یہ تصویر 1970ء کی ہے، جس میں ولی برانٹ وارسا گیٹو میں نازی دور کے ظلم و تشدد کے شکار افراد کی یادگار کے سامنے گھٹنوں کے بل بیٹھ کر جرمن تاریخ کے اُس سیاہ باب پر ندامت کا اظہار کر رہے ہیں۔

برانٹ کے والدین باقاعدہ رشتہ ازدواج میں نہیں بندھے تھے۔ اُن کا پیدائشی نام ہربرٹ فرام تھا۔ 1933ء میں آمر حکمران ہٹلر کے برسر اقتدار آنے کے بعد انہوں نے اپنی شناخت اپنی والدہ کے نام کے ساتھ کر لی۔ برانٹ اُسی دور میں سیاسی تعاقب کا شکار ہونے کے ڈر سے فرار ہو کر اوسلو چلے گئے تھے۔ وہاں وہ بحیثیت صحافی کام کرتے رہے۔ وہاں وہ ہٹلر کے خلاف جلا وطن سوشل ڈیمو کریٹ جرمن باشندوں کی مزاحمت کو منظم کرتے رہے۔

1945ء میں دوسری عالمی جنگ کے خاتمے کے بعد برانٹ اپنے وطن جرمنی لوٹے۔ وہ جرمنی کی پہلی پارلیمان کے رُکن بنے۔ 1957ء میں وہ برلن کے میئر بنے۔ اُنہی کے دور میں برلن کو دو حصوں میں تقسیم کرنے والی مشہور زمانہ دیوار برلن کی تعمیر عمل میں آئی۔ برانٹ نے سر توڑ کوشش کی کہ برلن وفاقی جمہوریہ جرمنی کے ایک حصے کے طور پر مغربی جرمنی میں ہی رہے۔

دیوار برلن کی تعمیر کے دو سال بعد اُس وقت کے امریکی صدر جان ایف کینیڈی نے برلن کا دورہ کیا۔ برلن کے میئر برانٹ اور اُس وقت کے وفاقی جرمن صدر کونراڈ آڈیناور کے ساتھ ایک کھُلی گاڑی میں سوار کینیڈی نے پورے برلن کا دورہ کیا۔ اپنے اس دورے کے اختتام پر کینیڈی نے ایک دھواں دار تقریر میں آزادی کی قدر و قیمت کو اُجاگر کیا۔ اس موقع پر اپنا مشہور زمانہ جرمن زبان کا فقرہ ادا کیا تھا، Ich bin ein Berliner ۔

1960ء کے شروع ہی میں برانٹ نے اپنے قریبی ترین سیاسی رفیق ایگون بار کے ساتھ مل کر ’مفاہمت کے ذریعے تبدیلی‘ کے عنوان کے تحت مشرقی یورپ سے متعلق نئی پالیسی کی بنیاد رکھ دی تھی۔ بار بعد میں برانٹ کے دورِ حکومت میں پارلیمانی وزیر بھی رہے۔ ان دونوں نے مشرقی یورپی ممالک کے ساتھ کشیدگی کی بجائے قربت اور دوستانہ تعلقات بحال کرنے پر توجہ مرکوز رکھی۔ برانٹ جی ڈی آر کے ساتھ تعلقات بہتر بنانا چاہتے تھے۔

1961ء اور 1965ء دونوں بار وفاقی پارلیمانی انتخابات میں چانسلر شپ کے لیے الیکشن لڑنے کے باوجود ولی برانٹ کو کامیابی حاصل نہیں ہوئی تھی تاہم وہ وزیر خارجہ کے طور پر کام کرتے رہے تھے۔ آخر کار 1969ء میں برانٹ بحیثیت چانسلر منتخب ہوئے۔ وہ وفاقی جمہوریہ جرمنی کے پہلے سوشل ڈیموکریٹ چانسلر تھے۔

مشرقی جرمن شہر ایرفُرٹ میں پہلی بار وفاقی جرمن چانسلر ولی برانٹ اور جرمن ڈیموکریٹک ریپبلک جی ڈی آر کے وزیر اعظم ولی سٹوف نے ملاقات کی۔ اس موقع پر مشرقی جرمن باشندوں نے مغربی جرمن چانسلر کا خوش دلی سے استقبال کیا۔ وہ جس ہوٹل میں ٹھہرے تھے، اُس کے باہر ہزاروں مشرقی جرمن باشندے برانٹ کے دیدار کے منتظرتھے ۔ انہوں نے جس گرمجوشی اور مسرت کا اظہار کیا، وہ مشرقی جرمن قیادت کے لیے شرمندگی کا باعث تھا۔

