ایک عمررسیدہ خاتون اپنے تباہ شدہ گھر میں: یوکرین کے شہری جنگ کے سنگین اثرات محسوس کر رہے ہیں۔ اقوام متحدہ کے مطابق تقریباﹰ اگر صورتحال اگلے بارہ ماہ تک ایسے جاری رہی تو نوے فیصد ملکی آبادی غربت کا شکار ہو جائے گی۔ جنگی حالات یوکرینی معیشت کو دو عشرے پیچھے دھکیل سکتے ہیں۔

یوکرین کے دوسرے بڑے شہر خارکیف میں بھوک سے مجبور عوام نے ایک سپرمارکیٹ لوٹ لی۔ خارکیف، چیرنیہیف، سومی، اور اوچترکا جیسے شمالی مشرقی اور مشرقی شہروں کی صورتحال بہت خراب ہے۔ مقامی رہائشیوں کو مسلسل داغے جانے والے روسی میزائلوں اور فضائی بمباری کا سامنا کرنا پڑ رہا ہے۔

دارالحکومت کییف میں ایک فائر فائٹر روسی حملوں سے تباہ شدہ عمارت کی رہائشی کو تسلی دے رہی ہے۔ اس امدادی کارکن کو کئی یوکرینی شہریوں کے ایسے غم بانٹنے پڑتے ہیں۔ تاہم روس کا دعویٰ ہے کہ وہ صرف مسلح افواج کے ٹھکانوں کو نشانہ بنا رہا ہے۔ رہائشی مقامات کی تباہی سمیت روزانہ شہریوں کی اموات ہو رہی ہیں۔

یہ تصویر ایک ماں اور اس کے نوزائیدہ بچے کی ہے، جس کی پیدائش خارکیف میں واقع ایک عمارت کی بیسمینٹ میں بنائے گئے عارضی میٹرنٹی سنٹر میں ہوئی ہے۔ کئی ہسپتال روسی فوج کی بمباری کا نشانہ بن چکے ہیں، جس میں ماریوپول کا ایک میٹرنٹی ہسپتال بھی شامل ہے۔

یوکرین کے جنوب مشرقی شہر ماریوپول کے ہسپتال بھر چکے ہیں، ایسے میں گولہ باری سے زخمی ہونے والے افراد کا علاج ہسپتال کے آنگن میں ہی کیا جارہا ہے۔ کئی دنوں سے روس کے زیر قبضہ علاقوں میں بحرانی صورتحال ہے۔ یوکرینی حکام محصور شدہ شہروں میں لوگوں تک خوراک اور ادویات پہنچانے کی کوشش کر رہے ہیں۔

علیحدگی پسندوں کے زیرانتظام ڈونیسک خطے کے شہریوں کو انسانی امداد فراہم کی گئی ہے۔ مشرقی یوکرین کے علاقے لوہانسک اور ڈونیسک میں شدید لڑائی جاری ہے۔ روسی وزارت دفاع اور علیحدگی پسندوں کی اطلاعات کے مطابق انہوں نے ان علاقوں پر قبضہ کر لیا ہے۔

مغربی شہر لویو میں ہلاک ہونے والے یوکرینی فوجیوں کے لواحقین اپنے پیاروں کے جانے پر افسردہ ہیں۔ اسی طرح کئی شہری بھی موت کے منہ میں جا رہے ہیں۔ اقوام متحدہ کے ہائی کمشنر برائے انسانی حقوق کے مطابق 24 فروری سے شروع ہونے والے روسی حملوں سے اب تک تقریباﹰ 724 شہریوں کی ہلاکت ہوئی ہے، جس میں 42 بچے بھی شامل ہیں۔

کییف میں ایک دکان پر روسی گولہ باری کے بعد یہ ملازم ملبہ صاف کر رہا ہے۔ یہ اسٹور کب دوبارہ کھل سکے گا؟ معمول کی زندگی کی واپسی کب ہوگی؟ اس بارے میں فی الحال کچھ نہیں کہا جاسکتا ہے۔

جرمن آرٹسٹ یُوسٹس بیکر نے فرینکفرٹ شہر کی ایک عمارت کی بیرونی دیوار پر ایک انتہائی بڑی فاختہ کی پینٹنگ بنائی ہے۔ یہ فاختہ شاخِ زیتون پکڑے ہوئے ہے اور اس کو یوکرینی جھنڈے کے رنگوں یعنی نیلے اور زرد سے سمویا گیا ہے۔ یہ تصویر یوکرین کے لیے فرینکفرٹ کے شہریوں کی جانب سے اظہارِ امید و یکجہتی ہے۔ اس فاختہ کو بنانے میں یُوسٹس بیکر کو تین دن لگے تھے۔

