ايک تازہ سروے ميں يہ بات سامنے آئی ہے کہ بہت سے جرمن شہریوں کو روز مرہ کے اخراجات پورے کرنے اور گھريلو اشياء کی خريداری کے ليے قرض لينا پڑ رہا ہے۔ بارکليئز کی جانب سے کرائے گئے اس سروے ميں جولائی اور اگست کے دوران دس ہزار سے زائد افراد سے ان کی رائے لی گئی۔ سروے ريسرچ انسٹيٹيوٹ سوے نے کرايا۔

جرمنی ميں گزشتہ دو برسوں کے دوران 50 سال سے کم عمر کے نصف سے زائد بالغوں نے ضروريات پوری کرنے کے ليے رقم ادھار لی۔ زیادہ تر نے خاندان کے افراد سے مدد لی، جب کہ 40 فيصد نے بینکوں سے اقساط پر قرض ليا۔

سروے ميں شامل 27 نے گاڑيوں سے متعلق اخراجات پورے کرنے کے ليے رقم ادھار لی، 26.6 فيصد نے روز مرہ کی ضروریات جیسے خوراک وغيرہ کے ليے قرض ليا جبکہ 21.4 فيصد نے کپڑوں کے ليے ادھار ليا۔ اٹھارہ فيصد افراد نے ذاتی اخراجات کے ليے قرض ليا۔

جرمنی میں اگست میں افراط زر کی شرح 2.2 فیصد رہی۔ اشیائے خوردونوش کی قیمتيں اب بھی ايک سال قبل کے مقابلے ميں مہنگی ہيں۔ ماہرين آنے والے مہینوں میں افراط زر کی شرح 2 فیصد سے اوپر رہنے کی توقع کر رہے ہيں۔

کم عمر بالغوں کے قرض لینے کا سب سے زیادہ امکان ہے۔ 18 تا انتيس سال کی عمر کے 60 فیصد سے زیادہ نوجوانوں نے کہ انہوں نے قرض لیا۔ ان ميں سے ایک تہائی سے زیادہ نے وجہ ضروری اخراجات بتائی۔ 30 سے ​​39 سال کی عمر کے افراد میں 31.6 فیصد نے کہا کہ روز مرہ کی ضروریات قرض لينے کی وجہ بنيں۔

تمام قرض لینے والوں میں سے تقریباً نصف 47.7 فيصد نے 1,000 يورو سے کم قرض لیا۔

لگ بھگ 200 يور تک کی چھوٹی رقمیں خاص طور پر عام تھیں، 30 سال سے کم عمر 28.8 فيصد افراد نے يہ رقوم قرض ليں۔ جواب دہندگان کے ایک چوتھائی حصے نے بتايا کہ انہوں نے 1,000 سے 5,000 کے درمیان کا قرض ليا۔

مجموعی طور پر تقریباً ہر تین میں سے ایک جرمن شہری يہنی 31.9 فيصد عوام آئندہ دو برسوں ميں ضروريات پوری کرنے کے ليے رقم ادھار لینے کی توقع رکھتی ہے۔

عاصم سليم، ڈی پی اے کے ساتھ