دس دسمبر 1971ء کو ولی برانٹ کو اوسلو میں امن کے نوبل انعام سے نوازا گیا۔ اس اعزاز کا حقدار انہیں اُن کی مشرقی یورپی ممالک کے ساتھ دیرینہ دشمنی ختم کرتے ہوئے مفاہمت اور دوستی کی پالیسی کے تناظر میں ٹھہرایا گیا۔ برانٹ نے مشرقی ریاستوں کی طرف دوستی کا ہاتھ بڑھایا تھا اور یہی پالیسی سرد جنگ کے دور میں مشرق و مغرب کے مابین کشیدگی میں کمی کا سبب بنی تھی۔

برانٹ کے سیاسی اتحاد میں شامل بہت سے پارلیمانی اراکین کو اعتراض برانٹ کی سابقہ مشرقی جرمن علاقوں سے دستبرداری کے فیصلے پر تھا۔ اپوزیشن نے عدم اعتماد کا اظہار کرتے ہوئے انہیں چانسلر شپ سے علیحدہ کرنے کے لیے مہم شروع کی۔ 1972ء میں ہونے والی ووٹنگ میں اپوزیشن کو غیر متوقع طور پر ناکامی ہوئی۔ بعد میں یہ راز کُھلا کہ Stasi نے پارلیمانی اراکین کو رشوت دے کر فیصلہ برانٹ کے حق میں کروا لیا تھا۔

1974ء میں برانٹ چانسلر کے عہدے سے اچانک دستبردار ہو گئے۔ اس کی سب سے بڑی وجہ اس راز کا فاش ہونا بنی کہ برانٹ کے ایک قریبی ساتھی گنٹر گوئیلاؤم اور اُن کی اہلیہ قریب 20 سال سے وفاقی جمہوریہ جرمنی میں جاسوسی میں مصروف تھے۔ کہا جاتا ہے کہ برانٹ کی چانسلر کے عہدے سے برطرفی کی دوسری وجوہات بھی تھیں۔ خیال کیا جاتا ہے کہ ان وجوہات میں برانٹ کا ڈپریشن کا شکار ہونا اور خواتین کے ساتھ تعلقات بھی شامل تھے۔

ولی برانٹ کے بعد ہیلمٹ شمٹ نئے چانسلر بنے۔ وہ برانٹ کی حکومت میں وزیر دفاع اور وزیر مالیات رہ چُکے تھے، اس کے باوجود دونوں سوشل ڈیمو کریٹ رہنما ہمیشہ ایک دوسرے کے حریف رہے۔ اسی وجہ سے ان دونوں کی پالیسیوں میں بنیادی فرق پایا جاتا تھا۔ برانٹ کو ایک نظریہ ساز سیاستدان کی حیثیت سے کچھ لوگ پسند اور دیگر نا پسند کرتے تھے۔ اس کے مقابلے میں شمٹ کو عملیت پسند ہونے کے باعث قدر کی نگاہ سے دیکھا جاتا تھا۔

ولی برانٹ 1976ء میں انٹر نیشنل سوشلسٹ آرگنائزیشن کے صدر منتخب ہوئے تھے۔ اس عہدے پر فائز ہونے کی وجہ سے ان کی ملاقاتیں دنیا کے چند بڑے اشتراکی لیڈروں مثال کے طور پر فیدل کاسترو، میخائل گورباچوف اور PLO کے چیف یاسر عرفات سے رہیں۔ ولی برانٹ نے اس ادارے کو عالمی سطح پر وقار اور نام بخشا۔

9 نومبر 1989ء کو دیوار برلن منہدم ہوئی۔ یہ دیوار 28 برسوں تک برلن کو منقسم رکھے ہوئے تھی۔ دیوار گرنے کے اگلے روز صبح سویرے ہی ولی برانٹ بون سے برلن پہنچے۔ تب ایک تقریر میں برانٹ نے جرمنی کے دوبارہ اتحاد کا عندیہ دیتے ہوئے کہا تھا، "ایک دوسرے سے تعلق رکھنے والی چیزیں ہمیشہ مشترکہ طور پر ہی ترقی کرتی ہیں"۔

