آئندہ کے چند دن نہ صرف جرمن شہریوں بلکہ اس ملک کے جانوروں کے لیے بھی بے چینی کا سبب بنیں گے۔ گرمی کی لہر جرمنی کے تقریبا سبھی علاقوں کو اپنی لپیٹ میں لے گی اور درجہ حرارت کئی دنوں تک مسلسل تیس سینٹی گریڈ سے اوپر رہے گا۔

اس کتے کے لیے تیس سینٹی گریڈ بھی بہت زیادہ ہے۔ گرمی سے نہ صرف جانوروں بلکہ انسانوں کے لیے بھی رات کو آرام سے سونا مشکل ہو گا۔ ایسی صورت میں ملازمین کام کی جگہ پر بھی تھکاوٹ محسوس کریں گے۔

ابھی چند روز پہلے تک درجہ حرارت تیس سینٹی گریڈ سے کم تھا لیکن کئی جرمنوں کے لیے یہ بھی بہت زیادہ تھا۔ اس کی ایک مثال ہوریکین فیسٹیول کی ہے۔ اس میں شامل افراد کو اتنی خوشی میوزیکل بینڈز کی نہیں تھی، جتنی جھاگ پھینکنے والی مشینوں کی تھی، جو ٹھنڈک کا باعث بنتی ہیں۔

جرمن شہری جن چھتریوں کو بارش میں استعمال کرنے کے عادی ہیں، اب انہیں دھوپ سے بچنے کے لیے استعمال کر رہے ہیں۔

جو برلن میں رہتا ہے، وہ تیرتے ہوئے اس تالاب کی مدد سے بھی خود کو ٹھنڈا رکھ سکتا ہے۔ آئندہ چند روز میں اس کی ضرورت میں مزید اضافہ ہو جائے گا۔ جرمن محکمہ موسمیات کے مطابق جون میں گرمی کا ستر سالہ ریکارڈ ٹوٹ سکتا ہے۔ قبل ازیں 1947ء کے دوران فرینکفرٹ میں درجہ حرارت 38,2 سینٹی ڈگری ریکارڈ کیا گیا تھا۔

اتنی گرمی میں ویسے تو جرمن شہریوں کی سرگرمیاں کم ہو جاتی ہیں لیکن شہروں میں گھومنے والے وہاں لگی پانی کی ٹوٹیوں سے فائدہ اٹھا سکتے ہیں۔ برلن میں ایک لڑکا اسی طرح خود کو ٹھنڈا رکھنے کی کوشش جاری رکھے ہوئے ہے۔

مختلف شہروں کی انتظامیہ نے مختلف تنبیہی پیغامات جاری کیے ہیں۔ جنگلوں کے قریب لوگوں کو سگریٹ وغیرہ نہ پینے اور آگ نہ جلانے کے احکامات جاری کیے گئے ہیں۔

جرمنی میں اگر درجہ حرارت تیس سینٹی گریڈ سے اوپر چلا جائے تو گرمی سے بے ہوش ہونے یا پھر دل گھبرا جانے کہ وجہ سے مریضوں کی تعداد میں اضافہ ہو جاتا ہے۔ ایسے میں جرمن سڑکوں اور گلیوں میں نظر آنے والی ایمبولینسز میں اضافہ ہو جاتا ہے۔

دریائے رائن کے کنارے آباد کوبلنز، مائنز، بون، کولون اور ڈسلڈورف جیسے شہروں میں کارنیوال کا اہتمام قابل دید ہوتا ہے۔ گیارہ نومبر سے شروع ہونے والے کارنیوال کی کئی روزہ تقریبات کے انجام کے قریب ایک’پیر‘ سب سے اہم دن ہوتا ہے۔ اسے ’روز منڈے‘ یعنی ’گلابی پیر‘ کہتے ہیں۔

کانٹے دار خول میں چھپے ہوئے ملائم بھورے رنگ کے سنگھاڑوں کو جرمن بچے موسم خزاں میں جمع کرتے ہیں۔ ان سنگھاڑوں سے گلے کے نیکلس یا پھر جانوروں جیسی اشکال بنائی جاتی ہیں۔

جرمنی میں موسم سرما کا سب سے مزے دار حصہ شاید یہی ہے۔ اگر آپ کی قسمت اچھی ہے تو آپ کو اس موسم میں مشروم (کھمبی) کی کئی اقسام مل جائیں گی۔ جرمن افراد عموماﹰ مشرومز کی متنوع اقسام کی شناخت میں ماہر ہوتے ہیں۔

خزاں کے موسم میں اتوار کی دوپہر کو اکثر جرمن شہری جنگل میں رنگا رنگ پتوں کی خوبصورتی کو سراہنے نکلتے ہیں۔ شہر میں درختوں سے جھڑنے والے پتوں کو سڑک کے ایک طرف لگا دیا جاتا ہے تاکہ کوڑے کی گاڑیاں انہیں اٹھا لے جائیں۔ بچوں کے لیے پتوں کے اس ڈھیر پر کھیلنا کم دلچسپی کا باعث نہیں ہوتا۔

جرمن افراد سپا کلچر کو بہت سنجیدگی سے لیتے ہیں۔ یوں تو جرمنی میں تھرمل سوئمنگ پولز سارا سال ہی کھلے رہتے ہیں لیکن جیسے جیسے باہر درجہ حرارت گرتا ہے، جرمنی کے رہنے والے سپا میں درجہء حرارت کے اس فرق کو زیادہ انجوائے کرتے ہیں۔

بہت سے جرمن والدین اپنے بچوں کو سر سے پاؤں تک آرگینگ اون سے بنے کپڑے ہی پہنانا پسند کرتے ہیں۔ بعض جرمن افراد خود اپنے لیے بھی سردیوں میں ایسے ہی اونی کپڑوں کا استعمال کرتے ہیں۔ اگرچہ ایسی اشیا مہنگی ہوتی ہیں لیکن قدرتی، ماحولیاتی اور پائیدار ہونے کے سبب ان پر سرمایہ کاری کو بہتر سمجھا جاتا ہے۔

جوں ہی سردی زیادہ ہونے لگتی ہے، جرمن افراد اپنے گھروں کو گرم کرنا شروع کر دیتے ہیں۔ اگرچہ اب جرمنی بھر میں زیادہ تر گھروں کو گرم رکھنے کے لیے گیس کا استعمال کیا جاتا ہے، تاہم اب بھی کچھ ایسے پرانے مکانات موجود ہیں جنہیں کوئلے یا لکڑی سے گرم رکھا جاتا ہے۔

جرمن گھروں میں ہیٹر آن کرنے کے بعد یہ مشق عام ہے کہ سخت سردی کے باوجود بھی روزانہ چند منٹوں کے لیے گھر کی کھڑکیاں کھولنا ضروری سمجھا جاتا ہے۔ اسے نمی والےگھروں میں پھپھوندی سے بچاؤ کا طریقہ سمجھا جاتا ہے۔

اگرچہ یہ خاص کیلنڈر کرسمس سے پہلے آخری چوبیس دنوں کو شمار کرنے کے لیے استعمال کیے جاتے ہیں تاہم جرمنی کی سپر مارکیٹوں میں اکتوبر ہی سے ان کی بھرمار نظر آتی ہے۔