جنوبی جرمن صوبے باویریا کے ضلع روزن ہائیم کے ایک گھر سے عین کرسمس کے دن دو کم سن  بچوں کی لاشیں اور ان کی زخمی ماں برآمد ہوئی۔ پولیس کے ایک ترجمان کے مطابق اس خاندان کے ایک واقف کار نے ان کی خیریت دریافت کرنا چاہی اور جب وہ اس گھر میں داخل ہوا تو اُس نے بچوں کی 39 سالہ ماں کو زخمی حالت میں پایا جس کے فوراً بعد اُس نے ایمرجنسی نمبر پر کال کر کے پولیس کو اطلاع دی۔

جرمنی میں والدہ پر پانچ بچوں کو قتل کرنے کا شبہ

تفتیش کاروں کے ابتدائی جائزے سے یہ فرض کیا جا رہا ہے کہ ایک چھ اور ایک سات سالہ بچے کی ماں نے کرسمس کے پہلی شام یا رات کو بچوں کو جان سے مار دیا۔ بعد ازاں مبینہ طور پر اس خاتون نے خود کو بھی ہلاک کرنے کی کوشش کی۔

 

جرمنی: بچوں پر تشدد اور جنسی زیادتی کے واقعات میں اضافہ

 

پولیس نے اس خاتون کو زخمی حالت میں ہسپتال پہنچایا جہاں اُس کی نگہداشت کی جا رہی ہے۔ ڈاکٹروں کے مطابق اس کی صحت اب مستحکم ہے۔

تاحال ہونے والی تفتیشی کارروائی سے کسی بیرونی  فرد کے ملوث ہونے کے کوئی نشاندہی نہیں ہوئی ہے۔ بحرانی صورتحال میں مداخلت اور مدد کرنے والے عملے کی ٹیم اس فیملی کی دیکھ بھال کر رہی ہے۔ اس واقعے کا اصل پس منظر ابتدائی طور پر واضح نہیں ہے۔ تحقیقات جاری ہیں جن میں پبلک پراسیکیوٹر، فرانزک ڈاکٹر اور فرانزک ماہرین شامل ہیں۔

لوگ بچوں کو قتل کرنے پر کیسے آمادہ ہو جاتے ہیں ؟

ک م/ ا ب ا(ڈی پی اے)