30 اپریل 1945ء کو دو سوویت فوجیوں نے برلن میں رائش ٹاگ پارلیمان کی عمارت پر سُرخ پرچم لہرایا تھا۔ حالانکہ یہ بات اب معلوم ہے کہ یہ تصویر اصل واقعے کے دو روز بعد اسے دہرا کر بنائی گئی تھی، پھر بھی یہ 20ویں صدی کی معروف ترین تصاویر میں سے ایک ہے جو ہٹلر کے خلاف فتح، نازی جماعت کے تباہی اور دوسری عالمی جنگ کے خاتمے کی علامت ہے۔

آٹھ مئی 1945ء کو برلن کے علاقے کارل ہورسٹ میں واقع آفیسرز میس میں جرمن فوج نے غیر مشروط طور پر ہتھیار ڈالنے کی دستاویز پر دستخط کیے تھے۔ جرمن روسی عجائب گھر میں یہ دستاویز موجود ہے، جسے انگریزی، روسی اور جرمن زبانوں میں تیار کیا گیا تھا۔ اس میوزیم میں نازی حکومت کی طرف سے سوویت یونین کے خلاف جنگ شروع کرنے سے متعلق تفصیلات موجود ہیں جو 25 ملین افراد کی زندگی لے گئی۔

مغربی اتحادی یعنی امریکا، برطانیہ اور فرانس جولائی 1945 میں شہر کے مغربی حصوں پر قبضہ کرنے سے قبل برلن میں داخل نہیں ہوئے تھے۔ امریکی فورسز کا مرکز زیلنڈورف ڈسٹرکٹ تھا۔ سابق تھیئٹر سنیما کی عمارت اب الائیڈ میوزیم کا حصہ ہے۔ اس میوزیم میں جنگ کے بعد کے برلن کے بارے میں معلومات موجود ہیں جن میں 1948ء کا ایئرلِفٹ اور 1994ء میں امریکی فورسز کے انخلا تک کے واقعات شامل ہیں۔

ایک سوویت فوجی بچائے گئے ایک بچے کو اپنے بازو میں اٹھائے ہوئے ہے جبکہ اس کے دوسرے ہاتھ میں تلوار ہے جس کا رُخ نیچے کی جانب ہے۔ یہ بہت بڑا یادگاری مجسمہ ٹریپٹو میں موجود سوویت فوجی میموریل میں نصب ہے۔ یہ ملٹری قبرستان ہے جس میں وہ سات ہزار سوویت فوجی دفن ہیں جو 1945ء میں برلن میں ہونے والی لڑائی میں مارے گئے۔

برلن کے علاقے ہیئر اسٹراسے میں واقع قبرستان میں ایئرفورس کے قریب 3600 فوجی دفن ہیں۔ اسے 1995ء اور 1957ء کے دوران برطانیہ اور دولت مشترکہ کی ریاستوں سے تعلق رکھنے والے فوجیوں کے یادگاری قبرستان میں بدل دیا گیا۔ یہ آج بھی برطانوی تاج کی خصوصی نگرانی میں ہے۔

دوسری عالمی جنگ کے خاتمے سے قریب ایک برس قبل 20 جون 1944ء کو جرمن افسران کے ایک گروپ نے ہٹلر کو راستے سے ہٹانے کی کوشش کی تھی۔ مگر یہ کوشش ناکام ہو گئی اور اس میں ملوث افسران کو سزائے موت دے دی گئی۔ جرمن مزاحمت کی یادگار اس مرکز میں نازی حکومت کے خاتمے کی کوشش کرنے والے ان افسران کے بارے میں معلومات دی گئی ہیں۔

برلن کی نیدرکرشن اسٹراسے پر موجود ’ٹوپوگرافی آف ٹیرر‘ پر ہر سال ایک ملین سے زائد افراد آتے ہیں۔ یہ برلن میں کسی بھی یادگاری مقام پر سالانہ سب سے زیادہ تعداد ہے۔ 1933ء سے 1945ء تک یہ خفیہ ریاستی پولیس اور ایس ایس کا ہیڈکوارٹر رہا تھا۔ دوسرے لفظوں میں وہ مقام ہے جہاں نازی حکومت کے منصوبے بنائے اور ان پر عمل کیا جاتا تھا۔

لہروں کی شکل میں تعمیر کیے گئے یہ 2711 ستون، ان قریب 6.3 ملین یورپی یہودیوں کی یادگار ہیں جنہیں نازی دور حکومت میں قتل کیا گیا۔ ہولوکاسٹ میوزیم کے بالکل سامنے موجود یہ مقام نازی اذیتی کیمپوں میں یہودیوں پر ڈھائے جانے والے منظم ظلم وستم کی یاد تازہ کرتا ہے۔

برائٹس شیڈپلاٹز پر واقع کائزر وِلہیلم میموریل چرچ کو 1943ء میں ہونے والی بمباری میں شدید نقصان پہنچا تھا۔ جنگ کے بعد کے سالوں میں جب اس کی دوبارہ تعمیر اور تزئین کی جا رہی تھی تو برلن کے عوام نے اس پر احتجاج کیا تھا۔ جس کے بعد 71 میٹر اونچے مینار کی باقیات کو محفوظ کر لیا گیا تھا۔ یہ جنگ اور تباہی کے خلاف اور امن اور مفاہمت کے حق میں ایک انتہائی واضح یادگار ہے۔

