سعیدہ وارثی (سامنے) برطانوی کابینہ میں شامل ہونے والی پہلی مسلمان خاتون تھیں۔ یہ سن دو ہزار دس سے بارہ تک کنزرویٹو پارٹی کی شریک چیئرپرسن بھی تھیں۔ سن دو ہزار اٹھارہ میں وارثی نے وزیر اعظم ٹریزا مے سے مطالبہ کیا کہ وہ عوامی سطح پر قبول کریں کہ ان کی پارٹی کو اسلاموفوبیا کے مسائل کا سامنا ہے۔ ڈاؤننگ سٹریٹ میں ان کی پہلی میٹنگ کے دوران ان کے روایتی پاکستانی لباس کو بھی وجہ بحث بنایا گیا تھا۔

مغربی دنیا میں مسلمانوں کی سب سے زیادہ تعداد فرانس میں آباد ہے اور اسلام اس ملک کا دوسرا سب سے بڑا مذہب ہے۔ لیکن آبادی کے لحاظ سے مسلمانوں کا سیاست میں کردار بہت ہی محدود ہے۔ رشیدہ داتی فرانسیسی سیاست میں نمایاں مقام حاصل کرنے والی چند مسلم شخصیات میں سے ایک ہیں۔ وہ سن دو ہزار سات سے دو ہزار نو تک وزیر انصاف بھی رہیں۔ اس وقت وہ یورپی پارلیمان کی رکن ہیں۔

ڈچ سیاستدان جورم وان کلیویرین اسلام کے سخت ناقد تھے۔ انہوں نے اسلام کے خلاف زبردست مہم چلائی تھی۔ لیکن حال ہی میں انہوں نے اعلان کیا کہ وہ ایک اسلام مخالف کتاب لکھنے کے دوران مسلمان ہو گئے تھے۔ ہالینڈ کے اسلام مخالف اور بہت متنازعہ سیاستدان گیئرٹ ولڈرز نے اپنے اس دیرینہ ساتھی کے حوالے سے کہا تھا کہ ان کا اسلام قبول کرنا ایسے ہی ہے، جیسے ایک سبزی خور کو مذبحہ خانے میں ملازمت دے دی جائے۔

احمد ابو طالب سن دو ہزار نو میں ڈچ شہر روٹرڈیم کے میئر بنے تھے۔ وہ ہالینڈ کے اولین تارک وطن میئر تھے۔ ابو طالب ان مسلمانوں کو بھی شدید تنقید کا نشانہ بناتے ہیں، جو رہائش کے لیے تو مغرب کا انتخاب کرتے ہیں لیکن آزادی اظہار کے مخالف ہیں۔ نیوز ایجنسی اے این پی کے ایک سروے کے مطابق سن دو ہزار پندرہ میں وہ ہالینڈ کے سب سے مقبول سیاستدان قرار پائے تھے۔

صادق خان سن دو ہزار سولہ سے لندن کے میئر ہیں۔ وہ سن دو ہزار پانچ سے سن دو ہزار سولہ تک لیبر پارٹی کی طرف سے رکن پارلیمان بھی رہے۔ بریگزٹ مہم میں ان کا موقف یہ تھا کہ یورپی یونین میں ہی رہا جائے۔ انہیں سن دو ہزار سولہ میں سال کا بہترین سیاستدان قرار دیتے ہوئے برٹش مسلم ایوارڈ سے بھی نوازا گیا تھا۔ وہ ایک باعمل مسلمان ہیں اور باقاعدگی سے مسجد بھی جاتے ہیں۔

ترک نژاد جرمن سیاستدان چَيم اؤزديمير گزشتہ کئی برسوں سے گرین پارٹی کا نمایاں ترین چہرہ ہیں۔ وہ سن دو ہزار آٹھ سے سن دو ہزار اٹھارہ تک اس ماحول پسند جرمن سیاسی جماعت کے شریک سربراہ بھی رہے ہیں۔ وہ ترک صدر رجب طیب ایردوآن کے دور اقتدار میں ترکی کے یورپی یونین کا حصہ بننے کے بھی خلاف ہیں۔ وہ خود کو ایک ’سیکولر مسلم‘ کہلوانا پسند کرتے ہیں۔

