یورپ کے تین ممالک میں جرمن زبان بولی جاتی ہے۔ جرمنی، آسٹریا اور چھوٹا سا ملک لشٹن اشٹائن جس کا دارالحکومت وڈوز ہے ۔ اس ملک میں تقریباﹰ 35000 ہزار افراد جرمن بولتے ہیں، آسٹریا میں 7.5 ملین اور جرمنی میں، اس تعداد سے قریب دس گنا زیادہ۔

سوئٹرزلینڈ کی چار سرکاری زبانوں میں سے ایک جرمن ہے۔ پانچ ملین افراد، جو کہ اس ملک کی آبادی کا تقریباﹰ دو تہائی حصہ بنتے ہیں، جرمن زبان استعمال کرتے ہیں۔ جرمنی سے سوئٹزرلینڈ ہجرت کرنے والی نامور شخصیات میں مصنف ہرمن ہیسے اور ایرک ماریا ریمارک مشہور ترین نام ہیں۔ جلاوطنی کے بعد سے ریمارک نے اپنی زندگی کے آخری لمحات جھیل میگیور کے قریب اس ولا نماک(بنگلے) میں گزارے۔

اسی طرح لکسمبرگ میں بھی لکسمبرگش اور فرانسیسی کے ساتھ جرمن سرکاری زبان ہے۔ یہاں کے تقریباﹰ 470000 شہریوں کی مادری زبان جرمن ہے۔ لکسمبرگش سن 1984 میں قومی زبان مقرر کی گئی۔ مقامی ریڈیو اور ٹیلی وژن پر یہ بطور مواصلاتی زبان استعمال کی جاتی ہے تاہم لکھنے کے اعتبار سے ’ہوخ ڈوئچ‘ یعنی سلیس جرمن بھی کافی زیادہ استعمال ہوتی ہے۔

بیلجیئم ان چھ ممالک میں سے ایک ہے جہاں ڈَچ اور فرانسیسی کے ساتھ ساتھ جرمن بھی سرکاری زبان ہے۔ مشرقی بیلجیئم کے صوبے لیوٹش کے شہر اوئپن میں تقریبا 75000 جرمن نژاد بیلجیئن رہتے ہیں۔ یورپ کے نو دیگر ممالک میں جرمن اقلیتوں کی ایک تسلیم شدہ زبان ہے۔

فرانس میں 1.2 ملین افراد جرمن بولتے ہیں، جو کہ زیادہ تر دونوں ملکوں کے مابین سرحدی علاقوں میں رہائش پذیر ہیں۔ ان کا لہجہ فرانکن اور المانک کے گہرے تلفظ پر مبنی ہوتا ہے۔ یہ تصویر ماضی میں یہاں پر جرمن انتظامیہ کی یاد دلاتی ہے۔

اطالوی صوبے جنوبی ٹیرول میں جرمن بطور اقلیتی زبان تسلیم کی گئی ہے۔ سن 1919 تک یہ صوبہ آسٹریا کا حصہ تھا۔ یہاں کی ساٹھ فیصد آبادی (520000) کی مادری زبان جرمن ہے۔ سڑکوں کے نام بھی اطالوی اور جرمن زبان میں درج ہیں۔

یورپ میں ہجرت کے لیے اسپین، جرمنوں کا سب سے پسندیدہ انتخاب رہا ہے۔ پورے ملک میں ڈیڑھ ملین جرمن باشندے آباد ہیں۔ کینیری اور مایورکا جیسے ہسپانوی جزیروں پر جرمن باشندوں کی کالونیاں آباد ہیں۔

نیدرلینڈ میں بہت سی جگہوں پر، جیسے کہ یہاں وینلو میں بھی، قومی زبان ڈچ کے علاوہ جرمن زبان بولی اور لکھی جاتی ہے۔ اور یہ صرف سرحدی علاقوں تک محدود نہیں۔ ہالینڈ میں لگ بھگ 360000 جرمن باشندے مقیم ہیں۔ بہت سارے ڈچ اسکولوں میں جرمن بطور ’غیر ملکی زبان‘ سکھائی جاتی ہے۔

