ہر سال جرمن شہری اپنے ادا شدہ ٹیکس رقوم کے ضیاع پر ’بلیک بُک ‘نامی ایک رپورٹ شائع کرتے ہیں۔ اس میں ناپسندیدہ منصوبوں کی تفصیل شامل کی جاتی ہے۔ رواں برس کی بلیک بک میں تھیورنگیا کی وزارت ماحولیات کا شمسی توانائی کا وہ پھول بھی شامل ہے جسے سائے میں کھڑا کیا گیا ہے۔ وزارت نے اس منصوبے کی حمایت کرتے ہوئے کہا کہ یہ شمسی توانائی کے حصول کے لیے نہیں تیار کیا گیا۔

جنوبی جرمن شہر پاساؤ میں ایک سڑک کی تعمیر کے دوران ایسا قدرتی علاقہ استعمال میں لایا گیا جہاں چھوٹے چوہے اِدھر اُدھر پھرا کرتے ہیں۔ مقامی انتظامیہ نے چوہوں کے نقل و حرکت بحال رکھنے کے لیے سڑک کے اوپر ایک پل تعمیر کر دیا۔ عام لوگوں کے نزدیک اس پل کی تعمیر ناقابل فہم ہے۔

پاساؤ میں چوہوں کے لیے تعمیر کیا جانے والا پُل حیران کن بھی ہے۔ سڑک کے دوسری جانب جانے کے لیے کسی بھی چوہے کو پہلے سات میٹر (تیئیس فٹ) اوپر پہنچ کر بیس میٹر لمبا پل پار کرنا ہوتا ہے۔ اس پل پر ترانوے ہزار یورو کا خرچ آیا ہے۔ بلیک بُک مرتب کرنے والوں کا کہنا ہے کہ ایسا امکان کم ہے کہ کسی ایک چوہے نے یہ پل عبور کیا ہو گا۔

برلن کے ایک اسکول کی ایک قیمتی شے وہ پرندے کا سنہرا گھونسلا تھا جو اب چوری ہو چکا ہے۔ اس گھونسلے کی تیاری میں خالص سونے کی چوہتر باریک شاخوں کا استعمال کیا گیا اور اس کو ایک نہ ٹوٹنے والے شیشے کے کیس میں رکھا گیا۔ اس آرٹ ورک پر ساڑھے بانوے ہزار یورو خرچ ہوئے تھے۔ چور اس گھونسلے کو تیسری کوشش میں اڑانے میں کامیاب رہے۔

بلیک بُک میں رواں برس کے دوران جرمن موٹرویز پر ٹیکس جمع کرنے کا منصوبہ بھی شامل ہے۔ اس منصوبے کو نافذ کرنے کا ابتدائی فیصلہ کر لیا گیا تھا لیکن یورپی عدالتِ انصاف نے اسے امتیازی منصوبہ قرار دے دیا۔ جرمن وزیر ٹرانسپورٹ آندریاس شوئر نے تعمیر کے ٹھیکے پر دستخط بھی کر دیے تھے۔

جرمنی کے مغربی حصے میں نیول ٹریننگ کی اشتہاری مہم سے معلوم ہوا کہ اس مقصد کے لیے استعمال میں لائی جانے والی کشتی کی تزئین و آرائش پر ایک لاکھ پینتیس ہزار یورو خرچ کیے گئے۔ جرمن وزارت دفاع کے آڈیٹرز نے اس منصوبے پر سخت تنقید کی ہے۔ بلیک بُک کے مرتبین کے مًطابق جتنی رقم آرائش و تزئین پر خرچ کی گئی ہے، اس میں ایک نئی کشتی بن سکتی تھی۔

مغربی جرمنی میں ایک جانور سیاہ گوش کے تحفظ کے منصوبے پر بھی سخت نکتہ چینی کی گئی۔ اس مقصد کے لیے مختص ستائیس لاکھ یورو میں سے زیادہ تر انتظامی و دفتری امور پر خرچ کر دیے گئے۔ اس جانور کی حفاظت کرنے والی تنظیم کا موقف ہے کہ سیاہ گوش کا تحفظ اہم ہے لیکن اس کے لیے جرمنی اور یورپی یونین میں لاگو قانونی تقاضوں کو پورا کرنا بھی اہم تھا۔

رواں برس کے اوائل میں ہینوور شہر کی انتظامیہ نے امریکی اسکلپچر الیگزانڈر کالڈر کے ایک ڈیزائن کو رنگ کرنے کا فیصلہ کیا۔ اس منصوبے میں صفائی ستھرائی کے ساتھ ساتھ باڑ بنانا بھی شامل تھا۔ اس مقصد کے لیے ڈیزائن کو جلد از جلد رنگ کرنا تھا تاہم شہری انتظامیہ کی جانب سے پیشگی اجازت حاصل نہ کرنے کی وجہ سے یہ منصوبہ کھٹائی میں پڑ گیا۔ ہر چیز وہیں رہی لیکن چودہ ہزار یورو خرچ ہو گئے۔

