امریکی اداکارہ ایما سٹون کو فلم لا لا لینڈ میں ان کی کارکردگی پر بہترین اداکارہ کا آسکر ایوارڈ دیا گیا۔ ان کی عمر اٹھائیس سال ہے۔ اس طرح ان کا نام کم عمری میں آسکر ایوارڈ حاصل کرنے والوں کی فہرست میں شامل ہو گیا ہے۔ لا لا لینڈ کو چودہ مختلف شعبوں میں آسکر کے لیے نامزد کیا گیا تھا۔ لا لا لینڈ کو کل چھ آسکرز ملے، جن میں ہدایت کاری، موسیقی اور عکس بندی کے ایوارڈ بھی شامل ہیں۔

مون لائٹ کو بہترین فلم کا آسکر دیا گیا۔ اس فلم کو آٹھ مختلف کیٹیگریز میں آسکر کے لیے نامزد کیا گیا تھا تاہم یہ فلم تین آسکر جیت پائی۔ اس فلم کے ہدایتکار بَیری جَینکنز ہیں۔

کیسی ایفلَیک آخر کار اپنے بھائی بین ایفلک کے اثر سے باہر نکلتے ہوئے اپنی پہچان بنانے میں کامیاب ہو گئے ہیں۔ انہیں’مانچسٹر بائی دا سی‘ میں ان کی اداکاری پر بہترین اداکار کے آسکر کا حقدار ٹھہرایا گیا۔

امریکی اداکار ماھر شالا علی کی اس وقت خوشی کی انتہا نہیں رہی جب بہترین معاون اداکار کے آسکر کے لیے ان کے نام کا اعلان کیا گیا۔ انہوں نے مون لائٹ میں ایک منشیات فروش کا کردار ادا کیا ہے۔

امریکی اداکارہ ویؤلا ڈیوس اس وقت انتہائی جذباتی ہو گئیں، جب جیوری نے انہیں بہترین معاون اداکارہ کے ایوارڈ کا حقدار ٹھہرایا۔ انہیں یہ ایوارڈ ’ فینس‘ نامی فلم میں ان کے کردار پر دیا گیا۔ انہوں نے پرنم آنکھوں کے ساتھ تقریب سے خطاب کیا اور یہ آسکر ایوارڈ اپنے بچوں سے منسوب کر دیا۔

ایرانی ہدایتکار اصغر فرہادی کی تخلیق ’دا سیلز مین‘ کو غیر ملکی زبان کی بہترین فلم قرار دیا گیا۔ وہ امریکی صدر ڈونلڈ ٹرمپ کی جانب سے مسلم اکثریتی سات ممالک پر سفری پابندیوں کے منصوبے کے خلاف احتجاج کرتے ہوئے اس تقریب میں شریک نہیں ہوئے۔ اس موقع پر ان کا ایک خط پڑھ کر سنایا گیا۔

ڈیڑھ سو سے زائد فلموں میں کام کرنے والی ہالی وڈ کے اداکار جیکی چن کو لاس اینجلس کی فلم اکیڈمی کی جانب سے اعزازی آسکر دیا گیا۔ باسٹھ سالہ چن کا تعلق ہانگ کانگ سے ہے اور اب وہ کہانی نویس، ہدایتکار اور پروڈیسر کے طور پر کام کرتے ہیں۔

اورلانڈو فان آنزائڈل اور جوآنا ناتازیگارا کو ان کی دستاویزی فلم ’دا وائٹ ہیلمٹس‘ پر آسکر دیا گیا۔ یہ فلم انہوں نے شام میں خانہ جنگی کے دوران بنائی ہے۔ آنزائڈل نے اس موقع پر یہ کہتے ہوئے لوگوں کو غمزدہ کر دیا،’’اس فلم میں دکھائی دینے والے زیادہ تر لوگ ہلاک ہو چکے ہیں۔‘‘

آج سے کچھ مہینوں قبل تک بھارتی چائلڈ اسٹار سنی پور ایک غیر معروف ادکار تھے۔ اب فلم ’لائن‘ میں انہیں ان کے کردار کی وجہ سے ابھرتے ہوئے بہترین ادکار کا آسکر دیا گیا۔ اس ایوارڈ کے بعد فلمی دنیا کے کئی دروازے ان پر کھل گئے ہیں۔

انتہائی سخت حفاظتی انتظامات میں آسکر کے لفافے اِن بیگوں میں لائے گئے۔ ان بیگوں کو تالا لگا ہوتا ہے اور ان میں موجود لفافوں کو اسٹیج پر ہی کھولا جاتا ہے۔ لاس اینجلس میں ہونے والی آسکر تقریب دنیا بھر میں براہ راست نشر کی گئی۔