آئرلینڈ میں بہت سارے ایسے مقامات ہیں جہاں جرمنوں کے آثار ابھی تک موجود ہیں۔ اٹھارویں صدی کے اوائل میں جرمن آرکیٹیکٹ ریشارڈ کاسل نے ڈبلن میں متعدد عمارتیں ڈیزائن کی ہیں۔ آئرلینڈ میں تقریباﹰ ایک لاکھ افراد جرمن زبان بولتے ہیں۔

جرمنی سے اسرائیل ہجرت کرنے والے زیادہ تر یہودی باشندے جرمن زبان کا استعمال کرتے ہیں۔ آجکل، ایک لاکھ اسرائیلی جرمن بولتے ہیں۔ نازی دور کے تلخ واقعات کا منفی اثر جرمن زبان پر بھی رہا لیکن وقت کے ساتھ ساتھ جرمنی اور جرمن زبان میں اسرائیلیوں کی دلچسپی بڑھتی گئی۔

روس میں جرمن زبان کی تاریخ 250 برس سے بھی زیادہ پرانی ہے۔ سن 1990 کے بعد 2.3 ملین روسی جرمنوں کا ایک بڑا حصہ جرمنی میں آباد ہوگیا۔ دوسری جانب روس میں 394000 جرمن نژاد افراد مقیم ہیں۔ تاہم ان تمام افراد کو جرمن زبان پر عبور حاصل نہیں ہے۔

دوسری عالمی جنگ سے قبل قزاقستان میں 92 ہزار سے زائد جرمن افراد مقیم تھے۔ تاہم عالمی جنگ کے دوران چار لاکھ چوالیس ہزار جرمنوں کو قزاقستان جلاوطن کر دیا گیا۔ آج قزاقستان میں جرمن نژاد افراد کی دو تہائی آبادی جرمن بولتی ہے، ان کی تعداد تقریباﹰ ساڑھے تین لاکھ بنتی ہے۔

جرمن شہریوں کے لیے جنوبی افریقہ ہجرت کا ایک پسندیدہ ترین ملک ہے۔ کیپ ٹاؤن میں ’زاور کراؤٹ ہل‘ کے نام سے ایک جرمن قصبہ بھی واقع ہے۔ جنوبی افریقہ میں ایک لاکھ سے پانچ لاکھ کے درمیان جرمن باشندے مقیم ہیں۔

کورونا وائرس کی وبا سے پہلے تک ہر سال دس ہزار جرمن شہری امریکا منتقل ہوتے تھے۔ اندازوں کے مطابق امریکا میں جرمن زبان بولنے والے 1.1 ملین افراد مقیم ہیں۔

سن 1940 سے چار لاکھ سے زائد جرمن شہری کینیڈا ہجرت کر چکے ہیں۔ کینیڈا میں جرمن زبان بولنے والوں کی کل تعداد 430000 بتائی جاتی ہے۔

برازیل کی دس فیصد آبادی کے آباواجداد جرمن ہیں، جو 19ویں اور 20ویں صدی میں معاشی اور سماجی وجوہات کی بنا پر ہجرت کر گئے تھے۔ برازیل میں 1.1 ملین افراد جرمن زبان کا استعمال کرتے ہیں۔ برازیل کے شہر بلومیناؤ میں جرمن صوبے باویریا کا مشہور زمانہ اوکٹوبر فیسٹیول بڑے پیمانے پر منایا جاتا ہے۔

20ویں صدی کے ابتدائی سالوں میں جرمنوں نے اپنی زبان بہت سارے جنوبی اور وسطی امریکی ممالک تک پہنچا دی۔ ارجنٹینا میں ایک اندازے کے مطابق چار لاکھ افراد جرمن زبان استعمال کرتے ہیں۔

جنوبی امریکی ملک پیراگوائے میں ڈیڑھ لاکھ سے زائد جرمن بولنے والے افراد مقیم ہیں۔ پیراگوائے ہجرت کے لیے جرمنوں کا ایک من پسند مقام رہا ہے۔

ان ممالک کے علاوہ جہاں جرمن سرکاری زبان کے طور پر رائج ہے،جرمن زبان کا دنیا بھر کے تقریباﹰ 45 ممالک میں گھر ہے۔ جرمنی کی سابقہ کالونی نمیبیا میں نوآبادیاتی دور کے اثرات موجود ہیں۔ ڈھائی ملین کی آبادی والے اس ملک میں آجکل بیس ہزار افراد جرمن بولتے ہیں۔