قدیمی زمانے سے فاختہ کے ساتھ خاص قوتوں کو نتھی کرنے کا سلسلہ پایا جاتا ہے۔ یہ معصومیت کا نشان بھی قرار دی جاتی ہے۔ عام لوگوں کا گمان ہے کہ اس پرندے میں پِتہ نہیں ہوتا اور اس باعث یہ کڑواہٹ اور بدی سے مبریٰ ہے۔ کلاسیکی مزاج میں اس پرندے کو نسائی نزاکت سے بھی تعبیرکیا جاتا ہے۔ سفید فاختہ محبت کی یونانی دیوی ایفروڈائیٹ کی ساتھی ہے۔

کشتی میں چالیس ایام گزارنے کے بعد پیغمبر نوح نے فاختہ کو سیلاب کے اترنے کی خبر لانے کے لیے بھیجا تھا۔ شاخِ زیتون کے ساتھ اس کی واپسی نے سیلاب کے ختم ہونے اور آسمانی امن کا مژدہ سنایا۔

مشہورِ عالم مصور پکاسو کی ایک پینٹنگ فاختہ کو سن 1950 کی دہائی میں امن تحریک کا نشان بنایا گیا اور یوں یہ تاریخ کا حصہ بن گئی۔ پکاسو نے فاختہ کو کئی مرتبہ اپنی پینٹنگز میں استعمال کیا۔ انہوں نے اپنی بیٹی کا نام پالوما رکھا۔ ہسپانوی زبان میں فاختہ کو پالوما کہتے ہیں۔

پکاسو کی پینٹنگ سے متاثر سوئس فرانسیسی ماہرِ تعمیرات لی کوربوزیئر نے شمالی بھارتی شہر چندی گڑھ میں تصویر میں دکھائی دینے والے اسکلپچر کو تخلیق کیا۔ اس میں انسانی ہتھیلی کو ایک فاختہ میں ضم ہوتے دکھایا گیا ہے۔ اسے سن 1947 میں بھارت کی انگریز راج سے آزادی کا نشان قرار دیا گیا۔

گزشتہ نصف صدی سے فاختہ امن تحریک کا نشان ہے۔ امن کے حصول کے ہر احتجاج میں فاختہ کی تصویر والے جھنڈے بلند کیے جاتے ہیں، یہ امن کی امید کا حوالہ خیال کیا جاتا ہے۔ تحریک کا لوگو فن لینڈ کی ایک فوٹوگرافر میکا لاؤنیس کی سن 1970 میں بنائی گئی ایک تصویر سے ماخوذ ہے۔

پرندے آزاد کرنے کا استعارہ صرف سیاسی میدان میں مقبول نہیں بلکہ نجی تقریبات اور شادی بیاہ پر بھی ایسا کیا جاتا ہے۔ سفید پرندے وفاداری کی علامت سمجھے جاتے ہیں۔ کھیلوں کی تقریبات میں فاختاؤں کو اڑانے سے مراد مخالف ٹیموں کے لیے محبت و خلوص کا اظہار ہے۔

سن 2021 کے موسم گرما میں برطانوی شہر لیورپول کے کیتھڈرل میں پندرہ ہزار کاغذ کی فاختاؤں کو لٹکایا گیا تھا۔ آرٹسٹ پیٹر والکر کے اس ڈیزائن سے مراد امن تھا۔ لوگوں کی حوصلہ افزائی کی گئی کہ وہ ان کاغذی فاختاؤں پر اپنے امن کے پیغامات درج کریں۔

یوکرینی جنگی حالات نے برلن کے شہریوں کو پبلو پکاسو کی پینٹنگ والے جھنڈے کو لہرانے کا پھر موقع دیا۔ سب سے پہلے یہ جھنڈا تھیئٹر کے ڈرامہ نویس اور شاعر بیرٹولڈ بریشٹ نے سن 1950 میں امن کے نشان کے طور پر اپنے تھیئٹر پر لہرایا تھا۔ اس کا احیاء یوکرین کے ساتھ یکجہتی کے اظہار میں کیا گیا۔

رواں برس جرمن شہر کولون میں کارنیوال کے روزن مونٹاگ یا روز منڈے کی روایتی پریڈ امن ریلی میں تبدیل ہو گئی تھی۔ اس میں پچیس ہزار افراد شریک تھے۔ اس پریڈ میں شامل ایک فلوٹ پر خون میں لتھڑی ساختہ چھید کرتا روسی جھنڈے دکھایا گیا تھا۔