رواں برس جرمن ریاست رائن لینڈ پلاٹینیٹ میں مائنز سمیت تین شہروں میں بلدیاتی انتخابات کرائے گئے۔ انتخابات کے لیے چھاپے گئے بیلٹ پیپرز میں امیدواروں کے ناموں میں ٹائپنگ کی بہت غلطیاں تھیں۔ دوبارہ سے پانچ لاکھ بیلٹ پیپرز چھاپے گئے۔ ایک امیدوار الیگزانڈرا (Alexandra) کا نام اکسنڈرا (Aexandra) چھاپا گیا تھا۔ اس سارے عمل پر اسی ہزار ہزار یورو خرچ ہوئے۔

شمالی شہر پاپن برگ کی انتظامیہ نے ایک قدیمی مکان پر پارٹی کا انتظام کیا۔ اس پر تیس ہزار یورو خرچہ آیا۔ یہ خرچہ مختص بجٹ کے دوگنا سے بھی زائد تھا۔ ڈھائی سو افراد کو ٹیکس ادا کرنے والوں کی رقوم پر عیاشی کرائی گئی۔

آڈیو فائلز کو کوالٹی پر سمجھوتہ کیے بغیر کم جگہ پر اسٹور کرنے کے لیے ایم پی تھری یا MPEG-2 آڈیو لیئر تھری کوڈنگ کا طریقہ کارل ہائنز برانڈن برگ نے 1980ء میں تیار کیا تھا۔ اس نے آڈیو کے دنیا میں انقلاب برپا کر دیا۔

دفتروں میں ضروری کاغذات کو فائلوں میں لگانے سے قبل اس میں دو سوراخ کرنے والا ہول پنچ انیسویں صدی میں جرمن ماہر ماتھیاس تھیل نے ایجاد کیا تھا جبکہ اسے فریڈرک زونیکن نے اسے 14 نومبر پیٹنٹ کرایا۔

سخت اشیاء میں سوراخ کرنے کے لیے بجلی سے چلنے والی ڈرل ایجاد تو 1889ء میں آسٹریلیا میں ہوئی تھی تاہم جرمنی کے شہر لُڈوِگزبرگ کے وِلہیلم ایمِل فائن نے 1895ء میں اسے دستی ڈرل میں تبدیل کر دیا۔ یہ مشین گھر اور باہر مرمت کے کاموں کے لیے ایک لازمی جزو بن گئی ہے۔

دوسری عالمی جنگ کے دوران امریکا نے جرمنی سے بڑی مقدار میں برآمد ہونے والے مشروب کوکا کولا کی بیرون ملک برآمد پر پابندی عائد کردی۔ تاہم کوکا کولا جرمنی کے سربراہ ماکس کِیتھ نے مقامی اجزاء سے ایک نئے مشروب کی تیاری کا فیصلہ کیا اور یوں 1941ء میں مشہور زمانہ مشروب فانٹا وجود میں آیا۔

1908ء میں ڈریسڈن کی ایک خاتون خانہ میلیٹا بینٹز Melitta Bentz نے کافی چھاننے کے لیے کافی فلٹر تیار کیا۔ انہوں نے اس ایجاد کو پیٹنٹ کرا لیا اور آج ان کے خاندانی کاروبار ’میلیٹا گروپ کے جی‘ میں ملازمین کی تعداد 3300 ہے۔

فارماسسٹ اوسکر ٹروپلووِٹز نے چپکنے والی ٹیپ ایجاد کی جو چھوٹے موٹے زخموں پر لگائی جا سکتی ہے۔ انہوں نے 1901ء میں لیوکوپلاسٹ نامی چپکنے والا پلاسٹر بھی تیار کیا جو چوٹ وغیرہ کی صورت میں انتہائی کارآمد ثابت ہوتا ہے۔

موسیقی کا آلہ اکارڈین 1822ء میں برلن میں کرسٹیان فریڈرش لُڈوِگ بُش مان نے ڈیزائن اور تیار کیا۔ تھورِنگیا میں پیدا ہونے والے اس ماہر نے اطلاعات کے مطابق اکارڈین سے قبل ہارمونیکا بھی تیار کیا تھا۔

فِن لینڈ سانتا کلاز متعارف کرانے کا دعویدار ہو سکتا ہے مگر کرسمس ٹری کا تعلق جرمنی سے ہے۔ جرمنی میں ٹانن باؤم کہلانے والی اس روایت کا آغاز کرسمس کی عام سجاوٹ سے ہوا تاہم انیسویں صدی کے آخر تک یہ دنیا بھر میں معروف ہو گئی۔ روایتی طور پر کرسمس ٹری کو پھلوں، خشک میووں اور موم بتیوں سے سجایا جاتا تھا مگر اب تو رنگ برنگی روشنیاں اور تحائف کرسمس ٹری کا حصہ بن گئے ہیں۔