کہاوتوں کے جرمن ماہرین بھی نہیں جان پائے کہ یہ کہاوت کہاں سے آئی ہے لیکن اس کا پیغام انتہائی واضح ہے: خوبصورتی قربانی مانگتی ہے۔ لڑکیاں ماڈل بننے کے لیے بھوک برداشت کرتی ہیں، لوگ جسم پر ٹیٹو بنوانے کے لیے تکلیف سے گزرتے ہیں۔ انگریزی میں ملتا جُلتا محاورہ ہے، ’نو پین، نو گین‘۔

قدیم زمانوں میں جب لوگ بحری جہازوں پر سفر کرتے تھے تو نیچے والے حصے میں کوئی شگاف پڑنے کی صورت میں چوہے اوپر آنا شروع ہو جاتے تھے۔ اس سے لوگ یہ ماننا شروع ہو گئے کہ چوہے کسی آنے والے ناخوشگوار واقعے کی پیش گوئی کر سکتے ہیں۔ آج کل یہ کہاوت اُن لوگوں کے لیے استعمال کی جاتی ہے، جو مشکل وقت میں کسی ادارے کو چھوڑ کر نکل جاتے ہیں۔

جب مچھلی مرتی ہے تو اُس کا سر سب سے پہلے گلنا سڑنا شروع کر دیتا ہے اور اسی لیے سب سے پہلے بُو بھی اُسی میں سے آتی ہے۔ یہ کہاوت تب بولی جاتی ہے، جب قیادت ہی اپنی کمپنی یا اپنی سیاسی جماعت کو تباہ کرنے کا باعث بننے لگتی ہے۔ جرمنی میں اس کہاوت کو سن 2000ء میں شہرت ملی، جب سابق چانسلر گیرہارڈ شروئیڈر نے یہی کہاوت ایک دوسری جماعت سے تعلق رکھنے والے وزیر اعلیٰ کے لیے استعمال کی۔

اردو میں محاورے کی زبان میں اس سے ملتی جُلتی کہاوت ہے، اپنے پاؤں پر خود کلہاڑی مار لینا یا پھر جس تھالی میں کھانا، اُسی میں چھید کرنا۔ مطلب یہ کہ انسان ایسے بہت سے کام کر لیتا ہے، جن کے نتیجے میں اُسے نقصان اُٹھانا پڑتا ہے۔ یہ جرمن محاورہ ایسا نہ کرنے کا مشورہ دیا ہے۔ 

اس جرمن کہاوت کے مطابق گفتگو چاندی ہے تو خاموشی سونا ہے۔ جب تک کوئی زبان نہ کھولے، ہم اُس کے بارے میں کوئی رائے قائم نہیں کر پاتے۔ جونہی وہ بولنا شروع  کرتا ہے، اُس کی اصلیت ہم پر کھل جاتی ہے۔ لقمان حکیم کا ذکر قرآن میں بھی آیا ہے، جہاں ایک پوری سورۃ اُن سے موسوم ہے۔ اس دانا شخص کے ایک قول کا حوالہ تیرہویں صدی کے مسلمان عالم ابن کثیر نے دیا تھا، جو یہ تھا:’’اگر لفظ چاندی ہیں تو خاموشی سونا ہے۔‘‘

مدد کہاں ختم ہوتی ہے اور کرپشن کہاں سے شروع ہوتی ہے؟ اس جرمن کہاوت کا مفہوم یہ ہے کہ مجرم ایک دوسرے کی مدد کرتے ہیں، مثلاً ایک مالدار شخص کسی بدعنوان سیاستدان کو پیسہ دیتا ہے۔ اردو میں اس سے ملتی جُلتی کہاوت کے لیے فارسی کی کہاوت من ترا حاجی بگویم، تُو مرا ملا بگو استعمال کرتے ہیں۔ یہ ضرب المثل تب استعمال ہوتی ہے، جب لوگ ایک دوسرے کی تعریف اس لیے کرتے ہیں کہ اگلا بھی جواب میں تعریفی کلمات کہے۔

