بیلاروس کی ادیبہ اور صحافی سویٹلانا الیکسیوِچ کو رواں برس کا نوبل انعام برائے ادب دیا گیا ہے۔ ان کی تخلیقات کو ’دور حاضر کے دکھوں اور حوصلے کی یادگار‘ قرار دیا جاتا ہے۔ وہ ایسی 14 ویں خاتون ہیں، جنہیں 1901ء کے بعد اس اعزاز سے نوازا گیا ہے۔

فرانسیسی ناول نگار پیٹرک مودیانو کو گزشتہ برس نوبل انعام برائے ادب سے نوازا گیا تھا۔ ان کی تصانیف میں دوسری عالمی جنگ کی تباہ کاریاں موجودہ کرداروں کے ساتھ سفر کرتی نظر آتی ہیں۔ ان تمام کہانیوں کا تعلق زیادہ تر پیرس یا اس کے گرد و نواح سے ہی ہے۔ فرانس پر نازیوں کے قبضے کی تلخ اور دہلا دینے والی یادیں مودیانو کی کہانیوں میں جا بجا بکھری پڑی ہیں۔

کینیڈا سے تعلق رکھنے والی اس خاتون ادیبہ کو عصر حاضر میں افسانہ نگاری کا استاد قرار دیا جاتا ہے۔ انہیں سویڈئش رائل اکیڈمی نے 2013ء میں اس معتبر انعام سے نوازا تھا۔ وہ ’میَن بکر انٹرنیشنل پرائز‘ اور تین مرتبہ ’کینڈین گورنر جنرل ایوارڈ‘ کے حق دار بھی قرار دی جا چکی ہیں۔

گوان موئی کا قلمی نام مو یان ہے، وہ زیادہ تر اسی نام سے جانے جاتے ہیں۔ سوئڈش رائل اکیڈمی کے مطابق اس لکھاری کی تحریروں میں ’ لوک کہانیوں میں التباسی حقیقت نگاری‘ کا رنگ انتہائی پکا ہے۔ ان کی تخیلقات کئی دیگر زبانوں میں بھی ترجمہ ہو چکی ہیں۔ انہیں سن 2012 میں نوبل انعام برائے ادب سے نوازا گیا۔

سال 2011 کے نوبل انعام برائے ادب کے لیے سویڈش شاعر، مترجم اور ماہر نفسیات کو چنا گیا تھا۔ رائل سوئڈش اکیڈمی کے مطابق ٹرانس ٹرومر نے اپنی شاعری میں استعمال ہونے والے الفاظ کو تصاویری رنگ میں پیش کیا، جس کے نتیجے میں قاری کے ذہنوں میں ایک تازگی کا احساس پیدا ہوا۔ ساٹھ کی دہائی میں وہ بطور سائیکالوجسٹ کام کیا کرتے تھے۔ ان کی شاعری ساٹھ زبانوں میں ترجمہ کی جا چکی ہے۔

پیرو کے ناول نگار للوسا کو 2010ء میں اس اہم انعام سے نوازا گیا۔ ان کی کہانیوں میں طاقت کے ایوانوں کے خلاف انفرادی مزاحمت، انقلاب اور شکست جیسے موضوعات عام ہیں۔

جرمن۔ رومانئین ادیبہ ہیرٹا ملر نے اپنی شاعری اور نثر میں رومانیہ میں استحصال کے شکار افراد کو موضوع بنایا۔ وہ رومانیہ کی چاؤشیسکو حکومت کی سخت ناقد تھیں۔ وہ 1987ء میں رومانیہ کو خیر باد کہہ کر مغربی برلن منتقل ہو گئی تھیں۔ انہیں جرمن زبان پر بھی عبور حاصل تھا۔

ژاں ماری لی کلیزیو کو سن 2008 میں نوبل انعام برائے ادب دیا گیا تھا۔ انہوں نے اپنی شاعری میں ایڈونچر اور حسیائی لطف جیسے موضوعات کی آمیزش سے اپنے اسلوب کو ایک نئی جہت فراہم کی۔ وہ انیس سو چالیس میں فرانس کے شہر نیس میں پیدا ہوئے تھے۔ ان کے والد فرانسیسی جبکہ والدہ موریطانیہ سے تعلق رکھتی تھیں۔ انہوں نے موریطانیہ کی شہریت بھی اختیار کر رکھی تھی۔

