اس بائیس سالہ مشتبہ شخص کو منگل کے روز فرانسیسی دارالحکومت کے روئیسی ہوائی اڈے سے حراست میں لیا گیا۔

کولون میں پبلک پراسیکیوٹر کے دفتر کی جانب سے کہا گیا ہے کہ وہ فرانسیسی عدالتی حکام کے ساتھ مسلسل رابطے میں ہے تاکہ اس مشتبہ شخص کی حوالگی کے حوالے سے قانونی کارروائی مکمل کی جاسکے۔

تفتیش کاروں کا خیال ہے کہ 22 سالہ نوجوان منشیات کے کاروبار میں ملوث ایک مرکزی کردار ہے اور یہ شک ظاہر کیا جارہا ہے کہ جرمن شہر کولون میں ہونے والے متعدد دھماکوں میں بھی اسی شخص کا ہاتھ ہے۔

خیال کیا جارہا ہے کہ جرمن شہر ہورت کے ایک گودام سے چرس کی ایک بڑی مقدار چوری کیے جانے کے بعد  یہ دھماکے کیے گئے۔

تفتیش کاروں کے مطابق منشیات کی خرید و فروخت میں ملوث ایک گروہ کو کسی ڈیل میں دھوکہ دے کر ان سے ایک بڑی مقدار میں بلا معاوضہ چرس لی گئی۔ اور متاثرہ گروہ چرس واپس لینے یا اس کا معاوضہ حاصل کرنے کی تگ و دو میں تھا اور کولون میں ہونے والے یہ دھماکے انہی کوششوں کا حصہ ہیں۔

پبلک پراسیکیوٹر کے دفتر کے مطابق دس سے زائد افراد پہلئ ہی  ان جرائم میں ملوث ہونے کے شبے میں زیر حراست ہیں۔

ر ب/ ش ر (ڈی پی اے)