اردو میں کہا جاتا ہے کہ ’بھاگتے چور کی لنگوٹی ہی سہی‘۔ اس جرمن کہاوت میں بھی ہمیشہ زیادہ سے زیادہ کی خواہش کرنے سے خبردار کیا گیا ہے۔ بنیادی طور پر یہ کہاوت لاطینی زبان و ادب سے آئی ہے، جہاں یہ کہا گیا ہے کہ ہاتھ میں آ گیا پرندہ جنگل میں موجود ہزاروں پرندوں سے بہتر ہے۔ انگریزی میں اس سے ملتی جُلتی کہاوت ہے کہ ہاتھ میں موجود ایک پرندہ جنگل میں موجود دو پرندوں سے بہتر ہے۔

اس جرمن محاورے کا مطلب سیدھا سادا ہے کہ اگر کسی واضح قیادت کے بغیر زیادہ لوگ کسی منصوبے کو سرانجام دینے کی کوشش کریں گے تو وہ پایہٴ تکمیل کو کم ہی پہنچ پائے گا۔ جرمنی میں کام کی جگہوں پر ایسا اکثر نظر آتا ہے کہ کام خواہ جتنے مرضی لوگ انجام دیں، اُنہیں ہدایات کوئی ایک شخص ہی دیتا ہے۔ اُردو میں ’دو ملاؤں میں مرغی حرام‘ کسی حد تک ملتی جُلتی کہاوت ہے۔

اس محاورے کی جڑیں جرمن سرزمین میں ہیں اور اس کے ڈانڈے بائبل کے اُس واقعے سے ملتے ہیں، جس میں حضرتِ عیسیٰ نے کہا تھا کہ ایک گناہ گار کو پتھر صرف وہی مارے، جس نے خود کبھی گناہ نہ کیا ہو۔ اسی لیے اس جرمن کہاوت کا مطلب یہ ہے کہ ہم میں سے ہر ایک گویا شیشے کے ایک گھر میں بیٹھا ہوا ہے، ایسے میں دوسروں پر انگلی اٹھانے سے گریز کرنا چاہیے۔

یہ محاورہ کئی زبانوں میں پایا جاتا ہے۔ چھوٹے پاؤں سے یہ ہرگز مراد نہیں کہ چھوٹے قد کے لوگ زیادہ جھوٹ بولتے ہیں۔ مطلب یہی ہے کہ جھوٹ زیادہ دیر تک چل نہیں سکتا، جلد پکڑا جاتا ہے۔ اردو زبان میں تو سرے سے جھوٹ کے پاؤں ہی نہیں ہوتے۔ 

اس کہاوت کا لفظی مطلب یہ ہے کہ ہر انسان اپنی قسمت خود ’گھڑ کر بناتا‘ ہے۔ اس کہاوت کی جڑیں جرمن زبان و ادب میں نہیں بلکہ پہلی بار یہ کہاوت تین سو قبل مسیح میں ایک رومی سیاستدان نے لاطینی زبان میں کہی تھی۔ مطلب یہ ہے کہ انسان محنت اور کوشش سے جو چاہے، حاصل کر سکتا ہے۔

ان کے ناول The Invention of the Red Army Faction by a Manic-Depressive Teenager in the Summer of 1969 پر انہیں 2015ء کا جرمن بُک پرائز دیا گیا ہے۔ یہ انعام انہیں پیر 12 اکتوبر کو دیا گیا۔ ان کے ناول میں مغربی جرمنی سے تعلق رکھنے والے ایک 13 سالہ لڑکے کی سرد جنگ کے دور کی کہانی بیان کی گئی ہے جو گھریلو تشدد اور ماضی سے نبرد آزما ہے۔

گزشتہ برس لُٹس زائلر کو ان کے ناول ’کرُوسو‘ پر بُک پرائز دیا گیا۔ 2014ء میں یہ ناول دیوار برلن کے انہدام کے تناظر میں لکھا گیا۔ اس کتاب میں آزادی کی تلاش اور سابق کمیونسٹ مشرقی جرمنی سے فرار کی کوششوں کو موضوع بنایا گیا ہے۔

مورا کی تصنیف ’دس اُنگیہوئر‘ یا ’دا مونسٹر‘ نے 2013ء کا بُک پرائز جیتا تھا۔ ٹیریزیا مورا ڈائری اور سفرنامے کی شکل میں لکھتی ہیں، جنہیں ایک گہری سیاہ لکیر سے الگ الگ رکھا جاتا ہے۔ اس کے علاوہ ان کی کتاب میں ان کی زندگی سے متعلق اور ڈپریشن کے حوالے سے طبی خاکے بھی موجود ہیں۔ یہ کتاب انگریزی زبان میں بھی دستیاب ہے۔

