ایک دوسرے میچ میں ڈارٹمنڈ کی ٹیم نے فرینکفرٹ کو دو صفر سے شکست دے دی۔ شالکے بائرن لیورکوزن سے ایک کے مقابلے میں دو گول سے ہار گئی ہے جب کہ بائرن میونخ نے ہفتے کے روز ایک میچ میں موئنشن گلاڈباخ کی ٹیم کو دو ایک سے مات دے دی۔ آرمینیا بیلے فلڈ اور اشٹوٹ گارٹ کا میچ دو دو گول سے برابر رہا۔

بندس لیگا کے پوائنٹس ٹیبل پر وولفسبرگ کی ٹیم ساٹھ پوائنٹس کے ساتھ بدستور سرِ فہرست ہے۔ دوسرے نمبر پر میونخ کی ٹیم ہے جس کے ستاون پوائنٹس ہیں۔ اشٹوٹ گارٹ کی ٹیم پچپن پوائنٹس کے ساتھ تیسرے اور ہیرتھا برلن کی ٹیم چوّن پوائنٹس حاصل کرکے چوتھی پوزیشن پر براجمان ہے۔

پوائنٹس ٹیبل پر شالکے کی ٹیم سب سے کم پوائنٹس حاصل کرپائی ہے۔ اس کے تئیس پوائنٹس ہیں۔