جرمنی نے اس برس امریکا سے پسندیدہ ترین ملک ہونے کی پوزیشن چھین لی ہے۔ جن چھ کیٹیگریز کو پیش نظر رکھ کر یہ انڈکس تیار کیا گیا، ان میں سے پانچ میں جرمنی کی کارکردگی نمایاں تھی۔ سیاحت کے شعبے میں جرمنی اب بھی دسویں نمبر پر ہے۔ مصر، روس، چین اور اٹلی کے عوام میں جرمنی کے پسند کیے جانے میں واضح اضافہ ہوا ہے۔

پسندیدہ ترین ممالک کی اس فہرست میں دوسرے نمبر پر جرمنی کا ہمسایہ ملک فرانس رہا۔ نئے فرانسیسی صدر ایمانوئل ماکروں کے انتخاب نے فرانس کو دوسری پوزیشن پر لانے میں اہم کردار ادا کیا۔ ثقافت کے حوالے سے فرانس دنیا بھر میں پہلے جب کہ سیاحت میں دوسرے نمبر پر ہے۔

بریگزٹ کے عوامی فیصلے کے بعد برطانیہ پسندیدہ ترین ممالک کی اس عالمی درجہ بندی میں پچھے چلا گیا تھا تاہم اس برس کے جائزے کے مطابق دنیا بھر میں بریگزٹ کی حقیقت کو تسلیم کیا جا چکا ہے۔ برآمدات، سیاحت، ثقافت اور مہاجرت کے بارے میں پالیسیوں کے حوالے سے برطانیہ پہلے پانچ ممالک میں شامل ہے اور مجموعی طور پر اس فہرست میں تیسرے نمبر پر۔

حکومت، عوام، مہاجرت سے متعلق پالیسیوں اور سرمایہ کاری میں بہتر کارکردگی کے باعث اس برس کے ’نیشنز برانڈز انڈکس‘ میں کینیڈا چوتھی پوزیشن پر رہا۔ مجموعی طور پر کینیڈا کا اسکور گزشتہ برس سے زیادہ مختلف نہیں تھا تاہم امریکا کی رینکنگ کم ہونے کا بھی کینیڈا کو فائدہ پہنچا۔

سن 2017 کے پسندیدہ ترین ممالک کے اس انڈکس میں جاپان کی کارکردگی گزشتہ برسوں کی نسبت بہت بہتر رہی اور وہ مشترکہ طور پر کینیڈا کے ساتھ چوتھے نمبر پر رہا۔ جاپان کی برآمدات کے شعبے میں کارکردگی اس برس بھی اچھی رہی لیکن اس کے علاوہ جاپان کی حکومت، ثقافت اور مہاجرین سے متعلق پالیسیوں کو بھی عالمی طور پر سراہا گیا۔

جہاں جاپان اس فہرست میں تیزی سے اوپر آیا، وہیں امریکا کی کارکردگی مایوس کن رہی اور وہ اپنی مسلسل پہلی پوزیشن سے نیچے آتے ہوئے اس برس عالمی سطح پر دنیا کا چھٹا پسندیدہ ترین ملک قرار پایا۔ اس مایوس کن کارکردگی کا ذمہ دار ’ٹرمپ ایفیکٹ‘ کو قرار دیا جا رہا ہے اور حکومت کے شعبے میں امریکا دنیا میں تئیسویں نمبر پر آ چکا ہے۔ برآمدات کے حوالے سے تاہم امریکا کی دوسری پوزیشن برقرار رہی۔

ان چھ ممالک کے علاوہ اٹلی، سوئٹزرلینڈ، آسٹریلیا اور سویڈن پسندیدہ ترین ممالک کی اس فہرست میں بالترتیب ساتویں، آٹھویں، نویں اور دسویں پوزیشن پر رہے۔

