سوات کے علاقے اوڈیگرام میں سلطان محمود غزنوی کے دور کی تعمیر کردہ مسجد شمالی پاکستان کی سب سے پرانی مسجد ہے جو 440 ھجری یعنی 1048 اور 1049 عیسوی کے درمیان تعمیر کی گئی تھی۔ 1985ء میں اٹالین آرکیالوجیکل مشن نے اس مسجد کو دریافت کیا تھا۔

اوڈیگرام کے ایک رہائشی اور ماہر آثار قدیمہ جلال الدین نے ڈوئچے ویلے کو بتایا کہ گیارہویں صدی کے دوران جب سلطان محمود غزنوی نے صوبہ سرحد (خیبر پختون خوا) پر حملہ کیا تو اُس کی فوج باجوڑ ایجنسی کے ذریعے سوات کی تاریخی وادی میں داخل ہوئی۔

سوات کی وادی میں داخل ہونے کے بعد علاقے کو فتح کرنے کے لیے سلطان محمود غزنوی نے اپنی فوج کو دو حصوں میں تقسیم کیا: ایک گروپ جس کی سربراہی وہ خود کر رہے تھے، دریا عبور کرنے کے بعد اس تاریخی علاقے میں داخل ہونے کے بعد اس وقت کے آخری بادشاہ راجہ گیرا کے ہیڈ کوارٹر پر حملہ آور ہوا۔ فتح حاصل کرنے کے بعد سلطان محمود غزنوی نے اس مسجد کی تعمیر کا حکم دیا اور اس وقت کے حاکم منصور نے یہ مسجد تعمیر کروائی۔

1985ء میں اس مسجد کو دریافت کرنے والے اٹالین آرکیالوجیکل مشن نے اس عبادت گاہ کی بوسیدہ دیواروں کو دوبارہ تعمیر کیا جبکہ مسجد کو جانے والے راستے اور وضو خانے بھی تعمیر کیے۔ ساتھ ساتھ اس مسجد کو چاروں طرف سے محفوظ بھی بنایا گیا۔

اوڈیگرام میں پہاڑوں کے دامن میں 1984ء میں مسجد کے احاطے سے ایک کتبہ دریافت ہوا، جس پر درج تھا کہ محمود غزنوی نے اپنے بھتیجے حاکم منصور کو مسجد کی تعمیر کا حکم دیا تھا۔ حاکم منصور نے اپنے سپہ سالار نوشتگین کے زیر نگرانی مسجد تعمیر کروائی، جس کا مقصد علاقے میں اسلام کا فروغ تھا۔

ایک اور ماہر آثار قدیمہ فضل خالق کے مطابق مسجد کے مقام پر بدھ مت کے دور کے آثار بھی نمایاں ہیں۔ یہ آثار مسجد کی تعمیر سے پہلے بھی یہاں موجود تھے، جنہیں توڑا گیا اور پھر اُنہی پتھروں کو استعمال کرتے ہوئے یہ مسجد تعمیر کی گئی۔

اوڈیگرام (سوات) کی سلطان محمود غزنوی مسجد قدیم اسلامی فن تعمیر کی عکاسی کرتی ہے۔ مسجد میں 30 فٹ چوڑی دیوار، عام کمرے، طالب علموں کے کمرے، ان کے پڑھنے کی جگہ، قبرستان اور صحن میں پانی کا ایک تالاب بھی موجود ہے۔

کافی بلندی پر واقع اس مسجد تک جانے کے لیے ایک کشادہ راستہ تعمیر کیا گیا ہے۔ مسجد کی تعمیرِ نو کا کام 2011ء میں اٹالین آرکیالوجیکل مشن کی نگرانی میں انجام پایا اور اس پر دو ملین یورو کی لاگت آئی۔ اٹالین آرکیالوجیکل مشن پاکستان کے ڈائریکٹر ڈاکٹر لوکا ماریا الویری کے مطابق مسجد کی تزئین و آرائش پاکستان اور روم حکومت کے درمیان 2006ء میں طے ہونے والے سو ملین ڈالر کے ایک آرکیالوجیکل معاہدے کا حصہ ہے۔

