فن لینڈ کے انتہائی شمال مشرقی علاقے میں جانے کا موقع ملے تو بھیڑیوں، بڑی جسامت کے بارہ سنگوں اور خاکی بھیڑیوں کا نظارہ ممکن ہے۔ یہ جانور بتدریج ناپید ہو رہے ہیں۔ ان کو دیکھنے کا مقام فن لینڈ کا حوسا نیشنل پارک ہے، جس کے گھنے جنگلات اور ان میں شفاف پانی کی جھیلیں ایک جداگانہ منظر پیش کرتی ہیں۔ یہ ہائیکرز کے لیے بھی عمدہ مقام ہے۔

نارڈک خطے کے جنگلات کو دیکھنے کا بہترین مقام سویڈن میں واقع ساریک نیشنل پارک ہے۔ یہ انتہائی وسیع نیشنل پارک سویڈن کے انتہائی شمال میں حسین لاپ لینڈ صوبے میں ہے۔ اس کو مہم جووں کی جنت بھی کہا جاتا ہے۔ اس پارک میں سویڈن کی بلند پہاڑی چوٹیاں اور کئی گلیشیئرز موجود ہیں۔ قسمت مہربان ہونے پر سیاح شمالی روشنیوں کا بھی نظارہ کر سکتے ہیں۔

جنوبی ناروے میں ساڑھے تین ہزار ایکڑ پھیلا یہ نیشنل پارک شاہکار پہاڑی مناظر کا دروازہ قرار دیا جاتا ہے۔ ژوٹُوہائیمن کے معنی ہیں بڑی جسامت والوں کا گھر۔ اس پارک میں بے شمار حسین جھیلیں ہیں اور ان میں ایک زمردی رنگت کے پانی والی جھیل گجنڈے ہیں، جس میں گلیشیئرز کا ٹپکتا پانی گرتا ہے۔

یہ ناہمورار پہاڑ جرمنی اور چیک جمہوریہ کی سرحد بھی ہے۔ اس میں ہائیکرز کے لیے شاندار مناظر والے مہم جوئی کے راستے ہیں۔ اسی پہاڑی سلسلے میں ہائیکرز کو موقع ملتا ہے کہ وہ سب سے اونچی چوٹی ڈیچنسکی سنیزنِک کا نظارہ کر سکیں۔ یہ چوٹی چیک جمہوریہ کی جانب ہے۔

قدرت کا شاہکار یہ علاقہ جرمنی اور بیلجیم کی سرحد پر ہے۔ اس علاقے میں بنائی گئی چوڑی گزرگاہوں سے اس علاقے کا قریبی نظارہ ممکن ہے۔ اس علاقے میں ہونے والی بارش اور مرطوبی فضا نے اسے ایک منفرد ایکو سسٹم سے نواز رکھا ہے۔

کروشیا کے سب سے بڑے اور قدیمی نیشنل پارک میں پلِٹوِس جھیلیں واقع ہیں۔ یہ اس ملک کے پہاڑی کارسٹ علاقے کا حصہ ہیں۔ یہ اپنے حسن اور ایک دوسرے سے جڑے ہونے کی وجہ سے مشہور ہیں۔ ان کو جرمن ادیب کارل مَے کے ناول پر بنائی گئی فلم ’امیرکن اولڈ ویسٹ‘ میں بھی دکھایا گیا تھا۔

جزیرہ نما بلقان میں پانی کے سب بڑے علاقے کا نام جھیل اسکاڈار ہے۔ اس کا اصل حجم پانی کے گھٹنے بڑھنے سے جڑا ہے۔ بارشیں زیادہ ہوں تو یہ پھیل جاتی ہے۔ اس جھیل میں کئی جزیرہ نما راہب خانے، پرندوں کی آماجگاہیں اور محفوظ قدرتی حسن دیکھنے کو ملتا ہے۔

شمال مغربی اٹلی کی ساحلی پٹی لِگوریا میں قدرتی شاہکار کے دیہات کا سلسلہ واقع ہے۔ انہیں سن 1997 میں یونیسکو کے عالمی ورثے میں شامل کیا گیا تھا۔ یہ دیہات حسین مناظر اور لطف اٹھانے کے مقامات ہیں۔ ان کو جوڑنے والے پہاڑی راستے بھی شاندار ہیں۔ ان دیہات میں لذیز کھانے بھی میسر ہیں جو ہلکی آنچ پر پکائے جاتے ہیں۔

فرانسیسی ساحلی شہر مارسے کے قریب کالان نیشنل پارک واقع ہے۔ بحیرہ روم کے دلفریب نظروں سے لے کر اس میں پانی کی کھاڑیاں اور جنگلی حیات کی بہتات ہے۔ یہ علاقہ سائیکل سواروں اور ہائیکرز کے لیے بہت عمدہ مقام ہے۔

ہسپانوی پہاڑی سلسلے پیرینیز میں اورڈیسا مونٹی پیرڈیڈو نیشنل پارک کی گہری وادیاں اور برفیلی پہاڑی چوٹیاں بے پناہ حسن کی حامل ہیں اور اس میں موجود جنگلی حیات کے حامل گھنے جنگلات بھی قدرت کا شاہکار ہیں۔ یہ پارک پیدل چلنے یا چٹانوں پر چڑھنے کے شوق کی تکمیل کرتا ہے۔