ایسا بھلا کون نہیں چاہے گا کہ اسے زمین پر ہی جنت مل جائے! Den Himmel auf Erden haben کا مطلب ہے کہ زندگی میں تمام تر سہولیات میسر ہو جانا، کسی شے سے خوشی ملنا یا پھر خوابوں کی تعبیر ہو جانا۔

Kein Bein auf die Erde bekommen : یعنی آپ کو کسی یا ہر کام میں ناکامی کا سامنا کرنا پڑ رہا ہے یا پھر کسی مخصوص شعبے میں کیرئر نہیں بنا پا رہے۔

Mit beiden Beinen auf der Erde bleiben : یہ محاورہ تو اردو زبان میں بھی استعمال کیا جاتا ہے، جس کا مطلب ہے کہ حقیقت پسند رہنا، خود کو دھوکے میں نہ رکھنا اور عاجزانہ مزاج قائم رکھنا۔

Wie Pilze aus der Erde schießen : جرمن زبان کے اس محاورے کا مطلب ہے کہ کسی بھی چیز کا بہت تیزی سے ظاہر ہونا یا پھر ایسی چیزیں جو ہر جگہ سے ابھر کر سامنے آجائیں۔ یہ اسی طرح ہے جیسے مشروم آپ کی آنکھوں کے سامنے بڑھتے ہوئے دکھائی دیتے ہیں۔

Etwas aus der Erde/aus dem Boden stampfen : یہ محاورہ کسی طلسماتی عمل کی جانب اشارہ کرتا ہے یعنی اچانک سے کسی چیز کا غیرمعمولی طور پر نمودار ہو جانا - یہ محاورہ کاروبار کی کامیابی یا پھر کسی عمارت کی تعمیر کے حوالے سے بھی مستعمل ہے۔

Jemanden unter die Erde bringen : اس محاورے کا مطلب ہے کہ کسی شخص کی موت کا قصور وار ہونا۔

Verbrannte Erde : یہ محارہ ایسی فوجی حکمت عملی کو بیان کرتا ہے، جس کے ذریعے اہم انفراسٹرکچر جیسے کہ پل، سڑکیں، ریلوے پٹریاں، فیکٹری، کھیت، خوراک، مویشی یا پھر گاؤں اور شہروں کو مکمل طور پر تباہ کردیا گیا جائے - تاکہ دشمن اسے استعمال نہیں کرسکے۔

اگر جرمن زبان میں آپ کو کوئی Das Salz der Erde sein یعنی زمین کے نمک کی طرح بننے کا کہے یا پھر آپ کو اس لقب سے نوازے، تو اس کا مطلب ہے کہ آپ ایک عمدہ اور ایماندار انسان ہیں - بغیر کسی شکایت کے مسائل کا سامنا کرنے کی وجہ سے آپ کا احترام کیا جاتا ہے اور آپ اپنے اقدار پر قائم رہنے والی شخصیت ہیں۔ آپ ایک عظیم سرمایہ ہیں۔

کورونا وائرس کی وبا کے ابتدائی ایام میں عام لوگوں میں بے پناہ خوف اور سنسنی خیزی دیکھی گئی تھی۔ لوگوں نے گھروں میں روزمرہ اشیاء کا ذخیرہ کرنا شروع کر دیا تھا۔ جرمن زبان میں اس حالت کے لیے لفظ ’ہام سٹرن‘ ہے۔ یہ لفظ ایک چوہے کی قسم ’ہیمسٹر‘ سے لیا گیا ہے، وہ بھی لالچی انداز میں دستیاب خوراک سے اپنا منہ بھر لیتا ہے۔

اس کے لیے جرمن لفظ ’فیرپلیمیرن‘ (Verplempern) ہے۔ یہ ایک عام بازاری بول چال کا لفظ ہے لیکن اب اسے جرمن لغت میں شامل کر دیا گیا ہے۔ یہ لفظ سولہویں صدی سے عام بول چال میں استعمال کیا جا رہا ہے۔