2012ء کا بُک پرائز جیتنے والی اُرزُولا کریشَیل نے جج رچرڈ کورنِٹسر کی زندگی کو اپنے ناول ’ڈسٹرکٹ کورٹ‘ کا موضوع بنایا ہے۔ دوسری عالمی جنگ کے بعد یہ یہودی جج کیوبا سے جلاوطنی ختم کر کے جرمنی واپس لوٹا کیونکہ وہ جرمنی میں دوبارہ جج بننا چاہتا تھا۔ مصنفہ نے اپنے اس ناول کے لیے 10 برس تک تحقیق کی۔

اوئگن رُوگے کے 2011ء میں لکھے گئے ناول ’اِن ٹائمز آف فےڈِنگ لائٹ‘ کو بُک پرائز دیا گیا۔ اس کتاب میں مشرقی جرمنی سے تعلق رکھنے والے ایک خاندان کی کہانی بیان کی گئی ہے جو 1950ء کی دہائی سے 1989ء میں جرمنی کے اتحاد اور نئی صدی کے آغاز تک کے دور سے تعلق رکھتی ہے۔

2010ء کا بُک پرائز جیتنے والی ابونجی کی کتاب ’ٹاؤبن فلِیگن آؤف‘ یا ’فلائی اوے، پیجن‘ یوگوسلاویہ کے ٹوٹنے کے بعد یورپ میں پیدا ہونے والے تنازعات کا احاطہ کرتی ہے۔ اس ناول میں ایک خاندان کی کہانی کو یوگوسلاویہ کے تنازعے اور سربیا کے صوبے ووج وَودینا میں ہنگیرین نسل سے تعلق رکھنے والی ایک اقلیت کے تناظر میں لکھا گیا ہے۔

کیتھرین شمِٹ کی 2009ء میں لکھی جانے والی کتاب ’یو آر ناٹ گوئنگ ٹو ڈائی‘ جرمنی کے اتحاد کے دور سے متعلق ہے جب ایک خاتون کومہ سے بیدار ہوتی ہے اور اپنی کھوئی ہوئی یادیں اور بولنے کی صلاحیت واپس حاصل کر لیتی ہے۔

2008ء میں جیوری نے بُک پرائز کمیونسٹ مشرقی جرمنی کے اتحاد سے قبل کے آخری سالوں سے متعلق ایک ناول ’ڈئر ٹرُم‘ یا ’دا ٹاور‘ کے مصنف کو دیا۔ یہ ناول ڈریسڈن میں رہنے والے ایک خاندان کو درپیش واقعات پر مشتمل ہے۔ اس ناول پر 2012ء میں ایک فلم بھی بن چکی ہے۔

2007ء میں بُک پرائز حاصل کرنے والے ناول کا نام Die Mittagsfrau ہے جسے انگریزی میں ’دا بلائنڈ سائیڈ آف دا ہارٹ‘ کا نام دیا گیا۔ اس ناول میں جولیا فرانک نے دو عالمی جنگوں کے دوران کے عرصے سے تعلق رکھنے والی ایک خاتون کی کہانی پیش کی ہے۔ یہ ناول 34 مختلف زبانوں میں ترجمہ ہو چکا ہے۔

2006ء کا بُک پرائز جیتنے والی کیتھرینا ہاکر نے جوان لوگوں کی کہانیاں Die Habenichtse یعنی ’دا ہیو ناٹس‘ The Have-Nots میں بیان کی ہیں۔ 30 برس کے لگ بھگ عمر کے ایسے لوگوں کی کہانیاں جو اور تو بہت کچھ جانتے ہیں مگر اپنے آپ کو نہیں۔ ان لوگوں کو کیسے رہنا چاہیے، ان کی اقدار کیا ہیں اور انہیں کیسا رویہ اختیار کرنا چاہیے، یہ اس ناول کے بنیادی سوالات ہیں۔

2005ء میں سب سے پہلا جرمن بُک پرائز آرنو گائیگر کو ان کے ناول ’اَیس گیہت اُنس گُٹ‘ یعنی ’وی آر ڈوئنگ وَیل‘ پر دیا گیا۔ اس ناول کی کہانی ویانا سے تعلق رکھنے والے ایک خاندان کی تین نسلوں کے گرد گھومتی ہے۔