آپ اکثر بلیوں کو درختوں پر چڑھتا اور اترتا دیکھتے ہیں۔ یہ تین ماہ کا بلی کا بچہ درخت سے نیچے اترنے کی کوشش کر رہا تھا، لیکن اس کا زمین پر آنا اتنا آسان نہیں تھا۔2022ء میں کامیڈی وائلڈلائف فوٹوگرافی کا ایوارڈ جیتنے والی جینیفر ہیڈلی کا کہنا تھا کہ یہ جب خوش قسمتی سے زمین پر آیا تو ٹھیک تھا اور پھر وہاں موجود بلی کے دیگر بچوں کے ساتھ فرار ہو گیا۔

جینیفر ہیڈلی نے فاک لینڈ جزائر پر کھینچی گئی جینٹو پینگوئن کی اس تصویر کی وجہ سے افینیٹی فوٹو ٹو پیپلز چوائس ایوارڈ بھی جیتا تھا۔اس امریکی فوٹو گرافر نے اپنی ویب سائٹ پر کہا ہے کہ دنیا بھر کے جنگلی حیات کو اپنے کیمرے میں قید کرنے کے لیے ان کو سفر کرنا بےحد پسند ہے۔

کیولادیو نیشنل پارک شمال مغربی بھارت میں واقع ہے۔ یہ علاقہ یونیسکو کے عالمی ثقافتی ورثے میں بھی شامل ہے۔ اس 3000 ہیکڑ کے دلدلی علاقے میں پرندوں کی سینکڑوں اقسام پائی جاتی ہیں۔ یہ تصویر بھارتی فوٹوگرافر جگدیپ راجپوت نے کھینچی تھی۔

یہ گلہری شاندار طریقے سے ہوا میں پرواز کر رہی ہے۔ اس کے اردگرد بارش کے قطرے اس منظر کو اور بھی دلکش بنا رہے ہیں۔ یہ تصویر نیدرلینڈز کے شہر ماس ہورسٹ میں لی گئی تھی۔اس کیمرے کے لینس کے پیچھے ڈچ نیچر فوٹوگرافر الیکس پانسیئر تھے۔ وہ اس تصویر کو جمپنگ جیک کا نام دیتے ہیں۔

فوٹوگرافر کیون لوہمن کا سان خوزے، کیلیفورنیا میں اس لومڑی سے آمنا سامنا ہوا تھا۔ یہ امریکی سرخ لومڑی اچانک جنگل کی طرف سے آئی اور وہاں بیٹھ گئی، پیچھے مڑ کر دیکھا اور فوٹوگرافر لوہمن کی طرف آنکھ مار کر واپس جنگل میں غائب ہو گئی۔

ایسا لگتا ہے کہ یہ پیارا 'کامریڈ' کسی فوٹوگرافر کے ساتھ بات چیت بھی کر رہا ہے۔ چیک فوٹوگرافر میروسلاو سرب کہتے ہیں کہ انہوں نے فلوریڈ کے ایک ساحل پر ریکون کی تصویر کھینچی اور اس کے بعد اسے کھانا بھی کھلایا، ’’ پھر اس بے زبان نے میرا اس طریقے سے شکریہ ادا کیا۔‘‘

اطلالوی فیدیریکا ونچی نے کمبوڈیا میں سیم ریپ کے قریب انگکور تھوم کے باپہون مندر میں اس بندر کی یہ دل فریب تصویر کھنیچی تھی، جس میں وہ آرام کرتا ہوا اپنے ساتھی کے سینے پر ہاتھ پھیر رہا ہے۔ یہ گیارہویں صدی کا مندر ان بندروں کی رہائش گاہ ہے۔

اٹلی سے تعلق رکھنے والے پاؤلو مینگوسا نے ان تین بھورے ریچھوں سے روسی جزیرہ نما کمچاٹکا کی جھیل کوریا میں ملاقات کی۔ یونانی اساطیر میں تین سروں والے خونخوار شکاری کتوں کا ذکر ہے اور کہا جاتا ہے کہ یہ کمچاٹکا ریچھ انہی کی یاد دلاتے ہیں۔

اسپین سے تعلق رکھنے والے آرتھر ٹیل تھیمن کی جانب سے لی گئی اس تصویر کو 'سے چیییز' کا نام دیا گیا ہے، جس میں بظاہر مسکراتی ہوئی سرمئی رنگ کی ٹریگر فش دکھائی دے رہی ہیں۔ تاہم ان کی دلکش مسکراہٹ سے دھوکہ نہ کھائیں۔ فوٹوگرافر بتاتے ہیں کہ یہ صرف مضحکہ خیز لگتی ہیں لیکن حقیقت میں یہ مھچلیاں کافی جارحانہ ہو سکتی ہیں۔

جانوروں کو اپنے ساتھ سفر پر لے جانا کوئی آسان کام نہیں۔ اکثر ایسا کرنے پر طویل کاغذی کارروائی اور اضافی اخراجات کا سامنا کرنا پڑ سکتا ہے۔ یورپ میں انسان کے اس بہترین دوست کے ساتھ سفر کرنا بہت سہل ہے۔ کئی ممالک میں ان پالتو کتوں کے لیے رہائش کے مناسب انتظام موجود ہیں۔ جرمنی میں ایسے ساحلی علاقے بھی موجود ہیں، جو کتوں کے لیے مختص ہیں۔ ان ساحلوں پر وہ دوسرے کتوں کے ساتھ گھل مل سکتے ہیں۔

