جلد کا رنگ تبدیل کرنے کے معاملے میں کوئی بھی جانور گرگٹ کا مقابلہ نہیں کر سکتا۔ ایک طویل عرصے سے یہ خیال کیا جاتا رہا ہے کہ گرگٹ سانپ جیسے شکاریوں سے بچنے کے لیے اپنا رنگ تبدیل کرتے ہیں۔ لیکن اصل میں یہ اپنے الگ الگ جذبات کی وجہ سے رنگ بدلتے ہیں۔ مثلا یہ حملے کے وقت، غصہ اور دوسرے گرگٹوں کو اپنا موڈ کو دکھانے جبکہ اس کے ذریعے بات چیت کرنے کے لیے بھی رنگ بدلتے ہیں۔

گرگٹ کی تمام قسمیں ہر وقت ہر رنگ تبدیل کرنے کی صلاحیت نہیں رکھتیں۔ رنگ میں تبدیلی کا انحصار دن کے اوقات پر بھی ہوتا ہے۔ کئی بار یہ رنگ نہیں صرف اپنے چمکیلے پن میں تبدیلی لاتے ہیں۔ خطرے کی صورت میں یہ اپنے رنگ کے ساتھ ساتھ اپنا سائز بھی تبدیل کر لیتے ہیں۔ پھول کر اپنا سائز بڑا کر لینا بھی ان کا ایک طریقہ ہے۔

گرگٹ کے بہت زیادہ قدرتی دشمن نہیں ہیں اور اسی وجہ سے انہیں کچھ زیادہ بھاگ دوڑ بھی نہیں کرنا پڑتی۔ گرگٹ آرام سے درختوں کی ٹہنیوں پر بغیر ہلے بیٹھ کر اپنے شکار کا انتظار کرتے رہتے ہیں۔ کیڑے مکوڑے نظر آتے ہی جلدی سے اپنے طویل سی زبان باہر نکالتے ہیں اور شکار کو نگل لیتے ہیں۔

زیبرے بھی مشکل حالات میں بہروپیے ہی کی فطرت پر کام کرتے ہیں۔ سیاہ اور سفید دھاری دار زیبروں کے آس پاس اگر کوئی شیر آ جائے تو اس کو گمراہ کرنے کے لیے وہ ایک گروپ کی صورت میں ایک دوسرے کے قریب آ جاتے ہیں۔ ایسے میں شیر کو کوئی ایک علیحدہ جانور دکھائی نہیں دیتا اور وہ اکثر دھوکا کھا جاتا ہے۔

کیموفلیج کی بہترین مثال ’جیومیٹر موتھ‘ نامی یہ سنڈی ہے۔ اصل میں اس سنڈی کا تعلق تتلیوں کے خاندان سے ہے اور یہ اس کی ابتدائی شکل ہے۔ کسی بھی ٹہنی پر اس کا نظر آنا انتہائی مشکل ہوتا ہے۔ پہلی نظر میں تو یہ ٹہنی ہی کا حصہ لگتی ہیں لیکن جب حرکت کرتی ہیں تو غور سے دیکھ کر اسے پہچانا جا سکتا ہے۔

میمک اوکٹوپس خود کو سمندر کی ریت میں چھپانے یا اس جیسا رنگ اختیار کرنے ماہر سمجھی جاتی ہے۔ اس کے یہ علاوہ ضرورت پڑنے پر اپنے ارد گرد کے کے کسی دوسرے چھوٹے سمندری جانور کی رنگت اور جسامت اختیار کرنے کی صلاحیت بھی رکھتی ہے۔

گہرے پانی کی مچھلی مونک فِش سمندر کی تہہ کی طرح ہی نظر آتی ہے۔ اس کے علاوہ اس کی جلد پر ایسا ڈیزائن ہوتے ہیں، جو کسی کیڑے کی طرح نظر آتے ہیں۔ اسے کیڑا سمجھ کر جب کوئی مچھلی اس کی طرف متوجہ ہوتی ہے تو مونک فِش اسے واپس نہیں جانے دیتی اور اپنا شکار بنا لیتی ہے۔