فٹبال کھیلنے کے لیے خصوصی جوتوں کا پروٹوٹائپ تو برطانیہ میں تیار کیا گیا تھا تاہم اڈیڈاس کے بانی ایڈی ڈاسلر نے 1954ء میں فٹبال کے یہ جدید جوتے ایجاد کیے جن کے نیچے بہتر گرِپ یا پکڑ کے لیے نوکیلے ابھار موجود ہوتے ہیں۔ یہ وہی سال ہے جب جرمنی نے فٹبال کا ورلڈ کپ بھی جیتا۔

ٹیکسی میٹر برلن کے رہائشی فریڈرِش وِلہیلم گستاف بروہن نے تیار کیا۔ 1891ء میں یہ میٹر دراصل موٹرکار کے موجد گوٹلیب ڈائملر کے لیے تیار کیا گیا تھا مگر اس وقت سے اب تک ٹیکسی میں سفر کرنے والے کا دوران خون بڑھانے کا مؤجب بنا ہوا ہے۔

دنیا جانتی ہے کہ اس جنوبی ایشائی ملک میں سونا کس حد تک پسند کیا جاتا ہے۔ عالمی گولڈ کونسل کے مطابق بھارت کے پاس 560.3 ٹن سونے کے ذخائر ہیں۔

یورپی ملک ہالینڈ کے پاس 612.5 ٹن سونے کے ذخائر موجود ہیں۔

دنیا کی تیسری سب سے بڑی معیشت جاپان کے پاس 765.2 ٹن سونے کے ذخائر ہیں۔

یورپی ملک سوئٹزرلینڈ کا خزانہ بھی بھرا ہوا ہے۔ اس ملک کے پاس 1040 ٹن سونا ہے۔

دنیا میں سب سے زیادہ سونے کے ذخائر والے ممالک کی فہرست میں چین کا چھٹا نمبر ہے۔ اس ملک کے پاس 1842.6 ٹن سونا موجود ہے۔

روسی کا سرکاری بینک گزشتہ چھ سالوں میں سونے کا سب سے بڑا خریدار ثابت ہوا ہے۔ اس کے پاس 1909.8 ٹن سونا ذخیرہ ہے۔

فرانس کے پاس 2436 ٹن سونے کے ذخائر موجود ہیں۔

اٹلی کے پاس 2451.8 ٹن سونا موجود ہے۔

یورپ میں سب سے زیادہ سونا جرمنی کی ملکیت جرمنی ہے۔ اس ملک کے پاس 3371 ٹن سونا موجود ہے۔

سب سے زیادہ سونے کے ذخائر رکھنے والے ممالک کی فہرست میں نمبر ایک پر امریکا ہے۔ امریکا کے مرکزی بینک کے پاس 8133.5 ٹن سونا ہے۔ مصنف: اپووروا اگروال (ب ج، ع ا)

جرمنی کی کارساز صنعت کے مختلف برانڈز ہیں، جنہیں مختلف ممالک کے لوگ بہت پسند کرتے ہیں۔ ان میں مرسیڈیز، بی ایم ڈبلیو، پورشے، آؤڈی، فولکس ویگن خاص طور پر بہت اہمیت کے حامل ہیں۔

کسی دور میں جرمن عوام میں مرسیڈیز گاڑی کو اعلیٰ مقام حاصل تھا، ایسا آج بھی ہے لیکن حالیہ کچھ عرصے میں نوجوان نسل کو آؤڈی گاڑی نے اپنا دیوانہ بنا لیا ہے۔

جرمن ساختہ پورشے کو لگژری کاروں میں شمار کیا جاتا ہے۔ اس کے مختلف ماڈل دنیا بھر کی اشرفیہ میں خاص طور پر مقبول ہیں۔

تقریباً دو برس قبل فوکس ویگن کاروں سے دھوئیں کے اخراج کا اسکینڈل سامنے آیا۔ یہ اسکینڈل عالمی سطح پر ڈیزل گیٹ اسکینڈل کے نام سے مشہور ہوا۔ اس دوران اس کی لپیٹ میں کئی کار ساز ادارے آ چکے ہیں۔

سن 2016 اور سن 2017 میں کاروں کی عالمی امپورٹ میں جرمنی کا حصہ بائیس فیصد تھا۔ یہ کاریں بنانے والے تمام ممالک کے مقابلے میں سب سے زیادہ تھا۔

جرمنی سمیت دنیا بھر میں مرسیڈیز گاڑی کو ایک خاص مقام حاصل ہے۔ مرسیڈیز موٹر کار کو جرمنی کی ایک پہچان بھی سمجھا جاتا ہے۔

جرمن کار صنعت کے لیے چین بھی اب بہت اہم ہو کر رہ گیا ہے۔ چین میں تیس فیصد کاریں جرمنی سے امپورٹ کی جاتی ہیں۔ چینی خریداروں میں کم اخراج کی حامل گاڑیوں کو بہت زیادہ پسند کرنے والوں کی تعداد بڑھتی جا رہی ہے۔

جرمنی میں بتدریج ماحول دوست کاروں کو پسندیدگی حاصل ہو رہی ہے۔ جرمن ادارہ ڈوئچے پوسٹ نے ترسیل کے لیے الیکٹرک گاڑیوں کا استعمال بڑھا دیا ہے۔