جینا لولوبریجیڈا کے ساتھ عوام اور پریس ہمیشہ محبت کرتے رہے ہیں۔ وہ روم کے نواح میں سن 1927 میں پیدا ہوئی تھیں۔ وہ سن 1950 اور 1960 کی دہائی میں یورپی فلمی صنعت کی ایک اہم اداکارہ تھیں۔ وہ عام طور پر ’لا لولو‘ کی عرفیت سے پکاری جاتی تھیں۔ پچیس برس پر پھیلے فلمی کیریئر کے بعد سن 1970 کے اوائل میں وہ فلمی دنیا سے کنارہ کش ہو گئی تھیں۔

جینا لولو بریجیڈا اپنی جلوہ گری میں اکیلی نہیں تھیں، انہیں اُس دور میں ابھرنے والی اداکارہ صوفیہ لورین کی صلاحیتوں کا سامنا رہا۔ صوفیہ لورین، جینا لولوبریجیڈا کے فلمی کیریئر شروع ہونے کے چھ برس بعد فلمی صنعت میں داخل ہوئی تھیں۔ فلمی انڈسٹری میں دونوں اداکاروں کے درمیان سخت مقابلہ بازی رہی۔

یورپی فلم انڈسٹری پر مسلسل اطالوی حسیناؤں کی آمد رہتی ہے۔ سن 1960 کی دہائی کے آخری مہینوں میں کلاؤڈیا کارڈینل یورپی فلمی منظر پر نمودار ہوئیں۔ اس اداکارہ نے بھی کئی فلموں میں یادگار کردار ادا کیے۔

فلموں میں ہوش ربا پرفارمنس دینے والی اداکاروں کے سلسلے میں فرانسیسی حسینہ بریجیٹ باردو نے سب کو پیچھے چھوڑ دیا۔ انہیں اُس دور میں ’سیکس بم‘ سے پکار جاتا تھا۔ باردو نے بھی جینا لولوبریجیڈا کی طرح سن 1970 میں فلم ورلڈ کو خیرباد کہہ دیا تھا۔

بریجیٹ باردو کی ہم وطن کیتھرین ڈُونوو بھی ایک باصلاحیت اداکارہ تھیں۔ اُن کی فلموں میں سنجیدگی کا عنصر غالب تھا اور وہ مردوں کے جذبات بھڑکانے والی فلموں سے زیادہ موضوعاتی فلموں کی جانب راغب تھیں۔

جرمنی سے تعلق رکھنے والی خوبرو اداکارہ رومی شنائیڈر سن 1960 اور 1970 کی دہائی کے سنہرے یورپی فلمی دور سے تعلق رکھتی ہیں۔ رومی کو یورپی فلمی صنعت کی انتہائی حسین اور پرفارمنس دینے والی اداکارہ قرار دیا جاتا ہے۔ وہ چوالیس برس کی عمر میں سن 1982 میں انتقال کر گئی تھیں۔

قدرے چھوٹے یورپی ملک سے ابھرنے والی اداکارہ آئرین پاپس دوسری عالمی جنگ کے بعد کی یورپی فلمی صنعت سے منسلک ہوئیں اور کئی فلموں میں اہم کردار ادا کیے۔ آئرین پاپس اپنے ملک کی ایک مشہورمغنیہ بھی تھیں۔ ان کی ایک مشہور فلم ’زوبرا دی گریک‘ تھی۔

روس سے تعلق رکھنے والی مشہور اداکارہ تاتینا مغربی یورپی فلم انڈسٹری کی کئی شاہکار فلموں میں جلوہ گر ہوئیں۔انہوں نے جرمن، فرانسیسی اور انگلش فلموں میں اداکاری کے جوہر دکھائے۔ انہیں روسی فلم انسٹری کا سب سے روشن ستارہ قرار دیا جاتا ہے۔

پولستانی اداکارہ کرسٹینا جینڈا کو یہ اعزاز حاصل ہے کہ انہیں دیارغیر کی فلموں میں بھی پذیرائی حاصل ہوئی۔ سن 1970 کی دہائی میں وہ انتہائی سنجیدہ کردار نگاری میں اپنا ثانی نہیں رکھتی تھیں۔ اپنے ملک پولینڈ میں وہ ایک گلوکارہ اور مصنفہ کے طور پر بھی پہچانی جاتی ہیں۔

ہسپانوی فلم انڈسٹری سے تعلق رکھنے والی خوبرو اداکارہ پینلوپے کروز کا طُرہٴ امتیاز یہ ہے کہ وہ فلم کے کردار میں جذبات کی پرفارمنس کو حقیقت کے قریب لے جاتی ہیں۔ وہ یورپی اور ہالی وڈ انڈسٹری کی کئی فلموں میں اداکاری کے جوہر دکھا چکی ہیں۔