برطانوی لکھاری ڈورس مئے لیسنگ نے ناول، افسانہ نگاری اور ڈرامے جیسی اصناف میں طبع آزمائی کی۔ 93 برس کی عمر میں انہیں نوبل انعام برائے ادب سے نوازا گیا۔ انہوں نے جوہری ہتھیاروں اور جنوبی افریقہ میں نسلی عصیبت کے خلاف ایک مہم چلا رکھی تھی۔

فیرِٹ اورھان پاموک نے بین الاثقافتی تصادم کی کھوج کے لیے نئی علامتیں دریافت کی۔ وہ ادب کا نوبل انعام حاصل کرنے والے پہلے ترک مصنف تھے۔ ان کی 11 ملین سے زائد کتابیں فروخت ہوئیں اور وہ ترکی کے ’بیسٹ سیلر‘ لکھاری ہیں۔ استنبول میں پیدا ہونے والے پاموک اب نیویارک کی کولمبیا یونیوسٹی میں پڑھاتے ہیں۔

ہیرالڈ پِنٹر جگر کے سرطان میں مبتلا تھے اور انہیں ان کی وفات سے تین برس قبل ادب کا نوبل انعام دیا گیا۔ وہ سن 2008ء میں کرسمس کی شام کو انتقال کر گئے۔ اس برطانوی فنکار نے کئی ریڈیو اور فلم پروڈکشنز کے لیے کہانیاں لکھنے کے ساتھ ساتھ ان کی ہدایات بھی دیں اور اداکاری کے جوہر بھی دکھائے۔ انہیں مجموعی طور پر 50 ایوارڈز ملے۔

ژیلینک کو ان کے ناولوں میں گنگناتی آوازوں اور ان کی جوابی آوازوں کی اچھوتی تخلیقات پر دیا گیا۔ اس کے علاوہ ان کے معاشرتی رویوں کی عکاسی کرنے والے ڈراموں نے بھی انہیں اس اعزاز کا حق دار بنایا۔ ان کی تصنیفات میں بنیادی حیثیت عورت کی جنس کے موضوع کو حاصل رہی ہے۔ ان کا ناول ’پیانو ٹیچر‘ سن 2001ء میں اسی نام سے بننے والی ایک فلم کی بنیاد بھی بنا۔

امریکی گیت نگار اور ادیب بوب ڈلن کو رواں برس کے نوبل انعام برائے ادب سے نوازا گیا ہے۔ یہ پہلا موقع ہے کہ کسی گیت نگار کو ادب کا یہ اعلیٰ ترین انعام دیا گیا ہے۔ وہ بیک وقت شاعر، اداکار اور مصنف ہونے کے علاوہ ساز نواز بھی ہیں۔ انہوں نے کئی فلموں میں اداکاری کے جوہری بھی دکھائے ہیں۔

نوبل انعام دینے والی کمیٹی نے بیلا روس کی مصنفہ سویٹلانا الیکسیوچ کو ادب نگاری کے ایک نئے عہد کا سرخیل قرار دیا۔ کمیٹی کے مطابق الیکسیوچ نے اپنے مضامین اور رپورٹوں کے لیے ایک نیا اسلوب متعارف کرایا اورانہوں نے مختلف انٹرویوز اور رپورٹوں کو روزمرہ کی جذباتیت سے نوازا ہے۔

جنگ، محبت، روزگار اور موت جیسے موضوعات کو فرانسیسی ادیب پیٹرک موڈیانو نے اپنے تحریروں میں سمویا ہے۔ نوبل کمیٹی کے مطابق انہوں نے اپنے ناآسودہ بچین کی جنگ سے عبارت یادوں کی تسلی و تشفی کے لیے ایسے موضوعات کا انتخاب کیا اور یادوں کو الفاظ کا روپ دینے کا یہ منفرد انداز ہے۔

تین برس قبل کینیڈا کی ادیبہ ایلس مُنرو کو ادب کے نوبل انعام سے نوازا گیا تھا۔ نوبل انعام دینے والی کمیٹی نے اُن کو عصری ادب کی ممتاز ترین ادیبہ قرار دیا۔ مُنرو سے قبل کے ادیبوں نے ادب کی معروف اصناف کو اپنی تحریروں کے لیے استعمال کیا تھا لیکن وہ منفرد ہیں۔

