واضح رہے کہ جرمنی میں COVID-19 وبائی امراض کے تیس ملین سے زیادہ تصدیق شدہ کیسز ریکارڈ کیے گئے۔ وہیں اس وائرس سے ایک لاکھ سے زیادہ اموات واقع ہوئیں۔

سال 2022ء میں جرمنی میں ایک ملین سے زیادہ افراد ہلاک ہوئے۔

وفاقی شماریاتی دفتر کی طرف سے شائع کردہ اعداد و شمار سے پتہ چلتا ہے کہ 2024ء میں جرمنی میں اموات کی تعداد پچھلے چار سالوں کی اوسط سے نمایاں طور پر کم تھی۔ اس کے علاوہ متوقع عمر میں بھی اضافہ ہوا ہے۔ لیکن یہ اضافہ CoVID-19 سے پہلے کی مقابلے میں بہت زیادہ نہیں ہے۔

جرمنی شام پر یورپی یونین کی پابندیوں میں نرمی کے لیے کوشاں

سال 2019ء میں نیشنل لائبریری آف سائنس میں شائع ہونے والے کے ایک مقالے کے مطابق، 1990ء کی دہائی کے اوائل سے، جرمنی میں خواتین کے لیے متوقع عمر میں 4.2 سال (83.2 سال) اور مردوں کے لیے 5.9 سال (78.4 سال) کا اضافہ ہوا ہے۔  یہ اضافہ جرمنی کی نئی اور پرانی وفاقی ریاستوں کے درمیان متوقع عمر کے بڑھتے ہوئے ہم آہنگی سے متعلق ہے۔

حمل گر جانے پر بھی جرمنی میں زچگی کی چھٹیاں ممکن

اس مقالے کے مطابق، جرمنی میں سماجی اقتصادی گروپوں کے درمیان تفاوت کا مشاہدہ اب بھی جاری ہے۔ سب سے زیادہ آمدن والے گروپ کی خواتین سب سے کم آمدنی والے گروپ کی خواتین کے مقابلے میں 4.4 سال زیادہ زندہ رہتی ہیں۔ مردوں کے حوالے سے، سب سے زیادہ اور سب سے کم آمدن  والے گروپوں کے درمیان 8.6 سال کا فرق ہے۔

وفاقی شماریاتی دفتر کا کہنا ہے کہ گزشتہ سال کے ابتدائی نتائج کے مطابق، 2024ء کے دوران اموات کی شرح میں مزید کمی آئی تھے۔ اس کے علاوہ متوقع عمر میں بھی اضافہ ہوا ہے۔ یہ اعداد و شمار مقامی حکومت کی طرف سے فراہم کردہ ابتدائی معلومات پر مبنی ہیں اور ابھی ان پر مزید معیاری جانچ کی ضرورت ہے۔

ع ف/ ص ز (ڈی پی اے)