جرمن پولیس کو آلو، سیب اور چیری چوری کرنے والوں کی تلاش
9 جون 2021
جرمن شہر فرائی بُرگ کی پولیس ایسے چوروں کی تلاش میں ہے، جو بہت بڑی مقدار میں آلو، سیب اور بھوسہ تک چوری کر لیتے ہیں۔ یہ نامعلوم چور ایسے ہی ایک تازہ واقعے میں رات کی تاریکی میں نو سو کلو گرام چیری چرا کر لے گئے۔
تصویر: picture-alliance/dpa/A. Arnold
اشتہار
جنوبی جرمنی میں ٹیوبِنگن سے بدھ نو جون کے روز ملنے والی رپورٹوں کے مطابق جنوب مغربی شہر فرائی بُرگ کے ایک باغ سے پیر اور منگل کی درمیانی شب تقریباﹰ 900 کلو گرام چیری چرا لی گئی۔ پولیس نے بتایا کہ اس چوری کی وجہ سے اس باغ کے مالک کو پانچ ہزار یورو (چھ ہزار نوے ڈالر) سے زائد کا نقصان ہوا۔
'چوروں کا کام آسان تھا‘
پولیس نے بتایا کہ اب تک کی چھان بین کے نتائج کے مطابق بظاہر کئی نامعلوم چور شہر کے مضافات میں ایک باغ میں گھس کر درجنوں درختوں سے چیری کی بالکل تیار فصل چرا لے گئے۔
فرائی بُرگ پولیس کے ایک ترجمان کے مطابق ان مجرموں کے لیے یہ کام اس لیے آسان ثابت ہوا کہ چیری پک جائے، تو اس کے درختوں یا ان کی شاخوں کو صرف زور سے ہلانا پڑتا ہے اور سارا پکا ہوا پھل نیچے زمین پر گر جاتا ہے۔
بعد ازاں یہ پھل بلا تاخیر فروخت کر دیا جاتا ہے یا اس سے برانڈی کی طرح کی بہت تیز جرمن شراب schnapps بنا لی جاتی ہے کیونکہ پکی ہوئی چیری بہت جلد خراب ہو جاتی ہے۔
فولاد سے بھرپورپھل سیب ہماری صحت کے لیے مفید ہے۔ اس پھل کا باقاعدگی سے استعمال جسمانی وزن کم کرنے، دل کو مضبوط رکھنے اور مجموعی طور پر صحت مند زندگی گزارنے میں مدد دیتا ہے۔
تصویر: Vandana K
دل کی مضبوطی
سیب انسانی جسم کے اہم ترین حصے یعنی دل کی صحت کے لیے انتہائی مفید ہے۔ سائنس دانوں کے مطابق اس کی ایک بڑی وجہ سیب میں موجود فائبر ہے۔ ویب سائٹ ہیلتھ لائن کے مطابق سیب کے باقاعدگی سے استعمال کے باعث دل کا دورہ پڑنے کا خطرہ کم ہو جاتا ہے۔
تصویر: Vandana K
ذیابیطس کے خلاف بھی مفید
ہارورڈ اسکول آف پبلک ہیلتھ کے مطابق سیب میں موجود فلیوونوئڈز جسم میں شوگر کی مقدار کو کنٹرول میں معاون ثابت ہوتے ہیں۔ نو سال تک جاری رہنے والی ایک تحقیق سے ثابت ہوا کہ ایسے انسان جو باقاعدگی سے سیب کھاتے تھے، ان میں ذیابیطس ٹائپ ٹو کا خطرہ اٹھائیس فیصد کم رہا تھا۔
تصویر: Vandana K
جسمانی وزن میں کمی
سیب وٹامن سی اور فائبر سے بھر پور پھل ہے۔ اسے کھانے سے بھوک کا احساس کم ہوتا ہے۔ ایک تحقیق کے مطابق جو لوگ کھانے سے قبل سیب کھاتے ہیں، وہ کم مقدار میں کھانا کھاتے ہیں، جو ان کے جسمانی وزن میں کمی کا سبب بنتا ہے۔
تصویر: Colourbox/Haivoronska_Y
سرطان سے بچاؤ
ایک تحقیق سے یہ بھی ثابت ہوا ہے کہ سیب کا باقاعدہ استعمال سرطان کے خطرے کو کم کرتا ہے۔ سائنس دانوں کے مطابق سیب میں موجود اینٹی آکسیڈینٹس سرطان کے خطرے سے لڑنے میں مددگار ثابت ہوتے ہیں۔
تصویر: DW/T. Smith
دمے سے تحفظ
سانس کی بیماری دمہ اپنے مریضوں کے معمولات زندگی کو متاثر کرتی ہے۔ طبی امور کی ویب سائٹ ہیلتھ لائن کے مطابق 68 ہزار خواتین پر کی گئی ایک تحقیق کے مطابق وہ خواتین جو زیادہ سیب کھاتی تھیں، ان میں دمے کی شکایت کی شرح کم رہی تھی۔
دنیا بھر میں سیب کی تقریباﹰ دو ہزار اقسام ہیں۔ کہا جاتا ہے کہ سیب کا استعمال تب زیادہ بہتر ہوتا ہے، جب اس کی مقامی پیداوار بھی مارکیٹ میں دستیاب ہو۔ تازہ سیب کولڈ اسٹوریج کے سیب سے کہیں بہتر ہوتا ہے۔