ایسا اکثر ہوا ہے کہ پلیٹ میں سے ایک بسکٹ کو یا چند فرنچ فرائز کو چالاکی سے اٹھا لیا جاتا ہے۔ اس کے لیے جرمن لفظ ’شٹیبِٹسن‘ (Stibitzen) ہے۔ اس کی تاریخ نامعلوم ہے لیکن عام بول چال میں اٹھارہویں صدی میں رواج پا گیا تھا۔

کھانے سے لطف لینے کے لیے روزمرہ کی جرمن زبان کا لفظ ’شنابولیئرن‘ (Schnabulieren) ہے۔ جرمن سے واقفیت ہونے پر آپ پہچان گئے ہوں گے کہ اس لفظ کا تعلق پرندے کی چونچ یا Schnabel سے ہے۔ اسی سے ترکیب کی ماہیت واضح ہو جاتی ہے۔

ایک جرمن لفظ خوشامد کے لیے کافی ہے اور یہ لفظ ’باؤخ پِنزلن‘ (Bauchpinseln) ہے۔ اس کا لفظی مطلب پیٹ پر برش مارنا ہے۔ عام انداز میں اس کا مطلب کسی کی حمایت حاصل کرنے کے لیے کیا گیا کوئی بہتر کام یا فعل ہے۔

جرمن زبان میں اگر کوئی فرد کام مکمل نہ کر سکے یا بھول جائے تو عام طور پر ’ فیربازلن‘ (Verbaseln) بولا جاتا ہے۔ یہ لفظ شمالی جرمن لوگوں میں بہت مقبول ہے۔ جب کچھ خراب ہو جائے تب بھی یہی لفظ ادا کیا جاتا ہے۔

جرمن زبان میں اس ترکیب کا کوئی براہٴ راست متبادل دستیاب نہیں لیکن اس کے قریب ایک لفظ ’بیٹُوئڈلنُ‘ (Betueddeln) ہے۔ یہ اصطلاح شمالی جرمن میں بولی جاتی ہے۔ اس کا ماخذ ہیمبرگ شہر کی جھیل میں رہنے والے ہنس پرندوں سے جڑا ہے، جنہیں سرد موسم میں سرمائی کوارٹرز میں منتقل کر دیا جاتا ہے۔

جرمن زبان کا لفظ ’فیرآرشین‘ (Verarschen) ہے۔ یہ عمومی طور پر کسی کو بیوقوف بنانے کے لیے مستعمل ہے۔ اس لفظ کا ماخذ انسانی پیٹھ کے لیے استعمال ہونے والا جرمن لفظ ہے۔

اس اصطلاح کے لیے جرمن زبان کا لفظ ’دُرش ورشٹیلن‘ (Durchwurschteln) ہے۔ اس کا مطلب ہے کسی منصوبے کے بغیر کسی غلطی یا حماقت کی حمایت کرنا ہے۔ قابلِ فہم حماقت اصل میں اردو کی ترکیب ’مقصدی منصوبے‘ کا اُلٹ ہے۔

یورپ کے تین ممالک میں جرمن زبان بولی جاتی ہے۔ جرمنی، آسٹریا اور چھوٹا سا ملک لشٹن اشٹائن جس کا دارالحکومت وڈوز ہے ۔ اس ملک میں تقریباﹰ 35000 ہزار افراد جرمن بولتے ہیں، آسٹریا میں 7.5 ملین اور جرمنی میں، اس تعداد سے قریب دس گنا زیادہ۔