چینی ادیب گوان موئے کا قلمی نام مو یان ہے۔ انہیں چینی زبان کا کافکا بھی قرار دیا جاتا ہے۔ نوبل انعام دینے والی کمیٹی کے مطابق مو یان نے اپنی تحریروں میں حقیقت کے قریب تر فریبِ خیال کو رومان پرور داستان کے انداز میں بیان کیا ہے۔ چینی ادیب کی کمیونسٹ حکومت سے قربت کی وجہ سے چینی آرٹسٹ ائی وی وی نے اِس فیصلے پر تنقید کی تھی۔

سویڈش شاعر ٹرانسٹرُومر کے لیے ادب کے نوبل انعام کا اعلان کرتے ہوئے کہا گیا کہ اُن کی شاعری کے مطالعے کے دوران الفاظ میں مخفی جگمگاتے مناظر بتدریج حقیقت نگاری کا عکس بن جاتے ہیں۔ ٹوماس گوسٹا ٹرانسٹرُومر کی شاعری ساٹھ سے زائد زبانوں میں ترجمہ کی جا چکی ہے۔

پیرو سے تعلق رکھنے والے ہسپانوی زبان کے ادیب ماریو ورگاس یوسا کو اقتدار کے ڈھانچے کی پرزور منظر کشی اور انفرادی سطح پر مزاحمت، بغاوت و شکست سے دوچار ہونے والے افراد کی شاندار کردار نگاری پر ادب کے نوبل انعام سے نوازا گیا تھا۔ انہوں نے لاطینی امریکا کے کئی حقیقی واقعات کو اپنے ناولوں میں سمویا ہے۔ میکسیکو کی آمریت پر مبنی اُن کی تخلیق کو بہت زیادہ پذیرائی حاصل ہوئی تھی۔

نوبل انعام دینے والی کمیٹی کے مطابق ہیرتا مؤلر نے اپنی شاعری اور نثری فن پاروں میں بے گھر افراد کی جو کیفیت بیان کی ہے وہ ایسے افراد کے درد کا اظہار ہے۔ جیوری کے مطابق جرمن زبان میں لکھنے والی مصنفہ نے رومانیہ کے ڈکٹیٹر چاؤشیسکو کو زوردار انداز میں ہدفِ تنقید بنایا تھا۔ اُن کا ایک ناول Atemschaukel کا پچاس سے زائد زبانوں میں ترجمہ کیا جا چکا ہے۔

فرانسیسی نژاد ماریشسی مصنف اور پروفیسر لا کلیزیو چالیس سے زائد کتب کے خالق ہے۔ ان کی تخلیقات کے بارے میں انعام دینے والی کمیٹی نے بیان کیا کہ وہ اپنی تحریروں کو جذباتی انبساط اور شاعرانہ مہم جوئی سے سجانے کے ماہر ہیں۔ بحر ہند میں واقع جزیرے ماریشس کو وہ اپنا چھوٹا سا وطن قرار دیتے ہیں۔ اُن کی والدہ ماریشس اور والد فرانس سے تعلق رکھتے ہیں۔

چورانوے برس کی عمر میں رحلت پا جانے والی برطانوی ادیبہ ڈورس لیسنگ نے بے شمار ناول، افسانے اور کہانیاں لکھی ہیں۔ سویڈش اکیڈمی کے مطابق خاتون کہانی کار کے انداز میں جذباتیت اور تخیلاتی قوت کوٹ کوٹ کر بھری ہوئی تھی۔ ان کا شمار نسلی تعصب رکھنے والی جنوبی افریقی حکومت کے شدید مخالفین میں ہوتا تھا۔

اورہان پاموک جدید ترکی کے صفِ اول کے مصنفین میں شمار ہوتے ہیں۔ اُن کے لکھے ہوئے ناول تریسٹھ زبانوں میں ترجمہ ہونے کے بعد لاکھوں کی تعداد میں فروخت ہو چکے ہیں۔ نوبل انعام دینے والی کمیٹی کے مطابق وہ اپنے آبائی شہر (استنبول) کی اداس روح کی تلاش میں سرگرداں ہیں جو انتشار کی کیفیت میں کثیر الثقافتی بوجھ برادشت کیے ہوئے ہے۔ دنیا بھر میں وہ ترکی کے سب سے زیادہ پڑھے جانے والے ادیب تصور کیے جاتے ہیں۔