گزشتہ ویک اینڈ پر جرمن دارالحکومت برلن میں سینکڑوں لوگ ’ایک یورپ سب کے لیے‘ کے بینر تلے ایک مارچ میں شریک ہوئے۔ بریگزٹ کے بعد برلن یورپی یونین کا سب سے بڑا شہر بن جائے گا۔ اس شہر میں یورپ اور کئی دوسرے ممالک کے افراد آباد ہیں۔

برلن میں ہوئے مارچ میں شریک افراد کی تعداد تین ہزار کے قریب تھی۔ یورپی پارلیمنٹ میں جرمنی سے چھیانوے افراد کو منتخب کیا جائے گا۔ یورپی پارلیمنٹ کی کل نشستوں کی تعداد 751 ہے اور جرمنی سے یورپی پارلیمنٹ کے لیے سب سے زیادہ اراکین منتخب کیے جاتے ہیں۔

یورپی یونین اور یورپی سینٹرل بینک کی حمایت میں جرمن شہر فرینکفرٹ میں ہزاروں افراد نے ایک ریلی میں شرکت کی۔ اس ریلی میں ماحول دوستوں کے علاوہ سیاسی جماعتوں کے کارکن، چرچ آرگنائزیشنز سے منسلک افراد اور خواتین کے حقوق کی تنظیموں کے سرگرم ورکرز پیش پیش تھے۔

جرمنی کے چوتھے بڑے شہر کولون میں پینتالیس ہزار افراد’ایک یورپ سب کے لیے‘ نامی ریلی میں شریک ہوئے۔ اس ریلی میں خاص طور پر سوشل ڈیموکریٹک پارٹی کے کارکنوں کی بڑی تعداد شریک تھی۔ اس سیاسی جماعت کی لیڈر آندریا نہلس اور برلن حکومت کی وزیر انصاف کاٹارینا بارلی بھی شریک تھیں۔

کولون میں ریلی کے شرکاء نے یورپ کو محفوظ رکھنے کی ایک مہم میں بھی حصہ لیا۔ ہزاروں لوگوں نے یورپ کے امن منصوبوں کو محفوظ رکھنے کی قرارداد پر دستخط کیے۔ کئی لوگوں کا خیال ہے کہ عوامیت پسند سیاسی جماعتیں یورپ کے لیے نقصان دہ ہو سکتی ہیں۔

آسٹریا کے دارالحکومت ویانا میں بھی یورپ کے حق میں ایک مارچ کا انتظام کیا گیا اور اس میں بھی ہزاروں افراد نے شرکت کی۔ اس مارچ کے شرکاء نے آسٹریا کے نائب چانسلر ہائنز کرسٹیان اشٹراخے کے خلاف نعرے بازی بھی کی۔ اشٹراخے چند روز قبل ہی اپنے منصب سے مستعفی ہوئے ہیں۔ اُن کا تعلق فریڈم پارٹی آف آسٹریا سے ہے، جسے سن 1956 میں سابقہ نازیوں نے قائم کیا تھا۔

آسٹریا میں قائم مخلوط حکومت پر سب سے بڑا اعتراض یہ ہے کہ اس نے غیر یورپی باشندوں کی ہجرت کو روکنے کے کئی اقدامات کیے۔ مخلوط حکومت میں فریڈم پارٹی آف آسٹریا بھی شریک تھی۔ ویانا ریلی کے شرکا نے نسل پسندی کی پالیسی کے خلاف آواز بھی بلند کی۔ آسٹریا کی مخلوط حکومت نے یورپ کی دوسری عوامیت پسند حکومتوں سے روابط بھی استوار کیے۔

یورپی یونین کی رکن ریاستوں پولینڈ، اسپین، ہالینڈ اور اٹلی میں بھی یورپ کے حق میں ریلیاں نکالی گئیں۔ پولینڈ کے دارالحکومت وارسا میں ریلی کا اہتمام کیا گیا۔ پولینڈ میں دائیں بازو کی قوم پرست جماعت برسراقتدار ہے۔ یہ حکومت اس وقت بعض متنازعہ اقدامات کے تناظر میں یورپی یونین کے ساتھ قانونی جنگ شروع کیے ہوئے ہے۔

یورپ یونین کونسل کے صدر ڈونلڈ ٹسک بھی اپنے ملک میں یورپ کے حق میں نکالی گئی ریلی میں شریک تھے۔ پولینڈ کے سابق وزیر اعظم کی یورپی یونین کونسل کی مدت صدارت رواں برس دسمبر میں ختم ہو رہی ہے۔ وہ اپنے ملک کے سن 2020 کے صدارتی الیکشن میں حصہ لینے کا ارادہ رکھتے ہیں۔