جرمنی، فرانس، برطانیہ اور دیگر یورپی ممالک میں گھڑ سواری کرنے کے لیے مخصوص راستے بنائے گئے ہیں۔ گھوڑوں سے محبت کرنے والے افراد کے لیے اس طرح کے قدرتی ماحول میں کئی دن گزارنا خوشی کی بات ہو سکتی ہے۔ تاہم اس کے لیے گھوڑے اور گھڑ سوار دونوں کو تربیت کی ضرورت ہوتی ہے۔ رات گزارنے کے لیےگھوڑوں اور سواروں کے لیے مخصوص جگہ کا انتظام کیا جاتا ہے اور کبھی کھلے آسمان تلے بھی رات گزاری جا سکتی ہے۔

لاما ایک مضبوط جسامت کا حامل جانور ہے اور جنوبی امریکہ کی اینڈیز کی پہاڑیاں اس کا مسکن ہیں۔لاما پہاڑوں پر ہائیکنگ کے شوقین یورپی شہریوں کے ساتھ اکثر ہوتے ہیں، خاص طور پر آسٹریا کے مشہور پہاڑی سلسلے ’ایلپس‘ پر۔ تاہم اس جانور کو پالنے کی اجازت نہیں۔

جب سیاحوں کو ایسے جانوروں کا سامنا ہوتا ہے تو انہیں ہمیشہ ان کا خیال رکھنا چاہیے۔ سیاحت کی صنعت میں جانوروں کو ایذا پہنچانے کی ایک مثال ہمیں یونانی جزیرے سینٹورینی میں دیکھنے کو ملتی ہے، جہاں گدھے پر سوار سیاح انہیں سخت ترین راستوں پر لے جاتے ہیں۔جانوروں کی فلاح و بہبود کے لیے کام کرنے والے گروپ کئی برسوں سے اس کاروبار کو ختم کرنے کا مطالبہ کر رہے ہیں۔ لیکن ابھی تک کامیابی ان کا مقدر نہیں بن سکی۔

جرمنی کا شمالی سمندری جزیرہ ہیلگولینڈ یورپ میں گرے سیل کی سب سے بڑی کالونی ہے۔ یہ اس خوبصورت جانور کو قریب سے دیکھنے کے لیے بہترین جگہ ہے۔ دسمبر کے مہینے میں اس جزیرے کےکنارے اس سمندری جانور کے نومولود بچے دیکھنے کو ملتے ہیں جو اپنی نرم ملائم جلد میں انتہائی دلکش نظر آتے ہیں۔ سیاحوں کو انہیں 30 میٹر (تقریبا 100 فٹ) کے فاصلے سے دیکھنے کی اجازت ہے۔

اکثر سیاحوں کے لیے شاید صبح سویرے اٹھنا یا غروب آفتاب کے وقت کسی ایسی جگہ جا کر پرندوں کا انتظار کرنا شاید دلچسپ نہ ہو لیکن رنگ برنگی پرندے دیکھنے کے شوقین افراد کے لیے یہ منظر قابل دید ہو گا۔ یورپ میں ہجرت کر کے آنے والے کئی نایاب پرندے دیکھنے کو ملتے ہیں۔

وہیل کو آئرلینڈ کے ساحلوں، پرتگال کے آزورس یا آئس لینڈ کے پانیوں میں دیکھا جا سکتا ہے۔ موسم گرما اس سمندری جانور کو دیکھنے کا بہترین موسم ہوتا ہے۔ بوٹ آپریڑز کی کوشش ہوتی ہے کہ وہیل کو پریشان نہ کیا جائے اسی لیے وہ بغیر آواز والی کشتیوں کا استعمال کرتے ہیں۔ اس کی بہترین مثال آئس لینڈ میں اوک کی لکڑی کی کشتیاں ہیں، جن میں کھانا پکانے کے تیل کو ری سائیکل کر کے ایندھن کے طور پر استعال کیا جاتا ہے۔

ریچھ کو دیکھنا ایک منفرد تجربہ ہو سکتا ہے لیکن اسے دیکھنے کے چند رہنما اصول بھی ہیں۔ اپنا موبائل فون بند کر دیں، خاموشی اختیار کریں، حرکت نہ کریں اور انتظار کریں۔ یورپ کے ملک سلووینیا میں تقریبا 1500 کے قریب بھورے رنگ کہ ریچھ پائے جاتے ہیں۔ لہذا کسی اور ملک کے مقابلے یہاں اس طاقتور جانور کو دیکھنے کے امکانات زیادہ ہیں۔

اگر آپ برفیلے موسم میں ناروے یا فن لینڈ گھومنے کی خواہش رکھتے ہیں اور ڈاگ سلیجنگ ٹیم کے ساتھ یہ تجربہ کرنے کا ارادہ رکھتے ہیں تو اپنے ساتھ لمبے انڈرویئر رکھنا نہ بھولیں۔ ڈاگ سلیج ڈرائیور کے ساتھ ہسکی کو تیار کرنے کی روایت اور کتوں کو باندھنا سیکھیں اور پھر ڈاگ سلیجنگ کریں۔اگر آپ خوش قسمت ہوئے تو آپ کو رات کے وقت قطبی روشنیاں جنہیں اؤرورا بوریئلس کہتے ہیں، بھی دیکھنے کو مل سکتی ہیں۔

چڑیا گھر اور ایکویریئم ہر عمر کے لوگوں خصوصا بچوں کی توجہ کا مرکز ہوتے ہیں۔ ویانا کے شونبرون چڑیا گھر کو یورپ کا سب سے بڑا چڑیا گھر قرار دیا گیا ہے۔ اسی طرح یورپ کا سب سے بڑا ایکویریئم اسپین کے شہر ویلنسیا میں واقع ہے۔ زیر آب ٹاورز اہم ماحولیاتی نظام کی نمائش کرتے ہیں اور یہاں آنے والے لوگ ایک سرنگ کے ذریعے اس دلکش سمندری دنیا کو دیکھ سکتے ہیں۔