اٹلی کے آرکیالوجیکل مشن کے تحت اوڈیگرام میں مسجد کے آثار کی کھوج کا کام 1985ء سے لے کر 1999ء تک جاری رہا۔ اطالوی حکومت وادیء سوات میں قدیم ورثے کی حفاظت کے کئی دیگر منصوبوں پر بھی کام کر رہی ہے۔

مسجد سے نیچے وادی میں دیکھنے پر یہ خوبصورت منظر دکھائی دیتا ہے۔ پہاڑوں کے دامن میں واقع یہ قدیم اور تاریخی مسجد اب سیاحوں اور عام لوگوں کے لیے کھولی جا چکی ہے اور دور دراز علاقوں سے لوگ اس مسجد کو دیکھنے کے لئے جاتے ہیں۔ یہاں اب باقاعدگی سے نمازِ جمعہ کا بھی اہتمام کیا جاتا ہے۔

جھیل کونسٹانس جرمنی کے علاوہ سوئٹزرلینڈ اور آسٹریا میں بھی موجود ہے۔ جرمنی میں Konstanz بندرگاہ میں داخل ہوتے ہی یہاں ایک خاتون کا مجسمہ نظر آتا ہے جس نےایک ہاتھ میں بادشاہ اور دوسرے میں پوپ کو تھام رکھا ہے۔ یہ مجسمہ چھ صدی قبل یہاں کی اخلاقی گراوٹ کی جانب ایک کنائیہ ہے اور ہر چار منٹ بعد اپنے محور میں گھومتا دیکھا جا سکتا ہے۔

جرمنی کی جنوبی ریاست باویریا میں کوہ ایلپس کے پس منظر میں کئی دلفریب جھیلیں ہیں ۔ یہاں کی سب سے بڑی جھیل، Chiemsee ہے جو 80 کلو میٹر پر محیط ہے۔ تاہم اسٹافل ذے اس کے مقابلے میں کافی چھوٹی ہے تاہم یہاں روشنی کچھ اس انداز تک پہنچتی ہے کہ یہ جھیل خوبصورتی میں بے مثل نظر آتی ہے۔

باویریا میں ہی جرمنی کی سب سے اونچی پہاڑی کے سامنے موجود جھیل کانام کئی برس قبل اس کے اطراف میں موجود آئب ذے درختوں کے نام پر رکھا گیا ہے۔ اس جھیل کا کرسٹل کی طرح شفاف پانی اس جگہ کے حسن کو دوبالا کرتا ہے۔

یہاں گہری نیلی اور گول شکل کی جھیلوں کا وجود جوالہ مکھی کے باعث وجود میں آیا۔ اس خطے میں ایسے تقریباﹰ 70 جھیلیں ہیں۔

کولون شہر کے شمال میں واقع یہ جھیل انسانی کاریگری کا نتیجہ ہے۔ یہاں گرمیوں میں 80 ہزار سے زائد افراد آتے ہیں اور یہاں ہونے والے اسپورٹس ایونٹ میں حصہ لیتے ہیں۔

جرمنی کا سب سے بڑا ذخیرہ آب اس وقت وجود میں آیا جب دریائے Saale پر بند باندھا گیا۔ اس تالاب میں 215 ملین کیوبک پانی کو ذخیرہ کیا گیا ہے۔ ان پانیوں میں تین روزہ بحری سفر کا بھی انتظام کیا جاتا ہے۔

صوبہ ہیسے کے نیشنل پارک میں موجود اس جھیل کی خاص بات یہ ہے کہ اس کے چاروں اطراف موجود درختوں کو یونیسکو کی جانب سے ورلڈ نیچرل ہیریٹیج قرار دیا جا چکا ہے۔ اس کے پانیوں میں صرف برقی کشتیوں کو چلنے کی اجازت دی جاتی ہے۔

