جرمنی میں اتوار 18 اپریل کو کورونا وائرس کی عالمی وبا کے نتیجے میں ہلاک ہونے والے قریب 80 ہزار شہریوں کو یاد کیا گیا۔ برلن میں مرکزی سوگواری تقریب کی قیادت صدر فرانک والٹر اشٹائن مائر نے کی۔
تصویر: Karina Hessland/REUTERS
اشتہار
برلن کے کائزر ویلہیلم میموریل چرچ میں جرمن صدر فرانک والٹر اشٹائن مائر کے ہم راہ چانسلر انگیلا میرکل بھی تھیں۔ واضح رہے کہ برلن میں یہ چرچ جنگ اور تباہی کے خلاف یادگار تصور کیا جاتا ہے۔ اس تقریب میں کووِڈ انیس کی وبا کے نتیجے میں ہلاک شدگان کے سوگواران سے ہمدردی کا اظہار کیا گیا۔
میموریل پر حاضری کے بعد صدر فرانک والٹر اشٹائن مائر اور چانسلر میرکل درالحکومت کے کانسرٹ ہاؤس میں ایک خصوصی تقریب میں شرکت کی، جہاں صدر فرانک والٹر اشٹائن مائر نے خطاب کیا۔
جرمن بشپ کانفرنس کے چیئرمین گیورگ بیٹسنگ نے چرچ میں دعائیہ سروس کے موقع پر کہا کہ بیماری اور موت کو اس برس دور نہیں دھیکلا جا سکتا، کیوں ان کے بہت سے افراد کی زندگیوں پر بہت گہرے گھاؤ ہیں۔
جرمنی میں یہ سوگواری تقاریب پبلک سروس نشریاتی اداروں پر بہ راہ راست نشر کی گئیں۔ کورونا وائرس کے انسداد کے لیے نافذ ضوابط کے تناظر میں محدود افراد کو ان تقاریب میں شرکت کی اجازت دی گئی ہے۔ قومی دعائیہ سروس کا اعلان کرتے ہوئے صدر فرانک والٹر اشٹائن مائر نے کہا، ''بطور صدر میرے خیال میں یہ انتہائی ضروری ہے کہ ہم ٹھہر کر ان افراد کو تکریم سے الوداع کہیں، جو عالمی وبا کے نتیجے میں ہلاک ہو گئے۔ بشمول ان کے جو اس وائرس کا بہ راہ راست نشانہ تو نہ بنے مگر انہیں تنہائی نے مار ڈالا۔‘‘
انہوں نے کہا کہ اپنے پیاروں کے کھونے کا دکھ تو اپنی جگہ مگر کبھی کبھی انفیکشنز کو قابو میں رکھنے کے لیے نافذ اقدامات ایسی صورت حال پیدا کر دیتے ہیں کہ کوئی شخص دنیا سے یوں روانہ ہوتا ہے کہ اس کے خاندان کا کوئی فرد لمحہ مرگ اس کا ہاتھ بھی نہیں تھام سکتا۔
گزشتہ برس صدر سے اپنے مکالمے میں کورونا وائرس کے متاثرین نے اپنی تنہائی کا شکوہ کیا تھا۔
میخائل گورباچوف نوے برس کے ہو گئے
گوربی، وہ نام جس سے جرمن شہری سابق روسی رہنما میخائل گورباچوف کو پکارتے ہیں۔ وہ سوویت یونین کے پہلے اور آخری صدر ہیں جو جرمنی میں آج بھی مقبول ہیں۔
تصویر: Vitaly Armand/AFP/Getty Images)
جرمنی میں گورباچوف کی یادگار
گوربی، وہ نام جس سے جرمن شہری سابق روسی رہنما میخائل گورباچوف کو پکارتے ہیں۔ وہ سوویت یونین کے پہلے اور آخری صدر ہیں جو جرمنی میں آج بھی مقبول ہیں۔
تصویر: picture alliance / Paul Zinken/dpa
گورباچوف اور جرمن
یہ اس وقت کے جرمن چانسلر ہیلموٹ کوہل اور گورباچوف کی پہلی ایک ساتھ تصویر ہے۔ مارچ انیس سو پچاسی میں جرمن چانسلر ماسکو میں سوویت کمیونسٹ پارٹی کے جنرل سیکرٹری کونسٹانٹن شرنینکو کی آخری رسومات میں شرکت کے لیے گئے تھے۔ گورباچوف نے کونسٹانٹن ہی کا خالی ہونے والا عہدہ سنبھالا تھا۔ یہیں سے دونوں رہنماؤں کے درمیان بہتر تعلقات کا آغاز ہوا۔