تصویر: DW/T. Smith
6 تصاویر1 | 6
زرعی پیداوار کی چوری کے واقعات
جرمن صوبے باڈن ورٹمبرگ کے شہر فرائی بُرگ کی پولیس ہزاروں یورو مالیت کی چیری کی چوری کے تازہ واقعے کو ایسے جرائم کے سلسلے کی تازہ کڑی کے طور پر دیکھ رہی ہے۔ اس لیے کہ تقریباﹰ دو لاکھ تیس ہزار کی آبادی والے اس شہر اور اس کے مضافاتی زرعی علاقوں میں ماضی میں بھی اسی نوعیت کے کئی واقعات پیش آ چکے ہیں۔
کچھ عرصہ قبل وہاں سے بہت بڑی مقدار میں آلو کی فصل بھی چوری ہو گئی تھی۔ اس کے بعد نامعلوم چوروں نے دو مختلف واقعات میں ہزاروں کلو گرام سیب اور پھر انگور بھی چرا لیے تھے۔ گزشتہ برس تو اسی علاقے سے مویشیوں کے چارے کے طور پر ذخیرہ کرنے کی غرض سے تیار کردہ بھوسے کی بہت سے گانٹھیں بھی چرا لی گئی تھیں۔
پولیس کو شبہ ہے کہ چرائی گئی زرعی پیداوار کو دیکھا جائے تو یہ اندازہ لگانا مشکل نہیں کہ ان تمام جرائم کا مرتکب گروہ غالباﹰ ایک ہی ہے اور اس کے ارکان کا تعلق شاید خود بھی زرعی شعبے سے ہے۔
م م / ع س (ڈی پی اے)
سب سے زیادہ آم کون سا ملک پیدا کرتا ہے؟
آموں کو پھلوں کا بادشاہ کہا جاتا ہے اور عالمی سطح پر اس کی مانگ بھی بہت ہے۔ آئیے دیکھتے ہیں کہ آموں کی پیداوار میں کون سا ممالک سب سے آگے ہیں؟
تصویر: Imago/Arnulf Hettrich
بنگلہ دیش نواں بڑا ملک
بنگلہ دیش کو آم برامد کرنے والے سرفہرست ممالک میں سے ایک گنا جاتا ہے۔ بنگلہ دیش ہر سال ساڑھے گیارہ لاکھ ٹن سے زائد آم پیدا کرتا ہے۔
تصویر: picture-alliance/dpa/J. Singh
مصر آٹھویں نمبرپر
براعظم افریقہ میں آموں کی پیدوار میں مصر آگے ہے۔ مصر میں ہر سال ساڑھے بارہ لاکھ ٹن آم پیدا ہوتے ہیں۔
تصویر: picture-alliance/robertharding/C. Kober
برازیل ساتویں نمبر پر
برازیل جنوبی امریکا میں آم کی پیدوار کے اعتبار سے سرفہرست ممالک میں سے ایک ہے۔ برازیل ہر سال چودہ لاکھ ٹن سے زائد آم پیدا کرتا ہے۔
تصویر: AP
پاکستان کا نمبر چھٹا
آموں کی پیدوار کے اعتبار سے دنیا میں پاکستان کا چھٹا نمبر ہے۔ پاکستان ہر سال سولہ لاکھ ٹن آم پیدا کرتا ہے۔
تصویر: DW/T. Shahzad
انڈونیشیا پانچویں نمبر پر
آموں کو بہ طور پھل تو کھایا جاتا ہے ہی، مگر اس کا استعمال مختلف پکوانوں میں بھی ہوتا ہے۔ آبادی کے اعتبار سے اسلامی دنیا کا سب سے بڑا ملک انڈونیشیا آموں کی پیدوار کے اعتبار سے دنیا میں پانچویں نمبر پر ہے۔ یہاں ہر سال 21 لاکھ ٹن سے زائد آم پیدا ہوتے ہیں۔
تصویر: Nike Kurnia
میکسیکو چوتھے نمبر پر
وسطی امریکی ملک میکسیکو کو عالمی سطح پر آموں کی پیدوار کے اعتبار سے بھی جانا جاتا ہے۔ اس ملک میں ہر سال قریب 22 لاکھ ٹن آم پیدا ہوتے ہیں۔
تصویر: DW
تھائی لینڈ کا تیسرا نمبر
جنوب مشرقی ایشیائی ملک تھائی لینڈ عالمی سطح پر آموں کی پیدوار کے اعتبار سے تیسرے نمبر پر آتا ہے۔ یہاں ہر سال 34 لاکھ ٹن سے زائد آم پیدا ہوتے ہیں۔
تصویر: Museum Rietberg Zürich/Rainer Wolfsberger
چین دوسرے نمبر پر
آموں کی پیدوار کے اعتبار سے چین دنیا میں دوسرا بڑا ملک ہے۔ ہر سال چین 47 لاکھ ٹن آم پیدا کرتا ہے۔
تصویر: Museum Rietberg Zürich/Rainer Wolfsberger
بھارت پہلے نمبر پر
آموں کی پیداوار کے اعتبار سے بھارت کا دور دور تک کوئی مدمقابل نہیں۔ بھارت میں ہر سال ایک کروڑ ستاسی لاکھ ٹن آم پیدا ہوتے ہیں۔