جرمن ریاست نارتھ رائن ویسٹ فیلیا کی پولیس کے مطابق یہ آگ جرمنی کے میٹنگن نامی ایک شہر میں واقع سؤروں کے ایک فارم میں لگی۔ آج ہفتہ 17 نومبر کو علی الصبح لگنے والی اس آگ کے نتیجے میں سینکڑوں جانور ہلاک ہو گئے۔

پولیس کے ایک ترجمان نے ڈوئچے ویلے کو بتایا، ’’فائر بریگیڈ اور ایمرجنسی سے نٹمنے والے اہلکار ابھی تک جائے وقوعہ پر موجود ہیں۔‘‘ ترجمان کا مزید کہنا تھا، ’’آگ سے ہونے والے نقصان کا درست اندازہ لگانے میں ابھی کچھ وقت لگے گا۔‘‘

پولیس ترجمان کے مطابق اس آگ کے سبب کوئی فرد زخمی نہیں ہوا، مگر اندازہ ہے کہ قریب 1700 سور اس آگ سے ہلاک ہوئے۔

حکام کے مطابق فوری طور پر یہ معلوم نہیں ہو سکا کہ یہ آگ لگنے کی وجہ کیا تھی۔

ا ب ا / ع ح (ڈی ڈبلیو)