جرمنی کے صوبے نارتھ رائن ویسٹ فالیا کے شہروں اور قصبوں کے گھنے سرسبز و شاداب اور جنگلاتی علاقوں میں یہ سنڈیاں کثیر تعداد میں پائی جاتی ہیں۔ خاص طور پر شاہ بلوط کے درختوں پر ان سنڈیوں کی موجودگی حیران کن طور پر بہت زیادہ ہے۔

جرمنی میں ان زہریلی سنڈیوں کے خلاف ایک بہت بڑے آپریشن کا آغاز کر دیا گیا ہے۔ خصوصی ٹیمیں ان کو جلانے میں مصروف ہیں۔ گزشتہ برس کے مقابلے میں رواں برس کا انسداد سنڈی کا آپریشن بہت بڑا ہے کیونکہ سنڈیوں کی تعداد بھی بہت زیادہ ہے۔

یہ سنڈی یا کیٹرپلر اگر انسانی جسم پر پھر جائے تو وہاں پر سوزش اور شدید خارش ہوتی ہے۔ شاہ بلوط پر پائی جانے والی سنڈی کے بال کسی بھی انسانی جسم پرچبھنے سے نیم بے ہوشی طاری ہو سکتی ہے اور بعد میں بخار بھی ہو سکتا ہے۔

رواں برس شاہ بلوط کے درختوں پر یہ کیٹرپلر بے شمار ہیں۔ سنڈیاں جلوس کی صورت میں اوپر نیچے ہوتی رہتی ہیں۔ ان کی بہتات کی وجہ سے یہ جنگلاتی ہوٹلوں اور ریستورانوں میں بھی پھیل گئی ہیں۔ اس باعث وہاں جانے والوں کے کپڑوں پر چڑھ جاتی ہیں اور انجام کار پریشانی کا باعث بنتی ہیں۔

جرمن شہر میونسٹر کے ایک جنگلاتی علاقے میں کیمپنگ کرنے والے چھ افراد کے سروں میں سے سنڈی کے بالوں کو نکالا گیا۔ ایک اور شہر ڈورٹمنڈ کا ایک سوئمنگ پول کو بند کرنا پڑا کیونکہ وہاں سنڈیوں کی تعداد قابو سے باہر ہو گئی تھیں۔ اسی طرح میولہائم شہر میں کم از کم نو بچے ان سنڈیوں سے علیل ہوئے اور انہیں ہسپتال داخل کرنا پڑا

یہ سنڈیاں شاہ بلوط کے درخت میں جالے بنانے کے بعد اُس کے اندر رہتی ہیں۔ اس مخصوص قسم کے جالے سے بھی بچنا ضروری ہے کیونکہ ان میں کیٹرپلر کے کہیں اور منتقل ہونے کے بعد بھی بال رہ جاتے ہیں۔ گرم موسم میں ان سنڈیوں کی افزائش تیز ہو جاتی ہے۔

وفاقی جرمن ریاست نارتھ رائن ویسٹ فالیا کے علاوہ جنوبی ریاست باویریا کے جنگلات میں بھی ان کی بہتات ہو گئی ہے۔ جرمنی کے چوتھے بڑے شہر کولون کے جنگلاتی علاقوں میں موجود شاہ بلوط کے بے شمار درختوں پر ان سنڈیوں کا بسیرا ہے۔

جرمنی کے جنگلوں میں جانے والوں راستوں پر، کسی مقامات پر عام لوگوں کے لیے انتباہی پیغامات کے کھمبے نصب کر دیے گئے ہیں۔ اس کے علاوہ بھی کیمپنگ یا جنگلوں میں پھرنے والے شوقین افراد کو محفوظ رہنے اور احتیاط کی ہدایت کی گئی ہے۔

جنوب مغربی ایتھوپیا کے شیکا جنگلات کافی وسیع علاقے پر پھیلے ہوئے ہیں۔ اسی جنگل میں تصویر والا درخت مقدس تصور کیا جاتا ہے۔ ان تصاویر کی بہترین ریزولیوشن دیکھنے کے لیے اوپر دیے گئے ویب ایڈرس پر رابطہ کیا جا سکتا ہے۔

انڈونیشیا کے جزیرے سماٹرا میں جنگلات کافی حد تک محفوظ ہیں اور یہ لائق تحسین عمل ہے۔

کولمبیا کے بارانی جنگلات میں ایسی لکڑی کی بہتات ہے جو کمرشل استعمال میں آتی ہے۔ یہ لکڑی کئی ممالک برآمد کی جاتی ہے۔