سراجیوو میں مقامی روایات کے مطابق ہر روز افطار کے وقت توپ چلائی جاتی ہے۔

تصویر میں تیونسی شہری دوربین کی مدد سے رمضان کا چاند دیکھ رہے ہیں۔ دوربین کے علاوہ کئی ملکوں میں کھلی آنکھوں سے چاند دیکھنے کی روایت بھی ہے، اسی لیے مختلف ممالک میں رمضان کا آغاز بھی مختلف دنوں میں ہوتا ہے۔

مصر میں ماہ رمضان کے دوران روایتی لالٹین روشن کرنا جزو لازم سمجھی جاتی ہے۔ قاہرہ کی شاہراہ سیدہ زینب پر رمضان شروع ہوتے ہی یہ لالٹینیں فروخت کے لیے رکھ دی گئی ہیں۔

استنبول کی سلطان احمد مسجد کو نیلی مسجد بھی کہا جاتا ہے۔ پہلے روزے کے بعد ترک خواتین یہاں نماز تراویح پڑھ رہی ہیں۔

مصر کی طرح غزہ کے بازاروں میں بھی رمضان کے آغاز کے ساتھ ہی رنگ برنگی لالٹینیں روشن ہو جاتی ہیں۔

ایران میں بھی افطار کے لیے خصوصی پکوان تیار کیے جاتے ہیں۔ تہران کے بازاروں میں رمضان کے آغاز سے ہی خریداروں کا رش بڑھ جاتا ہے۔

پاکستان بھر میں رمضان کی آمد کے ساتھ ہی بازاروں میں ہر طرف کھجوریں، پکوڑے اور سموسے دکھائی دیتے ہیں۔

الجزائر میں رمضان کے مہینے میں شہد اور مٹھائی روزے رکھنے والوں میں مقبول ہیں۔

کابل میں بھی رمضان کے مہینے میں بیکریوں میں مٹھائی خریدنے والوں کی تعداد میں اضافہ ہو جاتا ہے۔

عید کا چاند ایک باریک سی لکیر کی طرح آسمان پر کچھ ہی دیر کے لیے دکھائی دیتا ہے۔ چاند نمودار ہونے کے ساتھ ہی رمضان کا اختتام ہو جاتا ہو۔ اس سال یورپ میں رمضان نو جولائی سے شروع ہو کر سات اگست تک جاری رہا۔ عام طور پر عید کا تہوار تین دن تک منایا جاتا ہے۔

ترک برادری کی وجہ سے جرمنی میں عید الفطر ’بائرام‘ اور جرمن زبان میں ’سُوکر فَیسٹ‘ یعنی میٹھے تہوار کے نام سے مشہور ہے۔ دیگر ممالک میں یہ مسلم تہوار اس کے عربی نام ’عیدالفطر‘ سے ہی منایا جاتا ہے۔ مختلف خطوں اور علاقوں میں عید منانے کے انداز اور دورانیے ایک دوسرے سے جدا ہیں تاہم عید کی نماز پڑھنا لازمی ہے۔

رمضان کے مہینے میں ہی عید کی تیاریاں بھی شروع کر دی جاتی ہیں۔ عید کے روز کھانے پینے کا خصوصی اہتمام کیا جاتا ہے اور نئے ملبوسات پہنے جاتے ہیں۔ اس تصویر میں ایک افغان تاجر عید کی خریداری کے لیےخصوصی رعایتیں دے کر لوگوں کی توجہ اپنی جانب مبذول کرانے کی کوشش کر رہا ہے۔