جرمنی کے جنوب مشرقی ریاست سیکسنی میں یورپ کی سب سے بڑی مصنوعی جھیل کامپلیکس تعمیر کیا جا رہا ہے۔ یہاں موجود مختلف جھیلوں کی شاخیں 80 کلو میٹر طویل حصے تک پھیلی ہوئی ہوں گی۔ سیاحوں کی اس کامپلیکس میں ابھی سے آمد شروع ہو چکی ہے ۔

اس خوبصورت جھیل کا ذکر معروف جرمن مصنف تھیوڈور نے اپنے ناول The Stechlin میں بھی کیا ہے۔ 70 میٹر گہری اور شفاف پانی والی یہ جھیل Brandenburg میں موجود دیگر 3 ہزار جھیلوں میں سب سے زیادہ دلفریب تصور کی جاتی ہے۔

مؤرٹز جرمنی کی شمالی ریاست Mecklenburg-Vorpommern میں دو ہزار کے لگ بھگ جھیلیں ہیں۔ یہاں کی سب سے بڑی جھیل ہے جہاں ہر سال بہار اور خزاں کے موسم میں ہزاروں سارس نظر آتے ہیں۔ اس جھیل کے سفر کے لیے برلن یا ہیمبرگ سے آبی سفر کیا جا سکتا ہے۔

جرمن علاقے سویبیا آلب کے برف سے ڈھکے یہ مناظر تازہ ہوا میں ایک لمبی سیر کی ترغیب دیتے ہیں۔ ایسے میں کیمرہ ساتھ لے جانا نہیں بھولنا چاہیے کیونکہ ہر موڑ کے بعد کوئی نہ کوئی نیا دلکش منظر آپ کو مبہوت کرنے کے لیے موجود ہو گا۔

برف کی صورت میں آسمان سے گرنے والے گالوں سے ڈھکے جرمن شہر ماگڈے برگ کا ایک طائرانہ منظر۔ یہ شہر جرمنی کے مشرقی حصے کے صوبے سیکسنی انہالٹ کا دارالحکومت ہے۔ جرمنی کے مغربی حصے کے مقابلے میں یہاں برف پڑنے کے امکانات کہیں زیادہ ہوتے ہیں۔

واٹسمان کی چوٹی 2713 میٹر بلند ہے اور یہ جرمنی کا بلند ترین اور شاید خوبصورت ترین پہاڑ ہے، بائیں جانب ’بیگم واٹسمان‘ جبکہ درمیان میں ’واٹسمان فیملی کے بچے‘ نظر آ رہے ہیں۔ جنوبی جرمنی میں پہاڑی سلسلے ایلپس کا یہ وہ منظر ہے، جسے ہر سال سردیوں میں سرمائی کھیلوں کے متعدد کھلاڑی دیکھنے کے لیے پہنچتے ہیں۔

پہاڑوں میں پرورش پانے والے بچے بچپن ہی میں یہ کھیل کھیلنا شروع کر دیتے ہیں لیکن عرصہ ہوا، شمالی جرمنی کے میدانی علاقوں سے بھی بہت سے لوگ اس کھیل سے لطف اندوز ہونے کے لیے ایلپس کے پہاڑوں میں پہنچتے ہیں۔ عشروں پہلے اسکی انگ کے خواہاں افراد کو پہاڑوں کے اوپر پیدل چڑھ کر جانا پڑتا تھا، آج اس مقصد کے لیے لفٹیں استعمال کی جاتی ہیں، جیسے کہ الگوئے کے علاقے میں۔

ضروری نہیں کہ ہر گھر کے سامنے ایک پہاڑ ہو، ایک چھوٹے سے ٹیلے سے بھی برف گاڑی میں پھسلنے کے شوقین بچوں کا کام بن جاتا ہے۔ جب بچے لکڑی یا پلاسٹک سے بنی برف گاڑی میں بلندی سے نشیب کی جانب پھسلنا شروع کرتے ہیں تو اُن کی خوشی دیدنی ہوتی ہے۔

