی ہے۔

پراگ کے ٹاؤن ہال میں فلکیاتی گھڑیال 1410ء کا ہے اور یہ گوتھک ٹیکنالوجی کا شاہکار ہے۔ ایک افسانوی کہانی کے مطابق یہ گھڑیال مکمل ہونے کے بعد گھڑی ساز کی آنکھیں نکال دی گئی تھیں تاکہ یہ گھڑیال دنیا بھر میں منفرد رہے۔ اور یہ بارہ حواریوں والا گھڑیال بہت منفرد بھی ہے۔ دنیا بھر سے سیاح اسے دیکھنے پراگ آتے ہیں۔

برلن میں الیگزانڈرپلاٹس پر واقع یہ ورلڈ ٹائم کلاک ایک مقابلتاﹰ جدید ماڈل ہے۔ اسے سابقہ مشرقی جرمنی میں صنعتی ڈیزائنر ایرش جان نے ڈیزائن کیا تھا اور اس کی نقاب کشائی 1969ء میں کی گئی تھی۔ تب سے یہ برلن کے شہریوں اور سیاحوں کے لیے ملاقات کی ایک مقبول جگہ بن چکا ہے۔ سب سے اوپر زمین کے نظام شمسی کا ایک آسان ماڈل ہے اور نیچے کا سلنڈر زمین کے 24 ٹائم زونز میں سے ہر ایک کا وقت دکھاتا ہے۔

اگر گھڑیوں کی بات کی جائے تو پھر آپ کو سوئٹزرلینڈ لازمی دیکھنا چاہیے۔ سن 1530ء کا سیٹ گلوگے (ٹائم کلاک) دارالحکومت برن کی تاریخی پہچان ہے۔ یہاں سیاح ہر گھنٹے بعد وقت کے دیوتا کی تصویر کشی کرنے والے کرداروں کا کھیل دیکھ سکتے ہیں۔

اسٹراسبرگ کیتھیڈرل میں نشاۃ ثانیہ کا یہ شاہکار بھی سوئس گھڑی سازوں نے بنایا تھا۔ حواری اور زندگی کے چار ادوار کو ظاہر کرنے والے کردار (بچہ، نابالغ، بالغ اور بوڑھا) ہر روز دوپہر 12:30 پر حرکت کرنا شروع کر دیتے ہیں۔ یہ سب کردار موت کی نمائندگی کرنے والی ایک شخصیت کے پاس سے گزرتے ہیں۔

جنوبی جرمن شہر میونخ کے سٹی ہال میں دن میں دو یا تین بار گھنٹیوں کی آواز کے ساتھ ساتھ حرکت کرنے والی پتلیاں نمودار ہوتی ہیں۔ یہ پتلیاں میونخ کی تاریخ کے دو واقعات کو پیش کرتی ہیں۔ ایک واقعہ 1568ء میں ڈیوک ولہیلم پنجم کی شادی کا اور دوسرا طاعون کی ہلاکت خیز وبا کے بعد کے رقص کا واقعہ۔

’آرٹ نووو‘ کے مشہور پینٹر فرانس ماچ کا ڈیزائن کردہ یہ گھڑیال ویانا کے سب سے مشہور مارکیٹ سکوائر میں نصب ہے اور اس پر ایک پُل بنا ہوا ہے۔ 12 گھنٹوں کے دوران ویانا کی تاریخ کے 12 کردار اس پُل کو عبور کرتے ہیں۔ دوپہر بارہ بجے یہ تمام کردار ایک میوزیکل پریڈ بھی کرتے ہیں۔

آسٹریا میں گراس کا کلاک ٹاور دور سے ہی نظر آ جاتا ہے۔ آغاز میں اس گھڑیال میں صرف ایک سوئی تھی، جو گھنٹوں کو ظاہر کرتی تھی اور اسے دور سے ہی دیکھا جا سکتا تھا۔ بعدازاں اس میں منٹ دکھانے والی سوئی بھی شامل کر دی گئی۔

وینس کے سینٹ مارکس اسکوائر پر لگا ہوا یہ فلکیاتی گھڑیال نہ صرف وقت بلکہ چاند اور سورج کے مختلف مراحل بھی دکھاتا ہے۔ سن 1998ء میں آخری بحالی تک ٹاور گارڈ اپنے خاندان کے ساتھ اس ٹاور میں ہی رہتا تھا۔ سن 2006 سے اس گھڑیال کو ڈیجیٹل طور پر مانیٹر کیا جا رہا ہے۔