دریائے رائن کے کنارے آباد کوبلنز، مائنز، بون، کولون اور ڈسلڈورف جیسے شہروں میں کارنیوال کا اہتمام قابل دید ہوتا ہے۔ گیارہ نومبر سے شروع ہونے والے کارنیوال کی کئی روزہ تقریبات کے انجام کے قریب ایک’پیر‘ سب سے اہم دن ہوتا ہے۔ اسے ’روز منڈے‘ یعنی ’گلابی پیر‘ کہتے ہیں۔

کانٹے دار خول میں چھپے ہوئے ملائم بھورے رنگ کے سنگھاڑوں کو جرمن بچے موسم خزاں میں جمع کرتے ہیں۔ ان سنگھاڑوں سے گلے کے نیکلس یا پھر جانوروں جیسی اشکال بنائی جاتی ہیں۔

جرمنی میں موسم سرما کا سب سے مزے دار حصہ شاید یہی ہے۔ اگر آپ کی قسمت اچھی ہے تو آپ کو اس موسم میں مشروم (کھمبی) کی کئی اقسام مل جائیں گی۔ جرمن افراد عموماﹰ مشرومز کی متنوع اقسام کی شناخت میں ماہر ہوتے ہیں۔

خزاں کے موسم میں اتوار کی دوپہر کو اکثر جرمن شہری جنگل میں رنگا رنگ پتوں کی خوبصورتی کو سراہنے نکلتے ہیں۔ شہر میں درختوں سے جھڑنے والے پتوں کو سڑک کے ایک طرف لگا دیا جاتا ہے تاکہ کوڑے کی گاڑیاں انہیں اٹھا لے جائیں۔ بچوں کے لیے پتوں کے اس ڈھیر پر کھیلنا کم دلچسپی کا باعث نہیں ہوتا۔

جرمن افراد سپا کلچر کو بہت سنجیدگی سے لیتے ہیں۔ یوں تو جرمنی میں تھرمل سوئمنگ پولز سارا سال ہی کھلے رہتے ہیں لیکن جیسے جیسے باہر درجہ حرارت گرتا ہے، جرمنی کے رہنے والے سپا میں درجہء حرارت کے اس فرق کو زیادہ انجوائے کرتے ہیں۔

بہت سے جرمن والدین اپنے بچوں کو سر سے پاؤں تک آرگینگ اون سے بنے کپڑے ہی پہنانا پسند کرتے ہیں۔ بعض جرمن افراد خود اپنے لیے بھی سردیوں میں ایسے ہی اونی کپڑوں کا استعمال کرتے ہیں۔ اگرچہ ایسی اشیا مہنگی ہوتی ہیں لیکن قدرتی، ماحولیاتی اور پائیدار ہونے کے سبب ان پر سرمایہ کاری کو بہتر سمجھا جاتا ہے۔

جوں ہی سردی زیادہ ہونے لگتی ہے، جرمن افراد اپنے گھروں کو گرم کرنا شروع کر دیتے ہیں۔ اگرچہ اب جرمنی بھر میں زیادہ تر گھروں کو گرم رکھنے کے لیے گیس کا استعمال کیا جاتا ہے، تاہم اب بھی کچھ ایسے پرانے مکانات موجود ہیں جنہیں کوئلے یا لکڑی سے گرم رکھا جاتا ہے۔

جرمن گھروں میں ہیٹر آن کرنے کے بعد یہ مشق عام ہے کہ سخت سردی کے باوجود بھی روزانہ چند منٹوں کے لیے گھر کی کھڑکیاں کھولنا ضروری سمجھا جاتا ہے۔ اسے نمی والےگھروں میں پھپھوندی سے بچاؤ کا طریقہ سمجھا جاتا ہے۔

اگرچہ یہ خاص کیلنڈر کرسمس سے پہلے آخری چوبیس دنوں کو شمار کرنے کے لیے استعمال کیے جاتے ہیں تاہم جرمنی کی سپر مارکیٹوں میں اکتوبر ہی سے ان کی بھرمار نظر آتی ہے۔