سوئٹرزلینڈ کی چار سرکاری زبانوں میں سے ایک جرمن ہے۔ پانچ ملین افراد، جو کہ اس ملک کی آبادی کا تقریباﹰ دو تہائی حصہ بنتے ہیں، جرمن زبان استعمال کرتے ہیں۔ جرمنی سے سوئٹزرلینڈ ہجرت کرنے والی نامور شخصیات میں مصنف ہرمن ہیسے اور ایرک ماریا ریمارک مشہور ترین نام ہیں۔ جلاوطنی کے بعد سے ریمارک نے اپنی زندگی کے آخری لمحات جھیل میگیور کے قریب اس ولا نماک(بنگلے) میں گزارے۔

اسی طرح لکسمبرگ میں بھی لکسمبرگش اور فرانسیسی کے ساتھ جرمن سرکاری زبان ہے۔ یہاں کے تقریباﹰ 470000 شہریوں کی مادری زبان جرمن ہے۔ لکسمبرگش سن 1984 میں قومی زبان مقرر کی گئی۔ مقامی ریڈیو اور ٹیلی وژن پر یہ بطور مواصلاتی زبان استعمال کی جاتی ہے تاہم لکھنے کے اعتبار سے ’ہوخ ڈوئچ‘ یعنی سلیس جرمن بھی کافی زیادہ استعمال ہوتی ہے۔

بیلجیئم ان چھ ممالک میں سے ایک ہے جہاں ڈَچ اور فرانسیسی کے ساتھ ساتھ جرمن بھی سرکاری زبان ہے۔ مشرقی بیلجیئم کے صوبے لیوٹش کے شہر اوئپن میں تقریبا 75000 جرمن نژاد بیلجیئن رہتے ہیں۔ یورپ کے نو دیگر ممالک میں جرمن اقلیتوں کی ایک تسلیم شدہ زبان ہے۔

فرانس میں 1.2 ملین افراد جرمن بولتے ہیں، جو کہ زیادہ تر دونوں ملکوں کے مابین سرحدی علاقوں میں رہائش پذیر ہیں۔ ان کا لہجہ فرانکن اور المانک کے گہرے تلفظ پر مبنی ہوتا ہے۔ یہ تصویر ماضی میں یہاں پر جرمن انتظامیہ کی یاد دلاتی ہے۔

اطالوی صوبے جنوبی ٹیرول میں جرمن بطور اقلیتی زبان تسلیم کی گئی ہے۔ سن 1919 تک یہ صوبہ آسٹریا کا حصہ تھا۔ یہاں کی ساٹھ فیصد آبادی (520000) کی مادری زبان جرمن ہے۔ سڑکوں کے نام بھی اطالوی اور جرمن زبان میں درج ہیں۔

یورپ میں ہجرت کے لیے اسپین، جرمنوں کا سب سے پسندیدہ انتخاب رہا ہے۔ پورے ملک میں ڈیڑھ ملین جرمن باشندے آباد ہیں۔ کینیری اور مایورکا جیسے ہسپانوی جزیروں پر جرمن باشندوں کی کالونیاں آباد ہیں۔

نیدرلینڈ میں بہت سی جگہوں پر، جیسے کہ یہاں وینلو میں بھی، قومی زبان ڈچ کے علاوہ جرمن زبان بولی اور لکھی جاتی ہے۔ اور یہ صرف سرحدی علاقوں تک محدود نہیں۔ ہالینڈ میں لگ بھگ 360000 جرمن باشندے مقیم ہیں۔ بہت سارے ڈچ اسکولوں میں جرمن بطور ’غیر ملکی زبان‘ سکھائی جاتی ہے۔

آئرلینڈ میں بہت سارے ایسے مقامات ہیں جہاں جرمنوں کے آثار ابھی تک موجود ہیں۔ اٹھارویں صدی کے اوائل میں جرمن آرکیٹیکٹ ریشارڈ کاسل نے ڈبلن میں متعدد عمارتیں ڈیزائن کی ہیں۔ آئرلینڈ میں تقریباﹰ ایک لاکھ افراد جرمن زبان بولتے ہیں۔

