کينيڈا کے شہر مونٹريال ميں اکتيس دسمبر کی شب آتش بازی کا شاندار مظاہرہ ديکھنے کو ملتا ہے۔ کيوبک کے سب سے بڑے شہر ميں آئس اسکيٹنگ بھی ايک روايت سی ہے۔ ہر سال تقريباً ستر ہزار افراد اس ميلے ميں شرکت کے ليے شہر کے مرکز ميں جمع ہوتے ہيں۔ اس سال بھی کچھ ايسا ہی ہونا ہے۔ واضح رہے کہ جزيرہ رياست ساموا ميں سب سے پہلے سن 2020 کی آمد ہوگی جبکہ سب سے آخر ميں ہوائی ميں يکم جنوری کی تاريخ لگے گی۔

اگرچہ اسلامی کيلنڈر کے لحاظ سے نئے سال کی آمد اگست کے وسط تک نہيں ہو گی تاہم دبئی ميں ہر سال اکتيس دسمبر کی رات ہونے والی آتش بازی اور تقاريب اپنی مثال آپ ہيں۔ سمندری کنارے ہوں يا کوئی شاندار ريزورٹ، دبئی ميں اس مناسبت سے لطف انداز ہونے کے مواقع کی کمی نہيں۔ دبئی ميں نئے سال کی آمد کے موقع پر ہونے والی آتش بازی خطے ميں کافی مشہور ہے۔

تقريبات ميں شرکت کے ليے برازيل جانا درست ہے؟ جی بالکل۔ اگر آپ ريو ڈی جنيرو ميں اس موقع پر بڑا ہی منفرد تجربہ حاصل کرنا چاہتے ہوں، تو ضرور یہاں جائیں۔ اس شہر ميں اکتيس دسمبر کی رات رومانوی کيفيت طاری ہو جاتی ہے۔ آتش بازی کی جھلک سمندر ميں بھی ديکھی جا سکتی ہے جبکہ لوگ پانی ميں پھول اور موم بتياں چھوڑتے ہيں۔ يہ مانا جاتا ہے کہ اس رات سفيد کپڑے زيب تن کرنا آپ کے ليے خوشی اور امن کا ضامن ثابت ہوتا ہے۔

جرمن دارالحکومت ميں برينڈنبرگ گيٹ اور وکٹوريا کالم کے درميان اکتيس دسمبر کی رات ايک ملين افراد جمع ہوتے ہيں۔ موج مستی کی محفل پوری رات جاری رہتی ہے۔ برلن کو ’پارٹی‘ کے ليے ايک معروف شہر قرار ديا جاتا ہے اور نئے سال کی آمد کے موقع پر سجنے والی محفل اس کا ايک اور ثبوت ہے۔

ويسے پارٹی کرنے کے ليے برطانوی دارالحکومت بھی اپنی مثال آپ ہے۔ بگ بين پر لگے گھنٹے کی گونج کے ساتھ دريائے تھيمز پر زبردست آتش بازی شروع ہو جاتی ہے۔ سب سے بہتر نظارے کے ليے لوگ لندن آئی کا رخ کرتے ہيں۔ پھر شہر ميں ہر طرف موج مستی کی ايک دنيا جاگ اٹھتی ہے، جو يکم جنوری کی صبح تک جاری رہتی ہے۔

فرانسيسی دارالحکومت کے مشہور آئيفل ٹاور پر لائٹ اور ليزر کا زبردست شو ہزاروں شائقين کی توجہ کا مرکز بنتا ہے۔ مختلف روشنياں اس تاريخی ٹاور کی شان اور اونچی کر ديتی ہيں۔ پيرس ميں ہر طرف ايک جشن کا سا سماں ہوتا ہے۔

روم ميں نئے سال کی آمد پر دنيا بھر کے مسيحی سينٹ پيٹرز اسکوائر کے پيازہ سان پيئترو پر جمع ہوتے ہيں۔عين بارہ بجے پاپائے روم ايک خصوصی دعائيہ تقريب ميں حصہ ليتے ہيں۔ اس خصوصی تقريب ميں شرکت کے ليے صرف دس ہزار ٹکٹ ديے جاتے ہيں۔ گو کہ ٹکٹ بلا معاوضہ ديے جاتے ہيں تاہم يہ بہت جلدی ختم بھی ہو جاتے ہيں۔

چيک جمہوريہ کے دارالحکومت کے ارد گرد واقع پہاڑوں سے آتش بازی کی جاتی ہے، جو شہر کو اوپر سے روشن کر ديتی ہے۔ يہاں روايت ہے سيب کو بيچ سے کاٹنے کی۔ اگر يہ ايک تارے کی شکل ميں کٹے، تو آئندہ برس آپ کے ليے خوش نصيبی کا باعث ہے اور اگر ايسا نہ ہو، تو ايک اور سيب کاٹ کر قسمت آزمائيے۔

ہسپانوی دارالحکومت کے پرانے حصے کے مرکز ميں پوئيرتا ڈيل سول ميں سب سے بڑی پارٹی منعقد ہوتی ہے۔ بس ذرا وائن ليجيے، کچھ انگور ساتھ ليجيے اور چلے جائيے اس مقام پر۔ اسپين ميں روايت ہے کہ ہر دفعہ جب گھنٹی بجے، تو آپ ايک انگور کھائيں۔ اگر آپ کسی ساتھی کے ساتھ گئے ہيں، تو ايک دوسرے کو انگور کھلائيں، اس سے قسمت اچھی ہوتی ہے۔

يہ ذرا ہے تو مہنگا ليکن کيا مزيدار ہے؟ جنيوا کی لہر ايک پرانے اسٹريمر پر چھ کورس پر مشتمل عشائيہ، شيمپين کا گلاس اور ساتھ ہی نئے سال کی آمد پر آتش بازی کا نظارہ۔ فرانسيسی، سوئس نہر ميں اس وقت ماحول انتہائی رومانوی ہوتا ہے۔ کيا آپ نئے سال کی آمد پر وہاں ہونا چاہيں گے؟