پاکستان اور بھارت میں عید کا آغاز ایک طرح سے چاند دیکھنے کے ساتھ ہی ہو جاتا ہے۔ عید سے پہلے کی رات چاند رات کہلاتی ہے۔ اس رات بڑے پیمانے پر خریداری کی جاتی ہے، خواتین عید کی خوشی میں مہندی لگاتی ہیں اور اس موقع پر دوستوں، پڑوسیوں اور رشتہ داروں کو چاند رات کی مبارکباد بھی دی جاتی ہے۔

اسلامی سال چونکہ قمری سال ہوتا ہے، اس لیے صرف ایک رات پہلے ہی عید الفطر کا پتا چلتا ہے۔ عید کی چھٹیاں شروع ہوتے ہی مختلف علاقوں میں رہائش پذیر بہت سے افراد اپنے اہل خانہ کے ساتھ عید منانے کے لیے آبائی شہروں کا رخ کرتے ہیں۔ اس تصویر میں دیکھا جا سکتا ہے کہ عید کے موقع پر انڈونیشیا کی ٹرینوں میں تل دھرنے کی بھی جگہ نہیں ہوتی۔ اس رش کے باوجود لڑائی جھگڑے کے واقعات بہت ہی کم رونما ہوتے ہیں۔

مذہبی طور پر اس تہوار کا آغاز نماز عید سے ہوتا ہے۔ جرمنی میں بہت سے خاندان مل کر عید کی نماز پڑھنے جاتے ہیں۔ یہاں متعدد مساجد میں خواتین اور مردوں کے لے الگ الگ ہال تعمیر کیے گئے ہیں۔ نماز کے بعد بہت سے افراد اپنے انتقال کر چکے رشتہ داروں کی قبروں پر فاتحہ خوانی کے لیے بھی جاتے ہیں۔

مسلم دنیا کے بہت سے ممالک میں نماز کے بعد ناشتہ کیا جاتا ہے اور عام طور پر اس میں صرف میٹھی چیزیں ہی پیش کی جاتی ہیں۔ فلسطین کی یہ تصویر کچھ اسی طرح کا منظر پیش کر رہی ہے۔ یہ مٹھائی پڑوسیوں اور دوستوں میں بھی تقسیم کی جاتی ہے۔ جنوبی ایشیا میں عید پر خاص طور پر میٹھی سویاں کھائی جاتی ہیں۔ پھر بچوں کو پیسے دیے جاتے ہیں، جسے’عیدی‘ کہتے ہیں۔

افریقی ملک برکینا فاسو اور اسی طرح بہت سے مسلم ممالک میں برادری اور شہری سطح پر عید منائی جاتی ہے۔ نوجوان سڑکوں پر مختلف اقسام کے آلات موسیقی بجاتے ہیں اور رقص کرتے ہیں۔ مسلم ممالک میں عید کے موقع پر چھٹیاں ہوتی ہیں اور لوگ ان دنوں کے دوران دوستوں اور رشتہ داروں سے ملنے جاتے ہیں۔

عید کی چھٹیوں میں سڑکوں پر خصوصی طور پر کھانے پینے کی اشیاء اور بچوں کی دلچسپی کی چیزیں فروخت کی جاتی ہیں۔ اس تصویر میں ڈھاکا کا منظر دکھائی دے رہا ہے۔ رمضان کے دوران کھانے پینے کی اشیاء افطار سے چند گھنٹے قبل ہی فروخت کرنے کی اجازت ہوتی ہے۔ پابندی کا خاتمہ اور اوقات کاروبار کا معمول پر آنا بھی لوگوں کی خوشی میں اضافہ کرتا ہے۔

عیدالفطر کا تہوار رات دیر گئے تک منایا جاتا ہے۔ کرسمس کی طرح عید کے موقع پر بھی گھروں کو سجایا جاتا ہے۔ مساجد اور گھروں کے علاوہ بہت سے خطوں میں تاریخی اور سرکاری عمارات کی آرائش بھی کی جاتی ہے۔ اس تصویر میں امپائر اسٹیٹ بلڈنگ کو دیکھا جاسکتا ہے۔ 2007ء میں عید کے موقع پر اس بلڈنگ کو بھی سجایا گیا تھا۔