جرمن انتخابات میں آلٹرنیٹیو فار ڈوئچ لینڈ کی زبردست کارکردگی کے بعد دنیا بھر سے ردعمل ظاہر کیا جا رہا ہے، تاہم بیشتر کارٹونسٹ نے اسے طنزیہ اور مزاحیہ انداز سے بھی پیش کیا ہے۔

ان انتخابات میں جرمن چانسلر انگیلا میرکل کی جماعت سی ڈی یو کو ماضی کے مقابلے میں کم ووٹ ملے ہیں اور خصوصاﹰ سی ڈی یو کے ووٹروں میں سے بہت سوں نے اس بار اپنا ووٹ آلٹرنیٹیو فار ڈوئچ لینڈ کو دیا۔ اس جرمنی میں قوم پرستی اور مہاجرین مخالفت جیسے مظاہر میں اضافہ بھی قرار دیا جا رہا ہے۔

بہت سے خاکہ نگاروں کے لیے ان انتخابات کے نتائج بھرپور مسالا لیے ہوئے تھے۔ گو انگیلا میرکل چوتھی مدت کے لیے چانسلر منتخب ہو گئی ہیں، تاہم آلٹرنیٹیو فار ڈوئچ لینڈ کا پہلی مرتبہ جرمن پارلیمان میں پہنچ جانا، جرمن عوام کی سوچ میں تبدیلی کی عکاسی بھی کر رہا ہے۔

ایک جرمن کارٹونِسٹ نے جو پچھلی ایک دہائی سے متنازعہ خاکے بنانے کی وجہ سے مشہور ہیں، چانسلر انگیلا میرکل کی جیت پر مذاق اڑایا اور ان کی فتح کے نیچے ایک بم دکھایا۔

بنکاک کے ایک کارٹونِسٹ نے جرمن انتخابات کی اہمیت کا اظہار ایک خاکے کے ذریعے کیا، جس میں ایک تحفے کے ڈبے میں سے میرکل کسی ماں کی طرح نکلتی نظر آ رہی ہیں، جب کہ ڈونلڈ ٹرمپ کسی بچے کی طرح لڑاکا طیارہ لیے شمالی کوریا پر حملہ کرنے کی اجازت مانگتے نظر آ رہے ہیں۔