تصویر: Tass/dpa/picture-alliance
ولی برانٹ اور میخائل گورباچوف ماسکو میں
ولی برانٹ سن انیس سو انسٹھ سے انیس سو چوہتر تک جرمن چانسلر تھے۔ ان کے دور میں مغربی جرمنی نے اپنے مشرقی پڑوسی ملکوں کے ساتھ رشتے بہتر کرنے کا آغاز کیا اور سوویت یونین کے ساتھ تعلقات معمول پر آئے۔ اننہیں ان کی انہیں خدمات کے باعث سن انیس سو اکہتر میں نوبل انعام سے نوازا گیا۔ گورباچوف کو یہ انعام انیس سو نوے میں ملا۔
تصویر: V. Musaelyan/AFP/Getty Images
بون شہر میں پرستاروں کے درمیان
میخائل گورباچوف سن انیس سو نواسی میں دیوار برلن کے انہدام سے کچھ ماہ قبل ایک سرکاری دورے پر جرمنی پہنچے۔ بون شہر کے وسط میں جرمن شہریوں کی جانب سے ان کا نہایت پرجوش استقبال کیا گیا۔
تصویر: picture-alliance/dpa/F. Kleefeldt
برادرانہ بوسہ
اسی سال اکتوبر میں گورباچوف نے مشرقی برلن کا دورہ کیا جہاں مشرقی جرمنی کے قیام کی چالیسویں سالگرہ منائی جا رہی تھی۔ اس موقع پر مشرقی جرمنی کے رہنما ہونیکر نے انہیں 'خصوصی سوشل بوسے' کے ساتھ خوش آمدید کہا۔
تصویر: picture-alliance/dpa
کوہل اور گوبارچوف شمالی قفقاذ میں
جرمنی کے ممکنہ اتحاد سے متعلق مذاکرات جولائی انیس سو نوے میں شمالی قفقاذ میں ہوئے۔ اس بات چیت میں جرمنی کے مستقبل کے حوالے سے حتمی معاہدہ عمل میں آیا۔ اس معاہدے کو ٹو پلس فورمعاہدہ کہا جاتا ہے۔ مشرقی اور مغربی جرمنی کے بعد ستمبر میں اس پر سوویت یونین، امریکا، برطانیہ اور فرانس نے بھی دستخط کر دیے۔
تصویر: picture-alliance/dpa
اچھے پڑوسی بن کر رہنے کا عزم
نومبر انیس سو نوے میں مشرقی اور مغربی جرمنی کے اتحاد کے بعد گورباچوف جرمنی کا دورہ کرنے والے پہلے غیرملکی رہنما تھے۔ ان کے اس دورے میں دونوں ملکوں نے اچھ، اشتراک عمل اور تعاون کے معاہدے پر دستخط کیے۔
تصویر: picture-alliance/dpa
صدر ٹاک شو میں
سن انیس سو اکیانوے میں سوویت یونین کا خاتمہ ہو گیا اور گورباچوف صدر نہ رہے۔ انیس سو بانوے میں انہوں نے گورباچوف فاؤنڈیشن قائم کی۔ انیس سو چھیانوے میں وہ اپنے اہلیہ کے ہمراہ جرمنی آئے تو انہوں نے ایک ٹی وی ٹاک شو میں شرکت کی۔
تصویر: Holger Hollemann/dpa/picture-alliance
8 تصاویر1 | 8
یہ بات اہم ہے کہ جرمنی اس وقت کورونا وائرس کی تیسری لہر سے نبرد آزما ہے۔ گزشتہ برس جرمنی اس وائرس کے پھیلاؤ اور انسداد کے حوالے سے خاصی بہتر پوزیشن میں رہا، تاہم تیسری لہر نے یہاں بھی پچھلے برس کے مقابلے میں زیادہ افراد کو متاثر کیا ہے۔ گزشتہ 24 گھنٹوں میں جرمنی میں انیس ہزار ایک سو پچاسی نئے انفیکشنز کی تشخیص کی گئی ہے، جب کہ متعدی بیماریوں سے متعلق جرمن ادارے رابرٹ کوخ انسٹیٹیوٹ کے مطابق پچھلے ایک روز میں جرمنی میں 67 افراد اس وبا کے نتیجے میں ہلاک ہوئے ہیں۔ یہ بات اہم ہے کہ اس وبا کے نتیجے میں جرمنی میں ہلاک ہونے والے افراد کی تعداد 80 ہزار کے قریب پہنچ چکی ہے۔