کئی ممالک میں لکڑی کے اندرونی گودے کو اتنا ابالا جاتا ہے کہ وہ انتہائی نرم ہو جائے اور اس نٓرم ہونے والے فائبر سے ٹوائلٹ پیپر کی تیاری میں استعمال کیا جاتا ہے۔

افریقی ملک تنزانیہ کے شمال میں واقع سیرینگیتی نیشنل پارک تقریباً تیس ہزار کلومیٹر رقبے پر پھیلا ہوا ہے۔ اس میں کانٹے دار کیکر یا ببول کے درختوں کی بہتات ہے۔

تھائی لینڈ میں خاص طور پر سدابہار دلدلی جھاڑیوں کو افزائش دینے کے لیے ایک نرسری قائم کی گئی ہے۔

جرمنی میں ملے جلے جنگلات پائے جاتے ہیں۔ ان میں سدا بہار درختوں کے ساتھ ایسے درختوں کی بھی بہتات ہے جو بارش میں افزائش پاتے ہیں اور بعض کے خزاں میں پتے بھی گر جاتے ہیں۔

ویتنامی جنگلوں میں بانس کے درخت کثرت سے ملتے ہیں۔ بانس کی لکڑی اور گودے کا کثرت سے استعمال بھی ویتنامی معاشرت میں دیکھا جا سکتا ہے۔ ان سے سر پر رکھنے والے ہیٹ سے لے کر فرنیچر تک بنایا جاتا ہے۔

مڈغاسکر بحر ہند کی ایک بڑی جزیرہ نما ریاست ہے۔ اس جزیرے کے جنگلاتی علاقوں میں پایا جانے والا موٹے تنے کا حامل باؤبابس نامی درخت بہت اہم ہے۔ یہ درخت برس ہا برس زندہ رہتا ہے۔

کاغذ کی تیاری میں جہاں درخت کا استعمال کیا جاتا ہے وہاں اب ان سے کریون رنگ بھی تیار کیے جاتے ہیں۔

افریقی ملک روانڈا کے بعض پہاڑی جنگلات کی اتران میں واقع چھوٹے چھوٹے جنگلات کے حصوں کو کاٹ کر زراعت کے لیے قابل کاشت بنایا گیا ہے۔

انڈونیشیا کے بارانی جنگل خاص طور پر بندروں کی ایک ناپید ہوتی نسل اورنگ یوٹان کا ماحولیاتی گھر تصور کیا جاتا ہے۔ ملائیشیا کے بارانی جنگل بھی اس بندروں کی قسم کا خاص ماحول ہے۔

پام آئل کی طلب میں وسعت پیدا ہونے سے ملائیشیا سمیت کئی دوسرے ممالک میں اس پودے کی شجرکاری زور پکڑ چکی ہے۔

افریقی ملک جمہوریہ کانگو کے اینگیری علاقے میں دریائے کانگو اور دریائے ابانگی کے سنگم کے پہلو میں پھیلے دلدلی جنگلات جنگلی حیات کا ایک بڑا علاقہ خیال کیا جاتا ہے۔

وسطی ایشیائی ریاست کرغیزستان کے جلال آباد ریجن کے پہاڑوں پر جنگلاتی اخروٹ وسیع علاقے پر پھیلا ہوا ہے۔ اس کی لکڑی اور چھال مقامی آبادی جلانے کے ليے استعمال کرتی ہے۔

ایک اور افریقی ملک کینیا میں جنگلات کے پھیلاؤ کی مہم کے حوالے سے شجرکاری مہم کو عوامی سطح پر خاص تقویت حاصل ہو چکی ہے۔

لاطینی امریکی ملک پیرو میں بھی امیزون کا جنگلاتی علاقہ ہے۔ یہ بارانی جنگلات کی قسم ہے۔ ان جنگلوں میں مقامی باشندے برس ہا برس سے آباد ہیں۔

ڈارک چاکلیٹ کا اسپریڈ بڑے اور چھوٹے ناشتے میں ڈبل روٹی کے سلائس پر لگا کر بڑے شوق سے کھاتے ہیں۔ اِس اسپریڈ کا بنیادی جزو پام آئل خیال کیا جاتا ہے۔

فائبر پیپر کی تیاری میں بعض درختوں کا گودا ایک خاص کیمیائی طریقے کے ساتھ استعمال کیا جاتا ہے۔