سیشین روس کے سابق نائب وزیر اعظم اور سرکاری تیل کمپنی روزنیفٹ کے چیف ایگزیکٹو افسر ہیں۔ یورپی یونین کی پابندیوں کی دستاویز میں انہیں پوٹن کے "قریب ترین مشیروں اور ان کے ذاتی دوست" کے طور پر بیان کیا گیا ہے۔ اس دستاویز میں کہا گیا ہے کہ سیشین روس میں غیر قانونی طور پر الحاق شدہ کریمیا کے استحکام کی حمایت کرتے ہیں۔

مورداشوف نے روس میں سب سے بڑی نجی میڈیا کمپنی، نیشنل میڈیا گروپ میں بھاری سرمایہ کاری کی ہوئی ہے۔ یورپی یونین کا کہنا ہے کہ یہ میڈیا ہاؤس یوکرین کو غیر مستحکم کرنے کی ریاستی پالیسیوں کی حمایت کرتا ہے۔ اس الزام کا جواب دیتے ہوئے اس ارب پتی کا کہنا تھا کہ "موجودہ جغرافیائی سیاسی تناؤ سے ان کا کوئی لینا دینا نہیں ہے۔'' مورداشوف نے جنگ کو ''دو برادرانہ عوام کا المیہ'' قرار دیا۔

ازبکستان میں پیدا ہونے والے عثمانوف دھاتوں اور ٹیلی کام کے ٹائیکون ہیں۔ یورپی یونین کے مطابق عثمانوف پوٹن کے پسندیدہ اولیگارکس یا طبقہؑ امراء میں سے ایک ہیں۔ یورپی یونین نے الزام لگایا کہ اس ارب پتی نے "صدر پوٹن کا بھر پور دفاع کیا ہے اور ان کے کاروباری مسائل حل کیے ہیں۔" امریکہ اور برطانیہ نے بھی عثمانوف کو اپنی بلیک لسٹ میں شامل کر لیا ہے۔

یورپی یونین کے بیان میں فریڈمین کو "ایک اعلیٰ روسی سرمایہ کار اور پوٹن کے اندرونی حلقے کا سہولت کار قرار دیا گیا ہے۔" خبر رساں ادارے روئٹرز کے مطابق فریڈمین اور ان کے قریبی ساتھی پیوٹر ایون نے تیل، بینکنگ اور ریٹیل سے اربوں ڈالر کمائے ہیں۔ یورپی یونین کی دستاویز میں کہا گیا ہے کہ ایون ان دولت مند روسی تاجروں میں سے ایک ہے جو کریملن میں پوٹن سے باقاعدگی سے ملاقات کرتے ہیں۔

روٹنبرگ کا خاندان پوٹن کے ساتھ قریبی تعلقات کے حامل قرار دیا جاتا ہے۔ بورس ایس ایم پی بینک کے شریک مالک ہیں، جو توانائی کی فرم گیز پروم سے منسلک ہے۔ ان کے بڑے بھائی آرکیڈی، جو پہلے ہی یورپی یونین اور امریکی پابندیوں کی زد میں ہیں، پوٹن کے ساتھ نوجوانی سے جوڈو کی مشق کر رہے ہیں۔ بورس اور ایگور روٹنبرگ کو برطانیہ اور امریکہ نے بھی بلیک لسٹ میں شامل کر لیا ہے۔

ٹمچینکو بینک روسیا کے بڑے شیئر ہولڈر ہیں۔ یورپی یونین کی دستاویز کے مطابق یہ بینک روسی فیڈریشن کے سینئر حکام کا ذاتی بینک سمجھا جاتا ہے۔ بینک نے ان ٹیلی ویژن اسٹیشنوں میں سرمایہ کاری کی ہوئی ہے جو یوکرین کو غیر مستحکم کرنے کی روسی حکومت کی پالیسیوں کی حمایت کرتے ہیں۔ یورپی یونین کا کہنا ہے کہ بینک روسیا نے کریمیا میں اپنی شاخیں بھی کھولی ہیں۔ اور یہ بینک کریمیا کے غیر قانونی الحاق کی حمایت کرتا ہے

نئی پابندیوں میں پوٹن کے قریبی دوستوں کے اثاثے منجمد کر دیے گئے ہیں اور ان پر سفری پابندیاں عائد کی گئی ہیں۔ حالیہ دنوں میں اٹلی، فرانس اور برطانیہ میں بھی روس کی اشرافیہ سے تعلق رکھنے والی کئی لگژری کشتیاں پکڑی گئی ہیں۔ سیشین، عثمانوف اور ٹمچینکو ان ارب پتیوں میں شامل تھے جن کی کشتیاں ضبط کی گئی تھیں۔ مونیر غیدی (ب ج، ع ح)