امریکی صدر ڈونلڈ ٹرمپ نے 2015ء میں جرمن چانسلر انگیلا میرکل کے مہاجرین کے لیے سرحدیں کھولنے کے فیصلے کو ایک بہت بڑی غلطی سے تعبیر کیا تھا۔ وہ جرمنی کی پالیسیوں پر تنقید بھی کرتے رہے ہیں اور کبھی ان حق میں بیان بھی دیتے رہے ہیں۔

ٹرمپ نے 2015ء میں اپنے ایک انٹرویو میں کہا تھا کہ جرمنی خاموشی سے رقم جمع کرنے اور دنیا کی ایک عظیم رہنما میرکل کے سائے میں قسمت بنانے میں لگا ہوا ہے۔

’’جرمن برے ہوتے ہیں، بہت ہی برے۔ دیکھو یہ امریکا میں لاکھوں گاڑیاں فروخت کرتے ہیں۔ افسوس ناک۔ ہم اس سلسلے کو ختم کریں گے۔‘‘ جرمن جریدے ڈیئر شپیگل کے مطابق ٹرمپ نے یہ بیان مغربی دفاعی اتحاد نیٹو کے ایک سربراہ اجلاس کے دوران دیا تھا۔

ٹرمپ نے مارچ میں ایک پریس کانفرنس کے دوران کہا، ’’ ٹیلفون سننے کی بات ہے، تو میرے خیال میں جہاں تک اوباما انتظامیہ کا تعلق تو یہ چیز ہم میں مشترک ہے۔‘‘ ان کی اشارہ ان الزامات کی جانب تھا، جو وہ ٹیلیفون سننے کے حوالے سے اوباما انتظامیہ پر عائد کرتے رہے ہیں۔ 2013ء میں قومی سلامتی کے امریکی ادارے کی جانب سے میرکل کے ٹیلیفون گفتگو سننے کے واقعات سامنے آنے کے بعد جرمنی بھر میں شدید و غصہ پایا گیا تھا۔

’’میرے خیال میں انہوں نے ان تمام غیر قانونی افراد کو پناہ دے کر ایک بہت بڑی غلطی کی ہے۔ ان تمام افراد کو، جن کا تعلق جہاں کہیں سے بھی ہے‘‘۔ ٹرمپ نے یہ بات ایک جرمن اور ایک برطانوی اخبار کو مشترکہ طور پر دیے جانے والے ایک انٹرویو میں کہی۔

ٹرمپ نے 2017ء میں میرکل سے پہلی مرتبہ ملنے کے بعد کہا تھا، ’’جعلی خبروں سے متعلق آپ نے جو سنا ہے اس سے قطع نظر میری چانسلر انگیلا میرکل سے بہت اچھی ملاقات ہوئی ہے۔ جرمنی کو بڑی رقوم نیٹو کو ادا کرنی ہیں اور طاقت ور اور مہنگا دفاع مہیا کرنے پر برلن حکومت کی جانب سے امریکا کو مزید پیسے ادا کرنے چاہیں۔‘‘

امریکی صدر نے جرمن حکومت کے داخلی تناؤ کے دوران اپنی ایک ٹوئٹ میں لکھا، ’’جرمن عوام تارکین وطن کے بحران کے تناظر میں، جس نے مخلوط حکومت کو مشکلات کا شکار کیا ہوا ہے، اپنی قیادت کے خلاف ہوتے جا رہے ہیں۔ جرمنی میں جرائم کی تعداد بڑھ رہی ہے۔ لاکھوں افراد کو داخل کر کے یورپی سطح پر بہت بڑی غلطی کی گئی ہے، جس سے یورپی ثقافت پر بہت تیزی سے تبدیل ہو گئی ہے۔‘‘

جرمنی نے مقبولیت کے اعتبار سے امریکا کو بھی پیچھے چھوڑ دیا ہے۔ سن 2009ء کے بعد سے پہلی مرتبہ ایسا ہوا ہے کہ امیج کے حوالے سے امریکا پہلے نمبر پر نہیں آیا۔ صارفین کی تحقیق کے لیے قائم ادارے جی ایف کے کے ایک عالمی سروے کے مطابق جرمنی دنیا کا مقبول ترین ملک ہے۔ اس تحقیق میں دنیا کے بیس ممالک کے بیس ہزار افراد نے حصہ لیا۔

جرمنی کو زیادہ تر ہمدردیاں قومی فٹبال ٹیم کی وجہ سے ملی ہیں۔ جی ایف کے کے سروے کے مطابق دنیا میں جرمنی کی بڑھتی ہوئی مقبولیت کی ایک بڑی وجہ برازیل میں ہونے والے عالمی کپ میں جرمن ٹیم کی کامیابی ہے۔ جرمنی اور امریکا کے بعد برطانیہ، فرانس، کینیڈا، جاپان، اٹلی، سوئٹزرلینڈ، آسٹریلیا اور سویڈن آتے ہیں۔

برلن نے سیاست میں بھی اسکور کیا ہے۔ امیج ایکسپرٹ سیمون آنہولٹ کے مطابق جرمنی کو یہ مقام یورپ میں اپنے قائدانہ کردار اور بین الاقوامی سطح پر مسلسل سیاسی ذمہ داری کا مظاہرہ کرنے کی وجہ سے ملا ہے۔ اسی وجہ سے جرمنی کو ’ایماندار اور قابل اعتبار حکومت‘ کے بھی پوائنٹ ملے ہیں۔

پہلے کی طرح یورپ میں اقتصادی طور پر مضبوط ترین قوم بھی جرمن ہی ہیں۔ اس سالانہ عالمی سروے میں مجموعی طور پر کسی بھی ملک سے متعلق 23 کیٹیگیریز میں سوالات پوچھے جاتے ہیں، جن میں سے ایک معیشت بھی ہے۔ جرمنی کی مضبوط معیشت نے بھی اس کے عالمی امیج میں بہتری پیدا کی ہے۔

جرمن تعلیمی ادارے تیزی سے مقبول ہوتے جا رہے ہیں اور یہاں آنے والے غیرملکی طلبا کی تعداد میں بھی مسلسل اضافہ ہوتا جا رہا ہے۔ گزشتہ برس دو لاکھ بیاسی ہزار غیرملکی اسٹوڈنٹس جرمنی آئے۔ اندازوں کے مطابق جرمنی کے ہر دسویں طالب علم کا تعلق کسی دوسرے ملک سے ہے۔

گزشتہ برس جرمن دارالحکومت برلن آنے والے سیاحوں کی تعداد سب سے زیادہ رہی۔ مجموعی طور پر بیس فیصد اضافہ ریکارڈ کیا گیا۔ آنے والے سب سے زیادہ سیاحوں کا تعلق عرب خلیجی ریاستوں، چین اور روس سے تھا۔ ساری دنیا کے فنکاروں اور یورپی نوجوانوں کے لیے بھی برلن انتہائی پرکشش ہے۔