بڑوں کے لیے ایسی بڑی برف گاڑیاں ہوتی ہیں، جنہیں گھوڑے کھینچتے ہیں۔ آپ مزے سے پیچھے کوئی موٹا کمبل اوڑھے بیٹھے ہوتے ہیں اور ساتھ ساتھ کسی گرم مشروب سے لطف اندوز ہوتے رہتے ہیں جبکہ برف گاڑی برف سے ڈھکی زمین پر سہولت کے ساتھ پھسلتی رہتی ہے اور آپ مزے سے آس پاس کے برفانی مناظر سے محظوظ ہوتے رہتے ہیں۔

برف پڑنے کے بعد اس سے آپ کی ملاقات کسی جنگل میں، کسی گھر کے احاطے میں بنے باغیچے میں، پارکوں میں یا کسی بینچ پر بھی ہو سکتی ہے۔ یہ ہے، برفانی انسان۔ برف کی مدد سے بچے ہی نہیں بلکہ بڑے بھی اس انسان کو شوق سے تعمیر کرتے ہیں۔

یہ خوبصورت چیزیں انسانی ہاتھوں نے نہیں بنائیں بلکہ انہیں قدرت نے تخلیق کیا ہے۔ جب جھاڑیاں اور درخت برف میں چھُپ جاتے ہیں اور منجمد شکل اختیار کر لیتے ہیں تو پھر اُن کی اصل شکل کا تصور تک کرنا مشکل ہو جاتا ہے۔ ہارتس کے مقام پر 1141 میٹر کی بلندی پر اس طرح کے ہوش رُبا مناظر کثرت سے دیکھے جا سکتے ہیں۔

انسان تو آسمان سے روئی کے گالوں کی طرح گرتی برف سے بہت خوش ہوتے ہیں لیکن بہت سے جانوروں کے لیے یہ برف ایک مصیبت بن جاتی ہے۔ جو پرندے گرم علاقوں کی جانب پرواز کرنے کی بجائے اپنے ہی وطن میں قیام کو ترجیح دیتے ہیں، اُن کے لیے اپنی خوراک کا بندوبست کرنا بہت مشکل ہو جاتا ہے۔ خوراک ویسے بھی کم ہوتی ہے، اس لیے انسان ان پرندوں تک خوراک پہنچاتے ہیں۔

سردیوں کا موسم انسانوں کے لیے کافی پریشان کن بھی ہوتا ہے۔ لوگوں کو اپنے گھروں کے سامنے پڑی برف ہٹانا پڑتی ہے اور اپنی سفید ہو چکی گاڑیوں کو بھی بڑی محنت سے صاف کر کے برف سے نجات دلوانا پڑتی ہے۔ جس کسی کو دو تین مہینے مسلسل اس عمل سے گزرنا پڑے، وہ پھر بہار کی جلد آمد کی دعائیں مانگنے لگتا ہے۔

کچھ جزائر سردیوں کے موسم میں مین لینڈ سے بالکل کٹ جاتے ہیں کیونکہ جھیلیں جم جاتی ہیں اور کسی کشتی یا جہاز کے لیے سفر کرنا ناممکن ہو جاتا ہے۔ شکر ہے کہ ایسا کم کم ہوتا ہے۔ یہ منظر جرمن جزیرے زِلٹ کا ہے، وہاں کا ساحل پر اکثر اس طرح کے مناظر دکھائی دیتے ہیں۔

جب ہیمبرگ شہر کی جھیل آلٹرزے جَم جاتی ہے تو ہزارہا لوگ مخصوص جوتے پہن کر اس پر پھسلنے کے لیے یا ویسے ہی سیر کرنے کے لیے جاتے ہیں۔ آخری مرتبہ یہ جھیل 2012ء میں مکمل طور پر جمی تھی۔ موسمیاتی تبدیلیوں کے اثرات کی وجہ سے اب ایسا کم کم ہونے لگا ہے۔