برطانوی ڈرامہ نگار ہیرالڈ پِنٹر نوبل انعام ملنے کے تین برسوں بعد پھیھڑے کے کینسر کی وجہ سے فوت ہوئے۔ نوبل انعام دینے والی کمیٹی کے مطابق وہ ایک صاحب طرز ڈرامہ نگار تھے۔ ان کے کردار جدید عہد میں پائے جانے والے جبر کا استعارہ تھے اور وہ بطور مصنف اپنے اُن کرداروں کو ماحول کے جبر سے نجات دلانے کی کوشش میں مصروف رہے۔ وہ بیک وقت اداکار، مصنف اور شاعر بھی تھے۔

آسٹرین ناول نگار الفریڈے ژیلینک کو نوبل انعام دینے کی وجہ اُن کے ناولوں اور ڈراموں میں پائی جانے والی فطری نغمگی ہے جو روایت سے ہٹ کر ہے۔ ژیلینک کے نثرپاروں میں خواتین کی جنسی رویے کی اٹھان خاص طور پر غیرمعمولی ہے۔ اُن کے ناول ’کلاویئر اشپیلرن‘ یا پیانو بجانے والی عورت کو انتہائی اہم تصور کیا جاتا ہے۔ اس نوبل پر فلم بھی بنائی جا چکی ہے۔

جنوبی افریقہ سے تعلق رکھنے والے ناول نگار، انشا پرداز اور ماہرِ لسانیات جان میکسویل کُوٹزی کے نثرپاروں میں انتہائی وسیع منظر نگاری اور خیال افرینی ہے۔ کوئٹزے نوبل انعام حاصل کرنے سے قبل دو مرتبہ معتبر مان بکرز پرائز سے بھی نوازے جا چکے تھے۔ ان کا مشہر ناول ’شیم‘ نسلی تعصب کی پالیسی کے بعد کے حالات و واقعات پر مبنی ہے۔

ہنگری کے یہودی النسل ادیب اصمرے کارتیس نازی دور کے اذیتی مرکز آؤشوٍٹس سے زندہ بچ جانے والوں میں سے ایک تھے۔ انہوں نے اپنی تحریروں میں اِس اذیتی مرکز پر منڈھلاتی موت کے سائے میں زندگی کے انتہائی کمزور لمحوں میں جو تجربہ حاصل کیا تھا، اسے عام پڑھنے والے کے لیے پیش کیا ہے۔ ان کا اس تناظر میں تحریری کام تیرہ برسوں پر محیط ہے۔

کیریبیئن ملک ٹرینیڈاڈ اور ٹوباگو سے تعلق رکھنے والے شری ودیا دھر سورج پرشاد نائپال ایک صاحب طرز ادیب ہیں۔ انہوں نے مشکل مضامین کو بیان کرنے میں جس حساسیت کا مظاہرہ کیا ہے، وہ اُن کا خاصا ہے۔ اُن کے موضوعات میں سماج کے اندر دم توڑتی انفرادی آزادی کو خاص اہمیت حاصل ہے۔

ان کے ناول The Invention of the Red Army Faction by a Manic-Depressive Teenager in the Summer of 1969 پر انہیں 2015ء کا جرمن بُک پرائز دیا گیا ہے۔ یہ انعام انہیں پیر 12 اکتوبر کو دیا گیا۔ ان کے ناول میں مغربی جرمنی سے تعلق رکھنے والے ایک 13 سالہ لڑکے کی سرد جنگ کے دور کی کہانی بیان کی گئی ہے جو گھریلو تشدد اور ماضی سے نبرد آزما ہے۔

گزشتہ برس لُٹس زائلر کو ان کے ناول ’کرُوسو‘ پر بُک پرائز دیا گیا۔ 2014ء میں یہ ناول دیوار برلن کے انہدام کے تناظر میں لکھا گیا۔ اس کتاب میں آزادی کی تلاش اور سابق کمیونسٹ مشرقی جرمنی سے فرار کی کوششوں کو موضوع بنایا گیا ہے۔

مورا کی تصنیف ’دس اُنگیہوئر‘ یا ’دا مونسٹر‘ نے 2013ء کا بُک پرائز جیتا تھا۔ ٹیریزیا مورا ڈائری اور سفرنامے کی شکل میں لکھتی ہیں، جنہیں ایک گہری سیاہ لکیر سے الگ الگ رکھا جاتا ہے۔ اس کے علاوہ ان کی کتاب میں ان کی زندگی سے متعلق اور ڈپریشن کے حوالے سے طبی خاکے بھی موجود ہیں۔ یہ کتاب انگریزی زبان میں بھی دستیاب ہے۔