اپنی ایکشن فلموں اور بچوں کی طرح معصوم مسکراہٹ کے لیے دنیا بھر میں مشہور جیکی چین نے 70 کی دہائی میں ایک نیم فحش مزاحیہ فلم ’آل ان دی فیملی‘ میں کام کیا۔ سمجھا جاتا ہے کہ یہ ان کی واحد فلم ہے، جس میں کوئی ایکشن سین نہیں۔ جیکی چین نے حال ہی میں کہا تھا کہ انہیں یہ فلم کرنے کا کوئی افسوس نہیں ہے۔

کیمرون ڈياز امریکی ٹی وی سیریز اور فلموں دونوں میں ہی کامیاب رہیں۔ ڈياز نے اپنے کیریئر کا آغاز ’سوفٹ کور پورن‘ فلموں سے کیا۔ تاہم انہیں بالی وڈ میں فلمیں ملنے کے پیچھے ان کے ماضی کا کوئی کردار نہیں ہے۔ ہالی وڈ میں ہٹ ہونے کے بعد ان کے فحش فلموں میں کام کرنے کی بات سامنے آئی۔ انہیں 1994ء کی فلم ’ماسک‘ اور 2000ء کی ’چارلیز اینجلس‘ میں کردار ادا کرنے پر سراہا جاتا ہے۔

آج بھی سلویسٹر اسٹالون کو ’روکی‘ اور ’ریمبو‘ کے نام سے جانا جاتا ہے۔ ہالی وڈ میں قدم رکھنے سے پہلے 70 کی دہائی میں انہوں نے کچھ نیم فحش فلموں میں کام کیا۔ پہلی بار انہیں Party at Kitty and Stud's نام کی ’سوفٹ کور پورن‘ میں دیکھا گیا تھا۔ اس فلم کے لیے انہیں صرف 200 امریکی ڈالر کا معاوضہ ملا تھا۔

پامیلا اینڈرسن کو کون نہیں جانتا۔ پامیلا اینڈرسن ٹی وی سیریل ’بے واچ‘ سے دنیا بھر میں مشہور ہوئیں۔ 1989ء میں وہ پہلی بار پلے بوائے میگزین کے کور پر نظر آئیں۔ اس کے بعد سے انہیں مسلسل اڈلٹ میگزینز کے لیے ماڈلنگ کرتے دیکھا گیا۔ 2010 میں وہ بگ باس میں بھی جلوہ افروز ہوئیں۔

جی ہاں! کیلی فورنیا کے سابق گورنر اور ’ٹرمنیٹر‘ سے مشہور ہونے والے اس اداکار کا بھی ایک زمانے میں اڈلٹ انڈسٹری سے ناطہ رہا۔ شیوارزنیگر نے فلموں میں نہیں بلکہ ایک جنسی میگزین کے لیے کئی بار فوٹو سیشن کرائے۔ بعدازاں میں وہ نہ صرف امریکا کی فلموں میں کامیاب رہے، بلکہ سیاست میں بھی۔ سن 2003ء سے 2011 ء تک وہ کیلی فورنیا کے گورنر رہے۔

امریکا کا کوئی بھی ٹی وی پروگرام شاید ہی اتنا مقبول نہیں رہا جتنا 90 کی دہائی کا ’فرینڈز‘۔ اس میں جوئی کا کردار ادا کرنے والے میٹ لی بلانک نے ماضی میں ’دی ریڈ شو سیریز‘ نام کی نیم فحش سیریز میں بھی کام کیا تھا۔

جس زمانے میں مارلن منرو لوگوں کے دلوں پر چھا رہی تھیں، اس زمانے میں پورن انڈسٹری کو امریکا میں کوئی اتنی مقبولیت حاصل نہ تھی جتنا کہ آج کل کے دور میں ہے۔ 1949ء میں انہوں نے ایک کیلنڈر کے شوٹ کے لیے نیم عریاں تصاویر كھچوائی تھیں، جس کے لیے انہیں کافی تنقید کا سامنا بھی کرنا پڑا تھا۔

كرنجيت کور ووہرا بالمعروف سنی لیون نے سن 2012 میں پوجا بھٹ کی فلم جسم -2 کے ساتھ بالی وڈ میں قدم رکھا۔ کینیڈا کی سنی نے بالی وُڈ آنے سے پہلے امریکا میں تقریباﹰ ایک دہائی تک اڈلٹ یا بالغوں کے لیے مخصوص فلموں میں کام کیا۔ اب وہ فحش فلموں سے تو دور ہو چکی ہیں لیکن بالی وڈ میں انہوں نے اپنی جگہ بنا لی ہے۔