جرمنی سے اسرائیل ہجرت کرنے والے زیادہ تر یہودی باشندے جرمن زبان کا استعمال کرتے ہیں۔ آجکل، ایک لاکھ اسرائیلی جرمن بولتے ہیں۔ نازی دور کے تلخ واقعات کا منفی اثر جرمن زبان پر بھی رہا لیکن وقت کے ساتھ ساتھ جرمنی اور جرمن زبان میں اسرائیلیوں کی دلچسپی بڑھتی گئی۔

روس میں جرمن زبان کی تاریخ 250 برس سے بھی زیادہ پرانی ہے۔ سن 1990 کے بعد 2.3 ملین روسی جرمنوں کا ایک بڑا حصہ جرمنی میں آباد ہوگیا۔ دوسری جانب روس میں 394000 جرمن نژاد افراد مقیم ہیں۔ تاہم ان تمام افراد کو جرمن زبان پر عبور حاصل نہیں ہے۔

دوسری عالمی جنگ سے قبل قزاقستان میں 92 ہزار سے زائد جرمن افراد مقیم تھے۔ تاہم عالمی جنگ کے دوران چار لاکھ چوالیس ہزار جرمنوں کو قزاقستان جلاوطن کر دیا گیا۔ آج قزاقستان میں جرمن نژاد افراد کی دو تہائی آبادی جرمن بولتی ہے، ان کی تعداد تقریباﹰ ساڑھے تین لاکھ بنتی ہے۔

جرمن شہریوں کے لیے جنوبی افریقہ ہجرت کا ایک پسندیدہ ترین ملک ہے۔ کیپ ٹاؤن میں ’زاور کراؤٹ ہل‘ کے نام سے ایک جرمن قصبہ بھی واقع ہے۔ جنوبی افریقہ میں ایک لاکھ سے پانچ لاکھ کے درمیان جرمن باشندے مقیم ہیں۔

کورونا وائرس کی وبا سے پہلے تک ہر سال دس ہزار جرمن شہری امریکا منتقل ہوتے تھے۔ اندازوں کے مطابق امریکا میں جرمن زبان بولنے والے 1.1 ملین افراد مقیم ہیں۔

سن 1940 سے چار لاکھ سے زائد جرمن شہری کینیڈا ہجرت کر چکے ہیں۔ کینیڈا میں جرمن زبان بولنے والوں کی کل تعداد 430000 بتائی جاتی ہے۔

برازیل کی دس فیصد آبادی کے آباواجداد جرمن ہیں، جو 19ویں اور 20ویں صدی میں معاشی اور سماجی وجوہات کی بنا پر ہجرت کر گئے تھے۔ برازیل میں 1.1 ملین افراد جرمن زبان کا استعمال کرتے ہیں۔ برازیل کے شہر بلومیناؤ میں جرمن صوبے باویریا کا مشہور زمانہ اوکٹوبر فیسٹیول بڑے پیمانے پر منایا جاتا ہے۔

20ویں صدی کے ابتدائی سالوں میں جرمنوں نے اپنی زبان بہت سارے جنوبی اور وسطی امریکی ممالک تک پہنچا دی۔ ارجنٹینا میں ایک اندازے کے مطابق چار لاکھ افراد جرمن زبان استعمال کرتے ہیں۔

جنوبی امریکی ملک پیراگوائے میں ڈیڑھ لاکھ سے زائد جرمن بولنے والے افراد مقیم ہیں۔ پیراگوائے ہجرت کے لیے جرمنوں کا ایک من پسند مقام رہا ہے۔

ان ممالک کے علاوہ جہاں جرمن سرکاری زبان کے طور پر رائج ہے،جرمن زبان کا دنیا بھر کے تقریباﹰ 45 ممالک میں گھر ہے۔ جرمنی کی سابقہ کالونی نمیبیا میں نوآبادیاتی دور کے اثرات موجود ہیں۔ ڈھائی ملین کی آبادی والے اس ملک میں آجکل بیس ہزار افراد جرمن بولتے ہیں۔