2012ء کا بُک پرائز جیتنے والی اُرزُولا کریشَیل نے جج رچرڈ کورنِٹسر کی زندگی کو اپنے ناول ’ڈسٹرکٹ کورٹ‘ کا موضوع بنایا ہے۔ دوسری عالمی جنگ کے بعد یہ یہودی جج کیوبا سے جلاوطنی ختم کر کے جرمنی واپس لوٹا کیونکہ وہ جرمنی میں دوبارہ جج بننا چاہتا تھا۔ مصنفہ نے اپنے اس ناول کے لیے 10 برس تک تحقیق کی۔

اوئگن رُوگے کے 2011ء میں لکھے گئے ناول ’اِن ٹائمز آف فےڈِنگ لائٹ‘ کو بُک پرائز دیا گیا۔ اس کتاب میں مشرقی جرمنی سے تعلق رکھنے والے ایک خاندان کی کہانی بیان کی گئی ہے جو 1950ء کی دہائی سے 1989ء میں جرمنی کے اتحاد اور نئی صدی کے آغاز تک کے دور سے تعلق رکھتی ہے۔

2010ء کا بُک پرائز جیتنے والی ابونجی کی کتاب ’ٹاؤبن فلِیگن آؤف‘ یا ’فلائی اوے، پیجن‘ یوگوسلاویہ کے ٹوٹنے کے بعد یورپ میں پیدا ہونے والے تنازعات کا احاطہ کرتی ہے۔ اس ناول میں ایک خاندان کی کہانی کو یوگوسلاویہ کے تنازعے اور سربیا کے صوبے ووج وَودینا میں ہنگیرین نسل سے تعلق رکھنے والی ایک اقلیت کے تناظر میں لکھا گیا ہے۔

کیتھرین شمِٹ کی 2009ء میں لکھی جانے والی کتاب ’یو آر ناٹ گوئنگ ٹو ڈائی‘ جرمنی کے اتحاد کے دور سے متعلق ہے جب ایک خاتون کومہ سے بیدار ہوتی ہے اور اپنی کھوئی ہوئی یادیں اور بولنے کی صلاحیت واپس حاصل کر لیتی ہے۔

2008ء میں جیوری نے بُک پرائز کمیونسٹ مشرقی جرمنی کے اتحاد سے قبل کے آخری سالوں سے متعلق ایک ناول ’ڈئر ٹرُم‘ یا ’دا ٹاور‘ کے مصنف کو دیا۔ یہ ناول ڈریسڈن میں رہنے والے ایک خاندان کو درپیش واقعات پر مشتمل ہے۔ اس ناول پر 2012ء میں ایک فلم بھی بن چکی ہے۔

2007ء میں بُک پرائز حاصل کرنے والے ناول کا نام Die Mittagsfrau ہے جسے انگریزی میں ’دا بلائنڈ سائیڈ آف دا ہارٹ‘ کا نام دیا گیا۔ اس ناول میں جولیا فرانک نے دو عالمی جنگوں کے دوران کے عرصے سے تعلق رکھنے والی ایک خاتون کی کہانی پیش کی ہے۔ یہ ناول 34 مختلف زبانوں میں ترجمہ ہو چکا ہے۔

2006ء کا بُک پرائز جیتنے والی کیتھرینا ہاکر نے جوان لوگوں کی کہانیاں Die Habenichtse یعنی ’دا ہیو ناٹس‘ The Have-Nots میں بیان کی ہیں۔ 30 برس کے لگ بھگ عمر کے ایسے لوگوں کی کہانیاں جو اور تو بہت کچھ جانتے ہیں مگر اپنے آپ کو نہیں۔ ان لوگوں کو کیسے رہنا چاہیے، ان کی اقدار کیا ہیں اور انہیں کیسا رویہ اختیار کرنا چاہیے، یہ اس ناول کے بنیادی سوالات ہیں۔

2005ء میں سب سے پہلا جرمن بُک پرائز آرنو گائیگر کو ان کے ناول ’اَیس گیہت اُنس گُٹ‘ یعنی ’وی آر ڈوئنگ وَیل‘ پر دیا گیا۔ اس ناول کی کہانی ویانا سے تعلق رکھنے والے ایک خاندان کی تین نسلوں کے گرد گھومتی ہے۔