چاول کی پیداوار ایسے علاقوں میں بہتر ہوتی ہے جہاں بارشوں کا تناسب زیادہ ہو اور فصل کی دیکھ بھال کے لیے افرادی قوت بھی موجود ہو۔ کم بارشوں والے علاقوں میں فصل کے لیے پانی بہم پہنچانا اچھا خاصا منہگا پڑتا ہے کیونکہ چاول کی فصل بے تحاشا پانی مانگتی ہے۔

پاکستان میں چاول کی کاشت کے لیے ساز گار موسم جون سے ستمبر تک کا عرصہ ہے جب مون سون بارشیں خوب ہوتی ہیں اور فصل کو پانی وافر مقدار میں مل جاتا ہے۔ اگر کسی سال ہوا میں نمی کا تناسب کم ہو یا بارشیں زیادہ نہ ہو سکیں تو چاول کی فصل کو نقصان پہنچ سکتا ہے۔

چاول کی بجائی کے وقت کسان امید وبیم کی کیفیت میں مبتلا ہوتا ہے۔ ایک اچھی اور منافع بخش فصل کی امید اسے مستقل محنت کرنے پر آمادہ رکھتی ہے۔ چاول کی فصل کو مستقل دیکھ بھال کی ضرورت ہوتی ہے۔

چاول کی کاشت کے پرانے مروجہ طریقے میں کسان سب سے پہلے کھیتوں میں وسیع پیمانے پر آبپاشی کرتے ہیں جس کے بعد مناسب فاصلے سے چاول کی پنیری لگائے جاتی ہے جب کہ نئے طریقے میں براہ راست بیج کو ہی کاشت کیا جاتا ہے اور مستقل پانی دیا جاتا ہے۔

سرطان کی بیماری مریض کے لیے کسی صدمے سے کم نہیں ہوتی۔ تحقیق کے مطابق سرطان کی لگ بھگ نصف تعداد کو احتیاطی تدابیر کے ذریعے بچایا جاسکتا ہے۔ سگریٹ نوشی ہر پانچویں ٹیومر کی ذمہ دار ہے۔ سگریٹ کا دھواں نہ صرف پھیپڑوں بلکہ دیگر اقسام کے سرطان کا بھی باعث بنتا ہے۔

سگریٹ نوشی کے بعد موٹاپا سرطان کا سب سے بڑی وجہ ہے۔ زیادہ وزن کی خواتین میں بچہ دانی اور چھاتی کے سرطان کا خطرہ بڑھ جاتا ہے۔ اسی طرح مردوں میں بھی موٹاپا سرطان کے مرض کا باعث بن سکتا ہے۔

وہ افراد جو زیادہ دیر تک بیٹھے رہتے ہیں یا بہت کم چلتے پھرتے ہیں، ان میں سرطان کا مرض لاحق ہونے کا خطرہ بڑھ جاتا ہے۔ تحقیق ثابت کرتی ہے کہ ورزش کرنے والے افراد نہ صرف سرطان بلکہ دیگر بیماریوں سے بھی بچ جاتے ہیں۔ ضروری نہیں ہے کہ سخت ورش کو معمول بنایا جائے، سائیکل چلانے اور روز چہل قدمی کرنے سے بھی انسانی کی صحت کافی اچھی ہو سکتی ہے۔

گائے، بھینس، بکرے وغیرہ کا گوشت پیٹ کے سرطان کا باعث بن سکتا ہے۔ بڑا گوشت زیادہ نقصان دہ ہے۔ دوسری جانب مچھلی کا استعمال صحت کے لیے مفید ثابت ہو سکتا ہے۔

سبزیوں اور پھلوں پر مشتمل غذا سرطان سے بچا سکتی ہے۔ زیادہ تعداد میں فاسٹ فوڈ جیسے کہ برگر، تلے ہوئے چپس وغیرہ کھانا سرطان کا سبب بن سکتا ہے۔